— جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى تۋرالى تولعانىس ”باستى ماقسات ءبولىمى“
شينحۋا اگەنتتىگىنىڭ تىلشىلەرى / چي جۇڭشي، ان بەي، فان شي
”شىكوۋمىننان تيان - انمىنعا، شيڭيە جولىنان فۋشيڭ جولىنا دەيىن پارتيامىزدىڭ 100 جىلعا جۋىق ۋاقىتتان بەرى جاساعان بارلىق قۇلشىنىسى، جۇرگىزگەن بارلىق كۇرەسى، بەرگەن بارلىق قۇرباندىعى تۇگەلدەي حالىقتىڭ باقىتى مەن ۇلتتىڭ گۇلدەنۋى ءۇشىن“.
كۇرەس جولىنا قايىرىلا قاراساق، جۇڭگو كوممۋنيستىك پارتياسىنىڭ حالىقتان شىققاندىعىن، حالىققا تامىر تارتقاندىعىن، حالىق ءۇشىن ومىرگە كەلىپ، حالىق ءۇشىن كوركەيگەندىگىن؛ جاڭا ساپاردا ەرلىكپەن العا باسۋدا جۇڭگو كوممۋنيستىك پارتياسىنىڭ باستان - اياق حالىقپەن بىرگە بولىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ تەلەگەي كۇشىن ۇيىستىرعاندىعىن كورەمىز!
100 جىلدىق ءىرى پارتيا اۋەلگى ماقساتىن وزگەرتپەدى؛ سان مىڭ شاقىرىم ساپار شەكسە دە، قاسيەتىن باياعى قالپىندا ساقتادى.
”ەكى باسىم كوپشىلىكتى“ تياناق ەتىپ، اۋەلگى ماقساتتى ىزدەدى
تاعى دا 7 - اي كەلۋ الدىندا تۇر، ۋاقىت العا ىلگەرىلەۋ بارىسىندا عاسىرلىق كوركەم سيمفونيا ورىندادى.
6 - ايدىڭ 3 - كۇنى جۇڭگو كوممۋنيستىك پارتياسىنىڭ مەملەكەتتىك 1 - قۇرىلتايى ەسكەرتكىش سارايى شاڭحايدا شىت جاڭا بەينەمەن اشىلدى.
العى زالدىڭ ەكى جانىنداعى تاس قابىرعاعا جۇڭگو كوممۋنيستىك پارتياسى 1 - قۇرىلتايىندا ماقۇلدانعان جۇڭگو كوممۋنيستىك پارتياسىنىڭ العاشقى تۇعىرناماسى ويىپ جازىلدى. ”جۇمىسشىلاردى، شارۋالاردى جانە اسكەرلەردى ۇيىمداستىرۋ كەرەك“، بۇل پارتيا قۇرىلعان العاشقى كەزدە - اق ”ۇلى باستامادان“ ويىپ ورىن العان ەدى.
العاشىندا تەك 50 نەشە پارتيا مۇشەسى بار ۇيىمنان 91 ميلليوننان استام پارتيا مۇشەسى بار دۇنيە جۇزىندەگى ءبىرىنشى ءىرى پارتياعا اينالعانعا دەيىن جۇڭحۋا ۇلتىنىڭ كوشىن باستاپ ۇلى گۇلدەنۋگە قاراي قادام تاستاعان جۇڭگو كوممۋنيستىك پارتياسىنىڭ تابىسقا جەتۋ قۇپياسى قايدا؟
”بۇل كۇنگە دەيىن بولعان قوزعالىستاردىڭ ءبارى ازشىلىقتىڭ قوزعالىسى ەدى نەمەسە ازشىلىقتىڭ مۇددەسى ءۇشىن جاسالعان قوزعالىستار ەدى. پرولەتارلىق قوزعالىس −باسىم كوپشىلىكتىڭ، باسىم كوپشىلىكتىڭ مۇددەسىن كوزدەگەن دەربەس قوزعالىس“.
173 جىلدىڭ الدىندا «كوممۋنيستىك پارتيا جارناماسى» ”ەكى باسىم كوپشىلىك“ ارقىلى پرولەتارلىق ساياسي پارتيانىڭ حالىق بۇقاراسىنىڭ مۇددەسىن كوزدەيتىن قۇن بەتالىسى مەن ءتۇبىرلى سيپاتىن ايقىن كورسەتتى.
جۇڭگو كوممۋنيستىك پارتياسى قۇرىلعان كۇننەن باستاپ بۇرىنعى بارلىق ساياسي كۇشتەر وزدەرىنىڭ ەرەكشە مۇددەسىنە تالپىناتىن تاپتىق شەكتەمەلىكتەن ادا بولىپ، جۇڭگوداعى ەڭ كەڭ حالىقتىڭ ءتۇبىرلى مۇددەسىنە ۋاكىلدىك ەتىپ، ”جۇڭگو حالقىن باقىتقا كەنەلتۋ، جۇڭحۋا ۇلتىنىڭ گۇلدەنۋىن جۇزەگە اسىرۋ“ تاريحي كەلەلى مىندەتىن سانالىلىقپەن ارقالاي ءبىلدى.
باستان - اياق ەڭ كەڭ حالىقتىڭ اراسىندا تۇرىپ العا باسۋدىڭ كۇش - قۋاتىن الدى −
شيبايپو ەسكەرتكىش سارايىندا اعاشتان جاسالعان جالعىز دوڭگەلەكتى قول اربا ساقتاۋلى تۇر، ول جۇڭگو كوممۋنيستىك پارتياسىنىڭ توڭكەرىس پەن قۇرىلىسقا باسشىلىق ەتىپ جەڭىسكە جەتۋىنىڭ ”اسىلى“ دەپ اتالعان.
حۋايحاي شايقاسىندا ءدال وسىنداي شاعىن قول اربالارمەن جانە قايىقپەن، تۇلىكتەرمەن، اپكىشپەن الدىڭعى شەپكە كومەك بەرگەن ميلليونداعان بۇقارا ازاتتىق ارمياعا استىق، وق - ءدارى تاسىپ بەرىپ، جارالىلاردى قۇتقاردى، ەمدەدى... ازاتتىق ارميانىڭ ءار جاۋىنگەرىنىڭ ارتىندا وعان كومەك بەرگەن 9 اۋىلداس بولدى.
”سوڭعى ءبىر كەسە اس - سۋىن اسكەرلەرگە ازىققا بەردى؛ سوڭعى ءبىر كەز ماتانى اسكەري كيىم تىگۋگە اپارىپ بەردى؛ سوڭعى توزعان كورپەنى زۋزاعا جاپتى؛ سوڭعى تۇياق باۋىر ەتىن كوز جاسىن كولدەتە مايدانعا اتتاندىردى“.
شاعىن قول اربالار حالىقتىڭ ۇلى كۇشىن كوتەرىپ، حۋايحاي شايقاسىنىڭ جەڭىسىنە جەتكىزۋمەن بىرگە، نارتتاي قىزىل جاڭا جۇڭگونى ومىرگە اكەلدى.
حالىقتىڭ ءتول جاسامپازدىق رۋحىنا قۇرمەت ەتىپ، جاسامپازدىقتىڭ ۇلى كۇشىن قاۋلاتتى −
1979 - جىلى شىلىڭگىر جاز، شىنجىن شىكوۋ ونەركاسىپ باقشاسىنىڭ قۇرىلىسى باستالىپ، جۇڭگونىڭ رەفورما جاساۋىنىڭ، ەسىك اشۋىنىڭ ”العاشقى زەڭبىرەگىن“ اتتى.
ءبىرىنشى بولىپ تەڭگەرمەشىلىكتىڭ ”تاي قازانىن“ شاققان ەڭبەكاقى ءتۇزىمى، كاسىپورىن توبى قۇرعان العاشقى بانكە، جارنالىق تۇزىمدەگى العاشقى قامسىزداندىرۋ كاسىپورنى... رەفورمانىڭ جويقىن تولقىنى تولاسسىز جوڭكىلىپ، ءبىرىنىڭ ءىزىن ءبىرى جالعاعان ءار ۇرپاق كۇرەسكەرلەر ماڭداي تەرىن توگىپ، ميلليارد حالىقتا جاسىرىنىپ جاتقان ۇلى كۇش ۇزدىكسىز تاسقىنداپ، توقتاۋسىز قاۋلادى.
”رەفورما جاساۋدىڭ، ەسىك اشۋدىڭ تانىم مەن اماليات جاعىنداعى ءار رەتكى سەرپىلىسى مەن تەرەڭدەۋىنىڭ، رەفورما جاساۋدىڭ، ەسىك اشۋ بارىسىنداعى ءاربىر جاڭا زاتتاردىڭ پايدا بولۋى مەن دامۋىنىڭ، رەفورما جاساۋدىڭ، ەسىك اشۋدىڭ ءار سالاداعى جانە ءار بۋىنداعى تاجىريبەلەرىنىڭ جاراتىلۋى مەن جينالۋىنىڭ بارلىعى ميلليارد حالىقتىڭ پاراساتى مەن امالياتىنان كەلگەن“. باس شۋجي شي جينپيڭ وسىلاي دەپ باسا دارىپتەپ اتاپ كورسەتتى.
حالىقتىڭ قولداۋ - قولداماۋىن بيلىك جۇرگىزۋدىڭ ءساتتى بولۋ - بولماۋىن، تابىستى بولۋ - بولماۋىن ولشەيتىن ولشەم ەتتى −
توڭكەرىستىك سوعىس جىلدارىندا ”زورەكەرلەرگە سوققى بەرۋ، ەگىستىك جەردى ءبولۋ“ ساياسي دارىپتەمەسىنەن جاڭا جۇڭگو قۇرىلعاننان كەيىن حالىقتىڭ قوجايىن بولىپ، سوتسياليستىك قۇرىلىستى ىلگەرىلەتۋگە دەيىن؛ رەفورما جاساۋدان، ەسىك اشۋدان كەيىنگى ”ءۇش قادامعا ءبولىپ ءجۇرۋ“ ستراتەگيالىق نىساناسىن جوسپارلاۋدان جاڭا داۋىردەگى جاپپاي دوڭگەلەك داۋلەتتى قوعامعا قادام تاستاۋعا دەيىن... جۇڭگو كوممۋنيستىك پارتياسى حالىقتىڭ تاماشا تۇرمىسقا دەگەن تالپىنىسىن باستان - اياق ءوزىنىڭ كۇرەس نىساناسى ەتتى.
”حالىقتىق تۇرعى −جۇڭگو كوممۋنيستىك پارتياسىنىڭ ءتۇبىرلى ساياسي تۇرعىسى، ماركسيزمدىك ساياسي پارتيانى باسقا ساياسي پارتيالاردان پارىقتاندىرىپ تۇراتىن ايقىن بەلگى“.
حالىق مىنە وسى سيمفونيانى ساباقتاستىرىپ تۇرعان نەگىزگى اۋەن.
حالىقتى وزەك ەتۋگە تاباندى بولىپ، اۋەلگى ماقساتتى ۇمىتپادى
”حالىقتىڭ“ سالماعى قانشالىق اۋىر؟
”حالىقتىڭ ءومىرى تايشان تاۋىنان دا قادىرلى! تەك حالىقتىڭ ءومىرى الدىندا جاۋاپتى بولۋعا تۋرا كەلسە، وندا قانداي بوداۋ، قانداي زارداپ بولسا دا كوتەرۋىمىز كەرەك“.
2020 - جىلدىڭ باسىندا توسىن كەلگەن جاڭا تيپتى ايدارشا ۆيرۋس وكپە قابىنۋ ىندەتى الدىندا، باس شۋجي شي جينپيڭ جۇڭگو كوممۋنيستەرىنىڭ ايقىن پوزيتسياسىن اشىق كورسەتتى.
4 ميلليون 600 مىڭنان استام نەگىزگى ساتى پارتيا ۇيىمى، 90 ميلليوننان استام پارتيا مۇشەسى دەرەۋ ارەكەتتەندى؛ تەكسەرۋ مولشەرىن، ەمدەپ ساۋىقتىرۋ مولشەرىن ەڭ جوعارى شەكتە جوعارىلاتىپ، جۇعىمدالۋ مولشەرىن، ءولىم مولشەرىن تومەندەتتى؛ ارىسى 108 جاستاعى قارتقا، بەرىسى تۋعانىنا 30 نەشە ساعات قانا بولعان نارەستەگە دەيىن بولماشى ءۇمىت ۇشقىنى بولسا بولعانى، ولاردى بار كۇشپەن قۇتقارىپ ەمدەدى...
ادام ماسەلەسىن نە ءۇشىن ءبىر ساياسي پارتيانىڭ، ءبىر بيلىكتىڭ سيپاتىن تەكسەرەتىن تارازى دەيمىز؟
”كوممۋنيستىك پارتيا دەگەن نە؟ كوممۋنيستىك پارتيا دەگەنىمىز وزىندە ءبىر قۇراق كورپە بولسا جارتىسىن بۇقاراعا كەسىپ بەرەتىن ادام“.
ۇزاق جورىقتاعى ”جارتى كورپەنىڭ“ حيكاياسى جۇڭگو كوممۋنيستەرىنىڭ اۋەلگى ماقساتى مەن قاسيەتىنە ايقىن تاڭبالانعان. 2020 - جىلى 9 - ايدا باس شۋجي شي جينپيڭ حۋنانداعى شاجوۋ قىستاعىنا بارىپ قىزمەت تەكسەرگەندە ”جارتى كورپە“ حيكاياسىنىڭ كەيىپكەرى شۇي جيەشيۋدىڭ نەمەرەسى جۋ شياۋحۇڭعا ارنايى امانداسا باردى.
جۋ شياۋحۇڭنىڭ ارحيۆ تۇرعىزىلىپ، كارتچكالاندىرىلعان كەدەي شارۋادان شارۋالار شاتتىعى ساياجايىنىڭ قوجايىنىنا اينالعانىن ەستىگەن باس شۋجي سۇيىنە بىلاي دەدى: ”سىزدەردىڭ وتباسىلارىڭىزداعى وزگەرىس مىنا ءبىر قيسىندى، كوممۋنيستەردىڭ باستان - اياق حالىق ءۇشىن قىزمەت ىستەيتىندىگىن، بەرگەن ۋادەسىن ورىندايتىندىعىن ءتۇسىندىردى“.
بارلىق العا باسۋلاردا باسىپ وتكەن جولىمىزدى ۇمىتپاۋىمىز، نە ءۇشىن اتتانعانىمىزدى ەستەن شىعارماۋىمىز كەرەك.
1948 - جىلى ماۋ زىدۇڭ: ءبىز حالىق دەموكراتياسى ديكتاتۋراسىمىز، ءار دارەجەلى ۇكىمەتتەردىڭ بارلىعىنىڭ الدىنا تۇگەلدەي ”حالىق“ دەگەن ءسوزدى قوسۋ، ءار ءتۇرلى بيلىك ورگاندارىنىڭ الدىنا تۇگەلدەي ”حالىق“ دەگەن ءسوزدى قوسۋ كەرەك ، - دەپ اتاپ كورسەتتى.
فۋجياننىڭ دۇڭشان ارالى كەزىندە سارى قۇمى اسپاندى جاۋىپ، قىلتان ءشوپ وسپەيتىن جەر ەدى. جەل وتىنە ورنالاسقان شانكوۋ قىستاعىنداعىلاردىڭ جارتىسىنان كوبى ۇزاق جىل سىرت جەرگە تەنتىرەپ قايىر تىلەپ كەتكەن - دى.
اۋداندىق پارتكوم شۋجيى گۋ ۋىنچاڭ بەلىن بەكەم بايلاپ: ”قۇمدى بوراندى تىزگىندەي الماسام، قۇمدى بوران مەنى كومىپ تاستاسىن!“، - دەيدى. ول دۇڭشان حالقىن باستاپ 10 نەشە جىل ماشاقاتتى شايقاس جۇرگىزىپ، اقىرىندا بۇكىل ارالداعى سارى قۇمدى شۇراتقا اينالدىردى.
گۋ ۋىنچاڭنىڭ قابىرى دۇڭشاندا، قازىرگى تاڭدا بۇقارا ءار جىلعى چيڭميڭدە ”الدىمەن گۋگۇڭگە ازا تۇتىپ، ونان سوڭ اتا - باباسىنا سيىناتىن“ ادەت - عۇرىپتى جالعاستىرىپ كەلەدى.
جياۋ يۇيلۋ، كۇڭ فانسىن، لياۋ جۇنبو، حۋاڭ ۋىنشيۋ... 100 جىلدىق ساپاردا ءبىرىنىڭ ءىزىن ءبىرى جالعاعان ءار ۇرپاق كوممۋنيستەر حالىق ءۇشىن ىستەۋدى، قالتقىسىز ۇلەس قوسۋدى مۇرات ەتىپ، حالىقتىڭ جۇرەگىنە وشپەس رۋحاني ەسكەرتكىش تۇرعىزدى.
”جۇڭگو كوممۋنيستىك پارتياسىنىڭ ساياسي سوزدىگىندە ’حالىق‘ سوزىندە ايقىن ساياسي جانە تاپتىق سيپاتتان سىرت، ’ەڭ زور كوپشىلىك‘ جانە ’ءاربىر‘ دەيتىن تاعى ەكى شەشۋشى ولشەم بار“، - دەيدى جۇڭگو كوممۋنيستىك پارتياسى ورتالىق كوميتەتى پارتيا مەكتەبىنىڭ (مەملەكەتتىك اكىمشىلىك شۋەيۋانى) پروفەسسورى شين ميڭ.
سىچۋاننىڭ لياڭشان وبلىسى بۋتو اۋدانى ابۋلوحا قىستاعى يزۋ تىلىندە ”بيىك تاۋداعى تەرەڭ ساي“ دەگەن ءماندى بىلدىرەدى، جينشاجياڭ ۇلكەن شاتقالىنىڭ تەرەڭ قويناۋىنا ورنالاسقان بۇل قىستاق ەلىمىز بويىنشا تاس جول جەتپەگەن ەڭ سوڭعى قۇرىلىمدىق قىستاق.
قۇرىلىس جابدىقتارىن تاۋعا تاسىپ اپارۋ ءۇشىن، گۇرىلدەگەن تىك ۇشاق جىم - جىلاس جاتقان تاۋ ىشىنە كىردى. قىستاققا دەيىن 8.3 كيلومەتر كەلەتىن بۇل تاس جولدىڭ ءار كيلومەترىنىڭ جاسالۋ قۇنى ورتاشا ەسەپپەن 10 ميلليون يۋاننان استى.
بىلتىر 6 - ايدىڭ 30 - كۇنى تاس جولدا كولىك قاتىنادى. 24 جاستاعى ادامويوۋزا ومىرىندە تۇڭعىش رەت تەپ - تەگىس اسفالت جولدى باسقانىندا اسەرلەنگەنىنەن جىلاپ جىبەرە جازدادى.
ادام بولسىن، ساياسي پارتيا بولسىن، قيىن - قىستاۋ كەزدەردە دە اۋەلگى ماقساتىنان اينىماۋ، ىستىق - سۋىقتى كوپ تارتسا دا ءوز قاسيەتىن ساقتاي الۋ ەڭ باعالى.
”ءبىزدىڭ مىنا قوسىنىمىز بۇكىلدەي حالىقتى ازات ەتۋ ءۇشىن، بۇكىلدەي حالىقتىڭ مۇددەسى ءۇشىن قىزمەت ىستەيدى...“.
يان - ان زاۋيۋان، «حالىق ءۇشىن قىزمەت ىستەيىك» ءسوزى ەسكەرتكىش الاڭى. 77 جىلدىڭ الدىندا تاريحقا جازىلعان ءسوز وسىندا ايتىلعان بولاتىن. ”بۇكىل ىنتا - پەيىلىمەن حالىق ءۇشىن قىزمەت ىستەۋ“ پارتيا ۋستاۆىنا جازىلىپ، جۇڭگو كوممۋنيستەرىنىڭ قان تامىرىنا ءسىڭدى.
ويتكەنى −
”بيلىك −حالىق، حالىق −بيلىك“.
حالىققا سۇيەنىپ بولاشاقتىق ۇلى ءىس جاراتىپ، اۋەلگى ماقساتتى ماڭگى ساقتادى
6 - ايدىڭ 10 - كۇنى «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ جىجياڭنىڭ جوعارى ساپالى دامۋىن قولداپ، بىرگە بايۋدان ۇلگى كورسەتۋ رايونىن قۇرۋ جونىندەگى پىكىرى» جاريالاندى.
جاپپاي دوڭگەلەك داۋلەتتى قوعام قۇرۋ ساتىندە، جۇڭگو كوممۋنيستىك پارتياسى جالپى حالىقتىڭ بىرگە بايۋىن جەبەۋدى اناعۇرلىم ماڭىزدى ورىنعا قويدى.
بۇل مۇراتىنان اينىمايتىن كۇرەس نىساناسى −
بىرگە بايۋ −سوتسياليزمنىڭ ماندىك تالابى، حالىق بۇقاراسىنىڭ ورتاق تىلەگى. رەفورما جاساعاننان، ەسىك اشقاننان بەرى، اسىرەسە، پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، باستان - اياق بىرگە بايۋ سىندى نىسانانى بەتكە الىپ قاجىماي - تالماي قۇلشىندى.
بيىل جاڭا جىل باستالعاندا تەلەفيلىم «تاۋ - وزەنگە ماحاببات» بۇكىل ەلدە كەڭ تارالىپ، ميننيڭ سەلبەستىگىنىڭ اتاعىن اسپانداتتى.
1997 - جىلى كوكتەمدە فۋجيان ولكەلىك پارتكومنىڭ ورىنباسار شۋجيى بولىپ تۇرعان شي جينپيڭ نيڭشيانىڭ شيحايگۋىنا كەلىپ، باعىتتامالى كومەكتەسىپ سۇيەمەلدەۋ قىزمەتىنە تەكسەرۋ - زەرتتەۋ جۇرگىزگەن كەزىندە، ”دياۋجۋاڭ كوشى - قونىن“ اتقارۋدى العا قويادى ءارى كوشىپ كەلگەندەر قىستاعىنا ”ميننيڭ قىستاعى“ دەپ ات قويىپ بەردى.
وسى جىلى شيە شيڭچاڭ 1 - توپتاعى 13 شارۋانى باستاپ ميننيڭ قىستاعىنا كەلدى. 20 نەشە جىل قاجىماي - تالماي كۇرەس جۇرگىزۋ ارقىلى كەزىندەگى كوشىپ كەلگەن كەدەي قىستاق 60 مىڭنان استام ادامى بار وزگەشە شاعىن قالاشىق بولىپ دامىپ، جان باسىندىق جىلدىق ورتاشا كىرىسى 500 يۋاننان ارتىپ 15 مىڭ يۋانعا تايادى. ”قۇمدى قايراڭ“ ”التىن قايراڭعا“ اينالدى.
شيە شيڭچاڭ ميننيڭ قىستاعىنىڭ تۇڭعىش تاعايىندالعان قىستاق پارتيا ياچەيكا شۋجيى، سونداي - اق «تاۋ - وزەنگە ماحابباتتاعى» ما دىفۋدىڭ پروتوتيۆى.
2016 - جىلى 7 - ايدا باس شۋجي شي جينپيڭ ميننيڭ قالاشىعى يۋانلۇڭ قىستاعىنا كەلىپ، تەبىرەنە بىلاي دەدى: ”ميننيڭ سەلبەستىگى سارا جول سالىپ شىقتى، بۇل باعالى تاجىريبەنى بۇكىل ەلگە جالپىلاستىرىپ، ۇلگى كورسەتۋ ارقىلى بىرگە بايۋدى جۇزەگە اسىرۋعا بولادى“.
بۇل كورنەكتى دە ايقىن بيلىك جۇرگىزۋ باعدارى −
جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرۋدا ەكونوميكالىق، قوعامدىق دامۋ كوپتەگەن جاڭا تاقىرىپتارعا، جاڭا مىندەتتەرگە، جاڭا تالاپتارعا ءدوپ كەلەدى، ءسوز جوق، جوعارى ساپالى دامۋدى ۇزدىكسىز ىلگەرىلەتىپ، حالىقتىڭ كۇن سايىن ارتىپ وتىرعان تاماشا تۇرمىسقا دەگەن قاجەتىن قاناعاتتاندىرۋ كەرەك.
2019 - جىلى بۇكىل مەملەكەتتەگى تۇڭعىش قىستاق دارەجەلى GEPنى (ەكولوگيالىق جۇيەنىڭ ءوندىرىس جالپى ءونىم قۇنى) ەسەپتەۋ سىناق ءتۇيىنى قىستاعى رەتىندە، جىجياڭ ليشۇي قالاسى سۇيچاڭ اۋدانى داتيان قىستاعى ەسەپتەپ شىققان ”ەكولوگيالىق قۇن“ 160 ميلليون يۋان بولىپ، قىستاققا جاڭا وزگەرىس اكەلدى.
بۇل جەردىڭ بۇلاق سۋى بولعاندىقتان، تاۋ بەتكەيىندە اراق زاۆودى قۇرىلدى؛ بۇل جەردىڭ توپىراق ساپاسى جاقسى بولعاندىقتان، ەرەكشە ءتاتتى كارتوپ ەگىمشىلىگى ەنگىزىلدى؛ شارۋالار شاتتىعى ساياجايىنان دا بىرنەشەۋ اشىلىپ، سىرتتان كەلەتىن ساياحاتشىلاردى كوپتەپ باۋرادى.
”قىستاقتا اۋا مەن سۋدىڭ دا مۇنداي اقشاعا جارايتىندىعىن، راسىندا، ويلاماعان ەكەنبىز“. قىستاق تۇرعىندارىنىڭ جۇزىنەن ماقتانىش لەبى ەستى.
بۇل قايىسپاس قايسارلىققا تولى بەرىك قادام −
”14 - بەسجىلدىق“ باستالعان جىلى ءدال جۇڭگو كوممۋنيستىك پارتياسىنىڭ 100 جىلدىق مەرەي تويىنا تۋرا كەلدى.
2021 - جىلى 2 - ايدىڭ 25 - كۇنى تۇستەن كەيىن بەيجيڭ قالاسى چاۋياڭ رايونى تايياڭگۇڭ سولتۇستىك كوشەسى 1 - ءنومىر.
”مەملەكەتتىك كەڭەس كەدەيلەردى سۇيەمەلدەۋ، وركەندەتۋ باسشىلىق گرۋپپاسى كەڭسەسىنىڭ“ ماڭدايشالىعى ءبىر جولاتا الىنىپ تاستالىپ، ”مەملەكەتتىك اۋىل - قىستاقتى گۇلدەندىرۋ مەكەمەسى“ ماڭدايشالىعى ءىلىندى. ”كەدەيلەردى سۇيەمەلدەۋدەن“ ”گۇلدەندىرۋگە“ دەيىن جۇڭگو اۋىل - قىستاقتى گۇلدەندىرۋدى جاپپاي ىلگەرىلەتۋدىڭ شىت جاڭا ءداۋىرىن باستادى.
جاڭا ساپارعا اتتانىپ، جاڭا ۇلى ءىس اشتى.
”دامۋى كەنجە وڭىرلەردى قازىنالىق كۇش جاقتان قولداۋدى كۇشەيتىپ، نەگىزگى الەۋمەتتىك قىزمەت وتەۋدىڭ بىركەلكى بولۋىن بىرتىندەپ جۇزەگە اسىرۋ“؛
”ەڭبەكاقىنىڭ العاشقى بولىستە يەلەيتىن سالىستىرماسىن جوعارىلاتۋ“؛ ”جالپى حالىقتى قامتىعان، قالا - اۋىلدى ءبىر تۇتاس جوبالاعان، ءادىل، ءبىر تۇتاس، باياندى بولعان كوپ ساتىلى قوعامدىق قامتاماسىزداندىرۋ جۇيەسىن جەدەل اقاۋسىزداندىرۋ“...
”14 - بەسجىلدىق“ جوبا مەن 2035 - جىلعا دەيىنگى ۇزاق بولاشاقتىق نىسانا باعدارلاماسىندا ەڭ قالىڭ حالىقتىڭ ءتۇبىرلى مۇددەسىن جاقسى جۇزەگە اسىرۋعا، جاقسى قورعاۋعا، جاقسى دامىتۋعا تاباندى بولۋ دامۋدىڭ شىعار ءتۇيىنى جانە تياناعى ەتىلىپ، حالىق بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيتىلىپ، ادامنىڭ جان - جاقتىلى دامۋى مەن قوعامنىڭ جالپى بەتتىك العا باسۋى جەبەلەدى.
”مەن وزىممەن ساناسپاي، حالىقتىڭ ءۇمىتىن اقتايمىن“ −باس شۋجي شي جينپيڭنىڭ ۇمىتپاي ەسىندە ساقتاۋىندا تەرەڭ سۇيىسپەنشىلىك جاتقان ەدى.
كوكەيدە ماڭگىلىك ۇلى ءىستى ساقتادى، 100 جىلدىق دارىنى شالقىدى.
باستان - اياق ءداۋىر اعىمىنىڭ ەڭ الدىندا تۇرعان، قيىندىقتاردان قامال الۋدىڭ ەڭ الدىڭعى لەگىندە تۇرعان، ەڭ قالىڭ حالىقتىڭ اراسىندا تۇرعان جۇڭگو كوممۋنيستىك پارتياسى، ءسوز جوق، جۇڭگو حالقىن باستاپ جاڭا دا اناعۇرلىم ۇلى كەرەمەتتەر جاراتاتىن بولادى!
(شينحۋا اگەنتتىگىنىڭ 6 - ايدىڭ 24 - كۇنى بەيجيڭنەن بەرگەن حابارى)
