شوكىرات زاكىر قاشقار ايماعىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
پارتيا تاريحىن ۇيرەنۋ تاربيەسىن ىشكەرىلەي ورىستەتىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قۇتتىقتاۋ كەرەك
انار بۇلت/شينجياڭ گازەتىنىڭ ءتىلشىسى لياڭ ليحۋا 6 - ايدىڭ 22 - كۇنى قاشقاردان حابارلايدى. 6 - ايدىڭ 21 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر پارتيا تاريحىن ۇيرەنۋ تاربيەسى بويىنشا بايلانىس جاساۋ ءتۇيىنى قاشقار ايماعىنا بارىپ تەكسەرۋ - زەرتتەۋ جۇرگىزدى. شوكىرات زاكىر بىلاي دەپ باسا دارىپتەدى: پارتيا تاريحىن ۇيرەنۋ تاربيەسىن ىشكەرىلەي ورىستەتىپ، پارتيا تاريحىن ۇيرەنۋدى، يدەيانى ءتۇسىنۋدى، ناقتى ءىس ىستەۋدى، جاڭا جاعداي اشۋدى ورىنداپ، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن تىڭعىلىقتى ىلگەرىلەتىپ، ۇيرەنۋ ونىمدىلىگىن قوعام ورنىقتىلىعى مەن باياندى تىنىشتىقتى ىلگەرىلەتۋدىڭ قىزمەت قوزعاۋشى كۇشىنە جانە ناتيجەسىنە اينالدىرۋعا قۇلشىنىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قۇتتىقتاۋ كەرەك.
قاشقار حالىق بۇقاراسىنىڭ ارىز - ارمانىن قابىلداۋ ورتالىعىندا شوكىرات زاكىر ارىز - ارمان قىزمەتىنىڭ ورىستەتىلۋ جاعدايى مەن حالىق ءۇشىن ناقتى ءىس ىستەۋ جاعدايىن ەگجەي - تەگجەيلى ۇعىستى ءارى سول ورىندا 2 بۇقارانى قابىلداپ، ولاردىڭ قيىنشىلىعىن دەن قويا تىڭداپ، ارىز - تالاپتارىن شەشتى.
”اتىڭ كىم؟ بيىل نەشىنشى جىلدىقتا وقيسىڭ؟“، شوكىرات زاكىر كونەءشار اۋدانى توققۇزاق قالاشىعى سەنترلى باستاۋىش مەكتەبىنە كەلىپ، وقۋشىلارمەن ىقىلاستى اڭگىمەلەسىپ، بالالاردىڭ ۇيرەنۋ، تۇرمىس جانە وقىتۋشىلاردىڭ قىزمەت جاعدايىن مۇقيات سۇراستىردى. توققۇزاق قالاشىعى اياققى مانگەن قىستاعىندا شوكىرات زاكىر قىستاقتاعى پارتيا مۇشەلەرىنىڭ، كادرلاردىڭ، بۇقارانىڭ، وقۋشىلاردىڭ جانە وقىتۋشىلاردىڭ ۋاكىلدەرىمەن اڭگىمەلەسىپ، پىكىرلەستى. شوكىرات زاكىر بىلاي دەدى: جۋىق جىلداردان بەرى اياققى مانگەن قىستاعىندا زور وزگەرىس تۋىلىپ، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى كورنەكتى كۇشەيدى. باس شۋجي شي جينپيڭنىڭ ىقىلاستى تاپسىرماسىن باستان - اياق ەستە بەرىك ساقتاپ، پارتيانىڭ 100 جىلدىق شۇعىلالى تاريحىنان اقىل - پاراسات جانە كۇش - قۋات قابىلداپ، قىزىل گەندى ۇرپاقتان - ۇرپاققا جالعاپ، ماڭگى پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسۋ كەرەك.
100 جىلدىق قاشقار سارايىندا شوكىرات زاكىر قاشقار ايماعىنداعى ءار ۇلت بۇقاراسىنىڭ جۇڭگو كوممۋنيستىك پارتياسىنىڭ باسشىلىعىندا كەدەيلىكتەن ارىلىپ، تاماشا تۇرمىسقا قادام تاستاعان تاريحي بارىسىن ۇعىستى. ول بىلاي دەدى: وسى قىزىل بايلىقتاردى پارتيالى كادرلار مەن حالىق بۇقاراسىنىڭ پارتيا تاريحىن ۇيرەنۋدىڭ، قىزىل قان تامىردى جالعاستىرۋدىڭ، قىزىل ءداستۇردى اسقاقتاتۋدىڭ، قىزىل گەندى جالعاستىرۋدىڭ جاندى وقۋلىعى ەتىپ، ءار ۇلت كادر، بۇقاراسىنىڭ پارتيانى ءسۇيۋ، مەملەكەتتى ءسۇيۋ سۇيىسپەنشىلىگىن ۇزدىكسىز تاسقىنداتۋ كەرەك.
شوكىرات زاكىر تاعى قاشقار نان مادەنيەت باقشاسىنا بارىپ، جەرگىلىكتى ورىننىڭ نان كاسىپ سالاسىن دامىتىپ، شارۋالاردى كىرىس ارتتىرىپ، بايۋعا باستاۋ جاعدايىن ەگجەي - تەگجەيلى ۇعىستى.
تەكسەرۋ - زەرتتەۋ كەزىندە شوكىرات زاكىر اڭگىمە ءماجىلىس اشىپ، قاشقار ايماعىنىڭ پارتيا تاريحىن ۇيرەنۋ تاربيەسىن ورىستەتۋ جاعدايى جونىندەگى مالىمەتتى تىڭدادى. ول بىلاي دەپ باسا دارىپتەدى: باس شۋجي شي جينپيڭنىڭ پارتيا تاريحىن ۇيرەنۋ تاربيەسى جونىندەگى ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، پارتيا تاريحىن ۇيرەنۋدى جاڭا جۇڭگو تاريحىن، رەفورما جاساۋ، ەسىك اشۋ تاريحىن، سوتسياليزمنىڭ دامۋ تاريحىن ۇيرەنۋمەن ساباقتاستىرۋعا تاباندى بولىپ، پارتيا تاريحىن ۇيرەنۋ تاربيەسىن پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ۇيرەنۋمەن، دايەكتىلەندىرۋمەن ۇشتاستىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، تاريحتى اينا ەتۋ، تاريح ارقىلى مۇراتتى ايگىلەۋ، تاريحتى ءبىلىپ پارتيانى ءسۇيۋ، تاريحتى ءبىلىپ وتاندى ءسۇيۋ كەرەك. ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىندا ناقتى ونىمدىلىككە قول جەتكىزۋدى بەلسەنە ىلگەرىلەتىپ، بۇقارانى مازالاعان ىستەردى، ۋايىمداتقان ىستەردى، الاڭداتقان ىستەردى شىنايى ويداعىداي شەشۋ كەرەك. كەدەيلىكتەن ارىلتۋدان قامال الۋ جەتىستىكتەرىن ۇزدىكسىز بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرىپ، نەگىزگى كومەكتەسۋ، سۇيەمەلدەۋ ساياساتىنىڭ جالپى جاقتان ورنىقتى بولۋىن ساقتاپ، اۋىل - قىستاق كاسىپ سالاسىن دامىتۋ، زورايتۋ كەرەك. قوعام ورنىقتىلىعى، ىندەتتەن ساقتانۋ - تىزگىندەۋدى ۇدايىلاندىرۋ، ءوندىرىس حاۋىپسىزدىگى قىزمەتتەرىن تىڭعىلىقتى، ويداعىداي ىستەپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، ەكونوميكانىڭ جوعارى ساپالى دامۋىن ىلگەرىلەتىپ، قاشقاردىڭ ورنىقتى، دامىعان جاڭا جاعدايىن اشۋعا قۇلشىنۋ كەرەك.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى، قاشقار ايماقتىق پارتكومنىڭ شۋجيى لي نيڭپيڭ قاتارلىلار تەكسەرۋ - زەرتتەۋدە بىرگە بولدى.
