1979 - جىلى
1 - ايدىڭ 5 - كۇنىنەن 26 - كۇنىنە دەيىن اۆتونوميالى رايوندىق پارتكوم 3 دارەجەلى كادرلار ءماجىلىسىن اشىپ، پارتيا 11 - كەزەكتى ورتالىق كوميتەتى ءۇشىنشى جالپى ءماجىلىسىنىڭ جانە ورتالىقتىڭ قىزمەت ءماجىلىسىنىڭ رۋحىن جەتكىزدى. 4 - ايدا اۆتونوميالى رايوندىق پارتكوم اۆتونوميالى رايوننىڭ قىزمەت ءتۇيىنىن وسىزامانداندىرۋ قۇرىلىسىنا ويىستىرۋدى ۇيعاردى.
1 - ايدىڭ 19 - كۇنى اۆتونوميالى رايوندىق پارتكوم «شينجياڭنىڭ مادەنيەت زور توڭكەرىسى مەن تاريحتان قالعان ءىشىنارا كەلەلى ماسەلەلەردى ءبىر جاقتى ەتۋ جونىندەگى قاراردى» شىعارىپ، ”مادەنيەت زور توڭكەرىسىندە“ جانە تاريحتان قالعان ءىشىنارا كەلەلى ماسەلەلەردى شىندىقتى ءىس جۇزىنەن ىزدەي وتىرىپ ءبىر جاقتى ەتتى. «قاراردى» 3 - ايدىڭ 17 - كۇنى ورتالىق بەكىتتى.
5 - ايدىڭ 1 - كۇنى ورتالىق اسكەري ىستەر كوميتەتىنىڭ تەلەگرامما بۇيرىعى بويىنشا، شينجياڭ اسكەري رايونى ءۇرىمجى اسكەري رايونى بولىپ رەسمي وزگەرتىلدى.
5 - ايدىڭ 3 - كۇنىنەن 15 - كۇنىنە دەيىن اۆتونوميالى رايوندىق پارتكوم قىزمەت ءماجىلىسىن اشىپ، ورتالىقتىڭ ”رەتتەۋ، رەفورمالاۋ، وڭاۋ، جوعارىلاتۋ“ باعىتىنىڭ قىزمەت وي جەلىسى مەن ناقتى شاراسىن دايەكتىلەندىرۋدى، تياناقتاندىرۋدى العا قويدى.
5 - ايدىڭ 21 - كۇنىنەن 30 - كۇنىنە دەيىن اۆتونوميالى رايوننىڭ 1 - رەتكى قورشاعان ورتانى قورعاۋ قىزمەت ءماجىلىسى شىحىزى قالاسىندا اشىلدى.
5 - ايدىڭ 21 - كۇنىنەن 6 - ايدىڭ 7 - كۇنىنە دەيىن اۆتونوميالى رايوندىق پارتكوم ۇگىت قىزمەتى ءماجىلىسىن اشتى. ءماجىلىس كەزەكتەگى، ەڭ ماڭىزدىسى، ءتورتتى وسىزامانداندىرۋدى ۇگىتتەۋ ەكەندىگىن باسا دارىپتەپ، بۇكىل پارتيانى جانە بۇكىل رايونداعى ءار ۇلت حالقىن ”ءتورتتى وسىزامانداندىرۋ“ قۇرىلىسىنا بەلسەنە ات سالىسۋعا جەتەكتەدى جانە شابىتتاندىردى.
5 - ايدىڭ 25 - كۇنى اۆتونوميالى رايوندىق پارتكوم اۆتونوميالى رايونداعى ءارقايسى اۋدانداردىڭ (قالا) ساياسي كەڭەس ۇيىمدارىن قالپىنا كەلتىرۋدى جانە قۇرۋدى بەكىتتى.
7 - ايدىڭ 1 - كۇنى قارامايلى مۇناي الابى بايكوۋچۋان جاڭا مۇناي رايونى رەسمي وندىرىسكە قوسىلدى.
7 - ايدىڭ 20 - كۇنىنەن 28 - كۇنىنە دەيىن اۆتونوميالى رايوندىق پارتكوم زيالىلار ساياساتىن تياناقتاندىرۋ قىزمەت ءماجىلىسىن اشتى.
8 - ايدىڭ 9 - كۇنى وڭتۇستىك شينجياڭ تەمىر جولى كورلاعا دەيىن ءساتتى توسەلدى. تۇرپاننان كورلاعا دەيىنگى بۇل تەمىر جولدىڭ جالپى ۇزىندىعى 456.9 كيلومەتر بولىپ، جول بويى 29 تۋنەلدى (جالپى ۇزىندىعى 33 كيلومەتر) كەسىپ وتەدى، 492 قۋىستى كوپىر (جالپى ۇزىندىعى 10 كيلومەتر) سالىنعان، 251 كيلومەتر ۇزىندىقتاعى قايقاڭ جاسالعان.
8 - ايدىڭ 26 - كۇنىنەن 9 - ايدىڭ 5 - كۇنىنە دەيىن اۆتونوميالى رايوندىق 5 - كەزەكتى حالىق قۇرىلتايىنىڭ 2 - ءماجىلىسى اشىلدى، اۆتونوميالى رايوندىق حالىق قۇرىلتايى تۇراقتى كوميتەت قۇرىپ، اۆتونوميالى رايوندىق توڭكەرىس كوميتەتىن اۆتونوميالى رايوندىق حالىق ۇكىمەتى ەتىپ وزگەرتتى.
10 - ايدىڭ 4 - كۇنى «شينجياڭ گازەتىندە» اۆتونوميالى رايوننىڭ اسفالت تاس جول قۇرىلىسىنىڭ ناتيجەسى كورنەكتى بولعاندىعى، وڭتۇستىك شينجياڭدا قاشقارعا دەيىن، سولتۇستىك شينجياڭدا كۇنەسكە دەيىن اسفالت جول توسەلگەندىگى حابارلاندى. تۇتاس رايونداعى 23 مىڭ 800 نەشە كيلومەتر كەلەتىن اۆتوكولىك قاتىنايتىن جولدىڭ 6800 نەشە كيلومەتر جەرىنە اسفالت توسەلدى.
10 - ايدىڭ 23 - كۇنى قۇمىل - جامانسۋ جوعارى كەرنەۋلى ەلەكتر جەتكىزۋ، كەرنەۋ وزگەرتۋ جەلىسى ينجەنەرياسى سالىنىپ ءبىتىپ ىسكە قوسىلدى. 110 كيلوۆولتتىق وسى جەلىنىڭ جالپى ۇزىندىعى 132 كيلومەتر، مەملەكەت پەن اۆتونوميالى رايوننىڭ ءتۇيىندى ينجەنەريالارىنىڭ ءبىرى.
11 - ايدا جۇڭگو ۇكىمەتىنىڭ پاكيستانعا كومەككە سالىپ بەرگەن قاراقۇرىم تاس جولى ينجەنەرياسى تۇگەلدەي اياقتادى ءارى پاكيستان ۇكىمەتىنە وتكىزىپ بەرىلدى.
□ اۆتونوميالى رايوندىق پارتكوم پارتيا تاريحى جانە حۇجات زەرتتەۋ ورنى قامداعان
□ انار بۇلت / شينجياڭ گازەتىنىڭ ءتىلشىسى فان حۇڭي رەتتەگەن
□ سۋرەتتەردى رەتتەگەن جوبالاعان لياڭ ۋي
