□ ءۇرىمجى قالاسى شۇيموگوۋ رايونىنىڭ تۇرعىنى ءامينا
جۋىقتا مەن ءىشىنارا شەتەل كاسىپورىندارىنىڭ شينجياڭدا ايتىلمىس”زورلىقپەن ەڭبەككە سالۋ“ ماسەلەسى ءومىر سۇرۋدە دەگەن وسەك - اياڭ تاراتىپ، شينجياڭنىڭ ماقتاسىن شەكتەگەنىن ەستىدىم. بۇل، شىنىندا، كوپە - كورنەۋ وتىرىك ايتقاندىق.
مەن 2 رەت ماقتا تەرۋگە بارعامىن، ءبىر رەتكىسى 2005 - جىلى، ەندى ءبىر رەتكىسى 2012 - جىلى. مەنىڭ ەسىمدە قالۋىنشا، جىڭعا باراتىن جولى ارناۋلى اۆتوموبيلمەن كەلىپ الىپ كەتتى، ماقتا تەرۋ اياقتالعاننان كەيىن، ۇلكەن اۆتوبۋزبەن ارنايى ۇيىمىزگە جەتكىزىپ سالدى. سول كەزدە ماقتا تەرۋگە بارعانىمىزدا تەرگەن ماقتانىڭ سالماعىنا قاراي اقشا بەردى، كوپ تەرسەڭ كوپ اقشا الاسىڭ. كوپ ىستەۋ، از ىستەۋ وزىڭە بايلانىستى، ەشكىم دە سەنى زورلامايدى. ەڭ كوپ بولعاندا مەن ءبىر كۇندە 120 كيلوگرام ماقتا تەردىم. ءار جىلى كۇز ماۋسىمىندا ماقتا تەرۋ ۋاقىتى ءبىرشاما شوعىرلى بولاتىندىقتان، ماقتا ەگەتىن وتباسىلاردىڭ بارلىعى ۋاقىتىندا ماقتانى تەرىپ الۋ ءۇشىن، تاماقتى، جاتار ورىندى ورنالاستىرىپ قوياتىن. 2012 - جىلى مەن ءبىر ايدان استام ۋاقىت ماقتا تەرىپ، 10 مىڭ يۋاننان استام اقشا تاپتىم، ونداعى قۋانىشىمدى ايتىپ سۇراما. ماقتا تەرۋشىلەر بۇكىل ەلىمىزدىڭ جەر - جەرىنەن كەلدى، كەيبىر ادامدار، اۋەلى، ۇشاققا وتىرىپ ارناۋلى ماقتا تەرۋگە كەلدى. ماقتا تەرۋگە كەلگەن ادامداردىڭ بارلىعى ءوز ەرىكتەرىمەن كەلگەندەر، ەشكىم دە زورلىقپەن كەلگەن ەمەس.
ءبىرقانشا جىلدان بەرى شينجياڭدا ماشينامەن تەرىلەتىن ماقتا ەگىلە باستادى، ادام كۇشىمەن ماقتا تەرەتىن جەرلەر بارعان سايىن ازايدى، مەن دە سودان باستاپ ماقتا تەرۋگە بارعامىن جوق. قازىر ءبىر قوجالىق باسقارۋ سەرىكتەستىگىندە قىزمەت ىستەيمىن، ەڭبەكاقىمنان سىرت، سەرىكتەستىك تاعى بىزگە زەينەتكەرلىك قامسىزداندىرۋى، ەمدەۋ قامسىزداندىرۋى سياقتىلاردى تاپسىرادى، ەشقاشان ءارقانداي ءبىر ادام ءبىزدى زورلىقپەن ەڭبەككە سالعان ەمەس. قازىرگى قوعامدا تەك ەڭبەك ىستەسەڭ عانا اقشا تابا الاسىڭ، تەك قۇلىشىنساڭ عانا بايي الاسىڭ، بۇل بارلىق ادام بىلەتىن قيسىن.
وسەك - اياڭ شينجياڭنىڭ ورنىقتى، دامىعان شىندىعىن بۇركەمەلەي المايدى. اناۋ اۋزىنا كەلگەنىن كوكيتىن ادامداردى شينجياڭعا كەلىپ ناقتى ەكسكۋرسيادا بولۋعا، شينجياڭنىڭ دامۋىن ءوز كوزدەرىمەن كورىپ كۋا بولۋعا شاقىرامىن.
