انار بۇلت / شينجياڭ گازەتىنىڭ ءتىلشىسى يۋە يانيۇن 6 - ايدىڭ 22 - كۇنى ۇرىمجىدەن حابارلايدى. 6 - ايدىڭ 22 - كۇنى اۆتونوميالى رايوننىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ نازاريا زەرتتەۋ - تالقى ءماجىلىسى اشىلدى، ءماجىلىس باس شۋجي شي جينپيڭنىڭ پارتيا تاريحىن ۇيرەنۋ تاربيەسىنە جۇمىلدىرۋ جينالىسىنداعى ماڭىزدى ءسوزىن جانە جۇڭگو كوممۋنيستىك پارتياسى تاريحى جونىندەگى جەلىلەس ماڭىزدى بايىمداۋلارىن ىشكەرىلەي ۇيرەنىپ، يگەرىپ، شينجياڭنىڭ ءىس جۇزىندىك جاعدايىمەن تىعىز ۇشتاستىرىپ، پارتيانىڭ تاريحىن ىشكەرىلەي زەرتتەپ، جاپپاي ۇگىتتەپ، ءار ۇلت كادرلارىن، بۇقاراسىن تاريحتى اينا ەتۋگە، تاريح ارقىلى مۇراتتى ايگىلەۋگە، تاريحتى ءبىلىپ پارتيانى سۇيۋگە، تاريحتى ءبىلىپ وتاندى سۇيۋگە جەتەكتەپ، پارتيا قۇرىلعاندىعىنىڭ 100 جىلدىعىن قۇتتىقتاۋدىڭ قويۋ يدەيالىق، قوعامدىق پىكىر رايىن قالىپتاستىردى. بۇل جولعى زەرتتەۋ - تالقى ءماجىلىسى اۆتونوميالى رايوننىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جەلىلەس قيمىلدارىنىڭ ماڭىزدى مازمۇنى ءارى جەر - جەردىڭ، تاراۋلاردىڭ الدىڭعى مەرزىمدەگى پارتيا تاريحىن ۇيرەنۋ تاربيەسىنىڭ جانە زەرتتەۋ جەتىستىگىنىڭ ءبىر رەتكى شوعىرلى ايگىلەنۋى. اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى، اۆتونوميالى رايوندىق پارتكومنىڭ پارتيا تاريحىن ۇيرەنۋ تاربيەسى باسشىلىق گرۋپپاسى كەڭسەسىنىڭ مەڭگەرۋشىسى تيان ۋىن ماجىلىسكە قاتىناستى ءارى ءسوز سويلەدى.
ءماجىلىس مىنالاردى باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن ۇگىتتەۋدى، شەشىپ ءتۇسىندىرۋدى تالىقپاي مىقتى يگەرىپ، باس شۋجي شي جينپيڭنىڭ ماڭىزدى ءسوزىن جانە جۇڭگو كوممۋنيستىك پارتياسىنىڭ تاريحى جونىندەگى جەلىلەس ماڭىزدى بايىمداۋلارىن ۇيرەنۋدە، دايەكتىلەندىرۋدە ونان ارى ءجىتى ىلەسىپ، ونان ارى تاباندى، پارمەندى بولىپ، پارتيا تاريحىن ۇيرەنۋ تاربيەسىنىڭ باس تالابىن جانە ”التى اناعۇرلىم“ ءتۇيىنىن دايەكتىلەندىرۋدى، تياناقتاندىرۋدى ونان ارى دالمە - ءدال يگەرىپ، ونان ارى تىڭعىلىقتى تەرەڭدەتۋ كەرەك. باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىنداعى ماڭىزدى ءسوزىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى ويداعىداي ىستەۋدى الدىن الا جوبالاپ، پارتكوم (پارتيا باسشىلىق گرۋپپاسى) نازاريا ۇيرەنۋ وزەكتى گرۋپپاسى، ”ءۇش جيىن، ءبىر ساباق“، ارناۋلى تاقىرىپتىق كۋرس، ارناۋلى تاقىرىپتىق زەرتتەۋ - تالقى كۋرسى سياقتى كوپ ءتۇرلى فورمالار ارقىلى ارناۋلى تاقىرىپتىق ۇيرەنۋ ورىستەتىپ، قوعامدىق عىلىمدار قىزمەتكەرلەرىن نەگىزگى ساتىنى ىشكەرىلەي ارالاپ، بۇقاراعا باعىتتالعان ۇگىتتى، ۇگىت لەكسيانى ورىستەتۋگە ۇيىمداستىرىپ، باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىنداعى ماڭىزدى ءسوزىنىڭ رۋحىن ۇيرەنۋ قىزۋ ورلەۋىن قالىپتاستىرۋدى ىلگەرىلەتۋ كەرەك.
ماجىلىستە 8 مامان، وقىمىستى پىكىر اۋىستىرىپ ءسوز سويلەدى.
زەرتتەۋ - تالقى ءماجىلىسىن اۆتونوميالى رايوندىق پارتكومنىڭ ۇگىت ءبولىمى، ۇيىمداستىرۋ ءبولىمى، پارتيا تاريحى جانە حۇجات زەرتتەۋ ورنى، پارتيا مەكتەبى (اكىمشىلىك شۋەيۋان)، شينجياڭ قوعامدىق عىلىمدار اكادەمياسى، اۆتونوميالى رايوندىق قوعامدىق عىلىمدار بىرلەستىگى بىرلەسىپ اشتى.
