□ حوتان اۋدانىنداعى سىرتقا شىعىپ جۇمىس ىستەۋشى بۇمايرام ماتنياز
قازىر مەن گۋاڭدۇڭ ولكەسىنىڭ حۇيجوۋ قالاسىندا قىزمەت ىستەيمىن. جۋىقتا H&M سياقتى شەتەل كاسىپورىندارى شينجياڭدا ايتىلمىس ”زورلىقپەن ەڭبەككە سالۋ“ ماسەلەسى ءومىر سۇرۋدە دەپ جالا جاۋىپ، شينجياڭ ماقتاسىن شەكتەدى. مەن كىشكەنتاي كەزىمنەن باستاپ شينجياڭدا ەسەيدىم، زورلىقپەن ەڭبەككە سالۋدى ەشقاشان كورمەدىم. قازىرگى كەز زاڭمەن جونگە سالىناتىن قوعام، ەلىمىز ەڭبەك زاڭىن شىعارىپ، ءار ۇلت ەڭبەكشىلەرىن قورعاۋدا زاڭدىق نەگىز بولۋعا مۇمكىندىك جاسادى.
اناۋ شەتەل كاسىپورىندارىنىڭ كۇيە جاعۋىنا جانە سوقتىعۋىنا قاراتا، بۇكىل مەملەكەتتەگى ءار ۇلت حالقى ءىس جۇزىندىك ارەكەتتەرى ارقىلى شينجياڭ ماقتاسىن قولدايتىندىقتارىن جابال ءبىلدىردى. مەن حۇيجوۋ قالاسىنداعى ءبىر اسحانادا جۇمىس ىستەيمىن، مەنىڭ قاريدارلارىم شينجياڭنىڭ ءدامدى تاعامىنان لاززاتتانۋمەن بىرگە، ۇنەمى مەنىمەن شينجياڭنىڭ ماقتا ءونىمى جونىندە اڭگىمە ايتىپ، شينجياڭنىڭ ماقتاسىنىڭ جاقسى ەكەنىن، اسىرەسە، شينجياڭنىڭ ۇزىن تالشىقتى ماقتاسىنان جاساعان كورپە - جاستىقتىڭ وتە جۇمساق، جىلى ەكەنىن ايتادى. توراپكەرلەردىڭ ءبىر نيەتكە كەلىپ جاقتاعانىن كورگەن كەزدە، بۇكىل ەل حالقىنىڭ شينجياڭ ماقتاسىن بار كۇشپەن قولداعانىن كورگەن كەزدە مەن قاتتى اسەرلەندىم. بۇكىل ەل حالقىنىڭ شينجياڭعا قولداۋ كورسەتىپ جانە قامقورلىق جاساعانى ماعان نەنىڭ مەملەكەت كۇشى ەكەنىن، نەنىڭ باۋىرلاستىق سۇيىسپەنشىلىك ەكەنىن ۇعىندىردى!
مەن سول وسەك - اياڭ تاراتقاندارعا بىلاي دەگىم كەلەدى: بىزدە كەڭ ەل ءىشى تۇتىنۋ بازارى بار، شينجياڭ ماقتاسىن قولدايتىن بۇكىل ەل حالقى بار! ءبىزدىڭ باقىتقا تالپىنعان ۇقىعىمىزعا سۇعاناقتىق جاساۋدى قيالداعاندارىڭ، وسەك - اياڭ ارقىلى شينجياڭ ماقتاسىن قىسپاققا الۋدى قيالداعاندارىڭ تۇگەلدەي ەسەك دامە!
