گازەتىمىزدىڭ ارنايى جىبەرگەن ءتىلشىسى جۇڭگو كوممۋنيستىك پارتياسى تاريحى كورمە سارايىنا باردى −
100 جىلدىق كۇرەس بارىسىنداعى ”شينجياڭ ىزدەرى“ جونىندە ىزدەنىس
□ انار بۇلت / شينجياڭ گازەتىنىڭ ءتىلشىسى لي ياڭ
100 جىلدىق ساپار قۇلاشىن كەڭ جايدى، 100 جىلدىق اۋەلگى ماقسات تالاي زاماندى باستان وتكەرىپ بەكەمدەلە ءتۇستى. جۇڭگو كوممۋنيستىك پارتياسى 100 جىلدىق مەرەي تويىن قارسى الار قۋانىشتى ساتتە، جۇڭگو كوممۋنيستىك پارتياسى تاريحى كورمە سارايى بەيجيڭدە رەسمي اشىلدى.
6 - ايدىڭ 25 - كۇنى تۇستەن بۇرىن گازەتىمىزدىڭ ارنايى جىبەرگەن ءتىلشىسى بەيجيڭ وليمپيادا باقشاسىنداعى ايداعار ءپىشىندى سۋ جۇيەسىنىڭ جانىنداعى جۇڭگو كوممۋنيستىك پارتياسي تاريحى كورمە سارايىنا كەلىپ، وسى ايبىندى دا اسقاق قىزىل ءتۇستى جاڭا جەر بەلگىسىن كوردى. كورمە ساراي ىشىندە ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ جۇڭگو كوممۋنيستىك پارتياسى تاريحى كورمەسى وتكىزىلىپ جاتىپتى. ءتىلشى سول جەردىڭ وزىنەن كورمەدە ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپ ەتىلىپ، ”جۇڭگو كوممۋنيستىك پارتياسىن قۇرىپ، جاڭا دەموكراتيالىق توڭكەرىستىڭ ۇلى جەڭىسىنە قول جەتكىزۋ“، ”جۇڭحۋا حالىق رەسپۋبليكاسىن قۇرىپ، سوتسياليستىك توڭكەرىس جانە قۇرىلىس جۇرگىزۋ“، ”رەفورما جاساپ، ەسىك اشىپ، جۇڭگوشا سوتسياليزمدى اشۋ جانە دامىتۋ“، ”جۇڭگوشا سوتسياليزمنىڭ جاڭا داۋىرگە ءوتۋىن ىلگەرىلەتىپ، جاپپاي دوڭگەلەك داۋلەتتى قوعام ورناتۋ، جاپپاي سوتسياليستىك وسىزاماندانعان مەملەكەت قۇرۋ جاڭا ساپارىن باستاۋ“ سىندى 4 بولىك دەن قويا جوبالانىپ، 2600 نەشە سۋرەت، 3500 نەشە مادەني مۇرا، ناقتى زات ارقىلى جۇڭگو كوممۋنيستىك پارتياسىنىڭ قۇلاشىن كەڭ جايعان، ايدىنى اسقاق 100 جىلدىق بارىسى العاش رەت جان - جاقتى، جالپى بارىس بويىنشا، جالپى كورىنىس ۇلگىسىندە، تاريحي داستان ىسپەتتى كورسەتىلدى.
100 جىلدىق داڭقتى شاقتارعا قايىرىلا قاراساق، جۇڭگو كوممۋنيستىك پارتياسى باستان - اياق شينجياڭداعى ءار ۇلت حالقىن كوكەيىندە ساقتاپ، باستان - اياق شينجياڭداعى ءار ۇلت حالقىنىڭ كەلەشەك تاعدىرىن ويلاپ، ءار ۇلت حالقىنىڭ ەڭسە كوتەرىپ، ازات بولۋى، ءار ۇلت حالقىنىڭ باقىتتى تۇرمىس كەشىرۋى ءۇشىن توتەنشە ماشاقاتتى كۇرەس جاساپ، الەمدى اسەرلەندىرگەن ماداق جىرىن جازدى. كورمەدە بارلىق جەردەن كوزگە تۇسەتىن ”شينجياڭ ىزدەرى“ تۇگەلدەي مىنانى اڭعارتۋدا: جۇڭگو كوممۋنيستىك پارتياسى بولماسا بۇگىنگى جاراسىمدى دا ورنىقتى شينجياڭ بولماق ەمەس، ءار ۇلت حالقىنىڭ تاماشا تۇرمىسى بولماق ەمەس.
