− اۆتونوميالى رايونداعى دەمالىسقا، زەينەتكە شىققان كادرلار شينجياڭنىڭ دامۋىن القادى
انار بۇلت / شينجياڭ گازەتىنىڭ ءتىلشىسى ميھرىگۇل عوپۇر
”بۇل رەت كەلگەنىمدە كوپ جەرلەردى تاني الماي قالدىم، وتە زور وزگەرىستەر بولعاندىعىن بايقادىم“، - دەدى اۆتونوميالى رايوندىق ساياسي كەڭەستىڭ بۇرىنعى ورىنباسار ءتوراعاسى قىزايجان سەيىلقوجا اسەرلەنە، - ”بارعان جەرىمنىڭ بارلىعىندا ءار ۇلت حالىق بۇقاراسىنىڭ قارىشتاپ العا باسقان جالىندى جىگەرى مەن دامۋدى جەدەلدەتۋ تىلەگىن سەزىندىم. جۇڭگو كوممۋنيستىك پارتياسىنىڭ پارمەندى باسشىلىعىندا ءبىز شينجياڭنىڭ بارعان سايىن جاقسى داميتىندىعىنا كامىل سەنەمىز“.
6 - ايدىڭ 15 - كۇنىنەن 19 - كۇنىنە دەيىن اۆتونوميالى رايون دەمالىسقا، زەينەتكە شىققان ءبىر ءبولىم كادرلاردى ىلە قازاق اۆتونوميالى وبلىسىنا، تارباعاتاي ايماعىنا بارىپ ”پارتيا قۇرىلعاندىعىنىڭ 100 جىلدىق جاڭا تابىستارىنا نازار سالعانىمدا“ نەگىزگى تاقىرىبىنداعى ەكسكۋرسيالاۋ، ۇيرەنۋ قيمىلىن ورىستەتۋگە ۇيىمداستىردى. دەمالىسقا، زەينەتكە شىققان كادرلار كاسىپورىن، شەكارا وتكەلى، اۋىل - قىستاق، الەۋمەتتىك اۋماق سياقتى جەرلەرگە ىشكەرىلەي بارىپ، جول بويى ارالاپ، جولى بويى كورىپ، جول بويى ويلانا - تولعانىپ، جول بويى اڭگىمە شەرتىپ، شينجياڭنىڭ دامۋ قارقىنىنىڭ وسىنشاما تەز، وزگەرىسىنىڭ وسىنشاما زور بولعاندىعىن اۋىز جاپپاي القادى.
ەكونوميكا قارىشتاپ دامىدى
جىبەك جولى ەكونوميكالىق بەلدەۋى وزەكتى رايون قۇرىلىسى قورعاس شەكارا وتكەلىنە قۋاتتى ومىرشەڭدىك كۇش ۇستەدى. 6 - ايدىڭ 16 - كۇنى تۇستەن بۇرىن قورعاس نان كاسىپ سالاسى باقشاسىندا جۇمىسشىلار ءتۇرلى نان ونىمدەرىن پىسىرۋمەن قاربالاستاپ جاتتى. اۆتونوميالى رايونداعى دەمالىسقا، زەينەتكە شىققان كادرلار جابال قول تەلەفوندارىن، فوتو اپپاراتتارىن الىپ شىعىپ، سۋرەتكە ءتۇسىرىپ ەستەلىك قالدىردى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ بۇرىنعى ورىنباسار مەڭگەرۋشىسى ءچوجىپ سۇيىنە: ”نان كاسىپ سالاسىنىڭ بۇكىل ەلگە، اۋەلى، حالىقارالىق بازارعا بەت العان ءبىر ءىرى كاسىپ سالاسىنا اينالعاندىعىن، بۇل ارادا پىسىرىلعان ناننىڭ كۇنبە - كۇن باسقا ولكە، قالالارعا نەمەسە جۇڭگونىڭ شينجياڭىمەن كورشىلەس ەلدەرگە تاسىلاتىندىعىن ويلاماعان ەكەنمىن، بۇل بۇرىندارى وي جەتپەيىن ءىس بولاتىن“ دەدى.
اۆتونوميالى رايوندىق ساياسي كەڭەستىڭ بۇرىنعى ورىنباسار ءتوراعاسى كى لي بىلاي دەدى: جۇڭگو كوممۋنيستىك پارتياسىنىڭ دۇرىس باسشىلىعىنىڭ، بۇكىل ەل حالقىنىڭ بار كۇشپەن قولداۋىنىڭ ارقاسىندا شينجياڭ قارىشتاپ دامىپ، كۇن سايىن جاڭارىپ، اي سايىن تۇلەجىدى.
ءدوربىلجىن اۋدانىنداعى شينجياڭ شينتيانجۇن ۇن شەكتى سەرىكتەستىگىنىڭ اۆتوماتتانعان ءوندىرىس سەحىندا جابدىقتار قالىپتى جۇمىس جۇرگىزىپ جاتقانىمەن، بىردە - ءبىر جۇمىسشىنىڭ قاراسى كورىنبەيدى. ەل ىشىندەگى ەڭ وزىق ۇن ءوندىرىسى تەحنيكاسىنان پايدالانعان وسى كاسىپورىن ءوندىرىس بۋىندارىن بۇكىلدەي اۆتوماتتاندىرعان.
”ءوندىرىس سەحىندا تەك ماشينانىڭ داۋىسى عانا ەستىلەدى، ءوندىرىس بۋىندارى دۇرىس، اعاتتىق جىبەرمەي جۇمىس اتقارۋدا، ەرەكشە وزىق ەكەن“، - دەدى اۆتونوميالى رايوندىق ساياسي كەڭەستىڭ بۇرىنعى ورىنباسار ءتوراعاسى جياڭ شان.
”بۇگىنگى تاڭدا شينجياڭدا اۋىل شارۋاشىلىق ءوندىرىسىنىڭ، اۋىل شارۋاشىلىق ونىمدەرىن مانەرلەۋدى ماشينالاندىرۋ دەڭگەيىنىڭ جوعارىلاۋىنا، وعان قوسا ينتەرنەت، اسىرەسە، 5G تەحنيكاسىنىڭ قولدانىلۋىنا ىلەسە بارلىعى ونان ارى ’زەردەلى‘ بولا ءتۇسىپتى“، - دەدى اۆتونوميالى رايوندىق ساياسي كەڭەستىڭ بۇرىنعى ورىنباسار ءتوراعاسى مامەتجان امەت.
كوركەم كارتينا ايشىقتالدى
ىلە وزەنىنىڭ ەكى جاعالاۋىنداعى جايقالعان جاسىل جامىلعىلار جەرگىلىكتى تۇرعىندار دەم الاتىن، سەيىل - ساۋىق قۇراتىن تاماشا جەر، تىپتەن شينجياڭنىڭ ءىشى - سىرتىنداعى ساياحاتشىلار ”ءسوزسىز باراتىن جەرگە“ اينالعان. ”ىلە وزەنىنىڭ جاعاسى جاسىل جەلەك جامىلعان، اۋاسى تازا، وزەن سۋى تۇنىق، ادام جانىن راقاتتاندىرادى. بۇگىنگى تاڭدا ’تۇنىق سۋ، جاسىل تاۋ − باعالى بايلىق‘ ۇستانىمى جۇرت جۇرەگىنە تەرەڭ ۇيالاپتى“، - دەدى اۆتونوميالى رايوندىق حالىق قۇرىلتايى تۇراقتى كوميتەتىنىڭ بۇرىنعى ورىنباسار مەڭگەرۋشىسى دۋ چينرۇي.
ليۋشيڭجيە كوشەسى قۇلجا قالاسىنداعى تاريحي، مادەنيەت كوشە رايونى، حانزۋ، ۇيعۇر، قازاق، حۇيزۋ، ورىس سياقتى كوپتەگەن ۇلت وسى ارادا جاراسىمدى بىرگە تۇرادى. اۆتونوميالى رايوندىق جوعارى حالىق سوتى مەكەمەسىنىڭ بۇرىنعى باستىعى روزى سىمايىل بىلاي دەدى: شينجياڭ ەجەلدەن بەرى كوپ ۇلت شوعىرلى قونىستانعان ءوڭىر، شينجياڭداعى ءار ۇلت جۇڭحۋا ۇلتى شاڭىراعىنىڭ تامىرلاس مۇشەلەرى. بۇگىنگى تاڭدا ءار ۇلت اعا - باۋىر، اپەكە - سىڭلىلەر كەڭ كولەمدە ارالاسىپ، جان - جاقتى ىشتەسىپ، تەرەڭدەي توعىسىپ، اناردىڭ دانىندەي تىعىز ۇيىسقان.
شاۋەشەك قالاسى شاشا قالاشىعى باستاماشى كاسىپورىنداردى ەنگىزىپ، ”كاسىپورىن + نەگىزگى ساتى پارتيا ۇيىمى + سەلبەستىك كووپەراتيۆى + كەدەي وتباسى“ ۇلگىسىنە سۇيەنىپ، ەگىنشى - مالشىلاردى ءداستۇرلى باعىمشىلىق ۇلگىسىنەن وسى زامانعى ەتتى سيىر كاسىپ سالاسىنا قاراي دامىپ، كەدەيلىكتەن ارىلتۋدان قامال الۋ جەتىستىگىن بەكەمدەۋگە، كەڭەيتۋگە جەتەكتەدى. اۆتونوميالى رايونداعى دەمالىسقا، زەينەتكە شىققان كادرلار وسى ارادا ەگىنشى - مالشىلاردىڭ قۇلشىنا كۇرەس جۇرگىزىپ باقىتتى تۇرمىس جاراتقان كوركەم كارتينانى كورىپ، ەرەكشە جەلپىندى. ”شينجياڭ كەدەيلىكتەن ارىلتۋدان قامال الۋدا شەشۋشى جەڭىسكە قول جەتكىزدى، بۇل جۇڭگو كوممۋنيستىك پارتياسىنىڭ باسشىلىعىنداعى ۇلى شەشۋشى شايقاس“، - دەدى اۆتونوميالى رايوندىق ساياسي كەڭەستىڭ بۇرىنعى ورىنباسار ءتوراعاسى باي جىجيە.
اۆتونوميالى رايوندىق ساياسي كەڭەستىڭ بۇرىنعى ورىنباسار ءتوراعاسى جاڭ يۇيجۇڭ تەبىرەنە بىلاي دەدى: پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ءبىر قىدىرۋ ەرەكشە ساياسات، شارالاردى شىعارىپ، بۇكىل پارتيانىڭ، بۇكىل ەلدىڭ كۇشىن شىعارىپ شينجياڭنىڭ دامۋىنا قولداۋ كورسەتىپ، شينجياڭعا كومەكتەسىپ ۇزاق ۋاقىتتان بەرى شەشۋدى ويعا الساق تا شەشىلمەي كەلگەن كوپتەگەن قيىن ماسەلەلەردى شەشتى، بۇرىن ىستەۋدى ويعا الساق تا ىستەلمەي كەلگەن كوپتەگەن ءىرى ىستەردى تىندىردى.
”مەن ەكسكۋرسيالاۋ، ۇيرەنۋ ارقىلى قاباعات جىگەرلەندىم. كەزەكتە شينجياڭنىڭ كەلەلى جاعدايى ءۇرتىس ورنىقتى، ۇلتتار ىنتىماقتى، قوعام جاراسىمدى بولۋدا، ءبىز شينجياڭنىڭ بولاشاعىنىڭ كوركەم بولاتىندىعىنا تولىق سەنەمىز“، - دەدى اۆتونوميالى رايوندىق ساياسي كەڭەستىڭ بۇرىنعى ورىنباسار ءتوراعاسى كادىرقان ميراسقان.
شينجياڭنىڭ بولاشاعى ءتىپتى دە تاماشا بولادى
ەكسكۋرسيالاۋ، ۇيرەنۋ بارىسىندا اۆتونوميالى رايونداعى دەمالىسقا، زەينەتكە شىققان كادرلار وتانشىلدىق تاربيە بازالارىنا كەلىپ، پارتياعا كىرۋ سەرتىن قايتا پىسىقتاۋ، وتانشىلدىق تاربيە بازاسى كورمەسىن ەكسكۋرسيالاۋ سياقتى قيمىلداردى ورىستەتىپ، جۇڭگو كوممۋنيستىك پارتياسىنىڭ شينجياڭداعى قىزىل ىزدەرىنە قايتالاي جول الدى.
اۆتونوميالى رايوندىق ساياسي كەڭەستىڭ بۇرىنعى ورىنباسار ءتوراعاسى ليۋ جىيۇڭ بىلاي دەدى: پارتيا قۇرىلعاندىعىنىڭ 100 جىلدىعىن قارسى الۋ قارساڭىندا، ءبىز پارتيا تاريحىن قايتالاي ەسكە الىپ، كوممۋنيستەردىڭ اۋەلگى ماقساتى مەن بورىشىن تەرەڭ ۇعىندىق. ءبىر ساقا پارتيا مۇشەسى رەتىندە ءبىز كوممۋنيستەردىڭ رۋحاني قان تامىرىن جالعاستىرىپ، قىزىل گەندى، توڭكەرىس الاۋىن ۇرپاقتان - ۇرپاققا جالعاستىرۋىمىز كەرەك.
”قازىر بۇكىل رايوندا جوعارىدان تومەنگە دەيىن پارتيا تاريحىن ۇيرەنۋ تاربيەسى ىشكەرىلەي ورىستەتىلۋدە، ءبىز دە پارتيا تاريحىن جاقسى ۇيرەنىپ، اۋەلگى ماقساتتى، بورىشتى بەرىك ورناتىپ، زەينەتكە شىقساق تا قاسيەتتى جويمايمىز، قىزمەت ورنىنان شەگىنسەك تە پارتيادان ايىرىلمايمىز“، - دەدى اۆتونوميالى رايوندىق حالىق قۇرىلتايى تۇراقتى كوميتەتىنىڭ بۇرىنعى ورىنباسار مەڭگەرۋشىسى گۇلشات ءابدىقادىر.
”ەكسكۋرسيالاۋ، ۇيرەنۋ ارقىلى يدەيالىق جانە رۋحاني جاقتان تاعى ءبىر رەت سىننان وتتىك، ءبىز ماڭگى پارتياعا العىس ايتۋىمىز، پارتيانىڭ سوزىنە قۇلاق اسۋىمىز، پارتياعا ىلەسۋىمىز كەرەك“، - دەدى اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ بۇرىنعى مۇشەسى حۋاڭ سانپيڭ.
اۆتونوميالى رايوندىق ساياسي كەڭەستىڭ بۇرىنعى ورىنباسار ءتوراعاسى لي شياڭلين مىنالاردى ءبىلدىردى: تاياۋ جىلداردان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا اۆتونوميالى رايوندىق پارتكوم مەن ۇكىمەت جاڭا داۋىردەگى پارتيانىڭ شينجياڭدى جونگە سالۋ جالپى جوباسىن باتىل دايەكتىلەندىردى، تياناقتاندىردى، شينجياڭنىڭ ءتۇرلى ىستەرىندە تىڭ دامۋشىلىقتار، جاڭا ىلگەرىلەۋشىلىكتەر بولدى، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى كورنەكتى كۇشەيدى، شينجياڭنىڭ بولاشاعى، ءسوز جوق، ءتىپتى دە كوركەم بولادى.
