تيانشان تورى   ›   جاڭالىقتار   ›   ماڭىزدى حابارلار

شي جينپيڭ شىنجوۋ 12 - ءنومىرلى الەم كەمەسىنىڭ عارىشكەرلەرىمەن ىقىلاستى تۇردە سويلەستى

پارتيا ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى اتىنان، بۇكىل ەلدەگى ءار ۇلت حالقى اتىنان عارىشكەر نيە حايشىڭعا، ليۋ بوميڭگە، تاڭ حۇڭبوعا شىن ىقىلاستى سالەم جولدادى

حان جىڭ قيمىلعا قاتىناستى

  جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 6 - ايدىڭ 23 - كۇنى بەيجيڭ عارىشقا ۇشۋدى مەڭگەرۋ ورتالىعىنا كەلىپ، تيانحى وزەكتى بولمەسىندە مىندەت وتەپ جاتقان شىنجوۋ 12 - ءنومىرلى الەم كەمەسىنىڭ عارىشكەرلەرى نيە حايشىڭمەن، ليۋ بوميڭمەن، تاڭ حۇڭبومەن ىقىلاستى تۇردە سويلەستى.

□ سۋرەتتەردى شينحۋا اگەنتتىگىنىڭ تىلشىلەرى جۇي پىڭ (سول جاقتاعى سۋرەت)، يۋە يۋەۋي (وڭ جاقتاعى سۋرەت) تۇسىرگەن. (بىرىكتىرىلگەن سۋرەت)

  شينحۋا اگەنتتىگىنىڭ 6 - ايدىڭ 23 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 6 - ايدىڭ 23 - كۇنى تۇستەن بۇرىن بەيجيڭ عارىشقا ۇشۋدى مەڭگەرۋ ورتالىعىنا كەلىپ، تيانحى وزەكتى بولمەسىندە مىندەت وتەپ جاتقان شىنجوۋ 12 - ءنومىرلى الەم كەمەسىنىڭ عارىشكەرلەرى نيە حايشىڭمەن، ليۋ بوميڭمەن، تاڭ حۇڭبومەن ىقىلاستى تۇردە سويلەسىپ، پارتيا ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى اتىنان، بۇكىل ەلدەگى ءار ۇلت حالقى اتىنان ولارعا شىن ىقىلاستى سالەم جولدادى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ قيمىلعا قاتىناستى.

  شىنجوۋ 12 - ءنومىرلى الەم كەمەسى 6 - ايدىڭ 17 - كۇنى ۇشىرىلىپ كەڭىستىككە كوتەرىلگەننەن بەرى شي جينپيڭ 3 عارىشكەردىڭ دەنساۋلىعى مەن مىندەت وتەۋ جاعدايىنا ايرىقشا كوڭىل ءبولدى، 6 - ايدىڭ 23 - كۇنى بەيجيڭ عارىشقا ۇشۋدى مەڭگەرۋ ورتالىعىنا ارنايى كەلىپ عارىشكەرلەرمەن سويلەستى.

  تۇستەن بۇرىن ساعات 9دان 35 مينۋتتا شي جينپيڭ قاتارلىلار قولباسشىلىق زالىنا كىرىپ، سول جەردەگى ۇلكەن ەكراننان تيانحى وزەكتى بولمەسى مەن شىنجوۋ 12 - ءنومىرلى الەم كەمەسىنىڭ قۇراما تۇلعاسىنىڭ اينالىم جاعدايىن جانە عارىشكەرلەردىڭ وربيتادا قىزمەت ىستەۋ جاعدايىن كوزدەن كەشىردى. ەكراندا تيانحى وزەكتى بولمەسى ىشىندەگى ءدال ۇستىندەگى كەسكىن انىق كورىنىپ تۇردى، نيە حايشىڭ، ليۋ بوميڭ، تاڭ حۇڭبو جەكە - جەكە مەحانيكالىق قولمەن وربيتادا جاتتىعۋ نىسانى جۇمىسى، بولمە سىرتى عارىش كيىمىنىڭ كۇيىن جوبالاپ بەكىتۋ جانە تەكسەرۋ سياقتى كەمە بولمەسىنەن شىعۋدىڭ الدىنداعى دايىندىق قىزمەتتەردى جۇرگىزىپ جاتقان ەدى.

  9دان 40 مينۋتتا شي جينپيڭ ورنىنان تۇرىپ، الدىڭعى جاقتاعى قولباسشىلىق مىنبەرىنە كەلدى. نيە حايشىڭ، ليۋ بوميڭ، تاڭ حۇڭبو قاتارلى 3 عارىشكەر تاسقىنداعان رۋحپەن شي جينپيڭگە سالەم بەردى.

  شي جينپيڭ: حايشىڭ جولداس، بوميڭ جولداس، حۇڭبو جولداس، سىزدەر جاپا شەكتىڭىزدەر. مەن پارتيا ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى اتىنان، بۇكىل ەلدەگى ءار ۇلت حالقى اتىنان سىزدەرگە شىن ىقىلاستى سالەم جولدايمىن!

  نيە حايشىڭ: باس شۋجيگە راقىمەت، بۇكىل ەل حالقىنا راقىمەت!

  شي جينپيڭ: سىزدەر تيانحى وزەكتى بولمەسىنە كىرىپ ورنالاسقان العاشقى توپتاعى عارىشكەرسىزدەر، عارىش كەڭىستىگىندە 3 اي ۋاقىت تۇراسىزدار. سىزدەردىڭ عارىش كەڭىستىگىندەگى قىزمەت، تۇرمىس جاعدايلارىڭىزعا بۇكىل ەل حالقى ءسات سايىن كوڭىل ءبولىپ، ساعات سايىن نازار اۋدارۋدا. قازىر دەنساۋلىقتارىڭىز، تۇرمىستارىڭىز قانداي؟ قىزمەتتەرىڭىز تابىستى ما؟

  نيە حايشىڭ: باس شۋجيدىڭ قامقورلىعىنا راقىمەت! ءبىزدىڭ دەنساۋلىق جاعدايىمىز وتە جاقسى، ءتۇرلى قىزمەتتەر ءساتتى ىلگەرىلەۋدە. مەن 3 - رەت مىندەت اتقارىپ وتىرمىن، تيانحى وزەكتى بولمەسىندەگى قىزمەت جانە تۇرمىس شارت - جاعدايى بارعان سايىن جاقسارىپ كەلەدى، ءبىز جۇڭگولىق عارىشكەرلەردىڭ عارىش كەڭىستىگىندە ۇزاق ۋاقىت وربيتادا جۇرەتىن ءۇيى بار بولدى. الىس عارىش كەڭىستىگىندە تۇرعان ءبىز ۇلى پارتيامىزدى جانە وتانىمىزدى ماقتانىش جانە داڭق سەزىنەمىز.

  ليۋ بوميڭ: باس شۋجيگە مالىمەت، مەن 2 - رەت مىندەت اتقارىپ وتىرمىن. وسى رەتكى مىندەتكە قاتىناسا العانىم ءۇشىن، مەن مۇنى اسا كەلەلى بورىش جانە شەكسىز داڭق سەزىنۋدەمىن. وسىدان كەيىن ءبىز 2 رەت كەمە بولمەسىنەن شىعىپ ارەكەت ەتۋ جانە مەحانيكالى قولدى مەڭگەرۋ سياقتى ءبىرسىپىرا تەحنيكالاردى سىناقتان وتكىزۋ تاجىريبەسىن جۇرگىزەمىز، ءبىز، ءسوز جوق، دەن قويا جۇمىس جۇرگىزىپ، ءتۇرلى تاجىريبەلەردىڭ تولىق تابىستى بولۋىنا شىنايى كەپىلدىك ەتەمىز.

  تاڭ حۇڭبو: باس شۋجيگە مالىمەت، مەن العاش رەت عارىش كەڭىستىگىنە شىعىپ وتىرمىن، سالماقسىزدانعان كۇيدەگى ورتاعا ۇيلەسىپ كەتتىم، تاماقتانۋ، جاتۋ - تۇرۋ جانە قىزمەت كۇيىمنىڭ ءبارى جاقسى، ۇيدەگىلەرمەن بەينە ەكران ارقىلى سويلەسىپ تە الدىم، ءبىزدىڭ عارىش كەڭىستىگىندەگى ءۇيىمىز وتە مەيىرلى، وتە جايلى. ءبىز الداعى مىندەتتەردى ويداعىداي ورىنداۋعا تولىق سەنىمدەمىز.

  شي جينپيڭ: سىزدەردىڭ جاعدايلارىڭىزدىڭ وتە جاقسى، قىزمەتتەرىڭىزدىڭ تابىستى ەكەندىگىن كورىپ كوپشىلىك تۇگەل قاتتى قۋانىپ وتىر. كەڭىستىك بەكەتىن قۇرۋ − جۇڭگونىڭ عارىش ىستەرىندەگى ماڭىزدى بەلەس، ادامزاتتىڭ عارىش كەڭىستىگىن بەيبىت پايدالانۋ ءۇشىن ءورىس اشۋ سيپاتىندىق ۇلەس قوسادى. سىزدەر − جاڭا داۋىردەگى جۇڭگو عارىش ىستەرىندەگى سانسىز كۇرەسكەرلەردىڭ، شىڭعا قۇلاش سەرمەۋشىلەردىڭ ۋاكىلىسىزدەر. سىزدەردىڭ تىعىز سەلبەسىپ، الداعى مىندەتتەردى تولىق تابىسپەن ورىنداۋلارىڭىزدى ءۇمىت ەتەمىن! سىزدەردىڭ عارىش كەڭىستىگىندەگى قىزمەتتەرىڭىزدىڭ، تۇرمىستارىڭىزدىڭ ءساتتى بولۋىن تىلەيمىن، ءبىز بەيجيڭدە سىزدەردىڭ جەڭىسپەن ورالۋلارىڭىزدى كۇتەمىز!

  نيە حايشىڭ: ءبىز، ءسوز جوق، باس شۋجيدىڭ نۇسقاۋىن ەستە بەرىك ساقتاپ، بورىشتى اتقارىپ، كەلەلى تاپسىرمانىڭ ۇددەسىنەن شىعىپ، ءتۇرلى مىندەتتەردى باتىل ورىندايمىز. باس شۋجي الاڭسىز بولىڭىز، بۇكىل ەل حالقى الاڭسىز بولسىن!

   وسىدان كەيىن 3 عارىشكەر سالەم بەردى. شي جينپيڭ ولارعا قول بۇلعاپ قۇرمەت ءبىلدىردى، سول جەردەگى سىناق جۇمىستارىنا قاتىناسقان قىزمەتكەرلەردەن حال سۇرادى. بۇكىل زالدان ۇزاق ۋاقىتقا دەيىن قىزۋ قول شاپالاق ءۇنى كوتەرىلدى.

  ديڭ شۋەشياڭ، ليۋ حى، شۇي چيلياڭ، جاڭ يوۋشيا، ۋي فىڭحى، ورتالىق اسكەري ىستەر كوميتەتىنىڭ مۇشەلەرى لي زوچىڭ، مياۋ حۋا، جاڭ شىڭمين سويلەسۋ قيمىلىنا قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.