تيانشان تورى   ›   جاڭالىقتار   ›   ەل ءىشى حابارى

«جۇڭگو كوممۋنيستىك پارتياسىنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ ۇلى امالياتى» اتتى اق تىستى كىتاپ جاريالاندى

  شينحۋا اگەنتتىگىنىڭ 6 - ايدىڭ 24 - كۇنى بەيجيڭنەن بەرگەن حابارى. مەملەكەتتىك كەڭەستىڭ اقپارات كەڭسەسى 6 - ايدىڭ 24 - كۇنى «جۇڭگو كوممۋنيستىك پارتياسىنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ ۇلى امالياتى» اتتى اق تىستى كىتاپتى جاريالادى.

  اق تىستى كىتاپتا بىلاي دەلىندى: 2021 - جىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى. جۇڭگو كوممۋنيستىك پارتياسىنىڭ 100 جىلى ادامدىق ۇقىققا قۇرمەت ەتۋ جانە ونى قامتاماسىز ەتۋ ۇلى كەرەمەتىن جاراتتى، ادامدىق ۇقىق وركەنيەتىنىڭ جاڭا تاراۋىن جازدى.

  اق تىستى كىتاپتا مىنالار اتاپ كورسەتىلدى: 100 جىلدان بەرى جۇڭگو كوممۋنيستىك پارتياسى حالىقتى بارىنەن جوعارى قويۋعا تاباندى بولىپ، ادامدىق ۇقىقتىڭ جالپىلىق پرينسيبىن جۇڭگونىڭ ءىس جۇزىندىك جاعدايىمەن ۇشتاستىرۋعا تاباندى بولىپ، ءومىر ءسۇرۋ ۇقىعىن، دامۋ ۇقىعىن ماڭداي الدى نەگىزگى ادامدىق ۇقىق ەتۋگە تاباندى بولىپ، حالىقتىڭ باقىتتى تۇرمىسىن ەڭ ۇلكەن ادامدىق ۇقىق ەتۋگە تاباندى بولىپ، ادامنىڭ جان - جاقتى دامۋىن جەبەۋگە تاباندى بولىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتىپ، جۇڭگولىق ەرەكشەلىكتەگى سوتسياليستىك ادامدىق ۇقىق دامۋ جولىمەن ءساتتى ءجۇردى.

  اق تىستى كىتاپتا بىلاي دەلىندى: 100 جىلدان بەرى جۇڭگو كوممۋنيستىك پارتياسى ەل - جۇرتتى كوكەيىنە ساقتاپ، بەيبىت دامۋ جولىمەن جۇرۋگە تاباندى بولدى، بىرگە دامۋدى جەبەۋگە تاباندى بولدى. جۇڭگو دۇنيە ءجۇزىنىڭ بەيبىتشىلىگىن باتىل قورعايدى، سەلبەستىك ارقىلى دامۋدى جەبەۋگە، دامۋ ارقىلى ادامدىق ۇقىقتى جەبەۋگە تاباندى بولىپ، حالىقارالىق ادامدىق ۇقىق ىستەرىنە بەلسەنە ات سالىسىپ، الەمدىك ادامدىق ۇقىقتى جونگە سالۋعا جۇڭگو اقىل - پاراساتىن ارناپ، جۇڭگو جوباسىن ازىرلەپ، دۇنيە ءجۇزى ادامدىق ۇقىق ىستەرىنىڭ دامۋىن ىلگەرىلەتىپ، دۇنيە جۇزىندەگى ءار ەلمەن بىرگە ادامزاتتىڭ تاعدىرلاس ورتاق تۇلعاسىن بىرگە قۇرادى.

  اق تىستى كىتاپتا مىنالار اتاپ كورسەتىلدى: كەزەكتە جۇڭگو كوممۋنيستىك پارتياسى بۇكىل ەل حالقىن باستاپ، ەكىنشى 100 جىلدىق كۇرەس نىساناسىن جانە جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قۇلشىنۋدا. جاڭا جۇڭگو قۇرىلعاندىعىنا 100 جىل تولعاندا، جۇڭگو باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل قۇرىپ شىعادى. سول كەزگە بارعاندا، جۇڭگو حالقىنىڭ ءتۇرلى ۇقىقتارىنىڭ اناعۇرلىم جوعارى دەڭگەيدە قامتاماسىز ەتىلەتىندىگى داۋسىز، جۇڭگو حالقى بەدەلدەن، ەركىندىكتەن جانە باقىتتان اناعۇرلىم يگىلىكتەنەدى. سول كەزگە بارعاندا، دۇنيە ءجۇزى جۇڭگو بولعاندىقتان دا اناعۇرلىم كوركەيىپ - گۇلدەنەدى، داميدى، جۇڭگو، ءسوز جوق، دۇنيە ءجۇزى ادامدىق ۇقىق ىستەرىنىڭ دامۋىن ىلگەرىلەتۋگە اناعۇرلىم زور ۇلەس قوسادى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.