− جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى تۋرالى تولعانىس ”دامۋ ءبولىمى“
شينحۋا اگەنتتىگىنىڭ تىلشىلەرى
2021 - جىلى 6 - ايدىڭ 23 - كۇنى باس شۋجي شي جينپيڭ تيانحى وزەكتى بولمەسىندە مىندەت اتقارىپ جاتقان شىنجوۋ 12 - ءنومىرلى الەم كەمەسىنىڭ عارىشكەرلەرىمەن ىقىلاستى تۇردە سويلەستى.
6 - ايدىڭ 17 - كۇنى شىنجوۋ 12 - ءنومىرلى عارىشكەرلى الەم كەمەسى ءساتتى ۇشىرىلىپ، جۇڭگولىقتار العاش رەت ءوزىنىڭ كەڭىستىك بەكەتىنە قادام تاستادى.
عارىشقا ۇشۋ ارمانى − مەملەكەتتى قۇدىرەتتەندىرۋ ارمانى.
تاريح كوشىندە 100 جىل قاس قاعىم ءسات؛ ءبىراق تاۋقىمەتتەن جارقىن شۇعىلاعا دەيىن ءجۇز اۋناپ، مىڭ توڭكەرىلۋدى باستان كەشىرۋگە تۋرا كەلەدى.
قاراڭعى تۇنەكتە جول ىزدەگەن جۇڭگو كوممۋنيستىك پارتياسى كەدەيشىلىك پەن دارمەنسىزدىك جايلاعان جۇڭگوعا باسشىلىق ەتىپ، سونىعا تۇرەن سالىپ، جاڭالىق اشىپ، ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى.
جاڭا ساپاردا جۇڭگو كوممۋنيستىك پارتياسى ميلليارد حۋاشيا پەرزەنتتەرىن باستاپ، ۇدەرە العا تارتىپ، ۇلى گۇلدەنۋدىڭ نۇر - شۇعىلاسى توگىلگەن قارسى جاعاعا قاراي زىمىراۋدا!
بورىشتان اۋىتقىماي، شىعىس كەرەمەتىن جازدى
جايناعان جاز، 6 - اي، جۇڭگو كوممۋنيستىك پارتياسى 1 - قۇرىلتايى ەسكەرتكىش سارايى.
”كۇن شىعىستان شىقتى − شىكوۋمىننان تيان - انمىنگە دەيىن“ اتتى تاريحي سۋرەتتەر توپتاماسى كوزگە وتتاي باسىلادى، شاڭحاي، نانحۋ، جيڭگاڭشان، يان - ان، شيبايپو، بەيجيڭ... ءبىر - بىرلەگەن قىزىل جەر بەلگىلەرى پارتيانىڭ 100 جىلدىق ۇلى بەلەسىن قايتا كوز الدىعا اكەلدى.
”بۇل جەردەن جۇڭگو كوممۋنيستىك پارتياسىنىڭ قاي جەردە جورىققا اتتانعاندىعىن، قات - قابات قيىندىقتار قىسپاعىندا جۇڭگو حالقىن باستاپ قالاي گۇلدەنۋ، بايۋ، قۇدىرەتتەنۋ جولىنا تۇسكەندىگىن كورە الامىز“، - دەدى كورمەنى ەكسكۋرسيالاپ شىققان ليۆاننىڭ جۇڭگودا تۇراتىن ەلشىسى ميليا جاببوۇر.
چاڭجياڭ وزەنىنىڭ دۇڭحاي تەڭىزىنە قۇيار ساعاسىندا، شاڭحاي ياڭشان تەرەڭ سۋلى پورتىندا كوپىر كراندار قاتار - قاتار بوي سوزىپ تۇر. بۇل بۇكىل الەم بويىنشا جۇك قورابى جۇمىسى ەڭ قاربالاس پورت اۋماقتارىنىڭ ءبىرى، جىلىنا 20 ميلليوننان استام ولشەمدى جۇك قورابىن جونەلتەدى، ولاردى باسى مەن اياعىن ءتۇيىستىرىپ تىزسەڭىز، جەر شارىن ءۇش وراپ اسادى.
ياڭشان پورتى 100 نەشە جىلدىڭ الدىنداعى سۇن جۇڭشاننىڭ «رەسپۋبليكا قۇرۋ جالپى جوباسىنداعى» ”شىعىستىڭ ۇلكەن پورتى“ ارمانىن جۇزەگە اسىرىپ، جۇڭگو كوممۋنيستىك پارتياسىنىڭ باسشىلىعىنداعى ۇلان - قايىر ءىرى مەملەكەت جازعان شىعىس كەرەمەتىن ايگى ەتتى.
جاڭا جۇڭگو قۇرىلعان العاشقى كەزدەگى بىرىنشىدەن كەدەي، ەكىنشىدەن اق جاعدايدان قازىر 100 تريلليون يۋاننان اساتىن كولەمدەگى، دۇنيە ءجۇزى بويىنشا 2 - ۇلكەن ەكونوميكالىق تۇلعا، 1 - ۇلكەن ونەركاسىپتىك مەملەكەت، 1 - ۇلكەن تاۋار ساۋداسى مەملەكەتى، ورتا كىرىستىلەر قاۋىمىنىڭ كولەمى 1 - ۇلكەن مەملەكەت بولعانعا دەيىن؛ كيىم ءبۇتىن، قارىن توقتىق ماسەلەسىن نەگىزىنەن شەشۋدەن حالىقتىڭ تۇرمىسى جالپى جاقتان دوڭگەلەك داۋلەتتىلىك دەڭگەيىنە جەتكەنگە، ونان جاپپاي دوڭگەلەك داۋلەتتى قوعام ورناتىپ، مۇلدەم كەدەيلىكتەن ءۇزىلدى - كەسىلدى ارىلعانعا دەيىن...
بۇلاردىڭ قايدان كەلگەنىن بىلگەندە بۇگىنگى جۇڭگونى ءتىپتى دە جەتە وقىپ تۇسىنە الامىز.
1840 - جىلعى اپيىن سوعىسىنان كەيىن بايىرعى جۇڭگو اۋىر بەينەتتىڭ تۇڭعيىق تەرەڭىنە كىرىپتار بولدى. سان - ساناقسىز ارداگەرلەر، ەگەي ەرلەر وتاندى جويىلۋدان قۇتقارۋدىڭ جولىندا ماشاقاتتى ىزدەنىس جاسادى، 100 جىل بۇرىن جۇڭگو كوممۋنيستىك پارتياسىنىڭ 1 - قۇرىلتايى اشىلعان سوڭ عانا قاراڭعى تۇنەكتەگى شام - شىراقتاي ۇلت تاۋەلسىزدىگىنىڭ، حالىق ازاتتىعىنىڭ ءۇمىتىن جاقتى.
كەزىندە تاياق جەگەندىكتەن دە دامۋدىڭ ماڭىزدىلىعىن ءتىپتى تەرەڭ ءتۇسىندى.
جاڭا جۇڭگو قۇرىلعان العاشقى كەزدە قات - قابات سىناقتار الدىندا جۇڭگو كوممۋنيستىك پارتياسى حالىقتى باستاپ سوعىس سالعان جارانى دەرەۋ ەمدەپ جازىپ، حالىق شارۋاشىلىعىن قالپىنا كەلتىرىپ، اۋىل شارۋاشىلىعىنا، قولونەركاسىپكە، كاپيتاليستىك ونەركاسىپ - ساۋداعا سوتسياليستىك وزگەرىس جاساۋدى جاسامپازدىقپەن جۇزەگە اسىردى.
”ءبىز تاريح ارقىلى توڭكەرىستىك سوعىسقا ويداعىداي باسشىلىق ەتىپ قانا قويماي، بەيبىتشىلىك زامانىنداعى ەكونوميكالىق قۇرىلىسقا دا، ءسوز جوق، ويداعىداي باسشىلىق ەتىپ، بۇكىل ەل حالقىن جاقسى تۇرمىسقا جەتكىزە الاتىندىعىمىزدى دالەلدەيمىز“. ”1 - بەسجىلدىق“ جوسپار باستالعان كەزدە ماۋ زىدۇڭ جولداس وسىلاي دەپ اسقاق ارىنمەن جاريا ەتتى.
العاشقى توپتاعى تات باسپايتىن بولات جاسالىپ شىقتى، العاشقى توپتاعى اۆتوموبيل ءوندىرىس جەلىسىنەن شىقتى، العاشقى تراكتور زاۆودتان شىقتى، چاڭجياڭ وزەنىندە العاشقى ۇلكەن كوپىر سالىندى... ”1 - بەسجىلدىق“ مەزگىلىندەگى ونەركاسىپ ءوندىرىسىنىڭ جەتىستىكتەرى كونە جۇڭگونىڭ 100 جىلداعى جەتىستىگىنەن الدەقايدا اسىپ ءتۇستى.
1978 - جىلى پارتيا 11 - كەزەكتى ورتالىق كوميتەتىنىڭ ءۇشىنشى جالپى ءماجىلىسى اشىلىپ، پارتيا مەن مەملەكەتتىڭ قىزمەت وزەگىن ەكونوميكالىق قۇرىلىسقا اۋدارۋ، رەفورما جاساۋ، ەسىك اشۋ سىندى تاريحي شەشىم جاسادى.
جەردى وتباسىلارعا كوتەرمەگە ءبولىپ بەرىپ، ىشەر اس ماسەلەسىن شەشۋدەن ”تەمىر قازاندى“ تالقانداپ، بازاردىڭ ومىرشەڭدىگىن قاۋلاتۋعا، ونان مەملەكەت قاقپاسىن اشىپ قۇرىلىس جۇرگىزىپ، سەلبەسىپ تەڭ يگىلىكتەنۋدى جۇزەگە اسىرۋعا دەيىن... رەفورما جاساۋ، ەسىك اشۋ مەملەكەتتىڭ دامۋىنا سارقىلماس قوزعاۋشى كۇش ۇستەدى.
2012 - جىل، مەملەكەت مۇراجايى.
باس شۋجي شي جينپيڭ «گۇلدەنۋ جولى» كورمەسىن ەكسكۋرسيالاعان كەزدە تەرەڭ تولعانىپ بىلاي دەدى: ”وتكەنگە قايىرىلا قاراعاندا، بۇكىل پارتياداعى جولداستار، ءسوز جوق، مەشەۋلىكتىڭ تاياق جەگىزەتىندىگىن، دامۋمەن عانا ءوزىمىزدى الۋەتتەندىرە الاتىندىعىمىزدى ەستە بەرىك ساقتاۋى كەرەك“.
4 جىلدان كەيىن پارتيا قۇرىلعاندىعىنىڭ 95 جىلدىعى قارساڭىندا باس شۋجي شي جينپيڭ بىلاي دەپ باسا دارىپتەدى: ”دامۋ − پارتيانىڭ بيلىك جۇرگىزۋىندەگى، مەملەكەتتى كوركەيتۋدەگى ماڭداي الدى مىندەتى، جۇڭگونىڭ بارلىق ماسەلەسىن شەشۋدىڭ تەتىگى“.
بۇگىن 100 جىلدا بولماعان ۇلكەن وزگەرىسكە جاڭا تيپتى ايدارشا ۆيرۋس وكپە قابىنۋ ىندەتىنىڭ سوققىسى قاباتتاسقان جاعدايدا، جۇڭگو ەكونوميكاسى بۇكىل الەم بويىنشا ەڭ الدىمەن تۇماننان شىقتى، ”14 - بەسجىلدىق“ باستالعان العاشقى ماۋسىمداعى GDP سايكەس مەزگىلدەگىدەن ％18.3 ءوسىپ، قۋاتتى دامۋ سەرپىمدىلىگىن كورسەتتى.
100 جىلدىق ساپاردا ءبىرىنىڭ ءىزىن ءبىرى جالعاعان ءار ۇرپاق كوممۋنيستەر ”جاسامپاز ىستەردىڭ ەڭ جىگەرلى حيكاياسىن“ جالعاستىرا جازدى.
وزگەرىستەگى ىزدەنىس دامۋ جاڭا ءورىسىن اشتى
سارى توپىراق مانات تاۋعا اينالدى −
20 نەشە جىلدىڭ الدىندا يان - اننىڭ ۋچي اۋدانى كەزىندە قىزىل ارميا ۇزاق جورىعىنىڭ جەڭىسپەن تياناقتاعان جەرى، بۇكىل مەملەكەت بويىنشا ەڭ الدىمەن تاۋدى قورشاپ، مال جايۋعا تيىم سالىپ، اعاش ەگىپ، ءشوپ ءوسىرىپ، قۇرىلعىلار ارقىلى قوي باعىپ، ”جاسىل توڭكەرىس“ تولقىنىن كوتەردى.
مال جايۋعا تيىم سالعان العاشقى كەزدە كوپتەگەن شارۋا سول كەزدەگى اۋداندىق پارتكومنىڭ شۋجيىنە بارىپ سۇراۋ سالدى:
”اتا - بابامىزدان بەرى نەشە ۇرپاق وسى جەردە قوي جايىپ كەلگەنبىز، ەندى نە ءۇشىن قوي جايعىزبايسىڭدار؟“ ءتىپتى، بىرەۋلەر قويىن اۋداندىق پارتكومنىڭ كەڭسەسىنە ايداپ كىرەمىز دەپ جار سالدى.
كوممۋنيستىك پارتيا مۇشەلەرى باس بولىپ الدا ءجۇرىپ، سابىرلى قالىپپەن بۇقاراعا بايۋ ەسەبىن جاساپ كورسەتتى. تيپ وزگەرتۋدىڭ ماشاقاتتى بارىسىندا ۋچيدان يان - انعا دەيىن سارى ءتۇستىڭ جاسىلعا، جاسىل ءتۇستىڭ كورىكتى كورىنىسكە، كورىكتى كورىنىستەن بايۋعا وتكەن شىت جاڭا وزگەرىس جارىققا شىقتى.
بۇگىنگى تاڭدا، جۇڭگو اناعۇرلىم زور بەكىممەن جاسىل دامۋدى العا ىلگەرىلەتۋدە.
كومىر قىشقىل گازىنىڭ شىعارىلۋىن 2030 - جىلدان بۇرىن جوعارى ماننەن اسىرماۋعا كۇش سالامىز، 2060 - جىلدان بۇرىن كومىر قىشقىل گازىن بەيتاراپتاندىرۋدى جۇزەگە اسىرۋعا قۇلشىنامىز − 2020 - جىلى 9 - ايدا باس شۋجي شي جينپيڭ 75 - كەزەكتى بىرلەسكەن مەملەكەتتەر ۇيىمى جينالىسىنىڭ جاي تالقىسىندا ايبىندى تۇردە ۋادە بەردى.
نەبىر قيىندىقتارمەن ايقاسىپ، قاجىرلىلىقپەن شارۋاشىلىق قۇردى.
جاڭا جۇڭگو قۇرىلعاننان باستاپ، ەكونوميكاسى مەن مادەنيەتى مەشەۋ، جان سانى كوپ شىعىستاعى ءىرى ەلدە سوتسياليزم ورناتۋ ادام اياعى باسپاعان زاڭعار شىڭعا ورمەلەگەنمەن بىردەي ەدى، بۇل جاعىندا نەگىزگە الارلىق سالىنعان جول، دايىن سۇرلەۋ جوق بولاتىن.
”جۇڭگو كوممۋنيستىك پارتياسىنىڭ مەملەكەتتى جونگە سالۋ وي جەلىسى مەن ساياساتى باستان - اياق شىندىقپەن تىعىز جالعاسىپ وتىردى، ونىڭ جۇرگەنى جۇڭگوشا سوتسياليزم جولى ەدى، بۇل دۇنيە ءجۇزىنىڭ دامۋ اۋقىمىنا ۇيلەسۋمەن بىرگە، جۇڭگونىڭ مەملەكەت جاعدايىنا دا ۇيلەستى“، - دەيدى پەرۋ كوممۋنيستىك پارتياسى (قىزىل وتان) ءتوراعاسى مورەنو.
ەرلىكپەن الدا ءجۇرىپ، دامۋدىڭ قۇپياسى قاشاندا مەملەكەت جاعدايىنىڭ توپىراعىنان تەرەڭ تامىر الىپ وتىردى −
1930 - جىلى 5 - ايدا ماۋ زىدۇڭ جياڭشيدىڭ شۇن - ۋ اۋدانىندا ءوزى ”كولەمى ەڭ ۇلكەن“ دەپ اتاعان قوعامدىق تەكسەرۋ جۇرگىزىپ، 80 مىڭ ارىپكە جۋىق «شۇن - ۋ تەكسەرۋى» بايانداماسىن جازىپ شىعىپ، سول كەزدەگى جۇڭگو اۋىل - قىستاق قوعامىنىڭ بەت - بەينەسىن كورسەتتى.
بۇل جۇڭگونىڭ توڭكەرىس جولى ”قالاي ءجۇرۋى كەرەك“ دەگەن ماسەلە پارتيا ىشىندەگى شەشىم قابىلداۋشىلاردىڭ باسىن قاتىرعان كەز ەدى. اقىرىندا شىندىقتى ءىس جۇزىنەن ىزدەۋگە تاباندى بولىپ، جۇڭگو كوممۋنيستىك پارتياسى اۋىل - قىستاق ارقىلى قالالاردى قورشاۋعا الۋ، سوڭىندا بۇكىل مەملەكەتتىڭ جەڭىسىنە قول جەتكىزۋ سىندى توڭكەرىس جولىن اشتى.
ءداۋىر تاقىرىپتارىنا ۇزدىكسىز جاۋاپ بەرگەندە عانا، دامۋدىڭ بەتالىسىن باستان - اياق ءدال يگەرۋگە بولادى −
2 ورىندى سانمەن جوعارى جىلدامدىقتا ارتۋعا قوش ايتىپ، 2012 - جىلى جۇڭگو ەكونوميكاسىنىڭ ارتۋ جىلدامدىعى جاڭا عاسىر باستالعاننان بەرى العاش رەت ％8تەن تومەن دەڭگەيگە ءتۇستى.
سونىمەن ءبىر مەزگىلدە ۇزاق ۋاقىت قوردالانعان قۇرىلىمدىق قايشىلىقتار ۇزدىكسىز كورىنىس بەردى: كەيبىر جەرلەردە تۇمشا ءجيى تۋىلىپ، ءبىر ءبولىم سالالاردا وندىرىستىك قۋات ورەسكەل اسىپ قالدى...
ەلىمىز ەكونوميكاسىنىڭ دامۋى ”3 مەزگىل قاباتتاسقان“ كەزەڭدە تۇرعاندىعىن تۇجىرىمداۋدان جاڭا قالىپتى ورتاعا قويۋعا، جاڭا دامۋ ۇستانىمىن دايەكتىلەندىرۋدەن قامداۋ جاعىنداعى قۇرىلىمدىق رەفورمانى ىلگەرىلەتۋگە، ونان جوعارى جىلدامدىقتاعى ارتۋ كەزەڭىنەن جوعارى ساپالى دامۋ كەزەڭىنە ءوتۋدى ايقىنداۋعا دەيىن...
جاڭالىق اشۋ 1 - قوزعاۋشى كۇشكە اينالدى، سايكەسىمدىلىك ىشكى ەرەكشەلىككە اينالدى، جاسىل ءتۇس جالپى فورماتسياعا اينالدى، ەسىك اشۋ، ءسوز جوق، باسىپ وتەر جولعا اينالدى، بىرگە يگىلىكتەنۋ ءتۇبىرلى ماقساتقا اينالدى...
”چاڭ - ى“ ايعا شىقتى، ”جۋرۇڭ“ مارستى بارلادى، بەيدوۋ تورىن قۇراۋ ورىندالدى، 5Gدى ساۋداعا قولدانۋ تەزدەتىلدى، شياڭگاڭ - جۋحاي - اۋمىن ۇلكەن كوپىرى ءۇش جەردى تۇتاستىردى، كورىكتى جۇڭگو قۇرىلىسىنىڭ ناتيجەسى كورنەكتى بولدى، قۋاتتى ەل ءىشى بازارى جەدەل قالىپتاستى...
داۋىرمەن بىرگە ىلگەرىلەگەن جۇڭگو كوممۋنيستىك پارتياسى جۇڭگو اتتى الىپ كەمەگە جەتەكشىلىك ەتىپ، اساۋ تولقىنداردى ەندەي ءوتىپ، دامۋدىڭ سونى ءورىسىن ۇزدىكسىز اشىپ كەلەدى.
بورىشتى امالياتتا ايگىلەپ، جوعارى ساپالى دامۋ ارقىلى ۇلى گۇلدەنۋگە قاراي بەت الدى
جياڭشيدىڭ يۇيدۋى قىزىل ارميا ۇزاق جورىعىنا جينالىپ اتتانعان جەر.
جاز شىعا باستاعان شاقتاعى زىشان قالاشىعى تانتوۋ قىستاعىندا وسىزاماندانعان ولشەمدەگى كوكونىس قالتقىسى قاز - قاتار تىزىلىپ تۇر، اق شاعالاداي قابىرعا، قاراكوك رەڭدى كەرپىش، سايالى جاسىل اعاشتار، تۇنىق كول، كورىنىستىك سامالدىقتار ارا - اراسىنا ورنالاسقان...
بۇرىنعى كەدەي قىستاق كەدەيلىكتەن ارىلعان سوڭ، اۋىل - قىستاقتى گۇلدەندىرۋگە كۇش جالعاپ، فۋشي كوكونىسىن ەگىپ، ساياحاتتان يگىلىك كورىپ، بۇل كۇندە جاڭا بەينەگە ەنگەن.
”بىلتىر وتباسى كىرىسىمىز 220 مىڭ يۋان بولدى، بۇرىن مۇندايدى ويلاۋعا باتىلىمىز بارمايتىن ەدى“. قىزىل ارميا قۇربانىنىڭ ۇرپاعى سۇن گۋانفانىڭ سوزىنەن شىن جۇرەكتەن شىققان باقىت لەبى ەسەدى.
ۇلتتىڭ گۇلدەنۋى ءۇشىن، اۋىل - قىستاق، ءسوز جوق، كوركەيۋى كەرەك. كەدەيلىكتەن ارىلىپ قالپاقتى الىپ تاستاۋ سوڭعى مارە ەمەس، قايتا جاڭا تۇرمىستىڭ، جاڭا كۇرەستىڭ باستاماسى.
100 جىلدىق جولدى باسىپ بولىپ، ەندى جاڭا ساپارعا اتتانامىز.
جاڭا تاريحي باستامادا دۇنيە جۇزىندە 100 جىلدا بولماعان زور وزگەرىستەر جەدەل قۇبىلىپ، ىندەت ءالى دە بۇكىل الەمدەگى كوپتەگەن مەملەكەتتەردە تارالىپ جاتىر، ەل ءىشى دامۋىندا بىركەلكى بولماۋ، تولىق بولماۋ ماسەلەسى ءالى دە كورنەكتى... نىساناعا جاقىنداعان سايىن، جول اناعۇرلىم بۇراڭ، تولقىن ونان ارى سۇراپىل بولا تۇسپەك.
”جاڭا دامۋ كەزەڭىن تياناق ەتۋ، جاڭا دامۋ ۇستانىمىن دايەكتىلەندىرۋ، جاڭا دامۋ ارناسىن قالىپتاستىرۋ، جوعارى ساپالى دامۋدى ىلگەرىلەتۋ − كەزەكتەگى جانە بۇدان كەيىنگى ءبىر مەزگىلدە بۇكىل پارتيا، بۇكىل ەل، ءسوزسىز، مىقتى، ويداعىداي يگەرۋگە ءتيىستى قىزمەت“، - دەگەن بولاتىن باس شۋجي شي جينپيڭ.
دامۋ ۇستانىمىن قاي - قاشان دا دايەكتىلەندىرۋمەن بىرگە، ۇزدىكسىز جاڭالىق اشىپ، داۋىرمەن بىرگە العا باسۋ كەرەك؛
كەلەشەكتى بەتكە العاندا، جاڭا دامۋ ۇستانىمى جەر - جەردىڭ دامۋ امالياتىنا پارمەندى جەتەكشىلىك ەتىپ، جوعارى ساپالى دامۋدىڭ كەڭ داڭعىلىنا قادام تاستادى.
وڭتۇستىك بولىكتەگى گۋاڭدۇڭ، شياڭگاڭ، اۋمىن ۇلكەن شىعاناق رايونىندا جۇڭگو بىتراندى نەيترون كوزى، دۇڭگۋان سۇڭشانحۋ عىلىم ءشارىنىڭ جالپى بەتتىك ىسكە قوسىلۋىنا سۇيەنىپ، بۇرىنعى جاساۋ كاسىبى بازاسى ۇلكەن شىعاناق رايونىنىڭ عىلمي جاسامپازدىقتاعى جاڭا كوورديناتاسىنا اينالدى؛
ورتا بولىكتەگى چاڭجياڭ وزەنى ەكونوميكالىق بەلدەۋىندە وزەن جاعالاۋىنداعى 11 ولكە - قالا ەكولوگيالىق ورتانى رەتتەۋ - جونگە سالۋدى كۇش سالا ىلگەرىلەتىپ، ”زور قورعاۋدى تەڭ يگەرىپ، قاۋىرت اشۋ جۇرگىزبەي“، جوعارى ساپالى دامۋدىڭ ”جاسىل جەلەگىن“ بىرگە جەلبىرەتتى؛
سولتۇستىك بولىكتەگى شيۇڭ - ان جاڭا رايونىندا جۇمىس باسىندا شارۋا قاۋىرت جۇرىلۋدە، نەگىزدىك سيپاتتاعى ءبىر توپ كەلەلى ينجەنەريا تىڭعىلىقتى تاباندىلىقپەن ىلگەرىلەتىلۋدە، ”تاريحي ۇستامدىلىق پەن ستراتەگيالىق تاباندىلىقتى ساقتاۋ“ سەرتىمەن جوبا سوڭىنا دەيىن جۇرگىزىلمەك...
قايسى باعىتقا قاراي ءجۇرۋدى بىلگەندە، كەلەشەك جۇڭگونى ءتىپتى دە جاقسى وقىپ تۇسىنە الامىز.
جوعارى ساپالى دامۋعا كوز جىبەرىپ، جاڭا دامۋ ارناسى ارقىلى باسەكەلىك قۋاتتى قايتا تۇلعالادى −
حاينان، ەركىن ساۋدا پورتى قۇرىلىسى قاۋىرت جۇرىلۋدە. جۋىقتا بۇكىل الەمدەگى سارا ونىمدەردى توپتاعان تۇڭعىش كەزەكتى جۇڭگو حالىقارالىق تۇتىنۋ ونىمدەرى كورمەسى وسى ارادا شىمىلدىعىن جاپتى.
گۋاڭجوۋ جارمەنكەسى، قىزمەت وتەۋ ساۋدا جارمەنكەسى، يمپورت كورمەسى، تۇتىنۋ بۇيىمدارى جارمەنكەسى... ورايدان بىرگە يگىلىكتەنگەن سەلبەستىك تۇعىرلارى جۇڭگونىڭ ەل ءىشى، حالىقارا سىندى ”قوس اينالىمىن“ ىركىلىسسىزدەندىرۋىندەگى جاندى امالياتقا اينالىپ، جاڭا دامۋ ارناسىن جەدەل قالىپتاستىرۋداعى ايبىندى كورىنىستى تۇلعالادى.
جوعارى ساپالى دامۋعا كوز جىبەرگەندە، رەفورمانى، ەسىك اشۋدى تەرەڭدەتۋ ارقىلى جاڭا قوزعاۋشى قۋاتتى جانداندىردى −
گۋاڭدۇڭنىڭ شىنجىنى جۇڭگوشا سوتسياليزم قۇرۋ ۇلگى رايونىن الدىمەن جۇرگىزۋدى جەدەل ىلگەرىلەتۋگە بەتتەدى؛ شاڭحايدىڭ پۋدۇڭى سوتسياليستىك وسىزامانداندىرۋ قۇرىلىسى جەتەكشى رايونىن قالىپتاستىرۋدا تىڭ قادام تاستادى؛ جىجياڭ تۇتاس ولكە بويىنشا جوعارى ساپالى دامۋدى جالپى حالىقتىڭ بىرگە بايۋىن جەبەۋدەگى ىزدەنىس جولى ەتتى...
بيىل جىل باسىنان بەرى رەفورمانى تەرەڭدەتۋدىڭ، ەسىك اشۋدىڭ جەلىلەس شارالارى ءجيى شىعارىلىپ، ەكونوميكانىڭ ومىرشەڭدىگى ۇزدىكسىز ايگىلەندى: الدىڭعى 5 ايدا بۇكىل ەل بويىنشا جوعارى تەحنيكالىق كاسىپ سالالارىنىڭ قارجى ۇسىنىلىمى 2 جىلدا ورتا ەسەپپەن ％13.2 ارتىپ، جالپى قارجى ۇسىنىلىمىنىڭ ارتۋىنان تەز بولدى؛ جاڭادان قۇرىلعان شەتەل ساۋداگەرلەرى قارجى قوسقان كاسىپورىن 18 مىڭ 497 بولىپ، سايكەس مەزگىلدەن ％48.6 ارتىپ، 2019 - جىلعى ۇقساس مەزگىلدەگىدەن ％12.4 ارتقان...
جوعارى ساپالى دامۋعا كوز جىبەرگەندە، باستان - اياق حالىقتى وزەك ەتۋگە تاباندى بولۋ كەرەك −
كەدەيلىكتەن ارىلتۋدان قامال الۋدا 1800دەن استام پارتيا مۇشەسى كەدەيلەردى سۇيەمەلدەۋدىڭ ءبىرىنشى شەبىندە قۇربان بولدى؛ ىندەتپەن شايقاستا 42 مىڭنان استام ەمدەۋ قىزمەتكەرى ىندەتكە قارسى جورىققا اتتاندى، قۇربان بولعان ەمدەۋ قىزمەتكەرلەرىنىڭ ىشىندە پارتيا مۇشەسى ％70تەن استى... حالىق ءۇشىن تۋۋ، حالىق ءۇشىن كوركەيۋ، باستان - اياق حالىقپەن بىرگە بولۋ، حالىقتىڭ مۇددەسى جولىندا كۇرەس جۇرگىزۋ پارتيامىزدىڭ پارتيا بولىپ تۇرۋىنداعى، پارتيانى كوركەيتۋىندەگى، پارتيانى كۇشەيتۋىندەگى ءتۇبىرلى شىعار ءتۇيىنى جانە تابان تىرەر تياناعى.
”جۇڭگو كوممۋنيستىك پارتياسىنىڭ جۇڭگونى باستاپ شۇعىلالى تابىستارعا جەتە الۋىنداعى وزەكتى سىرى − باستان - اياق قالىڭ حالىقپەن قويۋ بايلانىستى ساقتاپ، قاي - قاشان دا حالىق ءۇشىن قىزمەت ىستەۋدەي اۋەلگى ماقساتتى ۇمىتپاي، حالىقتىڭ ايرىقشا سەنىمى مەن جاپپاي قولداۋىنا يە بولعاندىعى“، - دەدى انگليا كوممۋنيستىك پارتياسىنىڭ باس شۋجيى گريفس.
جاڭا ساپار دابىلى قاعىلدى، جۇڭگو كوممۋنيستىك پارتياسىنىڭ پارمەندى باسشىلىعىندا، 100 ميلليونداعان حالىق ىنتىماقتاسا العا ىلگەرىلەۋدە، جۇڭحۋا ۇلتى ۇلى گۇلدەنۋىنىڭ تاسقىنداعان كۇشى بوگەۋ بەرمەيدى!
(تىلشىلەر حان جيە، جياڭ لين، حى شينرۇڭ، شيە شيياۋ، لي حۋا، ۋ حۇييىڭ)
(شينحۋا اگەنتتىگىنىڭ 6 - ايدىڭ 23 - كۇنى بەيجيڭنەن بەرگەن حابارى)
