اۆتونوميالى رايون نەگىزگى ساتى پارتيا مۇشەلەرىنىڭ پارتيا قۇرىلعاندىعىنىڭ 100 جىلدىعىن قۇتتىقتاۋ جەلىلەس قيمىلىن وتكىزدى
پارتيانىڭ سوزىنە بۇلجىماستان قۇلاق اسىپ، مۇراتتان اينىماي پارتياعا ىلەسەيىك
انار بۇلت / شينجياڭ گازەتىنىڭ ءتىلشىسى جاڭ يانفاڭ 6 - ايدىڭ 23 - كۇنى ۇرىمجىدەن حابارلايدى. پارتيا قۇرىلعاندىعىنىڭ 100 جىلدىعىن قۇتتىقتاۋ ءۇشىن، اۆتونوميالى رايوندىق پارتكوم ۇيىمداستىرۋ ءبولىمى تۇتاس رايون كولەمىندە نەگىزگى ساتى پارتيا مۇشەلەرىنىڭ پارتيا قۇرىلعاندىعىنىڭ 100 جىلدىعىن قۇتتىقتاۋ جەلىلەس قيمىلىن ۇيىمداستىرىپ ورىستەتتى. 6 - ايدىڭ 22 - كۇنى اۆتونوميالى رايوننىڭ اۋىل - قىستاقتارىنداعى (الەۋمەتتىك اۋماق) پارتيا مۇشەلەرىنىڭ پارتيا تاريحى بىلىمدەرى باسەكەسىنىڭ شەشۋشى جارىسى، اۆتونوميالى رايونداعى نەگىزگى ساتى پارتيا مۇشەلەرىنىڭ پارتيا قۇرىلعاندىعىنىڭ 100 جىلدىعىن قۇتتىقتاۋ پارتيا تاريحىن ۇيرەنۋ تاربيەسى شاعىن پارتيا ساباعى، شاعىن مانەرلەپ وقۋ، شاعىن اڭگىمە، شاعىن ورتاقتاسۋ فورماسى ارقىلى ۇيرەنۋدى، قولدانۋدى ايگىلەۋ قيمىلى وتكىزىلدى. اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى لي يفي قيمىلعا قاتىناستى.
اۋىل - قىستاق (الەۋمەتتىك اۋماق) پارتيا مۇشەلەرىنىڭ پارتيا تاريحى بىلىمدەرى باسەكەسى قيمىلىندا ءارقايسى ۋاكىلدەر اترەتى قىزۋ باسەكەگە ءتۇستى، بايىنعولين موڭعۇل اۆتونوميالى وبلىسىنىڭ ۋاكىلدەر اترەتى داڭقپەن 1 - دارەجەلى سيلىققا يە بولدى. قالىڭ پارتيا مۇشەلەرى بەلسەنە قاتىناسىپ، ”شينجياڭ پارتيا مۇشەلەرى تاربيەسى“ قول تەلەفون APP ارقىلى 590 مىڭنان استام پارتيا مۇشەسى ينتەرنەتتە جاۋاپ جازىپ، پارتيا تاريحىن ۇيرەنۋ تاربيەسىن ۇزدىكسىز قىزۋ ورلەۋگە كوتەردى.
ءارقايسى نەگىزگى ساتى پارتيا ۇيىمدارى شاعىن پارتيا ساباعى، شاعىن مانەرلەپ وقۋ، شاعىن اڭگىمە ايتۋ، شاعىن ورتاقتاسۋ سىندى ۇيرەنۋ، قولدانۋ قيمىلىن كەڭ كولەمدى ورىستەتتى، پارتيا مۇشەلەرى، كادرلار، بۇقارا ەڭ شىنايى ۇنىمەن اڭگىمە ايتىپ، ساياسات سويلەپ، يدەيانى تىلگە تيەك ەتىپ، اسەرلەرىن بايانداپ، قىزىل گەندى جالعاستىرىپ، ەكپىندەي ىلگەرىلەۋدىڭ كۇش - قۋاتىن ۇيىستىردى.
قيمىل ورنىندا 14 وبلىس، ايماق، قالانىڭ 17 شاعىن پارتيا ساباعى، شاعىن مانەرلەپ وقۋ، شاعىن اڭگىمە، شاعىن ورتاقتاسۋ ۇزدىك مىسالدارى كورسەتىلدى. ءۇرىمجى قالاسى تاڭداپ ۇسىنعان ”شاعىن پارتيا ساباعى“ «نەعۇرلىم كۇرەس جاساعان سايىن جاستىق ورالىمىز سولعۇلىم جالىندايدى»، قارامايلى قالاسى تاڭداپ ۇسىنعان ”شاعىن اڭگىمە“ «ىشەگىن ءۇزىپ مۇراتىن ايگىلەگەن چىن شۋشياڭ»، ىلە قازاق اۆتونوميالى وبلىسى تاڭداپ ۇسىنعان ”شاعىن مانەرلەپ وقۋ“ لين جۋەمين قۇرباننىڭ «ايەلىنە جازعان حاتى»، قاشقار ايماعى تاڭداپ ۇسىنعان ”مەملەكەتتىك كەدەيلىكتەن ارىلتۋدان قامال الۋ ۇلگىسى“ ليۋ حۋدىڭ ىزگى ىستەرى جونىندەگى ”شاعىن ورتاقتاسۋ“ «ءمولدىر بۇلاق سۋىنان باستاۋ العان باقىت جولى» سياقتىلارعا تۇتاس الاڭداعىلار دۋ قول شاپالاق سوقتى. جەلىلەس قيمىل وتكىزۋ ارقىلى تۇتاس رايونداعى قالىڭ پارتيا مۇشەلەرىن، كادرلاردى پارتيا تاريحىنان سارقىلماس كۇش - قۋات الىپ، نانىمدى، سەنىمدى، بەكەمدى نىعايتىپ، جاڭا ساپاردا ۇزدىكسىز كۇرەس جاساۋعا ونان ارى شابىتتاندىردى.
