انار بۇلت / شينجياڭ گازەتىنىڭ ءتىلشىسى چىن چياڭۋي 6 - ايدىڭ 25 - كۇنى ۇرىمجىدەن حابارلايدى. ءۇرىمجى كەدەنىنەن ۇعىسۋىمىزشا، الدىڭعى 5 ايدا رايونىمىزدىڭ سىرتقى ساۋدا يمپورت - ەكسپورت جالپى قۇنى 51 ميلليارد 550 ميلليون يۋان بولىپ، سايكەس مەزگىلدەگىدەن ％17 ارتقان. 3 - ايدان باستاپ رايونىمىزدىڭ سىرتقى ساۋدا يمپورت - ەكسپورت جالپى قۇنىنىڭ ۇدايى 3 اي سايكەس مەزگىلدەگىدەن ارتۋ مولشەرى ％30تەن جوعارى بولعان.
الدىڭعى 5 ايدا رايونىمىزدىڭ ەكسپورت جالپى قۇنى 38 ميلليارد 780 ميلليون يۋان بولىپ، سايكەس مەزگىلدەگىدەن ％50.7 ارتقان؛ يمپورت جالپى قۇنى 12 ميلليارد 770 ميلليون يۋان بولعان. اسىرەسە، 5 - ايدا يمپورت - ەكسپورت جالپى قۇنى 12 ميلليارد 540 ميلليون يۋان بولىپ، سايكەس مەزگىلدەگىدەن ％48.3ارتىپ، 2019 - جىلعى ۇقساس مەزگىلدەگىمەن سالىستىرعاندا ％21.9 ارتقان. تاۋار جاعىنان الىپ قاراعاندا، ماشينا - ەلەكتر ونىمدەرى، كيىم - كەشەك جانە كيىم قوسالقى بولشەكتەرى، اياق كيىم سياقتى باستى ەكسپورت تاۋارلارى تۇگەلدەي زور كولەمدە ارتقان. رايونىمىزدىڭ 4 جالپىلىق باجىسىز اۋماعىنىڭ بەينەسى جاقسى، يمپورت - ەكسپورت جالپى قۇنى 5 ميلليارد 301 ميلليون يۋان بولىپ، سايكەس مەزگىلدەگىدەن ％13.88 ارتقان.
الدىڭعى 5 ايدا جۇڭگو شينجياڭىنىڭ ءداستۇرلى ساۋدا سەرىكتەس ەلدەرىمەن اراداعى ساۋدا بارىس - كەلىسى جيىلەي تۇسكەن. قازاقستانعا يمپورت - ەكسپورت جالپى قۇنى 28 ميلليارد 480 ميلليون يۋان بولىپ، سايكەس مەزگىلدەگىدەن ％18.4 ارتقان؛ قىرعىزستانعا يمپورت - ەكسپورت جالپى قۇنى 4 ميلليارد 390 ميلليون يۋان بولىپ، سايكەس مەزگىلدەگىدەن ％7.4 ارتقان.
”ءبىر بەلدەۋ، ءبىر جول“ قۇرىلىسىنىڭ ىشكەرىلەي ىلگەرىلەتىلۋىنە ساي، جۇڭگو شينجياڭىنىڭ جەلى بويىنداعى ەلدەرمەن ساۋدا بارىس - كەلىسىندە جاندانۋ جاعدايى جارىققا شىققان. الدىڭعى 5 ايدا جۇڭگو شينجياڭىنىڭ ”ءبىر بەلدەۋ، ءبىر جولدى“ بىرگە قۇراتىن ەلدەرمەن يمپورت - ەكسپورت جالپى قۇنى 43 ميلليارد 810 ميلليون يۋان بولىپ، سايكەس مەزگىلدەگىدەن ％19.3 ارتىپ، سايكەس مەزگىلدەگى شينجياڭ سىرتقى ساۋدا جالپى قۇنىنىڭ ％85ىن يەلەگەن. سونىمەن بىرگە RCEP («وڭىرلىك جالپى بەتتىك ەكونوميكالىق سەرىكتەستىك قاتىناس كەلىسىمى») مۇشە ەلدەرىمەن اراداعى ساۋدادا ورلەۋ جاعدايى جارىققا شىعىپ، 5 - ايدا RCEP ەلدەرىمەن يمپورت - ەكسپورت جالپى قۇنى سايكەس مەزگىلدەگىدەن ％50.1 ارتقان.
جۇڭگو - ەۆروپا كەزەكشى پويەزدارىنىڭ ءجيى قاتىناۋى سىرتقى ساۋدانىڭ دامۋىن جەبەگەن. الدىڭعى 5 ايدا رايونىمىز تەمىر جول تاسىمالى ارقىلى جۇزەگە اسىرعان يمپورت - ەكسپورت جالپى قۇنى 23 ميلليارد 800 ميلليون يۋان بولىپ، سايكەس مەزگىلدەگىدەن ％52.8 ارتىپ، رايونىمىزدىڭ سايكەس مەزگىلدەگى سىرتقى ساۋدا جالپى قۇنىنىڭ ％46.2ىن يەلەگەن.
سونىمەن بىرگە رايونىمىزدىڭ تاس جول شەكارا وتكەلدەرى كەدەننەن وتكىزۋ ۇلگىسىن ۇزدىكسىز ساپالىلاندىرىپ، تورعات شەكارا وتكەلى ەڭ الدىمەن ”شەكارا اتتاپ كرانمەن تيەۋ“ ارقىلى زاتتاردى كەدەننەن وتكىزۋ ۇلگىسىن جارىققا شىعارسا، باقتى شەكارا وتكەلى ”تەكشەگە تاستاپ كەتۋ، ءىلىپ الۋ + ۆاگوندى تاستاپ كەتۋ، ءىلىپ الۋ“ شەكارادان وتكىزۋدىڭ قولايلى شارالارى سياقتىلاردى جالپىلاستىرىپ، تاس جول شەكارا وتكەلدەرىنىڭ كەدەننەن وتكىزۋ ونىمدىلىگى كورنەكتى جوعارىلاعان.
