□ انار بۇلت / شينجياڭ گازەتىنىڭ تىلشىلەرى جىڭ جو، شيە حۇيبيان
جەل جىلدامدىعى ەرەكشە تومەن جەلدەتكىش تەحنيكاسى حالىقارادا وزىق ورەدە، فوتوۆولتتىق ەلەكتر ستانسياسى جۇيەسىنىڭ شوعىرلاندىرۋ قۋاتى مەملەكەت بويىنشا ءبىرىنشى ورىندا، ءوزى جەتىلدىرگەن ءبيداي، ماقتا تۇقىمىنىڭ ەگىلگەن جەر اۋماعىنىڭ يەلەيتىن سالىستىرماسى ％90تەن استى... شينجياڭنىڭ كەڭ - بايتاق دالاسىندا عىلىم - تەحنيكادا جاڭالىق اشۋدىڭ ومىرشەڭدىگى قاۋلاي ءتۇستى.
پارتيا 18 - قۇرىلتايىنان بەرى شينجياڭنىڭ عىلىم - تەحنيكاسىنىڭ دامۋى كۇن سايىن جاڭالانىپ، اي سايىن تۇلەجىدى، عىلىم - تەحنيكا جۇيەسى بىرتىندەپ كەمەلدەنىپ، قۇرىلىمى كۇننەن - كۇنگە ساپالىلانىپ، جوعارى ساپالى دامۋعا دەم بەرۋ جولىنداعى قادامى ەكپىندەي ءتۇستى.
وزەكتى تەحنيكا ناقتى قۋاتىن ايگىلەدى
6 - ايدىڭ 3 - كۇنى 2021 - جىلعى حالىقارالىق كۇن ەنەرگياسى فوتوۆولت جانە زەردەلى ەنەرگيا (شاڭحاي) كورمەسى جانە تالقى مىنبەرىندە ەرەكشە ترانسفورماتور جارنا شەكتى سەرىكتەستىگىنىڭ جاڭا ۇرپاق + 1500V 300KW تىزبەكتى كەرى تۇرلەندىرگىشى كورسەتىلدى، بۇل قۋات دارەجەسى اناعۇرلىم ۇلكەن، وزىندىك قۇنى اناعۇرلىم تومەن جۇيەلى ەلەكتر تورىن قۇرۋ جوباسىنىڭ پىسىپ - جەتىلگەندىگىنەن دەرەك بەرەدى. ”باتىستىڭ ەلەكترىن شىعىسقا جەتكىزۋ“ سىندى مەملەكەتتىڭ ەلەۋلى ينجەنەرياسىندا كوپ تۇردەن ەل ىشىندەگى اق تاڭداقتىڭ ورىن تولدىرعان تەحنيكانىڭ بارلىعى ەرەكشە ترانسفورماتور سەرىكتەستىگىنەن شىققان.
”13 - بەسجىلدىق“ مەزگىلىندە، رايونىمىز جاڭا ەنەرگيا اشۋ، مۇناي، مۇناي حيميا، كومىر، كومىر حيميا ونەركاسىبى، ءسۇت شارۋاشىلىعى سياقتى اۆتونوميالى رايوننىڭ باسىم كاسىپ سالالارى مەن ءتۇيىندى سالالارىندا، سونداي - اق ەلەكتر جەتكىزۋ، كەرنەۋ وزگەرتۋ جابدىقتارىن جاساۋ، كەن ونىمدەرى بايلىق قاينارىن اشۋ، كومىر قاباتى گازىن اشۋ، مال - قۇستاردىڭ جاڭا سورتىن جەتىلدىرۋ، جەرگىلىكتى اۋرۋلاردان ساقتانۋ، ەمدەۋ سياقتى سالالاردا كەلەلى عىلىم - تەحنيكا ارناۋلى نىسانىنان 28ىن، ءتۇيىندى زەرتتەۋ - اشۋ ارناۋلى نىسانىنان 147سىن ۇيىمداستىرىپ اتقارىپ، باستاۋ، جەتەكتەۋ رولىنا يە ءبىر قىدىرۋ عىلىم - تەحنيكا جەتىستىكتەرى جارىققا شىقتى.
ءبىر - بىرلەگەن كوز تارتاتىن سان - سيفرلار رايونىمىزدىڭ عىلىم - تەحنيكادان جاڭالىق اشۋ ونىمدىلىكتەرىن دالەلدەدى.
− ”13 - بەسجىلدىق“ مەزگىلىندە، شينجياڭ NSFC − شينجياڭ بىرلەسكەن قورى نىسانىنان 270ىن اتقارىپ، سوماسى 336 ميلليون يۋانعا جەتىپ، اۋىل شارۋاشىلىعى، ورگانيزمدەردىڭ الۋان تۇرلىلىگى جانە ورگانيزم بايلىعى سىندى سالالارعا سايدى؛ اۆتونوميالى رايوننىڭ جاراتىلىستىق عىلىمدار قورى قارجىلاي كومەك كورسەتۋ نىسانىنان جيىنى 2507سىن اتقارىپ، جالپى 168 ميلليون يۋان قارجى قوستى.
− كەزەكتە بۇكىل رايونىمىزدا اۋداننان جوعارى ورىندارعا قاراستى زەرتتەۋ جانە تەحنيكا اشۋ قۇرىلىمىنان 110ى، ءتۇيىندى تاجىريبەحانادان 86سى بار. ”13 - بەسجىلدىق“ مەزگىلىندە، اۆتونوميالى رايون دارەجەلى عىلىم - تەحنيكا جوسپارىندا جاڭادان 6890 نىسان اشىلدى. مۇنىڭ ىشىندە كەلەلى عىلىم - تەحنيكا ارناۋلى نىسانىنان 28ى، ءتۇيىندى زەرتتەۋ - اشۋ ارناۋلى نىسانىنان 147سى، جاڭالىق اشۋ شارت - جاعدايى (دارىندى، بازا) ارناۋلى نىسانىنان 3894ى، وڭىرلىك سەلبەسىپ جاڭالىق اشۋ ارناۋلى نىسانىنان 596سى، عىلىم - تەحنيكا جەتىستىگىن كادەگە جاراتۋدان ۇلگى كورسەتۋ ارناۋلى نىسانىنان 2225ى بار.
قازىر شينجياڭنىڭ ەرەكشە، باسىم سالالارداعى جاڭالىق اشۋ قۋاتى مەن تەحنيكا دەڭگەيى كورنەكتى جوعارىلاپ، جەل جىلدامدىعى ەرەكشە تومەن جەلدەتكىش تەحنيكاسى حالىقارالىق وزىق ورەدە، فوتوۆولتتىق ەلەكتر ستانسياسى جۇيەسىنىڭ شوعىرلاندىرۋ قۋاتى مەملەكەت بويىنشا ءبىرىنشى ورىندا، كۇن ەنەرگياسى، جەل ەنەرگياسى، ەرەكشە جوعارى كەرنەۋلى توك جەتكىزۋ، كەرنەۋ وزگەرتۋ، مۇناي، گاز بارلاۋ سياقتى تەحنيكالارى مەملەكەتتىڭ الدىڭعى ورنىندا تۇر.
جاڭالىق اشۋ ارقىلى كاسىپ سالاسىن دامىتۋعا دەم بەردى
6 - ايدا شينجياڭ ءوندىرىس - قۇرىلىس بيڭتۋانى 1 - شىسىنىڭ 16 - تۋانىنداعى ماقتا تاجىريبە اتىزىندا جەرگىلىكتى ورىننىڭ شينجياڭ اۋىل شارۋاشىلىق عىلىم اكادەمياسىمەن جانە جۇڭگو اۋىل شارۋاشىلىق داشۋەسىمەن بىرلەسىپ سىناق رەتىندە وسىرگەن ماقتانىڭ جاڭا سورتى قاۋلاي ءوستى.
بىلتىر وسى تاجىريبە اتىزىنداعى شينجياڭ ءوزى تاڭداپ جەتىلدىرگەن ماشينامەن تەرىلەتىن ماقتانىڭ جاڭا سورتىنىڭ مۋ باسىندىق ءونىمى 690 كيلوگرامنان اسىپ، ساپاسى ”قوس 31“ ولشەمىنە جەتتى.
شينجياڭ اۋىل شارۋاشىلىق عىلىم اكادەمياسى ەكونوميكالىق داقىلداردى زەرتتەۋ ورنىنىڭ زەرتتەۋشىسى لي شۋەيۋان تانىستىرىپ بىلاي دەدى: ماشينامەن تەرىلەتىن ماقتا سورتىنىڭ تەگىن جاقسارتۋ جانە ءدارى - دارمەكتەرگە حيميالىق رەتتەۋ جۇرگىزۋ، جاپىراق تاستاپ پىسۋىن جەدەلدەتۋ ارقىلى ماشينامەن تەرگەندەگى تولىق تەرىلۋ مولشەرى، جينالۋ مولشەرى بارىنشا جوعارىلادى.
عىلىم - تەحنيكانىڭ تىرەك بولۋىندا رايونىمىزدىڭ كاسىپ سالاسىنىڭ دارەجەسىن جوعارىلاتۋ اياق الىسى جەدەلدەدى. مۇناي، مۇناي حيميا، ماقتا، جەمىس ورمانى ونىمدەرىن جىنتىكتەي مانەرلەۋ سياقتى باسىم كاسىپ سالالارىنىڭ تەحنيكالىق دەڭگەيى مەن باسەكەلىك قۋاتى كورنەكتى جوعارىلادى. جاڭا سورتتاردى تاڭداپ جەتىلدىرۋ تەحنيكاسىن زەرتتەۋ جانە پايدالانۋ ارقىلى ءوزى جەتىلدىرگەن ءبيداي، ماقتا سورتىنىڭ ەگىستىك جەر كولەمىنىڭ يەلەيتىن سالىستىرماسى ％90تەن استى.
قازىرگە دەيىن رايونىمىز قۇرعان مەملەكەت دارەجەلى جوعارى، جاڭا رايوننان جيىنى ەكەۋى، اۆتونوميالى رايون دارەجەلى جوعارى، جاڭا رايوننان 17سى بار. 2020 - جىلى رايونىمىزدىڭ جوعارى، جاڭا رايونىنىڭ تيجارات كىرىسى 664 ميلليارد 502 ميلليون يۋان، باقشا رايونىنىڭ ونەركاسىپ جالپى ءونىم قۇنى 185 ميلليارد 841 ميلليون يۋان، جوعارى، جاڭا تەحنيكا ونىمدەرىنىڭ ءونىم قۇنى 178 ميلليارد 727 ميلليون يۋان بولدى.
سونىمەن ءبىر ۋاقىتتا، رايونىمىز سايكەستىرۋ ءتۇزىلىس - مەحانيزمى قۇرىلىسىن ۇزدىكسىز ىلگەرىلەتىپ، وڭىرلىك جاڭالىق اشۋ جۇيەسىن بىرتىندەپ قۇرىپ، اقاۋسىزداندىرىپ، جىبەك جولى ەكونوميكالىق بەلدەۋى دامۋعا جاڭالىق اشۋ ارقىلى دەم بەرۋ سىناق رايونى قۇرىلىسىن جانە ءۇرىمجى - سانجى - شىحىزى مەملەكەتتىك دەربەس جاڭالىق اشۋدان ۇلگى كورسەتۋ رايونى قۇرىلىسىن زور كۇشپەن ورىستەتتى. ”ەكى رايون“ قۇرىلىسى ورايىن مىقتى يگەرىپ، بيىل الدىڭعى جارتى جىلدا سانجى مەملەكەتتىك جوعارى، جاڭا تەحنيكالىق كاسىپ سالاسىن اشۋ رايونى ەمدەۋ عىلىم - تەحنيكاسى، مەحانيكالىق ەلەكترون سياقتى سالالارعا ساياتىن نىساندارعا قول قويدى؛ شىحىزى ەكونوميكالىق، تەحنيكالىق اشۋ رايونى ونەركاسىپ ينتەرنەتى، 5G، ساندى مالىمەت ورتالىعى سياقتى جاڭا نەگىزدىك قۇرىلىس نىساندارىن ورنالاستىردى.
دارىندىلاردى باۋلىپ، سەلبەستىكتى كەڭەيتتى
جۋىقتا ءۇرىمجى جوعارى، جاڭا تەحنيكالىق كاسىپ سالاسىن اشۋ رايونىنا (جاڭا قالا رايونى) قاراستى كاسىپورىن شينجياڭ شيليڭ ينفورماتسيا تەحنيكاسى جارنا شەكتى سەرىكتەستىگى، شينجياڭ يىندولان ءدارى - دارمەك شارۋاشىلىعى جارنا شەكتى سەرىكتەستىگى، شينجياڭ ليانحاي چۋاڭجى ينفورماتسيا تەحنيكاسى شەكتى سەرىكتەستىگى مەملەكەت دارەجەلى پوسدوكتور عىلمي زەرتتەۋ قىزمەت پۋنكتى بولىپ بەكىتىلىپ قۇرىلدى.
جاڭالىق اشۋ جولى دارىندى جەتىلدىرۋمەن عانا اشىلادى.
جۋىق جىلداردان بەرى شينجياڭنىڭ عىلىم - تەحنيكا دارىندىلارى قوسىنىن باۋلۋ تەبىنى ۇزدىكسىز كۇشەيتىلدى. قازىرگە دەيىن اۆتونوميالى رايوننىڭ جاڭالىق اشۋ شارت - جاعدايى (دارىندى، بازا) ارناۋلى نىسانى 3894كە جەتتى، از ۇلت عىلىم - تەحنيكا تىرەكتىلەرىنىڭ سانى 2019 - جىلداعىدان 2.1 ەسە ارتتى.
اۆتونوميالى رايوندىق عىلىم - تەحنيكا مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى سۇن يۇڭجيان تانىستىرىپ بىلاي دەدى: ”13 - بەسجىلدىق“ مەزگىلىندە، تيانشان جاستار جوسپارى، تيانشان سامىرسىنى سياقتى جوسپارلاردى ءتۇيىن ەتىپ، ”نىسان + دارىندى“ ۇلگىسى ارقىلى ءبىر توپ جوعارى دەڭگەيدەگى جاڭالىق اشۋداعى باستاۋشى دارىندىلاردى جانە جاڭالىق اشۋ ۇجىمدارىن جەتىلدىردى.
2020 - جىلى رايونىمىزدا مەملەكەتتىك كەڭەستىڭ ۇكىمەت ەرەكشە قوسىمشا قاراجاتىنان 54 ادام يگىلىكتەنگەن، تۇتاس جىلدا پوسدوكتور زەرتتەرمەندەرىنەن 109 ادام قابىلدانعان، پوسدوكتور عىلمي زەرتتەۋ قىزمەت پۋنكتىنەن 20سى جاڭادان قۇرىلعان.
وسىمەن ءبىر ۋاقىتتا رايونىمىز تاعى عىلىم - تەحنيكالىق سەلبەستىكتى ۇزدىكسىز كۇشەيتىپ، عىلىم - تەحنيكادا جاڭالىق اشاتىن جانە كاسىپ سالاسىنداعى تەحنيكا دارىندىلارىنىڭ جەتىلۋىن جەبەدى.
”13 - بەسجىلدىق“ مەزگىلىندە اۆتونوميالى رايوننىڭ ”شاڭحاي سەلبەستىك ۇيىمى عىلىم - تەحنيكا سەرىكتەستىك جوسپارى“ جانە حالىقارالىق عىلىم - تەحنيكا سەلبەستىك جوسپارى نىسانىندا جالپى 144 نىسان بەكىتىلىپ، قازىنالىق عىلىم - تەحنيكا ارناۋلى قارجىسىنان 89 ميلليون 515 مىڭ يۋان ورنالاستىرىلدى. ”تۇعىر قۇرىلىسى − دارىندى باۋلۋ − بازا قۇرىلىسى − تەحنيكا جالپىلاستىرۋ“ سىندى جۇيەلى سەلبەستىك ارقىلى ىلگەرىندى - كەيىندى بولىپ ورتا ازياداعى مەملەكەتتەرمەن بىرلەسىپ جۇڭگو عىلىم اكادەمياسى ورتا ازيا ەكولوگيالىق ورتا زەرتتەۋ ورتالىعى، جۇڭگو عىلىم اكادەمياسى جۇڭگو - وزبەكستان ەمدەۋ، ءدارى - دارمەك بىرلەسكەن ورتالىعى سياقتى نىسانداردى قۇردى.
