تيانشان تورى   ›   جاڭالىقتار   ›   ەل ءىشى حابارى

نانحاي اسپانىنداعى ماڭگىلىك ەسكەرتكىش

ۋاڭ ۋي:

نانحاي اسپانىنداعى ماڭگىلىك ەسكەرتكىش

شينحۋا اگەنتتىگىنىڭ تىلشىلەرى لي يۇن، جاڭ ميمي

حاڭجوۋ قالاسى انشيان قابىرلىعىنداعى ۋاڭ ۋي قۇرباننىڭ مىس ءمۇسىنى (3 - ايدىڭ 31 - كۇنى تۇسىرىلگەن). □ سۋرەتتى شينحۋا اگەنتتىگىنىڭ ءتىلشىسى لي يۇن تۇسىرگەن.

  حاينان ليڭشۇي، بەلگىلى اسكەري اۋەجاي، تاعى دا سول جىلدارداعى سىرعىما جول.

  ەلىمىزدە وندىرىلگەن ءتۇرلى ەرەكشە تۇرپاتتاعى ۇشاقتار ءجيى ۇشىپ - قونىپ جاتىر، تەڭىز ارمياسى اۋە اسكەرلەرى بەلگىلى اسكەري قوسىننىڭ ۇشۋ جاتتىعۋى شىعىستان تاڭ سوگىلگەنگەننەن اسپاندا جۇلدىزدار سامالاداي جامىراعانعا دەيىن جالعاستى.

  20 جىلدىڭ الدىنداعى 4 - ايدىڭ 1 - كۇنى تەڭىز ارمياسى اۋە اسكەرى ۇشقىشى ۋاڭ ۋي جيان -8II ۇشاعىمەن ۇشىپ، وسى ارادان سوعىس مىندەتى بويىنشا كەڭىستىككە كوتەرىلىپ، ەلىمىزگە قاراستى ەكونوميكالىق اۋماق كەڭىستىگىنە كىرگەن امەريكا ارمياسىنىڭ 3-EP بارلاۋشى ۇشاعىنا ىلەسىپ باقىلادى. امەريكا اسكەري ۇشاعى كەنەتتەن بۇرىلىپ كەلىپ سوعىلعاندىقتان، ۇشاعى تەڭىزگە قۇلاپ، ۋاڭ ۋي ەرلىكپەن قۇربان بولدى.

  ۋاڭ ۋي، 1968 - جىلى دۇنيەگە كەلگەن، جىجياڭنىڭ حۋجوۋىنان، تەڭىز ارمياسى اۋە اسكەرى ۇشقىشى، تەڭىز ارمياسىنىڭ شاۋشياۋ اسكەري شەنىنە يە. ول كەزدە كوپتەگەن جاۋىنگەر سەرىكتەرىنىڭ نازارىندا، ۋاڭ ۋي تەحنيكاعا جەتىك، ۇشۋدى جانىنداي جاقسى كورەتىن ۇزدىك ۇشقىش قانا ەمەس، كوپ ونەردى يگەرگەن، تۇرمىستى قىزۋ سۇيەتىن ەر جىگىت ەدى. تالاي جىلدان كەيىن ۋاڭ ۋيدىڭ ءتىرى كەزىندەگى جاۋىنگەر سەرىكتەرى سول كەزدەگى جاتتىعۋ مەن تۇرمىستى ساعىنا ەسكە الىستى.

  ”ولاردىڭ شايقاس تانىمى ەرەكشە كۇشتى بولاتىن، دابىل قاعىلىسىمەن اسپانعا لەزدە كوتەرىلەتىن“. بەلگىلى وق - ءدارى ۇلكەن اترەتىنىڭ 1 - دارەجەلى جۇنشىجاڭى جاڭ يوۋتاۋدىڭ ەسكە الۋىنشا، ونىڭ سول جىلدارداعى جاتاعى ۇشقىشتار اسحاناسىمەن ىرگەلەس بولعاندىقتان، ۋاڭ ۋي مەن جاۋىنگەر سەرىكتەرىنىڭ ءىشىپ وتىرعان تاماقتارىن تاستاي سالىپ، سوعىس ۇشاقتارىنا قاراي جۇگىرگەنىن ۇنەمى كورەدى ەكەن. بۇل ارادا مۇنداي اۋەگە شۇعىل كوتەرىلۋ مىندەتىن اتقارۋ داعدىلى ىسكە اينالعان.

  ۋاڭ ۋيدىڭ سول جىلداردا جاتقان جاتاعىندا قازىر تەڭىز ارمياسى اۋە اسكەرلەرى بەلگىلى اسكەري قوسىنى اۋە جۇمىسى ۇلكەن اترەتىنىڭ كوماندير - جاۋىنگەرلەرى جاتادى. ۇلكەن اترەتتىڭ ورىنباسار باستىعى جۋ ساييۋان ەسكە الىپ بىلاي دەدى: 20 جىلدىڭ الدىندا مەن ءدال تولىق ورتانىڭ 3 - جىلدىعىندا وقىپ جۇرگەن ەدىم، ۋاڭ ۋيدىڭ قاھارماندىق ىزگى ىستەرىن اقپارات قۇرالدارى حابارلاعاننان كەيىن، اسكەري قوسىن كەلىپ ۇشقىش قابىلداعاندا ءبىزدىڭ جىلدىقتان 20 نەشە وقۋشى تىزىمگە الدىردى. كەيىن جۋ ساييۋان ۇشقىشتار شۋەيۋانىنا كەلگەندە، ءدال بۇرىن ۋاڭ ۋي تۇرعان 1 - اترەتكە ءبولىنىپتى.

  ”مەن ۋاڭ ۋي رۋحىنىڭ اسەرىندە قوسىنعا كىرگەنمىن، مەنىڭشە الدىڭعىلاردىڭ ءىزىن كەيىنگىلەر باسۋ دەگەن وسى“، - دەدى جۋ ساييۋان. ءار جولى اۋەدە شەتەلدىڭ سوعىس ۇشاعىمەن كەزدەسكەندە، ول وزىنە: ”تاريح، استە، قايتالانباۋى كەرەك“ دەيتىن.

  زامانداس ۇشقىشتاردىڭ اراسىندا، ۋاڭ ۋيدىڭ سوعىس مىندەتى بويىنشا ۇشقان رەت سانى ەڭ كوپ، ەلەۋلى مىندەت اتقارعان رەت سانى دا ەڭ كوپ. ول 2000 نەشە رەت اۋەگە كوتەرىلىپ، تەڭىز اۋەسىندە ۇشۋدىڭ مول تاجىريبەسىن جيناقتاعان. سول جىلدارداعى ەلىمىزدە وندىرىلگەن ەڭ وزىق سوعىس ۇشاعى وزگەرىپ قۇراستىرىلعاننان كەيىن، ۋاڭ ۋي ءبىرىنشى بولىپ 1000 ساعاتتى تولىق ۇشىپ، تەز ارادا ءتورت ءتۇرلى اۋا رايىندا ۇشا الاتىن، ”كليمات شەكتەمەسىنە ۇشىرامايتىن“ 1 - دارەجەلى ۇشقىشقا اينالدى.

  مۇنداي قاجىرلىلىقپەن جاتتىعۋ رۋحى ”جەردە قاجىرلى جاتتىعۋ، اۋەدە شەبەرلىكپەن ۇشۋ“ دەپ قورىتىندىلانادى. ۇشقىش چى داۋحىڭ وسى كەزدە ءار كۇنى ۋاڭ ۋي ەڭ سوڭعى رەت ۇشقان سىرعىما جولدا ۇشۋ - قونۋ جاتتىعۋىن جاسايدى جانە مىندەت اتقارادى. جاتتىعۋ قاشاندا ءبىر سارىندى ءارى قايتالامالى بولادى، بۇل بارىستا ”بۇلشىق ەت جادىن“ قالىپتاستىرۋ كەرەك. چى داۋحىڭنىڭ نازارىندا، ۋاڭ ۋيدىڭ سونشا جاس بولا تۇرا ”كليمات شەكتەمەسىنە ۇشىرامايتىن“ 1 - دارەجەلى ۇشقىش بولىپ شىعۋى ”توتەنشە كەرەمەت ءىس“ سانالادى. ونىڭ ءتىپتى دە ءتانتى بولاتىنى ۋاڭ ۋيدىڭ جىگەر - جالىنى. ”بۇل سىرعىما جولدان ۇشقاندا، قۇربان بولۋعا باتىلدىق ەتە الماساڭ، كوڭىلىمدە وتان بار دەپ ايتا المايسىڭ“، - دەدى چى داۋحىڭ.

  ۋاڭ ۋي بولعاندىقتان دا، ليڭشۇي سىندى اتى بەلگىسىز شاعىن اۋدان قالاشىعى ارىندى جاستاردىڭ ارمانعا قۇلاش سەرمەيتىن جەرىنە اينالدى. مەحانيك زىڭ چياڭ، اۋە رادارشىسى شۇي ۋيجيانداردىڭ بارلىعى ءبولىس جاتتىعۋ تىزىمدىگىنەن ”ليڭشۇي“ دەگەن جەر اتىن كورىپ وسى اراعا كەلىپ اسكەري مىندەت وتەۋدى تاڭداعان. بۇل ارادا ەلىمىزدىڭ وزىق ەرەكشە ۇشاعى بار. ”مەن وزىمە ۇنەمى كىناراتتى ۇشاقتى اۋەگە شىعارۋعا بولمايدى، ويتپەگەندە ونىڭ قۇربان بولعانداعى ءۇمىتىن اقتاماعان بولامىن دەپ ەسكەرتەمىن“، - دەدى زىڭ چياڭ.

  ۋاڭ ۋي قۇربان بولعاننان كەيىن، ورتالىق اسكەري ىستەر كوميتەتى وعان ”تەڭىز اۋەسىن قورعاۋشى“ داڭق اتاعى مەن 1 - دارەجەلى قاھارمان ۇلگى مەدالىن تولىقتاپ بەردى، كوممۋنيستىك جاستار وداعى ورتالىق كوميتەتى، جۇڭحۋا مەملەكەتتىك جاستار بىرلەستىگى ”جۇڭگو جاستار 4 - مامىر مەدالىن“ تولىقتاپ بەردى ءارى ”ەڭ ارداقتى كۇرەسكەر“ قاتارىنا كىرگىزدى.

  بيىل 4 - ايدىڭ 1 - كۇنى ۋاڭ ۋي قۇربان بولعاندىعىنىڭ 20 جىلدىعى. كەزىندە وسى سىرعىما جولدىڭ باسىندا مىندەت اتقارىپ قوسىننان بوساعان ستۋدەنت اسكەر جاڭ يۋان حاڭجوۋداعى ۋاڭ ۋي قۇرباننىڭ كيىم قابىرىنا ارنايى كەلىپ، ءمۇسىننىڭ الدىندا 3 بەتتىك ۇزاق حات جازىپ قويدى. ول حاتىندا: ”جۇڭحۋا ۇلتى ترەكتى كۇشكە ەجەلدەن كەندە ەمەس، بۇرىن كەندە بولماعان، قازىر دە كەندە ەمەس، كەلەشەكتە دە، استە، كەندە بولمايدى“، - دەپ جازدى.

  تەڭىز ارمياسى اۋە اسكەرلەرى داشۋەسىنىڭ ۇشقىش وقۋشىلارى دا ۋاقىت پەن كەڭىستىكتەن اسىپ وتكەن ءبىر حات جازدى، شايقاس ورنىنا اتتانۋ الدىندا تۇرعان ولار ۋاڭ ۋيگە: ”ءسىز ۇشقان اسپان قانداي كوركەم!“، - دەدى.

  (شينحۋا اگەنتتىگىنىڭ 6 - ايدىڭ 12 - كۇنى حايكوۋدان بەرگەن حابارى)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.