تيانشان تورى   ›   جاڭالىقتار   ›   ءۇرىمجى

”100 جىلعا وسكەلەڭ قۇرمەت بىلدىرەمىز . 1 - شىلدەنى اسقاقتاتا جىرلاۋ“ تاقىرىپتىق مۋزيكا ساۋىعى ۇرىمجىدە سالتاناتپەن قويىلدى

  كونسەرت مايدانى، سيمفونيا ۇيىرمەسى مەن حور ايتۋ ۇيىرمەسى «ۇزاق جورىق جەلىلى جىرلارىنىڭ» ىشىندەگى «چىشۇي وزەنىنەن ءتورت رەت وتكەن حيكىمەتتى قوسىن» جىرىن ورىنداۋدا.

  6 - ايدىڭ 22 - كۇنى ساعات 21 دە، ”100 جىلعا وسكەلەڭ قۇرمەت بىلدىرەمىز . 1 - شىلدەنى اسقاقتاتا جىرلاۋ“ تاقىرىپتىق مۋزيكا ساۋىعى ءۇرىمجى تەاترحاناسىندا سالتاناتپەن قويىلدى، شىعانداعان ءان اۋەنى شۇعىلالى تاريحتى بىرگە سومداعان اسقاق سەزىمدى بەينەلەپ، ۇلى پارتياعا ەڭ ىزگى تىلەك ءبىلدىردى.

  بۇل رەتكى تاقىرىپتىق مۋزيكا ساۋىعى ءۇرىمجى قالاسىنىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جەلىلەس كونسەرتتەرىنىڭ ءبىرى بولىپ، قالالىق مادەنيەت - ساياحات مەكەمەسى (قالالىق مادەني مۇرالار مەكەمەسى) باس بولىپ وتكىزدى.

  ... كونسەرت مايدانىندا، ايبىندى «ۇزاق جورىق جەلىلى جىرلارى» كورەرمەندەردىڭ جۇرەك قىلىن تەربەدى، مۇنىڭ ىشىندەگى «زۇن - ي ءماجىلىسى شۇعىلا شاشادى»، «دادۋحىدان ەندەي ءوتۋ»، «توپتى قولدىڭ توعىسۋى» سياقتى اندەر كورەرمەندەردىڭ سەزىمدەرىن تولقىتىپ، جىگەرىن تاسقىنداتتى.

  قالا تۇرعىنى ساي ميڭميڭ بىلاي دەدى: ”بۇل تۋىندىلاردىڭ ءوزى - اق ادامدى ايرىقشا تەبىرەنتەدى، كاسىپتىك ۇيىرمەنىڭ جوعارى دەڭگەيلى ورىنداۋىندا ءتىپتى دە اسەرلى بولدى، كوركەمونەردىڭ قۇدىرەتىن سەزىنۋمەن قاتار، توڭكەرىستىك قاھارمان قۇربانداردىڭ رۋحاني كۇش - قۋاتىن دا سەزىندىك“.

  ءۇرىمجى سيمفونيالىق وركەستر ۇيىرمەسىنىڭ باستىعى گو ۋىنشياڭ بىلاي دەپ تانىستىردى: بۇل رەتكى مۋزيكا ساۋىعى «ۇزاق جورق جەلىلى جىرلارى» مەن «حۋاڭعى حورىنىڭ» اسىلگى نۇسقاسىنداعى ايگىلى 18 ءان نەگىزىندە قويىلعان، وسىنداي تۋىندىلاردى ورىنداۋ ارقىلى كوپشىلىكتى توڭكەرىستىك ارداگەر قۇربانداردى ساعىنا ەسكە الۋ، پارتيا تاريحىن قايتا پىسىقتاۋ، داڭقتى جىلدارعا وسكەلەڭ قۇرمەت ءبىلدىرۋ، كوركەم بولاشاققا تالپىنتۋ بولىپ تابىلادى.

  گو ۋىنشياڭ بىلاي دەپ تانىستىردى: ”بۇل رەتكى كونسەرتتى ءۇرىمجى سيمفونيالىق وركەستر ۇيىرمەسى، ءۇرىمجى سيمفونيا ۇيىرمەسىنىڭ حور ايتۋ ۇيىرمەسى، شينجياڭ جىلجىمالى مۇشەلەر ءۇنى حور ايتۋ ۇيىرمەسى تىزە قوسا وتىرىپ سەلبەسىپ وتكىزگەن بولىپ، ءبىر ايعا جۋىق جاتتىعۋ جاسادى“. كونسەرتتە سيمفونيالىق وركەستر، حور ايتۋ، مانەرلەپ وقۋ سياقتى كوركەمونەر تۇرلەرى توعىستىرىلعان بولىپ، كوز ايدىن بولىپ قۇلاق قۇرىشىڭىز قانادى. كەلەسى كەزەكتە، ولار تاعى پارتيا قۇرىلعاندىعىنىڭ 100 جىلدىعىن قۇتتىقتاۋ تاقىرىبىندا، حالىققا تيىمدىلىك جەتكىزۋ جەلىلەس كونسەرت نومىرلەرىن قويىپ، ءتىپتى دە كوپ قىزىل ايگىلى تۋىندىلاردى ساحناعا شىعاراتىن بولادى. (جالپىلىق اقپارات قۇرالدارى ءتىلشىسى لياڭ شۋفاڭ)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.