شينحۋا اگەنتتىگىنىڭ 6 - ايدىڭ 25 - كۇنى بەيجيڭنەن بەرگەن حابارى. مەملەكەتتىك كەڭەستىڭ اقپارات كەڭسەسى 6 - ايدىڭ 25 - كۇنى «جۇڭگونىڭ جاڭاشا ساياسي پارتيا ءتۇزىمى» اق تىستى كىتابىن جاريالادى.
اق تىستى كىتاپتا بىلاي دەلىندى: جۇڭگو كوممۋنيستىك پارتياسى باسشىلىعىنداعى كوپ پارتيا سەلبەستىگى جانە ساياسي كەڭەس ءتۇزىمى جۇڭگونىڭ نەگىزگى ساياسى ءتۇزىمى. بۇل ءتۇزىم ءارى جۇڭگو توپىراعىنا تامىر تارتقان، جۇڭگو پاراساتىن ايگىلەگەن، ءارى ادامزاتتىڭ ساياسي وركەنيەتىنىڭ تاڭداۋلى جەتىستىكتەرىنەن بەلسەنە ۇلگى العان جانە قابىلداعان جۇڭگونىڭ جاڭاشا ساياسي پارتيا ءتۇزىمى.
اق تىستى كىتاپتا بىلاي دەپ تانىستىرىلدى: جۇڭگونىڭ جاڭاشا ساياسي پارتيا ءتۇزىمى جۇڭگو كوممۋنيستىك پارتياسى مەن 8 دەموكراتيالىق پارتيا - توپتى، سونداي - اق پارتيادا، توپتا جوق قايراتكەرلەردى قامتيدى. ۇزاق ۋاقىتتان بەرى جۇڭگو كوممۋنيستىك پارتياسى ءارقايسى دەموكراتيالىق پارتيا - توپتارمەن بىرگە قيىندىقتى بىلەك بىرىكتىرە جەڭىپ، تىزە قوسا كۇرەس جاساپ، بىرگە العا ىلگەرىلەپ، بىرگە سىننان ءوتىپ، قويۋ سەلبەستىك قاتىناس قالىپتاستىردى.
اق تىستى كىتاپتا بىلاي دەلىندى: جۇڭگونىڭ جاڭاشا ساياسي پارتيا ءتۇزىمى سەلبەستىكتى، ات سالىسۋدى، كەڭەسۋدى باستى رۋح، ىنتىماقتى، دەموكراتيانى، جاراسىمدىلىقتى ماندىك سيپات ەتەدى، ساياسيعا ات سالىسۋ، مۇددەنى بەينەلەۋ، قوعامدىق بىرىكتىرۋ، دەموكراتيالىق باقىلاۋ جانە ورنىقتىلىقتى قورعاۋ سىندى ماڭىزدى فۋنكتسياسى بار، بيلىك جۇرگىزۋ مەن ۇكىمەت ىسىنە ارالاسۋدىڭ، باسشىلىق ەتۋ مەن سەلبەسۋدىڭ، كەڭەسۋ مەن باقىلاۋدىڭ ورگانيكالى بىرلىگىن جۇزەگە اسىرعان، حالىقتىڭ قوجايىن بولۋىنىڭ ماڭىزدى جۇزەگە اسۋ فورماسى جانە سوتسياليستىك كەڭەستىك دەموكراتيانىڭ ماڭىزدى تۇزىمدىك دانەكەرى سانالادى.
اق تىستى كىتاپتا مىنالار باسا دارىپتەلدى: جۇڭگونىڭ مەملەكەت بيلىگىندە جۇڭگو كوممۋنيستىك پارتياسى مەن ءارقايسى دەموكراتيالىق پارتيا - توپتاردىڭ، پارتيادا، توپتا جوق قايراتكەرلەردىڭ ىنتىماقتى كۇشەيتۋى، سەلبەسىپ بىرگە ىستەۋى − جۇڭگونىڭ جاڭاشا ساياسي پارتيا ءتۇزىمىنىڭ ماڭىزدى تۇزىمدىك ورنالاستىرۋى. جۇڭگو كوممۋنيستىك پارتياسى تەپە - تەڭ مامىلە جاساۋعا، دەموكراتيالىق كەڭەسۋگە، ادال سەلبەسۋگە تاباندى بولىپ، ءار دارەجەلى حالىق قۇرىلتايلارىنداعى، ۇكىمەتتەردەگى جانە ءادىليا ورگاندارىنداعى دەموكراتيالىق پارتيا - توپتاردىڭ مۇشەلەرى مەن پارتيادا، توپتا جوق قايراتكەرلەردىڭ رولدارىن ساۋلەلەندىرۋىن قولداپ، مەملەكەت بيلىگى قۇرىلىسىن بىرگە ىلگەرىلەتەدى.
اق تىستى كىتاپتا مىنالار اتاپ كورسەتىلدى: اماليات مىنانى دالەلدەدى: جۇڭگونىڭ جاڭاشا ساياسي پارتيا ءتۇزىمى تاريحي سوزسىزدىككە، ۇلى جاسامپازدىققا، وراسان زور ابزالدىلىققا جانە قۇدىرەتتى ومىرشەڭدىككە يە، جۇڭحۋانىڭ تاڭداۋلى ءداستۇرلى مادەنيەتىنىڭ جاۋھارىن ايگىلەگەن، سوتسياليستىك ءتۇزىمنىڭ ماندىك تالابىن بەينەلەگەن، جۇڭگونىڭ مەملەكەت جاعدايىنا جانە مەملەكەتتى جونگە سالۋ قاجەتىنە ۇيلەسەدى، مەملەكەتتىڭ دامۋىنا، ۇلتتىڭ گۇلدەنۋىنە، قوعامنىڭ العا باسۋىنا، حالىقتىڭ باقىتىنا پايدالى نەگىزگى ساياسي ءتۇزىم.
