اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسى باس شۋجي شي جينپيڭنىڭ ” ’اۋەلگى ماقساتتى ۇمىتپاۋ، بورىشتى ەستە بەرىك ساقتاۋ‘ جۇڭگو كوممۋنيستىك پارتياسى تاريحى كورمەسىن“ ەكسكۋرسيالاعاندا سويلەگەن ماڭىزدى ءسوزىنىڭ رۋحى سياقتىلاردى جەتكىزدى، ۇيرەندى
پارتيانىڭ كۇرەس جۇرگىزۋ تاريحىنان العا باسۋ كۇش - قۋاتىن قابىلداپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، قايراتتانا ىسكەرلىك كورسەتىپ، جاڭا جاعداي اشايىق
چىن چۋانگو ءماجىلىستى باسقاردى
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 6 - ايدىڭ 23 - كۇنى ۇرىمجىدەن حابارلايدى. 6 - ايدىڭ 23 - كۇنى تۇستەن بۇرىن اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ ”’اۋەلگى ماقساتتى ۇمىتپاۋ، بورىشتى ەستە بەرىك ساقتاۋ‘ جۇڭگو كوممۋنيستىك پارتياسى تاريحى كورمەسىن“ ەكسكۋرسيالاعاندا سويلەگەن ماڭىزدى ءسوزىنىڭ رۋحى سياقتىلاردى جەتكىزدى، ۇيرەندى، رايونىمىزدىڭ دايەكتىلەندىرۋ، تياناقتاندىرۋ پىكىرىن اقىلداستى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.
ءماجىلىس مىنالاردى باسا دارىپتەدى: يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، پارتيا تاريحىن ۇيرەنۋ تاربيەسىن تىڭعىلىقتى ورىستەتىپ، پارتيانىڭ كۇرەس جۇرگىزۋ تاريحىنان العا باسۋ كۇش - قۋاتىن قابىلداپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جالپى بەتتىك دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، شينجياڭنىڭ ورنىقتىلىق، دامۋ جاڭا جاعدايىن قۇلشىنا اشۋ كەرەك. نازاريامەن قارۋلانۋدى كۇشەيتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن اناعۇرلىم جەتە ۇيرەنىپ، جەتە ءتۇسىنىپ، شىنايى تياناقتاندىرىپ، پارتيانىڭ 100 جىلدىق كۇرەس جۇرگىزۋ بارىسىمەن، اسىرەسە، پارتيا 18 - قۇرىلتايىنان بەرگى تاريحي تابىستارمەن، تاريحي وزگەرىستەرمەن ۇشتاستىرىپ، وسى ماڭىزدى يدەيانىڭ اقيقات كۇشىن جانە امالياتتىق ۇلى كۇشىن تەرەڭ ۇعىنىپ، ۇيرەنۋدى، وي جۇگىرتۋدى توعىستىرۋ، تانىمدى، سەنىمدى، ارەكەتتى بىرلىككە كەلتىرۋ كەرەك. مۇرات - سەنىمدى بەكەمدەپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيادا، ساياسيدا، ارەكەتتە باستان - اياق شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، پارتيانىڭ 100 جىلدىق كەرەمەت بارىسىنان اۋەلگى ماقساتتان، بورىشتان اينىماۋدىڭ ءنارىن جانە قوزعاۋشى كۇش قاينارىن قابىلداپ، كوممۋنيستەردىڭ وزىندىك قاسيەتىن، تۇپكى قاسيەتىن ۇزدىكسىز ايگىلەۋ كەرەك. باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، قوعام ورنىقتىلىعى، ىندەتتەن ساقتانۋ - تىزگىندەۋدى ۇدايىلاندىرۋ، ءوندىرىس حاۋىپسىزدىگى، ەكونوميكانىڭ جوعارى ساپالى دامۋى سياقتى ءتۇرلى قىزمەتتەردى تىڭعىلىقتى ويداعىداي ىستەپ، پارتيا تاريحىن ۇيرەنۋدى، يدەيانى ءتۇسىنۋدى، ناقتى ءىس ىستەۋدى، جاڭا جاعداي اشۋدى شىن مانىندە ورىنداپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتاۋ كەرەك.
ءماجىلىس اۆتونوميالى رايوننىڭ اۋىل - قىستاقتى گۇلدەندىرۋ قىزمەتى جاعدايىنان بەرىلگەن مالىمەتتى تىڭدادى. ءماجىلىس مىنالاردى اتاپ كورسەتتى: باس شۋجي شي جينپيڭنىڭ اۋىل - قىستاقتى گۇلدەندىرۋدى جاپپاي ىلگەرىلەتۋ جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، كەدەيلىكتەن ارىلتۋدان قامال الۋ جەتىستىگىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى ىلگەرىلەتىپ، جاڭا داۋىردەگى رايونىمىزدىڭ اۋىل شارۋاشىلىعى، اۋىل - قىستاق، شارۋالار قىزمەتىنىڭ جاڭا جاعدايىن قۇلشىنا اشۋ كەرەك. كەدەيلىكتەن ارىلتۋدان قامال الۋ جەتىستىگىن بەكەمدەپ، كەڭەيتىپ، ”ءتورتتى توقتاتپاۋدى“ تياناقتاندىرىپ، نەگىزگى كومەكتەسۋ - سۇيەمەلدەۋ ساياساتىنىڭ جالپى تۇلعالىق ورنىقتىلىعىن ساقتاپ، قايتالاي كەدەيلەسۋدەن ساقتانۋدى قاداعالاۋ جانە كومەكتەسۋ - سۇيەمەلدەۋ ءتۇزىمى مەحانيزمىن اقاۋسىزداندىرىپ، كەمەلدەندىرىپ، كولەمدى تۇردە قايتالاي كەدەيلەسۋدى بولعىزباۋدىڭ تومەنگى شەگىن باتىل ساقتاۋ كەرەك؛ اۋىل - قىستاقتىڭ ەرەكشە كاسىپ سالاسىن دامىتىپ، زورايتىپ، كەدەيلىكتەن ارىلعان وڭىرلەردىڭ كاسىپ سالاسىن جالعاستى، ۇزاق ۋاقىت جەتىلدىرۋدى كۇشەيتىپ، ەڭبەك شوعىرلانعان كاسىپ سالاسىن بار كۇشپەن دامىتىپ، ەرەكشە باسىم كاسىپ سالاسىن زورايتىپ، جاڭا كاسىپ سالاسىن، جاڭا كاسىپ كۇيىن جەدەل دامىتىپ، تۇتىنۋ ارقىلى كەدەيلەردى سۇيەمەلدەۋ ارەكەتىن ءۇرتىس اتقارۋ كەرەك؛ ورنىقتى جۇمىستاندىرۋدى، ءۇرتىس كىرىستى ارتتىرۋدى جەبەپ، جۇمىستاندىرۋدى باعدار ەتىپ، باۋلۋ تەبىنىن ارتتىرىپ، ەگىنشى - مالشىلاردىڭ ساپاسىن ءوسىرىپ، تاياۋ ماڭدا، سول جەردە جۇمىستاندىرۋ مەن باسقا سالاعا تارتىپپەن ويىستىرىپ جۇمىستاندىرۋدى ورگانيكالى ۇشتاستىرۋعا تاباندى بولىپ، جۇمىستانۋدى، شارۋاشىلىق قۇرۋدى كوپ ارنامەن جەبەۋ كەرەك؛ اۋىل - قىستاق قۇرىلىسى ارەكەتىن ورنىقتى قاداممەن اتقارىپ، اۋىل - قىستاقتىڭ قونىس ورتاسىن رەتتەپ - جونگە سالىپ، دارەجەسىن ءوسىرىپ، اۋىل - قىستاقتىڭ نەگىزدىك قۇرىلعى ينجەنەرياسىن تىڭعىلىقتى ىلگەرىلەتىپ، جالپىعا ءتيىمدى، ەڭ تومەنگى شەكتەن تۇسىرمەيتىن، نەگىزدىك حالىق تۇرمىسى قۇرىلىسىن كۇشەيتۋ كەرەك؛ ءار دارەجەلى نەگىزگى تۇلعالاردىڭ جاۋاپكەرشىلىگىن قاتايتىپ، ناقتىلاندىرىپ، اۆتونوميالى رايون باس جاۋاپكەرشىلىكتى ارقالاۋ، ايماق، اۋدان، اۋىل تياناقتاندىرۋدى يگەرۋ قىزمەت تۇزىلىسىنە تاباندى بولىپ، اۋداندىق، قالالىق پارتكومدار مەن ۇكىمەتتەردىڭ نەگىزگى تۇلعالىق جاۋاپكەرشىلىگىن، سونداي - اق اۋداندىق، قالالىق پارتكوم شۋجيلەرىنىڭ ”ءبىرىنشى شەپ باس قولباسشىسى“ قىزمەت جاۋاپكەرشىلىگىن ناقتىلاندىرىپ، قوسىندى كۇشەيتىپ قۇرىپ، نەگىزدى نىعايتىپ، اۋىل - قىستاقتىڭ جاپپاي گۇلدەنۋىن ىلگەرىلەتۋ كەرەك.
ءماجىلىس اۆتونوميالى رايوننىڭ ساياسي - زاڭ قوسىندارىن تاربيەلەۋ، رەتتەۋ قىزمەتىنەن بەرىلگەن مالىمەتتى تىڭدادى. ءماجىلىس مىنالاردى اتاپ كورسەتتى: پارتيا ورتالىق كوميتەتىنىڭ ورنالاستىرۋلارىن باتىل دايەكتىلەندىرىپ، ورتالىق قۋزاۋ - جەتەكشىلىك ەتۋ گرۋپپاسىنىڭ قىزمەت تالاپتارىنا قاتاڭ بويسۇنىپ، ماسەلەنى باعدار ەتۋگە تاباندى بولىپ، شەگە قاعۋ رۋحىمەن 1 - توپتاعى تاربيەنى، رەتتەۋدى ءۇرتىس ىلگەرىلەتىپ، باعالاۋ، تەكسەرىپ وتكىزىپ الۋ، رەتتەۋ - تۇزەتۋ، قورىتىندىلاۋ سياقتى قىزمەتتەردى شىندىقتى ءىس جۇزىنەن ىزدەي وتىرىپ ويداعىداي ىستەپ، ءسىڭىستى كىناراتتار مەن قاساڭ دەرتتەردى رەتتەۋ - جونگە سالۋدىڭ تۇتاس تۇلعالىق شايقاسىن، قامال الۋ شايقاسىن ويداعىداي جۇرگىزۋ كەرەك. 2 - توپتاعى تاربيەنىڭ، رەتتەۋدىڭ زاڭدىلىعىن، ەرەكشەلىگىن زەرتتەپ، يگەرىپ، دارەجەگە، تۇرگە ايىرۋعا باسا ءمان بەرىپ، ساياسي ادالدىقتى كورنەكتىلەندىرىپ، ۇلگى كورسەتۋ رولىن كورنەكتىلەندىرىپ، ەرەجە - ءتۇزىم ورناتۋدى كورنەكتىلەندىرىپ، 2 - توپتاعى تاربيەنىڭ - رەتتەۋدىڭ ورنىقتى باستالۋىنا، ءساتتى جۇرگىزىلۋىنە شىنايى كەپىلدىك ەتۋ كەرەك.
ءماجىلىس باسقا دا ىستەردى اقىلداستى.
شوكىرات زاكىر، شاۋكەت يمىن، ۋاڭ جۇنجىڭ، شۇي حايرۇڭ، ەركىن تۇنياز، تيان ۋىن، لي يفي، تيان شياڭلي، ۋاڭ ميڭشان قاتارلىلار ماجىلىسكە قاتىناستى.
