تيانشان تورى   ›   جاڭالىقتار   ›   ەل ءىشى حابارى

باستاماشىلدىقپەن الدا جۇرگەن اق حالاتتى جاۋىنگەر

يە شين:

باستاماشىلدىقپەن الدا جۇرگەن اق حالاتتى جاۋىنگەر

شينحۋا اگەنتتىگىنىڭ ءتىلشىسى شۇي حۇڭي

يە شيننىڭ سۋرەتى (ماتەريال سۋرەت). □ شينحۋا اگەنتتىگى تاراتقان

  قازىر گۋاڭجوۋ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋعا بار كۇشىن سالۋدا، گۋاڭدۇڭ ولكەلىك جۇڭي شيپاحاناسى بىرنەشە توپتا كۇتىمدەۋ اترەتىن شىعارىپ، جەرگىلىكتى ورىننىڭ كەڭ كولەمدە حىسۋان تەكسەرۋ قىزمەتىنە كومەكتەستى. ”مەن جانە ماڭىمداعى قىزمەتتەستەرىم سەسترالار باستىعى يە شيننىڭ رۋحىنان ۇيرەنىپ، ءوز ۇلەسىمىزدى قوسۋعا قۇلشىنۋدامىز“، - دەدى كومەكتەسۋگە قاتىناسقان ءبىر سەسترا.

  1956 - جىلى يە شين گۋاڭدۇڭنىڭ شۇيۋىنىنداعى ءبىر شيپاگەر وتباسىندا دۇنيەگە كەلدى. 1974 - جىلى يە شين گۋاڭدۇڭ ولكەلىك جۇڭي شيپاحاناسى مەديتسينالىق تاربيەلەۋ اترەتىنە قابىلدانادى. 1976 - جىلى مەكتەپ تاۋىسقان كەزدە، كۇتىمدەۋ قابىلەتى سىناق ناتيجەسى اعالاپ العا شىققاندىقتان، شيپاحانادا قالىپ قىزمەت ىستەيدى. كەيىن كاسىپتىك قابىلەتى كورنەكتى بولعاندىقتان، گۋاڭدۇڭ ولكەلىك جۇڭي شيپاحاناسى ىرشاداۋ شيپاحاناسى شۇعىل ەمدەۋ ءبولىمىنىڭ سەسترالار باستىعى مىندەتىنە كوتەرىلەدى. 1996 - جىلى يە شين جۇڭگو كوممۋنيستىك پارتياسىنا مۇشە بولادى.

  2003 - جىلى كوكتەم مەرەكەسىنىڭ الدى - ارتىندا اۋرۋ سەبەبى بەيمالىم تيپتى باسقاشا وكپە قابىنۋى گۋاڭجوۋدىڭ ءىشىنارا وڭىرلەرىندە تارالا باستايدى. 2 - ايدىڭ باس شەنى بولا بەرە - اق گۋاڭدۇڭ ولكەلىك جۇڭي شيپاحاناسىنىڭ ىرشاداۋ شيپاحاناسى شۇعىل ەمدەۋ ءبولىمى دياگنوزى تۇراقتانعان نەمەسە ”سارس“ دەپ كۇمان تاعىلعان اۋرۋلاردى قابىلداپ ەمدەي باستايدى. يە شين باستاماشىلدىقپەن الدا ءجۇرىپ، شۇعىل، قاتەرلى، سالماقتى ”سارس“ اۋرۋلارىن تەكسەرۋ، شۇعىل قۇتقارۋ، ەمدەۋ، كۇتىمدەۋ قىزمەتىنە بار پەيىلىمەن ات سالىسادى.

  ”بۇل جەر قاتەرلى، مەن بارايىن!“. بۇل يە شيننىڭ ”سارس“ ناۋقاستارىن شۇعىل قۇتقارعان كەزدە اۋزىنان تاستامايتىن ءبىر اۋىز ءسوزى. قىزمەتتەستەرىنىڭ جۇعىمدالۋىنان ساقتانۋ ءۇشىن، ءار كۇنى قىزمەتكە شىققاندا ونىڭ ءبىرىنشى ىستەيتىن شارۋاسى ءوز قولىمەن قايناعان سۋ قۇيىپ بەرىپ، ساقتانۋ ءدارىسىن كوپشىلىككە قاداعالاپ وتىرىپ ىشكىزۋ ەدى. ول كوپشىلىككە اۋاشالانۋداعى ءتۇرلى شارالاردى ويداعىداي ىستەۋ جونىندە قايتا - قايتا ەسكەرتۋ جاساپ وتىردى، شيپاگەرلەردەن تارتىپ كۇتىمدەۋشىلەرگە دەيىن بىردە - ءبىرىن قاعىس قالدىرماي، ەرەكشە قاتاڭ جانە مۇقيات تەكسەردى.

  ”سارس“ ناۋقاستارىنىڭ كۇرت كوبەيۋىنە ىلەسە، ءبولىم قىزمەتىنىڭ كۇشەمەلىلىگى ۇزدىكسىز ارتتى. يە شين ۇستەمە قىزمەت ىستەۋگە ىرىقتىلىقپەن ءوتىنىش بەردى، قاربالاس كەزدەرى وتباسىنداعىلاردان كەلگەن تەلەفوندى دا المادى، تەلەفون قابىلداعان سەستراعا: ”وعان ايتا سال، مەن قىزمەتتەمىن، ەشتەڭە ەتپەيدى“، - دەيدى.

  ءبىر جولى سالماقتى ”سارس“ ناۋقاسىن شۇعىل قۇتقارۋ بارىسىندا، يە شين باقىتقا قارسى جۇعىمدالادى. 3 - ايدىڭ 4 - كۇنى ەرەكشە قالجىراعان يە شيندە دەنە تەمپەراتۋراسى قىزۋداي اۋرۋ بەلگىسى بايقالىپ، بالنيتساعا جاتۋعا تۋرا كەلدى، سوڭىنان سارسپەن جۇعىمدالعاندىعى تۇراقتاندى.

  اۋرۋ توسەگىندە جاتقان كۇننىڭ وزىندە دە يە شين اۋىق - اۋىق شاقىرۋ اسپابى ارقىلى باسقا دا ”سارس“ ناۋقاستارىن كۇتىمدەۋ جاعدايىن سۇراستىرىپ تۇردى. باستاپقى بىرنەشە كۇندە شيپاگەرلەر مەن سەسترالار تەكسەرۋگە جانە ەمدەۋگە كەلگەن كەزدە يە شين ولارعا اۋاشالاۋ كيىمىن كوبىرەك كيىڭدەر، بىرنەشە قابات ماسكى تاعىڭدار دەگەندى قايتا - قايتا تاپسىردى. ول اۋەلى ءوزىن - ءوزى كۇتىمدەۋدى العا قويىپ: ”مەن ساقا سەسترا باستىعىمىن، بولمايتىن نەسى بار؟“، - دەدى.

  ءومىرىنىڭ ەڭ سوڭعى ساتىندە ول قينالا وتىرىپ بىلاي دەپ جازدى: ”ماعان جاقىنداماڭدار، اۋرۋ جۇعادى...“ 2003 - جىلى 3 - ايدىڭ 25 - كۇنى تاڭ سارىدە يە شين شۇعىل قۇتقارۋ ءونىم بەرمەي نەبارى 47 جاسىندا قايتىس بولدى.

  ”سارس“ اۋرۋلارىن كۇتىمدەۋدەن باستاپ، توسەك تارتىپ جاتىپ قالعانعا دەيىن يە شين باستان - اياق قىزمەت ورنىنان ايرىلمادى، ءبىر رەتتە ۇيىنە قايتپادى، ءبىر اق حالاتتى جاۋىنگەردىڭ باسىن ءباي تىگىپ اجالدان قۇتقارۋداعى جان تەبىرەنتەرلىك داستانىن ومىرىمەن جازىپ قالدىردى. يە شين قىزمەت ۇستىندە قۇربان بولعاننان كەيىن، ”مەملەكەتتىك تاڭداۋلى كوممۋنيستىك پارتيا مۇشەسى“، ”ەڭ ارداقتى كۇرەسكەر“، ”حالىقتىڭ دەنساۋلىعىنىڭ تاماشا قورعاۋشىسى“ داڭق اتاعى جانە ”بەتيۋن مەدالى“، ”نايتينگەيل مەدالى“ تولىقتاپ بەرىلدى؛ 2009 - جىلى يە شين ”جاڭا جۇڭگو قۇرىلعاننان بەرگى جۇڭگونى اسەرلەندىرگەن 100 قايراتكەردىڭ“ ءبىرى بولىپ سايلاندى. يە شين رۋحىن اسقاقتاتۋ ءۇشىن گۋاڭدۇڭ ولكەلىك جۇڭي شيپاحاناسى 3 - ايدىڭ 25 - كۇنىن ”يە شيندى ەسكە الۋ كۇنى“ ەتىپ تۇراقتاندىردى.

  2020 - جىلدىڭ باسىندا جاڭا تيپتى ايدارشا ۆيرۋس وكپە قابىنۋ ىندەتى توسىن تۋىلدى، گۋاڭدۇڭ ولكەلىك جۇڭي شيپاحاناسى ىلگەرىندى - كەيىندى 9 توپتا 88 شيپاگەر مەن سەسترانى حۋبەيعا كومەك كورسەتۋگە جىبەردى، سونداي - اق قاتىستى مامانداردى شياڭگاڭ، حىبەي، يۇننان، لياۋنيڭ جانە مالايزيا سياقتى جەرلەرگە بارىپ ىندەتكە قارسى اتتانۋعا كومەك كورسەتۋگە جىبەردى.

   كەزىندە ”سارسقا“ قارسى اتتانۋعا ات سالىسقان گۋاڭدۇڭ ولكەلىك جۇڭي شيپاحاناسى شۇعىل ەمدەۋ ءبولىمى ۇلكەن ءبولىمىنىڭ باس سەسترالار باستىعى دىڭ چيۋيىڭ: ”يە شين رۋحى“ ءبىزدىڭ جۇرەگىمىزگە تەرەڭ تامىر تارتىپ، شاقىرعان زامان جەتىپ كەلەتىن، شايقاس جاساي الاتىن، شايقاستا، ءسوزسىز، جەڭىسكە جەتەتىن، يدەيادا، تەحنيكادا مىعىم ىسىلعان قوسىندى سومدادى، - دەدى.

  (شينحۋا اگەنتتىگىنىڭ 6 - ايدىڭ 11 - كۇنى گۋاڭجوۋدان بەرگەن حابارى)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.