اۆتونوميالى رايوندىق پارتكومنىڭ نازاريا ۇيرەنۋ وزەكتى گرۋپپاسى شي جينپيڭ جاڭا ءداۋىر جۇڭگوشا سوتسياليزم يدەياسىنىڭ نەگىزگى رۋحىن، نەگىزگى مازمۇنىن، نەگىزگى تالابىن ارناۋلى تاقىرىپتا ۇيرەندى
جەتە ۇيرەنۋ، جەتە ءتۇسىنۋ، شىنايى تياناقتاندىرۋ جاعىنا تاباندىلىقپەن قاجىماي - تالماي كۇش سالىپ، يدەيانىڭ ۇلى كۇشىن ءىس تىندىرىپ شارۋاشىلىق قۇرۋدىڭ ءىس جۇزىندىك ناتيجەسىنە اينالدىرايىق
چىن چۋانگو باسقاردى
شوكىرات زاكىر، شاۋكەت يمىن، ۋاڭ جۇنجىڭ قاتىناستى
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 6 - ايدىڭ 24 - كۇنى ۇرىمجىدەن حابارلايدى. 6 - ايدىڭ 23 - كۇنى تۇستەن بۇرىن اۆتونوميالى رايوندىق پارتكومنىڭ نازاريا ۇيرەنۋ وزەكتى گرۋپپاسى ارناۋلى تاقىرىپتىق ۇيرەنۋ ءماجىلىسىن وتكىزىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ نەگىزگى رۋحىن، نەگىزگى مازمۇنىن، نەگىزگى تالابىن ىشكەرىلەي ۇيرەندى، ۇعىندى. اۆتونوميالى رايوندىق پارتكومنىڭ شۋجيى چىن چۋانگو ۇيرەنۋ ءماجىلىسىن باسقاردى.
شوكىرات زاكىر، شاۋكەت يمىن، ۋاڭ جۇنجىڭ، شۇي حايرۇڭ، ەركىن تۇنياز، تيان ۋىن، لي يفي، تيان شياڭلي، ۋاڭ ميڭشان ماجىلىسكە قاتىناستى.
ماجىلىستە چىن چۋانگو، شۇي حايرۇڭ، تيان شياڭلي ۇيرەنۋ اسەرلەرىن سويلەدى، اۆتونوميالى رايوندىق پارتكومداعى باسقا تۇراقتى مۇشە جولداستار جانە اۆتونوميالى رايوندىق حالىق قۇرىلتايىنداعى، ساياسي كەڭەستەگى نەگىزگى جاۋاپتى جولداستار جازباشا پىكىر اۋىستىرىپ ءسوز سويلەدى. كوپشىلىك مىنالاردى ءبىلدىردى: شي جينپيڭ جاڭا ءداۋىر جۇڭگوشا سوتسياليزم يدەياسى جاڭا داۋىردەگى جۇڭگو كوممۋنيستىك پارتياسىنىڭ يدەيالىق تۋى، ءبىزدىڭ قىزمەتتەردى ويداعىداي ىستەۋدەگى ءتۇبىرلى بويسۇنۋ ولشەمىمىز، قۋاتتى اقيقات كۇشىنە جانە امالياتتىق ۇلى كۇشكە يە. شي جينپيڭ جاڭا ءداۋىر جۇڭگوشا سوتسياليزم يدەياسىن بۇلجىماستان ىشكەرىلەي ۇيرەنىپ، جەتە ۇعىنىپ، شىن مانىندە وي - سانانى قارۋلاندىرۋ، امالياتقا جەتەكشىلىك ەتۋ، قىزمەتتى ىلگەرىلەتۋ كەرەك.
كوپشىلىكتىڭ ءسوزىن مۇقيات تىڭداعاننان كەيىن، چىن چۋانگو ءسوز سويلەدى. ول بىلاي دەپ اتاپ كورسەتتى: پارتيا 18 - قۇرىلتايىنان بەرى باس شۋجي شي جينپيڭ ماركسيزمدىك ساياساتشىعا، ويشىلعا، ستراتەگياشىعا ءتان ەرەن نازاريالىق باتىلدىعى، ەرەن ساياسي اقىل - پاراساتى، كۇشتى بورىشكەرلىگى، جاۋاپكەرشىلىگى ارقىلى ءتول جاسامپازدىق سيپاتقا، داۋىرلىك سيپاتقا، جەتەكشىلىك سيپاتقا يە ءبىر قىدىرۋ كەلەلى يدەيالىق كوزقاراستى العا قويىپ، شي جينپيڭ جاڭا ءداۋىر جۇڭگوشا سوتسياليزم يدەياسىن قالىپتاستىردى. شي جينپيڭ جاڭا ءداۋىر جۇڭگوشا سوتسياليزم يدەياسى جۇڭگوشا سوتسياليزم جاڭا داۋىرگە وتكەننەن كەيىنگى ءتۇبىرلى سيپات الاتىن ءبىر قىدىرۋ ماسەلەلەرگە تەرەڭدەي جاۋاپ بەردى، ماركسيزمنىڭ نەگىزگى قاعيداسىن جۇڭگونىڭ ناقتى امالياتىمەن ۇشتاستىرۋدىڭ تاعى ءبىر رەتكى شارىقتاۋىن جۇزەگە اسىرىپ، زامانىمىز ماركسيزمنىڭ جاڭا ءورىسىن اشتى، ول زامانىمىزداعى جۇڭگو ماركسيزمى، 21 - عاسىر ماركسيزمى ساناتىندا، جاڭا داۋىردە جۇڭگوشا سوتسياليزمگە تاباندى بولۋعا جانە ونى دامىتۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا ايقىن العا باسۋ بەتالىسىن كورسەتىپ، ارەكەت باعدارناماسىن ازىرلەپ، پارتيا مەن مەملەكەت ىستەرىندە الدىڭعىلاردىڭ ءىزىن باسىپ، بولاشاققا جول اشۋدى، باياندى تىنىشتىقتى ءتۇبىرلى قامتاماسىزدىقپەن قامدادى، جۇڭگوشا سوتسياليزمدى باستاپ جاڭا داۋىرگە ءوتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ جاڭا تاراۋىن جازدى، پارتيانى باسقارۋدىڭ، پارتيانى جونگە سالۋدىڭ جاڭا جاعدايىن اشتى، كەلەلى تاريحي ۇلەسى جانە ماڭىزى بار. ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ رۋحاني ءمانى مەن باي مازمۇنىن تەرەڭدەي ءتۇسىنىپ، باس شۋجي شي جينپيڭ نۇسقاعان بەتالىستى بويلاپ بۇلجىماي العا باسۋ كەرەك.
چىن چۋانگو بىلاي دەپ باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى ماڭداي الدى ساياسي مىندەت ەتۋگە تاباندى بولىپ، جەتە ۇيرەنۋ، جەتە ءتۇسىنۋ، شىنايى تياناقتاندىرۋ جاعىنا بارىنشا كۇش سالىپ، يدەيانىڭ ۇلى كۇشىن ءىس تىندىرىپ شارۋاشىلىق قۇرۋدىڭ رۋحاني قوزعاۋشى كۇشىنە جانە ءىس جۇزىندىك ناتيجەسىنە اينالدىرۋعا قۇلشىنۋ كەرەك. جەتە ۇيرەنۋ جاعىنا ۇزدىكسىز دەن قويىپ، كۇش سالىپ، ءتۇپ نۇسقانى وقۋعا، اۋەلگى ءماتىندى ۇيرەنۋگە، قاعيدانى تۇسىنۋگە تاباندى بولىپ، ۇيرەنۋ، ۇگىتتەۋ، ۇگىت لەكسيا، باۋلۋ، جالپىلاستىرۋ، زەرتتەۋ - تالقى قيمىلىن ۇدايىلاندىرا ورىستەتىپ، وزەكتى ماڭىزىن، رۋحاني ءمانىن، باي مازمۇنىن، امالياتتىق تالابىن ىشكەرىلەي ءتۇسىنىپ، شىن مانىندە سەنىم نەگىزىن بەكەمدەۋ، رۋحاني كالتسيدى تولىقتاۋ، يدەيا رولىن تياناقتى مەڭگەرۋ كەرەك. جەتە ءتۇسىنۋ جاعىنا ۇزدىكسىز دەن قويىپ، كۇش سالىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، ءتۇسىنۋدى ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، ”ۇشكە ۋاكىلدىك ەتۋ“ ماڭىزدى يدەياسىن، عىلمي دامۋ كوزقاراسىن ۇيرەنۋمەن توعىستىرۋعا، پارتيا تاريحىن، جاڭا جۇڭگو تاريحىن، رەفورما جاساۋ، ەسىك اشۋ تاريحىن، سوتسياليزمنىڭ دامۋ تاريحىن ۇيرەنۋمەن توعىستىرۋعا، ۇلى كۇرەس جۇرگىزۋ، ۇلى ينجەنەريا قۇرۋ، ۇلى ىستەردى ىلگەرىلەتۋ، ۇلى ارماندى جۇزەگە اسىرۋ امالياتىمەن توعىستىرۋعا، پارتيا 18 - قۇرىلتايىنان بەرگى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ءتۇرلى ستراتەگيالىق ورنالاستىرۋلارىن تياناقتاندىرۋمەن توعىستىرۋعا تاباندى بولىپ، نازاريا لوگيكاسىن، تاريح لوگيكاسىن، اماليات لوگيكاسىن دالمە - ءدال يگەرىپ، ساياسي جاقتان شىنايى مويىنداۋدى، يدەيالىق جاقتان شىنايى مويىنداۋدى، نازاريالىق جاقتان شىنايى مويىنداۋدى، سۇيىسپەنشىلىك جاقتان شىنايى مويىنداۋدى كۇشەيتۋ كەرەك. شىنايى تياناقتاندىرۋ جاعىنا ۇزدىكسىز دەن قويىپ، كۇش سالىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ۇيرەنۋمەن، دايەكتىلەندىرۋمەن ۇشتاستىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جالپى بەتتىك دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، پارتيا تاريحىن ۇيرەنۋ تاربيەسىن تىڭعىلىقتى ورىستەتىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، دامۋ مەن حاۋىپسىزدىكتى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، قوعام ورنىقتىلىعى، ىندەتتەن ساقتانۋ - تىزگىندەۋدى ۇدايىلاندىرۋ، ءوندىرىس حاۋىپسىزدىگى جانە ەكونوميكانىڭ جوعارى ساپالى دامۋى قىزمەتتەرىن تىڭعىلىقتى ويداعىداي ىستەپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتاۋ كەرەك.
