تيانشان تورى   ›   جاڭالىقتار   ›   شينجياڭ حابارلارى

رۋحاني قان تامىردى ۇلاستىرىپ، ەكپىندەي ىلگەرىلەۋ كۇش - قۋاتىن تاسقىنداتتى

— رايونىمىزدىڭ جەر - جەرى جاڭا پارتيا مۇشەلەرىنىڭ پارتياعا كىرۋ سەرتىن بەرۋ قيمىلىن ۇيىمداستىرىپ ورىستەتتى

انار بۇلت / شينجياڭ گازەتىنىڭ تىلشىلەرى

  ”1 - شىلدە“ تاياعان شاقتا رايونىمىزدىڭ جەر - جەرى جاڭا پارتيا مۇشەلەرىنىڭ پارتياعا كىرۋ سەرتىن بەرۋ قيمىلىن جابال ورىستەتتى. وتانشىلدىق تاربيە ۇلگى كورسەتۋ بازالارىندا، ورگان، ءىسورىندارىنىڭ پارتيا قۇرىلىسى قيمىل ۇيلەرىندە، اۋىل - قىستاق مادەنيەت ورتالىقتارىندا جاڭا پارتيا مۇشەلەرى توپ - توبىمەن نارت قىزىل پارتيا تۋىنا قاراپ، وڭ قولدارىن كوتەرىپ، ايبىندى سەرت بەردى.

  ”مەن ءوز ەركىممەن جۇڭگو كوممۋنيستىك پارتياسىنا كىرەمىن، پارتيانىڭ باعدارناماسىن جاقتايمىن، پارتيانىڭ ۋستاۆىنا بويسۇنامىن... كوممۋنيزم ءۇشىن اقتىق دەمىمە دەيىن كۇرەسەمىن، پارتيا مەن حالىققا بارىمدى قۇربان ەتۋگە قاي - قاشان دا دايىنمىن، پارتياعا ماڭگى وپاسىزدىق ىستەمەيمىن“. 6 - ايدىڭ 22 - كۇنى ۇلۇقشات اۋدانى جىعىن اۋىلى بۇرماحان مولدو شەكارا كۇزەتۋ سارايى الدىندا قىزىلسۋ قىرعىز اۆتونوميالى وبلىسىنداعى جاڭا پارتيا مۇشەلەرى ۋاكىلدەرى پارتيا تۋىنا قاراپ سەرت بەردى.

  ”حالىق بۇقاراسىنىڭ سۇيەنىشى، قاتەرلى ساتتەگى اۆانگارد كۇش، قىسىلتاياڭ ساتتەگى بەرىك تىرەك مەنى پارتيا ۇيىمىنا جاناسۋعا باۋرادى جانە جىگەرلەندىردى. الداعى جەردە ەش بۇلجىماستان پارتيانىڭ سوزىنە قۇلاق اسىپ، پارتياعا ىلەسىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرەتىن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋ جولىندا قاجىماي - تالماي كۇرەس جۇرگىزەمىن“، - دەدى سەرت بەرىپ بولعان سوڭ، جاڭا پارتيا مۇشەسى ايىمبي تويشىبەك تەبىرەنىسپەن.

  شەكارا كۇزەتۋ سارايىندا سۋرەتتەر بۇرماحان مولدونىڭ نەشە 10 جىلدى ءبىر كۇنگىدەي وتكىزىپ، مەملەكەت ءۇشىن شەكارا كۇزەتكەن كەشىرمەلەرىن جاندى ايگىلەدى. ”بۇدان كەيىن مەن بۇرماحان مولدودان ۇيرەنىپ، پارتيانىڭ اۋەلگى ماقساتى مەن بورىشىن جان جۇيەمە تەرەڭ ۇيالاتىپ، سانالى تۇردە توڭكەرىستىك داستۇرگە مۇراگەرلىك ەتىپ، قىزىل گەندى جالعاستىرىپ، پارتيا ىستەرى ءۇشىن كۇش - قۋاتىمدى ارنايمىن“، - دەدى جاڭا پارتيا مۇشەسى يان ليچي.

  بىرنەشە كۇننەن بەرى سانجى حۇيزۋ اۆتونوميالى وبلىسىنىڭ جەر - جەرى جاڭا پارتيا مۇشەلەرىنىڭ پارتياعا كىرۋ سەرتىن بەرۋ قيمىلىن كەڭ كولەمدە ورىستەتىپ، جۇڭگو كوممۋنيستىك پارتياسىنىڭ 100 جىلدىق مەرەي تويىن بىرگە قارسى الدى. پارتيانىڭ قوسىنىنا كوپتەگەن جاڭا قان قوسىلىپ، پارتيانىڭ قۋاتتى تىرشىلىك تىنىسى مەن ومىرشەڭدىگىن ايگىلەدى، پارتيا ىستەرىنىڭ كوركەيىپ دامىعان جانە كوركەيىپ - گۇلدەنگەن كورىنىسىن بەينەلەدى.

  6 - ايدىڭ 24 - كۇنى سانجى وبلىستىق قوعام حاۋىپسىزدىگى مەكەمەسى ”پارتيا قۇشاعىنداعى داڭقتى 50 جىل“ ەستەلىك زناگىن تاراتۋ جانە جاڭا پارتيا مۇشەلەرىنىڭ پارتياعا كىرۋ سەرتىن بەرۋ سالتىن وتكىزدى، 13 جاڭا پارتيا مۇشەسى نارت قىزىل پارتيا تۋىنا قاراپ ايبىندى سەرت بەردى. ارتىنان ساقا پارتيا مۇشەلەرىنىڭ 13 ۋاكىلى جەكە - جەكە 13 جاڭا پارتيا مۇشەسىنە پارتيا زناگىن تاقتى ءارى «كوممۋنيستىك پارتيا بولماسا جاڭا جۇڭگو بولماق ەمەس» ءانىن بىرگە شىرقادى.

  ساقا پارتيا مۇشەسى لو جىنحاي جاڭا پارتيا مۇشەسى جاڭ شيۋيۇڭعا پارتيا زناگىن تاققان كەزدە بىلاي دەدى: ”پارتيا زناگىن تاعۋ پارتيا مۇشەسى سالاۋاتىن ايگىلەپ، پارتيانىڭ تاڭداۋلى داستۇرىنە مۇراگەرلىك ەتىپ جانە ونى ساۋلەلەندىرىپ، پارتيا مۇشەسىنىڭ اۆانگارد ۇلگىلى رولىن بارىنشا ساۋلەلەندىرۋ كەرەكتىگىن ۇعىندىرادى“. جاڭ شيۋيۇڭ مىنانى ءبىلدىردى: ساقا پارتيا مۇشەلەرى جاڭا پارتيا مۇشەلەرىن جەتەكتەپ، الاۋدى ۇرپاقتان - ۇرپاققا جالعاستىرۋ فورماسىنداعى پارتيا زناگىن تاعۋ سالتى ءبىر ءتۇرلى جەبەۋ، ءبىر ءتۇرلى جىگەرلەندىرۋ، سونداي - اق رۋحتى جالعاستىرۋ سانالادى. بۇدان كەيىن پارتياعا كىرگەن كەزدەگى سەرتتى ەستە بەرىك ساقتاپ، مۇرات - سەنىمدى بەكەمدەپ، اۋەلگى ماقسات پەن بورىشتى امالياتتا ايگىلەپ، شينجياڭنىڭ قوعام ورنىقتىلىعى مەن باياندى تىنىشتىعىن قورعاۋعا كۇش - قۋاتىمدى ارنايمىن.

  ”بىرنەشە كۇننىڭ الدىندا قالاشىعىمىز جاڭا پارتيا مۇشەلەرىنىڭ پارتياعا كىرۋ سەرتىن بەرۋ سالتىن وتكىزدى، ساقا پارتيا مۇشەلەرى ءبىز سياقتى جاڭا پارتيا مۇشەلەرىنە پارتيا زناگىن تاقتى. سول ساتتە مەن شەكسىز ماقتانىش سەزىمگە بولەندىم، سونداي - اق قايراتتى تاسقىنداتىپ، قىستاق ءۇشىن اناعۇرلىم كوپ ءىس تىندىرىپ، ماڭگى بۇقارانىڭ جان اشىرى بولۋعا بەكىدىم“، - دەدى شايار اۋدانى تويبولدى قالاشىعى يىڭىگەرشى قىستاعى ەڭبەكپەن قامتاماسىزداندىرۋ كادرى ءسۇبينۇر قادىر.

  6 - ايدىڭ 18 - كۇنى قارامايلى قالاسى جايرانبۇلاق رايونى (قارامايلى جوعارى، جاڭا تەحنيكا رايونى) شينحۋا الەۋمەتتىك اۋماعىندا 8 ساقا پارتيا مۇشەسى پارتيا زناگىن 8 جاڭا پارتيا مۇشەسىنىڭ كەۋدەسىنە تاقتى ءارى جاڭا پارتيا مۇشەلەرىن باستاپ سەرت بەردى. شينحۋا الەۋمەتتىك اۋماعى تۇرعىندار كوميتەتىنىڭ ورىنباسار مەڭگەرۋشىسى جاڭ شينلەي اسەرلەنە بىلاي دەدى: ”’90 - جىلدان كەيىن تۋىلعان‘ جاڭا پارتيا مۇشەسى رەتىندە، قىزمەت ورنىمدى تياناق ەتىپ، حالىق ءۇشىن ناقتى ىستەر، جاقسى ىستەر ىستەپ، پارتيا مۇشەلەرىنىڭ اۆانگارد ۇلگىلىك رولىن تولىق ساۋلەلەندىرىپ، حالىققا تيىمدىلىك جەتكىزۋ ساياساتتارىن مۇقيات، ويداعىداي تياناقتاندىرامىن“.

  التاي ايماعىندا شينجياڭ ۋاڭيۋان بيولوگيا عىلىم - تەحنيكا توبى شەكتى سەرىكتەستىگىنىڭ پارتيا ياچەيكاسى قارت پارتيا مۇشەلەرىنىڭ پارتياعا كىرۋ سەرتىن قايتالاي پىسىقتاۋ، جاڭا پارتيا مۇشەلەرىنىڭ پارتياعا كىرۋ سەرتىن بەرۋ قيمىلىن ورىستەتتى. سەرىكتەستىك جۇمىسشى ۇيىمىنىڭ ءتوراعاسى، جاپپاي جونگە سالۋ كەڭسەسىنىڭ ديرەكتورى ساڭ جىيۋان جاڭا پارتيا مۇشەسى. ول بىلاي دەدى: ”پارتياعا كىرۋ سەرتىن بەرگەندە مەن ايرىقشا اسەرلەندىم. پارتياعا كىرۋ مەنىڭ تالاي جىلدان بەرگى ارمانىم، پارتيا قۇرىلعاندىعىنىڭ 100 جىلدىعى قارساڭىندا ارمانىمنىڭ جۇزەگە اسقاندىعىن شەكسىز ماقتانىش ەتەمىن. بۇدان كەيىن پارتيا ۇيىمىنىڭ ءۇمىتىن اقتاپ، قىزمەتتى ءتىپتى دە قۇلشىنا ىستەپ، مالشىلاردىڭ كىرىسىن ارتتىرىپ، بايۋىنا اناعۇرلىم زور ۇلەس قوسامىن“.

  (ءتىلشى جاڭ جىلي، جازۋعا قاتىناسقان تىلشىلەر گى يۋجۇن، حان چينيان، ەرىكتى تىلشىلەر ليۋ يان، ليۋ حۇي، يە زى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.