تيانشان تورى   ›   جاڭالىقتار   ›   شينجياڭ حابارلارى

سول جەردىڭ وزىندە تەكسەرۋ ورىستەتىپ، ناقتى ىستەردى شىنايى ىستەدى

اۆتونوميالى رايوندىق حالىق ۇكىمەتى كەڭسەسى:

سول جەردىڭ وزىندە تەكسەرۋ ورىستەتىپ، ناقتى ىستەردى شىنايى ىستەدى

  انار بۇلت / شينجياڭ گازەتىنىڭ تىلشىلەرى ۋاڭ يۇڭفەي، گان شيڭحۋا 6 - ايدىڭ 24 - كۇنى ۇرىمجىدەن حابارلايدى. ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىنىڭ تەرەڭدەي ورىستەتىلۋىن تىڭعىلىقتى ىلگەرىلەتۋ ءۇشىن 6 - ايدىڭ 2 - كۇنىنەن 8 - كۇنىنە دەيىن اۆتونوميالى رايوندىق حالىق ۇكىمەتى كەڭسەسى 11 قىزمەت گرۋپپاسىن 10 ايماققا (وبلىس، قالا) ءبولىپ جىبەرىپ، اۆتونوميالى رايوننىڭ ”ينتەرنەت + باقىلاۋ - تەكسەرۋ“ تۇعىرىندا اڭىس ەتىلگەن بۇقارانىڭ قالدىرعان لەبىزى، دەرەكتەرىنىڭ ءبىر جاقتى ەتىلۋ جاعدايىن ”قاداعالاپ“ سول جەردىڭ وزىندە تەكسەرۋ جۇرگىزدى.

  اۆتونوميالى رايوننىڭ ”ينتەرنەت + باقىلاۋ - تەكسەرۋ“ تۇعىرى بيىل 1 - ايدىڭ 1 - كۇنى ينتەرنەت جەلىسىنە شىعارىلعان. شينجياڭ جىجياڭ، گۋاڭشي، حاينان، جيلين، حىنان، انحۇي جانە يۇننان سىندى 7 ولكەدەن (رايون) كەيىن بۇكىل ەل بويىنشا ”ينتەرنەت + باقىلاۋ - تەكسەرۋ“ تۇعىرىن ينتەرنەت جەلىسىنە شىعارىپ جۇمىس جۇرگىزگەن 8 - ولكە (رايون) سانالادى. تۇعىر ينتەرنەت جەلىسىنە شىعارىلعاننان بەرى، 6 - ايدىڭ 1 - كۇنىنە دەيىن بۇقارانىڭ قالدىرعان لەبىزىنەن 1889ىن تاپسىرىپ الىپ، 34 مىڭ 834 ادامنىڭ ”شۇعىل، قيىن، الاڭداعان، كوكەي تەستى“ ماسەلەسىن شەشۋىنە كومەكتەستى.

  جەر - جەردىڭ بۇقارانىڭ قالدىرعان لەبىز - دەرەكتەرىن ءبىر جاقتى ەتۋ جاعدايىن ىشكەرىلەي تەكسەرۋ ءۇشىن، اۆتونوميالى رايوندىق حالىق ۇكىمەتى كەڭسەسى 2 ارالاپ شارلاۋ گرۋپپاسىن، 9 ارناۋلى گرۋپپانى تۇرپان قالاسى، سانجى حۇيزۋ اۆتونوميالى وبلىسى، التاي ايماعى، ىلە قازاق اۆتونوميالى وبلىسى، ءۇرىمجى قالاسى، قارامايلى قالاسى، حوتان ايماعى، قاشقار ايماعى، اقسۋ ايماعى، تارباعاتاي ايماعى قاتارلى 10 ايماققا (وبلىس، قالا) جىبەرىپ، اۆتونوميالى رايوننىڭ ”ينتەرنەت + باقىلاۋ - تەكسەرۋ“ تۇعىرىنىڭ ينتەرنەت جەلىسىنە شىعارىلعاننان بەرى تاپسىرىپ العان بۇقارا قالدىرعان 41 ءتۇيىندى لەبىز - دەرەككە جانە جۋىقتا اڭىس ەتىلگەن ءىشىنارا دەرەكتەرگە جاسىرىن باقىلاۋ - تەكسەرۋ جۇرگىزۋ، ينتەرنەت جەلىسىنەن تىس كەزدەسۋ ءماجىلىسىن اشۋ سياقتى تاسىلدەر ارقىلى سول جەردە تەكسەرۋ جۇرگىزدى.

  دەرەكتى تەكسەرۋ جۇمىستاندىرۋدى ىلگەرىلەتۋدى، كەدەيلىكتەن ارىلتۋدان قامال الۋ جەتىستىگىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋ، ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتۋ سياقتى 9 جاققا سايادى. تەكسەرۋ گرۋپپاسى ”دەرەكتەردى الا بارۋ، ماسەلەلەرگە ىلەسە ءجۇرۋ، ماسەلەلەردى قاداعالاي تۇزەتۋ“ سىندى دەرەكتى تەكسەرۋ ادىسىنە ساي، قاتىستى جەرگىلىكتى تاراۋلارمەن بىرگە نەگىزگى ساتىعا بارىپ، ماسەلەگە بەتپە - بەت كەلىپ، جۇمىس باسىندا تەكسەرۋ جۇرگىزىپ، ءىس جۇزىندىك جاعدايدى يگەرىپ، قىزمەت ۇسىنىسىن ورتاعا قويدى.

  قاعىلىق اۋدانىنىڭ تۇرعىنى حۋ شىڭتاۋ تايچۋانداۋ كلۋبىن اشقان بولاتىن، مەكتەپتەن تىسقارى باۋلۋ قۇرىلىمىنىڭ وقىتۋ رۇقسات كۋالىگىن ءبىتىرۋى كەرەك پە، جوق پا دەگەندە حۋ شىڭتاۋ مەن جەرگىلىكتى وقۋ - اعارتۋ تاراۋى اراسىندا الاۋىزدىق تۋىلعان بولاتىن. بيىل 3 - ايدىڭ باسىندا حۋ شىڭتاۋ وسى ماسەلەنى اۆتونوميالى رايوننىڭ ”ينتەرنەت + باقىلاۋ - تەكسەرۋ“ تۇعىرىنا اڭىس ەتەدى. 6 - ايدىڭ 4 - كۇنى اۆتونوميالى رايوندىق حالىق ۇكىمەتىنىڭ باقىلاۋ - تەكسەرۋ كەڭسەسى اشقان ينتەرنەت جەلىسىنەن تىس كەزدەسۋ ماجىلىسىندە حۋ شىڭتاۋ: ”تۇعىردا لەبىز قالدىرعاننان كەيىن، ءبىر ايعا جەتپەيتىن ۋاقىتتا ماسەلە شەشىم تاپتى، كلۋب جۇمىس باستاپ كەتتى“، - دەدى.

  اۆتونوميالى رايوندىق حالىق ۇكىمەتى باقىلاۋ - تەكسەرۋ كەڭسەسىنىڭ مەڭگەرۋشىسى تاۋ جيە: ”قايىرىلا قاراۋ“ تەكسەرۋىن ورىستەتۋدە بۇقارا كوڭىل بولىپ وتىرعان ”شۇعىل، قيىن، ۋايىمداعان، ءزارۋ“ ماسەلەلەردى شەشىپ، بۇقارانىڭ رازىلىق دارەجەسى جوعارى، قوعامدىق ىقپالى جاقسى ناقتى ىستەردى، يگى ىستەردى ىستەپ، شينجياڭنىڭ قوعام ورنىقتىلىعى مەن باياندى تىنىشتىعىنىڭ قوعامدىق نەگىزىن ۇزدىكسىز بەكەمدەپ، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن ۇزدىك ناتيجەلەرمەن قۇتتىقتاۋ ءۇشىن، - دەدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.