− پارتيا 18 - قۇرىلتايىنان بەرگى جوعارى مەكتەپتەردىڭ پارتيا قۇرىلىسى مەن يدەيا - ساياسي قىزمەتىنە جالپى شولۋ
شينحۋا اگەنتتىگىنىڭ ءتىلشىسى
دارىندى تاربيەلەۋ − مەملەكەتتى جونگە سالۋدىڭ نەگىزى.
پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى جوعارى مەكتەپتەردىڭ پارتيا قۇرىلىسى مەن يدەيا - ساياسي قىزمەتىنە ايرىقشا ءمان بەردى. باس شۋجي شي جينپيڭ قانداي ادام تاربيەلەۋ، ادامدى قالاي تاربيەلەۋ، ادامدى كىم ءۇشىن تاربيەلەۋ سىندى ءتۇبىرلى ماسەلەلەردى توڭىرەكتەي وتىرىپ، ىلگەرىندى - كەيىندى ءبىر قىدىرۋ ماڭىزدى ءسوز سويلەپ، ءبىر قىدىرۋ ماڭىزدى نۇسقاۋ، بەكىتۋ جاسادى، كوپ رەت جوعارى مەكتەپتەرگە بارىپ قىزمەت تەكسەرىپ، جەتەكشىلىك ەتىپ، وقىتۋشى - وقۋشىلارمەن اڭگىمەلەستى، اۋىس - كۇيىس جاسادى، اسىرەسە، بۇكىل ەلدەگى جوعارى مەكتەپتەردىڭ يدەيا - ساياسي قىزمەتى ماجىلىسىنە، مەملەكەتتىك وقۋ - اعارتۋ جينالىسىنا، مەكتەپتەردەگى يدەيا - ساياسي نازاريا ساباعى وقىتۋشىلارىنىڭ اڭگىمە ماجىلىسىنە قاتىناستى ءارى ماڭىزدى ءسوز سويلەپ، پارتيانىڭ جوعارى مەكتەپتەرگە باسشىلىعىنا جانە پارتيا قۇرىلىسىنا تاباندى بولۋعا جانە ونى كۇشەيتۋگە ايقىن بەتالىس كورسەتىپ، ءتۇبىرلى بويسۇنۋ ولشەمىن ازىرلەدى.
وڭىرلەر، تاراۋلار، جوعارى مەكتەپتەر شي جينپيڭ جاڭا ءداۋىر جۇڭگوشا سوتسياليزم يدەياسىن جانە پارتيا ورتالىق كوميتەتىنىڭ جوعارى مەكتەپتەر قىزمەتى جونىندەگى شەشىمدەرىن، ورنالاستىرۋلارىن مۇقيات دايەكتىلەندىرىپ، جاڭا داۋىردەگى پارتيا قۇرىلىسىنىڭ جالپى تالابى مەن جاڭا داۋىردەگى پارتيانىڭ ۇيىمدىق لۋشيانىن تياناقتاندىرىپ، پارتيانىڭ ساياسي قۇرىلىسىن ءبىر تۇتاس باسشىلىققا الىپ، ونەگە ورناتىپ ادام تاربيەلەۋ ءتۇبىرلى مىندەتىن تياناقتاندىرىپ، جوعارى مەكتەپتەردىڭ پارتيا قۇرىلىسى مەن يدەيا - ساياسي قىزمەتىنىڭ وقۋ - اعارتۋدى، عىلمي زەرتتەۋدى باسقارۋمەن توعىسۋىن ىلگەرىلەتتى، جوعارى مەكتەپتەردىڭ پارتيا قۇرىلىسى مەن يدەيا - ساياسي قىزمەتىندە ءۇرتىس كۇشەيگەن، كەمەلدەنگەن، ۇزدىكسىز العا باسقان، جاقسارعان دامۋ جاعدايى جارىققا شىقتى.
ونەگە ورناتىپ، رۋح سومدادى، جوعارى مەكتەپتەردەگى پارتيانىڭ ساياسي قۇرىلىسىنىڭ ءبىر تۇتاس باسشىلىق رولى تولىق ساۋلەلەندى
پارتيانىڭ ساياسي قۇرىلىسى − پارتيانىڭ ءتۇبىرلى سيپاتتى قۇرىلىسى، ول پارتيا قۇرىلىسىنىڭ بەتالىسى مەن ونىمدىلىگىن بەلگىلەيدى. پارتيا 18 - قۇرىلتايىنان بەرى ورتالىق كوميتەت ۇيىمداستىرۋ ءبولىمى، ورتالىق كوميتەت ۇگىت ءبولىمى، وقۋ - اعارتۋ مينيسترلىگى سياقتى تاراۋلار جەر - جەردىڭ، جوعارى مەكتەپتەردىڭ ”جول باستاۋ . نەگىزدى كۇشەيتۋ . رۋح سومداۋ“ قامال الۋ ارەكەتىن اتقارۋىنا جەتەكشىلىك ەتىپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن وقىتۋشى - وقۋشىلاردىڭ وي - ساناسىن قارۋلاندىرۋعا تاباندى بولدى. جوعارى مەكتەپتەر پارتيانىڭ جاسامپاز نازارياسىن ۇگىتتەيتىن، تۇسىندىرەتىن ”ايگىلى وقىتۋشىلاردىڭ ۇلگى كورسەتۋ ساباقحاناسىن“ كۇش سالا تۇلعالاپ، ”جاڭا يدەيانى ۇيرەنۋ − سان مىڭداعان وقىتۋشى - وقۋشىلاردىڭ بىردەي وقيتىن ساباعى“ قيمىلىن وتكىزىپ، پارتيانىڭ جاسامپاز نازارياسىنىڭ تەرەڭدەۋىن، كوڭىلگە ۇيالاۋىن، ناقتىلانۋىن جەبەدى.
”ءبىلىمنىڭ سوڭىنا ءتۇسۋ ءۇشىن جالىقپايتىن، قيىندىققا توزە الاتىن بولۋ كەرەك“. جۇڭگو ينجەنەريالىق عىلىمدار اكادەمياسىنىڭ اكادەميگى جىڭ يۇيگونىڭ جىجياڭ ونەركاسىپ داشۋەسىنىڭ ”جاڭا يدەيانى ۇيرەنۋ − سان مىڭداعان وقىتۋشى - وقۋشىلاردىڭ بىردەي وقيتىن ساباعى“ قيمىلىندا سويلەگەن ءسوزى تىڭداپ وتىرعان 1000نان استام وقىتۋشى - وقۋشىنى ەرەكشە تەبىرەنتتى.
جوعارى مەكتەپتەر پارتيا قۇرىلعاندىعىنىڭ 100 جىلدىعىن قارسى الۋ ”ۇيرەنۋ . تۇجىرىمداۋ . قۇرۋ“ ارەكەتىن بەلسەندىلىكپەن ورىستەتىپ، وقىتۋشى - وقۋشىلاردى ”ينتەرنەتتە ۇزاق جورىق جولىن قايتا باسۋ“ سياقتى جەلىلەس نەگىزگى تاقىرىپتىق قيمىلداردى ورىستەتۋگە ۇيىمداستىرىپ، ساباق باستاۋ سالتىنىڭ، وقۋ تاۋىسۋ سالتىنىڭ ادام تاربيەلەۋ يقۋاتىن كۇشەيتۋگە ءمان بەردى.
شاڭحاي قاتىناس داشۋەسىنىڭ 2020 - جىلدىق جاڭا وقۋشىلاردى قارسى الۋ، ساباق باستاۋ سالتى، جاڭا وقۋشىلاردىڭ العاشقى ساباعى سياقتى تۇتاس مەكتەپتەگى ۇلكەن سالت قيمىلدارىندا، مەكتەپ جاڭا وقۋشىلارعا ”جاستىق ورالىمەن وتانعا سۇيىسپەنشىلىگىن ءبىلدىرۋ“ قۋاتتاماسىن قويىپ، ”جاستىق ورالىمەن وتاننىڭ ءۇمىتىن اقتاۋ“ ىنتا - ىقىلاسىن جانە جاۋاپكەرشىلىك ارقالاۋىن جەتكىزدى. ءبىر جارىم ساعاتتىق قيمىلدى ينتەرنەت جەلىسىندە كورگەندەر جيىنى 2 ميلليون 500 مىڭعا تايادى.
جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى قارساڭىندا، جوعارى مەكتەپتەر پارتيا تاريحىن ۇيرەنۋ تاربيەسىن مۇقيات ۇيىمداستىرىپ ورىستەتىپ، ”ءتورت تاريح“ تۇرىندەگى يدەيا - ساياسي ساباقتارىن اشىپ، كادرلاردىڭ، وقىتۋشى - وقۋشىلاردىڭ نازاريامەن قارۋلانۋىن، قىزىل گەندى جالعاستىرۋىن، حالىقتىڭ ىنتا - ىقىلاسىن كۇشەيتۋدى ىلگەرىلەتتى. چيڭحۋا داشۋەسى «پارتيا چيڭحۋايۋاندا» اتتى 100 سەريالى ميكرو دەرەكتى فيلمىن جانە ءبىر توپ ينتەرنەتتەگى كولەمدى اشىق ساباقتارىن جاساپ شىعارىپ، ”ەل ۇستاسى“ ۋ لياڭيۇڭ، ”كومىر وتى پروفەسسورى“ جاۋ جياحى، يادرو ەنەرگياسى عىلمي زەرتتەۋ ۇجىمىنىڭ باستاماشىسى ۋاڭ داجۇڭ قاتارلى ونەگەلى تيپتەردى شوعىرلى ۇگىتتەپ، وقىتۋشى - وقۋشىلاردىڭ كۇشتى ۇندەستىگىن تۋدىردى. شانشي سىفان داشۋەسى وقىتۋشىلاردى پاندەردەگى پارتيا تاريحىن ۇيرەنۋ تاربيەسى فاكتورلارىن اشۋعا جەتەكتەپ، ”پارتيا ورتالىق كوميتەتىنىڭ يان - انداعى 13 جىلدىق تاريحى“ تاڭداپ وقىلاتىن ساباعىن اشىپ، «يان - ان . جاستار» ەرەكشە يدەيا - ساياسي ساباعى ميكرو بەينەجازباسىن ءتۇسىرىپ، وقىتۋشى - وقۋشىلاردىڭ قارسى الۋىنا بولەندى.
قالىڭ وقىتۋشى - وقۋشىلار پارتيانىڭ باسشىلىعىن شىن جۇرەكتەن قولدادى، پارتيانىڭ سوزىنە قۇلاق اسۋ، پارتياعا ىلەسۋ سانالىلىعى، تاباندىلىعى ۇزدىكسىز كۇشەيدى. 100 جوعارى مەكتەپتىڭ 2000عا جۋىق وقۋشىسىنا باعىتتالعان ءبىر تەكسەرۋدە كورسەتىلۋىنشە، تەكسەرۋدى قابىلداعانداردىڭ ％99ى مەملەكەتتىڭ دامىعاندىعىن، العا باسقاندىعىن، حالىقاراداعى ورنىنىڭ جوعارىلاندىعىن ماقتانىش سەزىنگەن، تەكسەرۋدى قابىلداعانداردىڭ ％94ى وتاندى قىزۋ سۇيەتىندىگىن ءبىلدىرىپ، كۇشتى وتانشىلدىق تانىمىن ازىرلەگەن.
ءتۇزىم كەمەلدەندى، پارتيانىڭ جوعارى مەكتەپتەرگە جالپ-ى بەتتىك باسشىلىعى ءتۇزىم جۇيەسى كۇن سايىن كەمەلدەندى
ءتۇزىم ءتۇبىرلى سيپات، جالپى جاعدايلىق سيپات، ورنىقتىلىق سيپات، ۇزاق ۋاقىتتىق سيپات الادى. پارتيانىڭ جوعارى مەكتەپتەرگە جالپى بەتتىك باسشىلىعىنا تاباندى بولۋدا، زاڭ ەرەجە، ءتۇزىم جانە ساياساتتىق جۇيە قۇرىلىسىن اقاۋسىزداندىرۋ ماڭىزدى جول جانە ءتاسىل.
پارتيا 18 - قۇرىلتايىنان بەرى پارتيا ورتالىق كوميتەتى ىلگەرىندى - كەيىندى «ادەتتەگى جوعارى مەكتەپتەر پارتكومدارى باسشىلىعىنداعى مەكتەپ باستىعى جاۋاپتى بولۋ تۇزىمىنە تاباندى بولۋ جانە ونى كەمەلدەندىرۋ جونىندەگى اتقارۋ پىكىرى»، «جاڭا جاعدايداعى جوعارى مەكتەپتەردىڭ يدەيا - ساياسي قىزمەتىن كۇشەيتۋ جانە جاقسارتۋ جونىندەگى پىكىر»، «حالىق باسقارۋىنداعى مەكتەپتەردىڭ پارتيا قۇرىلىسى قىزمەتىن كۇشەيتۋ جونىندەگى پىكىر (سىناق رەتىندە اتقارىلادى)»، «جۇڭگو كوممۋنيستىك پارتياسىنىڭ ادەتتەگى جوعارى مەكتەپتەر نەگىزگى ساتى ۇيىمدىق قىزمەتى ەرەجەسى» سياقتىلاردى باسىپ تاراتتى... پارتيا ىشىندەگى ءبىر قىدىرۋ زاڭدىق ەرەجەلەر مەن تۇزىمدەردىڭ شىعارىلۋى پارتيانىڭ جوعارى مەكتەپتەر قىزمەتىنە جالپى بەتتىك باسشىلىعىنا تاباندى بولۋعا جانە ونى كۇشەيتۋگە بەرىك نەگىز قالادى.
پارتيا ورتالىق كوميتەتىنىڭ ورنالاستىرۋى بويىنشا، ورتالىق كوميتەت ۇيىمداستىرۋ ءبولىمى، وقۋ - اعارتۋ مينيسترلىگى سياقتى تاراۋلار جوعارى مەكتەپتەردەگى پارتيانىڭ ساياسي قۇرىلىسىن كۇشەيتۋ، جوعارى مەكتەپتەردىڭ مەكتەپ، شۋەيۋان 2 دارەجەلى پارتكومدارى مەن اكىمشىلىك قۇرىلىمدارىنىڭ ءىس قاراۋ، شەشىم جاساۋ ءتۇزىمىن ارناعا ءتۇسىرۋ، جەرگىلىكتى پارتكومدار مەن جاۋاپتى مينيسترلىك، كوميتەت پارتيا باسشىلىق گرۋپپالارىنىڭ (پارتكوم) مينيسترلىككە قاراستى جوعارى مەكتەپتەردەگى پارتيا قۇرىلىسى قىزمەتىن يگەرۋ جاۋاپكەرشىلىگىن ايقىنداۋ، حالىق باسقارۋىنداعى جوعارى مەكتەپتەردەگى جانە جۇڭگو مەن شەتەل سەلبەسىپ وقىتۋ جۇرگىزەتىن قۇرىلىمدارداعى پارتيا قۇرىلىسىن كۇشەيتۋ قاتارلى ناقتى شارالاردى ورتاعا قويدى. جوعارى مەكتەپتەر پارتكوم باسشىلىعىنداعى مەكتەپ باستىعى جاۋاپتى بولۋ تۇزىمىنە تاباندى بولىپ جانە ونى كەمەلدەندىرىپ، پارتكوم تۇراقتى كوميتەتى ءماجىلىسى، مەكتەپ باستىعى قىزمەت ءماجىلىسى سياقتى تۇزىمدەرگە جالپى بەتتىك وزگەرىس ەنگىزىپ، شۋەيۋان، فاكۋلتەت پارتكومدارى ءماجىلىسى مەن پارتيا، اكىمشىلىك بىرلەسكەن ءماجىلىسىنىڭ شەشىم جاساۋ ءتۇزىمىن ارناعا ءتۇسىرىپ، ءىلىمي ۇيىمدارعا، بۇقارالىق توپ - ۇيىمدارعا ساياسي باسشىلىقتى جانە قىزمەت جەتەكشىلىگىن كۇشەيتىپ، پارتيانىڭ باسشىلىعىنىڭ جان - جاقتى، جاپپاي قامتىمدى بولۋىن ىلگەرىلەتتى.
بەيجيڭ قالاسى ەڭ الدىمەن جوعارى مەكتەپتەردەگى پارتيانىڭ ساياسي قۇرىلىسىن كۇشەيتۋدىڭ، شۋەيۋان، فاكۋلتەتتەردەگى پارتيانىڭ قۇرىلىسى ءتۇزىلىس مەحانيزمىن كەمەلدەندىرۋدىڭ ساياساتتىق شارالارىن جاسادى. تيانجين داشۋەسى سياقتى جوعارى مەكتەپتەر باسشىلىق القاسى قۇرىلىسىن كۇشەيتۋ پىكىرىن شىعارىپ، پارتكوم تۇراقتى كوميتەت ءماجىلىسىنىڭ ماڭىزدى كەڭەستىك تاقىرىپتاردى اقىلداسۋى، شۋجي مەن مەكتەپ باستىعىنىڭ مەرزىم بويىنشا اڭگىمەلەسۋى سياقتى تۇزىمدەردى ورناتتى.
جەر - جەر حالىق باسقارۋىنداعى جوعارى مەكتەپتەردىڭ پارتيا قۇرىلىسىن كۇشەيتۋگە ءمان بەرىپ، حالىق باسقارۋىنداعى جوعارى مەكتەپتەردەگى پارتيا ۇيىمدارى مەن قىزمەتىنىڭ قامتۋ اۋماعىن ۇزدىكسىز كەڭەيتتى. قازىر بۇكىل ەلدەگى 20دان استام ولكە حالىق باسقارۋىنداعى جوعارى مەكتەپتەرگە پارتيا ۇيىمى شۋجيلەرىن تاڭداپ جىبەرىپ، ％60تەن استام حالىق باسقارۋىنداعى جوعارى مەكتەپتەگى پارتيا ۇيىمىنىڭ شۋجيىن جوعارى دارەجەلى پارتيا ۇيىمى تاڭداپ جىبەردى.
ناقتى، جارامدى تۇزىمدەردىڭ ىركەس - تىركەس شىعارىلۋىنا ىلەسە، جوعارى مەكتەپتەردەگى پارتيا باسشىلىعى مەن پارتيا قۇرىلىسى ءتۇزىمى، مەحانيزمى ۇزدىكسىز اقاۋسىزداندىرىلىپ، پارتيانىڭ جوعارى مەكتەپتەرگە جالپى بەتتىك باسشىلىعى ۇزدىكسىز كۇشەيدى.
نەگىز كۇشەيىپ، ءتۇبىر بەكەمدەلدى، نەگىزگى ساتى پارتيا ۇيىمدارى مەن پارتيا مۇشەلەرى قوسىنى قۇرىلىسىنىڭ ساپاسى ءۇرتىس جوعارىلادى
جوعارى مەكتەپ نەگىزگى ساتى پارتيا ۇيىمى − پارتيانىڭ جوعارى مەكتەپتەردەگى بارلىق قىزمەتى مەن جاۋىنگەرلىك قۋاتىنىڭ نەگىزى، پارتيا مۇشەلەرى − پارتيا تۇلعاسىنىڭ كلەتكاسى جانە پارتيا قيمىلىنىڭ نەگىزگى تۇلعاسى. پارتيا 18 - قۇرىلتايىنان بەرى پارتيا ورتالىق كوميتەتىنىڭ ورنالاستىرۋى بويىنشا، ورتالىق كوميتەت ۇيىمداستىرۋ ءبولىمى، وقۋ - اعارتۋ مينيسترلىگى شۋەيۋان، فاكۋلتەتتەردەگى پارتيا ۇيىمدارىنىڭ ساياسي يقۋاتى مەن ۇيىمداستىرۋ قابىلەتىن كۇشەيتۋدى ءتۇيىن ەتىپ، جوعارى مەكتەپ نەگىزگى ساتى پارتيا ۇيىمى قۇرىلىسىنىڭ جالپى بەتتىك العا باسۋىن، جالپى بەتتىك بەكەمدەلۋىن كۇش سالا ىلگەرىلەتتى. جوعارى مەكتەپ پارتيا ۇيىمىنىڭ ”ۇلگىگە تۋرالانىپ، ۇزدىك بولۋعا تالپىنۋ“ قۇرىلىسى جوسپارىن اتقارىپ، بۇكىل ەلدە پارتيا قۇرىلىسىنان ۇلگى كورسەتەتىن 20 جوعارى مەكتەپ، 199 ونەگەلىلىك شۋەيۋان، فاكۋلتەت، 1655 ۇلگىلىك ياچەيكا جەتىلدىرىپ، قۇرىپ، جوعارى مەكتەپتەردە 200 ”قوس باستاماشى“ وقىتۋشى ياچەيكا شۋجيى قىزمەت كەڭسەسىن باعالاپ، قۇرىپ، ەكى توپتاعى ”100 اسپيرانت ۇلگىلىك ياچەيكاسىن“، ”100 اسپيرانت پارتيا مۇشەسى ونەگەسىن“ قۇرىپ، ”باستاۋشى قازداردىڭ“ جول باستاۋ رولىن تولىق ساۋلەلەندىردى.
”وسىنداي ياچەيكا قيمىلىنان بىزگە تاعى ءبىرسىپىراسى كەرەك!“ بۇل داليان جاراتىلىستىق عىلىمدار داشۋەسى قورشاعان ورتا شۋەيۋانى وقىتۋشى - قىزمەتكەرلەر پارتيا ياچەيكاسىنداعى پارتيا مۇشەلەرىنىڭ ”نەگىزگى تاقىرىپتىق پارتيا كۇنى“ قيمىلىنا قاتىناسقاننان كەيىن ۋيچات دوستار شەڭبەرىنە شىعارعان جۇرەك ۇندەرى. بۇل ياچەيكا پارتيا مۇشەلەرىنىڭ ۇيرەنۋ تاربيەسىن كۇشەيتىپ، داليان مەتروسى 5 - جەلىسىنىڭ جۇمىس باسىن ەكسكۋرسيالاۋ، انشان بولات - تەمىر توبىن ەكسكۋرسيالاۋ سياقتى نەگىزگى تاقىرىپتىق پارتيا كۇنى قيمىلدارىن ورىستەتۋگە ۇيىمداستىرىپ، وتاندى ءسۇيۋ ىنتا - ىقىلاسىن كۇشەيتتى.
جوعارى مەكتەپتەر شۋەيۋان (فاكۋلتەت) پارتيا، اكىمشىلىك باسشىلىق القاسىن ۇزدىكتەردەن تاڭداپ، مىقتىلاردان سەپتەپ، ءىس قاراۋ ەرەجەسىن اقاۋسىزداندىرىپ، كەمەلدەندىرىپ، القانىڭ تۇتاس تۇلعالىق يقۋاتى مەن شەشىم جاساۋ ورەسىن جوعارىلاتتى. شي - ان قاتىناس داشۋەسى پارتكومى «پارتيا، اكىمشىلىك بىرلەسكەن ءماجىلىسىنىڭ ءىس قاراۋ ەرەجەسىن»، «شۋەيۋان پارتكومىنىڭ ءىس قاراۋ ەرەجەسىن ورناتۋ جونىندەگى جەتەكشى پىكىردى» جاساپ، شۋەيۋاننىڭ ءىس قاراۋىنا، شەشىم جاساۋىنا تۇزىمدىك قامتاماسىزدىق ازىرلەدى.
وقىتۋشى پارتيا ياچەيكا شۋجيلەرىنەن ”قوس باستاماشى“ جەتىلدىرۋ ينجەنەرياسىن جاپپاي اتقارىپ، وقىتۋشى - وقۋشىلاردىڭ پارتيا ياچەيكا قۇرىلىسىن كۇشەيتىپ، پارتيالىلىعى كۇشتى، كاسىپتە ىسىلعان، بەدەلدى، ۇلەس قوسۋعا پەيىل پارتيالى، عىلىم باستاماشىلارىن وقىتۋشى پارتيا ياچەيكاسى شۋجيى ەتىپ تاعايىنداۋعا ءمان بەردى. قازىر بۇكىل ەلدە جوعارى مەكتەپتەردەگى وقىتۋشى پارتيا ياچەيكا شۋجيلەرىنىڭ ”قوس باستاماشى“ سالىستىرماسى ％91كە جەتىپ، وقۋ - اعارتۋ مينيسترلىگىنە توتە قاراستى جوعارى مەكتەپتەردەگى وقىتۋشى پارتيا ياچەيكا شۋجيلەرىنىڭ” قوس باستاماشى“ سالىستىرماسى ％98.2كە جەتتى.
حاربين ونەركاسىپ داشۋەسى ”پارتيا قۇرىلىسى ارقىلى نەگىزدى كۇشەيتۋ“ ينجەنەرياسىن ىشكەرىلەي اتقارىپ، مەملەكەتتىڭ كەلەلى ستراتەگيالىق قاجەتىنە قاراي، پارتيالى مامانداردىڭ ”سەركەلىك“ رولىن تولىق ساۋلەلەندىردى. كۇردەلى ماتەريالدار زەرتتەۋ ورنى پارتيا ياچەيكاسى پارتيالى مامان دۋ شان - ي اكادەميكتىڭ باستاۋىندا، ”قوس باۋلۋ“ تالابىن تياناقتاندىرىپ، 2 اكادەميكتى قامتىعان 30 نەشە پارتيالى ۇزدىك دارىندىلاردى جەتىلدىرىپ، مەملەكەتتىڭ ەلەۋلى قاجەتىن بەتكە الۋدا، حالىقارالىق عىلىم - تەحنيكانىڭ الدىڭعى لەگىن بەتكە الۋدا ۇزدىكسىز كۇش قوستى.
بەيجيڭ عىلىم - تەحنيكا داشۋەسى ”پارتيا قۇرىلىسىن جاتاقتارعا ەنگىزۋگە“ تاباندى بولىپ، وقۋشىلار جاتاعى پارتيا باس ياچەيكاسىن، عيمارات قاباتى پارتيا ياچەيكاسىن، جاتاق پارتيا گرۋپپاسىن قۇردى. جىجياڭ ونەركاسىپ داشۋەسى پارتيا قۇرىلىسى ارقىلى ادام تاربيەلەۋگە جەتەكشىلىك ەتىپ، مەكتەپ پەن جەرگىلىكتى ورىن پارتيا قۇرىلىسىن بىرگە قۇرۋعا جانە مەكتەپ پەن كاسىپورىن زەرتتەۋدە سايكەسۋگە سۇيەنىپ، دارىندىلاردى باۋلۋ مەن قوعامدىق قاجەتتىڭ قابىسۋىن جوعارىلاتتى...
جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدە جوعارى مەكتەپتەردىڭ ءار دارەجەلى پارتيا ۇيىمدارى ارناۋلى تاقىرىپتا ميكرو پارتيا ساباعىن ءوتۋ ارقىلى ۇيىمدىق تۇرمىس جيىنىن اشىپ، وقۋ - اعارتۋ ماتەريالدارى قامباسىن قۇرىپ، ”قىزىل قامال“ سوعۋدىڭ ”ءتورت ءبىر“ ارەكەتىن باستاپ، پارتيالى كادرلاردى ىندەتتەن ساقتانۋ - تىزگىندەۋ كۇرەسىنە ات سالىسۋعا كەڭ كولەمدە جۇمىلدىردى. بەيجيڭ داشۋەسىنىڭ حۋبەيگە كومەكتەسۋ ەمدەۋ اترەتى ۋاقىتشا پارتيا ۇيىمىنىڭ رولىن تولىق ساۋلەلەندىردى، 143 پارتيا مۇشەسى، 26 پارتياعا كىرۋ بەلسەندىلەرى اتويلاپ الدا ءجۇرىپ، 100 نەشە ەمدەۋ اترەتى مۇشەسىن پارتيا ۇيىمىنا ايبىندى تۇردە پارتياعا كىرۋ ءوتىنىشىن تاپسىرۋعا شابىتتاندىردى، 14 جولداس داڭقپەن پارتياعا مۇشە بولدى. جۇڭنان داشۋەسى شياڭيا شيپاحاناسى سالماقتى ناۋقاس مەديتسينا ءبولىمى پارتيا ياچەيكاسى ىلگەرىندى - كەيىندى 3 توپتا 17 ادامدى حۋبەيدىڭ ۋحانىنا بارۋعا ۇيىمداستىردى، پارتيا ياچەيكاسى جىبەرگەن سالماقتى ناۋقاستاردى كۇتىمدەۋ ەكپىندىلەر اترەتى مەملەكەت بويىنشا ۋحاننىڭ جينيىنتان شيپاحاناسى سالماقتى ناۋقاستار بولمەسىنە جەتكەن تۇڭعىش ەمدەۋ اترەتى، ارالىقتا 8 مۇشە پارتيا ياچەيكاسىنا پارتياعا كىرۋ ءوتىنىشىن تاپسىردى.
ءتۇيىندى كورنەكتىلەندىردى، وقىتۋشى - وقۋشىلاردىڭ يدەيا - ساياسي قىزمەتىنىڭ باعىتتامالىلىعى، ناقتى ونىمدىلىگى كورنەكتى ارتتى
يدەيا - ساياسي قىزمەتى پارتيا قۇرىلىسىنىڭ نەگىزدىك قىزمەتى، جوعارى مەكتەپتەردىڭ ءتۇرلى قىزمەتتەرىنىڭ جان تامىرى. جەر - جەردەگى جوعارى مەكتەپتەر نازاردى ءتۇيىندى، قيىن ماسەلەلەرگە شوعىرلاندىرىپ، جوعارى مەكتەپتەردىڭ يدەيا - ساياسي قىزمەتى جۇيەسىن جەدەل ورناتىپ، يدەيا - ساياسي قىزمەتىنىڭ باۋراۋ كۇشى مەن باعىتتامالىلىعىن ۇزدىكسىز كۇشەيتتى.
− باس شۋجي شي جينپيڭنىڭ ماڭىزدى سوزدەرىنىڭ رۋحىمەن وي - سانانى قارۋلاندىردى. قالىڭ جوعارى مەكتەپ وقىتۋشى - وقۋشىلارى باس شۋجي شي جينپيڭنىڭ جەلىلەس ماڭىزدى جاۋاپ حاتتارىنىڭ رۋحىن ۇيرەنۋدى، دايەكتىلەندىرۋدى ارقاۋ ەتىپ، ينتەرنەتتە زەيىن سىناۋ جارىسىن وتكىزۋ سياقتى تاسىلدەر ارقىلى ”بارلىعىمىز جاۋاپ حات الۋشىلارمىز“، ”جاستىق ورالىمەن وتانعا سۇيىسپەنشىلىگىن ءبىلدىرۋ“ سياقتى قيمىلداردى ورىستەتىپ، جاڭا داۋىردەگى پارتيانىڭ جاسامپاز نازارياسىمەن وي - سانانى سانالى تۇردە قارۋلاندىرىپ، امالياتقا جەتەكشىلىك ەتتى. شي - ان قاتىناس داشۋەسى ”شي - انعا كوشۋ رۋحى“ جالپىلىق بىلىمدەر ساباعىن اشۋ ارقىلى ”جۇڭگو زيالىلارىنىڭ جەتىلۋ دۇرىس جولىمەن ءجۇرۋ“ ءبىلىم جەتىلدىرۋ قيمىلىن ورىستەتىپ، شي - انعا كوشۋ رۋحىنىڭ جاڭا مۇراگەرلەرىن كۇش سالا باۋلىدى.
− مۇرات - سەنىم جانە سوتسياليستىك وزەكتى قۇن كوزقاراسى تاربيەسىن بەلسەنە ورىستەتتى. سىچۋان بۇكىل ولكەدە ”جالپى ساباقتىق سوتسياليستىك وزەكتى قۇن كوزقاراسىن“ جالپىلاستىرىپ، وزەكتى قۇن كوزقاراسىن ءبىلىم بەرىپ ادام تاربيەلەۋدىڭ جالپى بارىسىنا ءسىڭىردى. جىجياڭ داشۋەسى ”ءمورالدىق تاربيە ورتاق تۇلعاسىن“ قۇرىپ، ”جاڭا وقۋشىلاردىڭ سىرلاسى“، ءمورالدىق تاربيە جەتەكشىسى، جەتەكتەۋ - وقىتۋ ۇجىمى سياقتىلاردىڭ رولىن ساۋلەلەندىرىپ، وقۋشىلاردىڭ وتباسى، وتان سۇيىسپەنشىلىگىن قاۋلاتتى، سوڭعى 2 جىلدا مەكتەپ بىتىرگەن وقۋشىلاردىڭ اراسىندا باتىس بولىك وڭىرىنە بارىپ جۇمىستانعانداردىڭ سانى ％16 ارتىپ، ەكونوميكالىق قۇرىلىستىڭ ءبىرىنشى شەبىندەگى ءتۇيىندى ورىندارعا بارعانداردىڭ سانى ％59 ارتتى.
− يدەيا - ساياسي نازاريا ساباعىن جاقسى ءوتتى. جەر - جەردەگى جوعارى مەكتەپتەر شي جينپيڭ جاڭا ءداۋىر جۇڭگوشا سوتسياليزم يدەياسىن وقۋلىقتارعا ەنگىزۋدى، ساباقحاناعا ەنگىزۋدى، وي - ساناعا ءسىڭىرۋدى ىشكەرىلەي ىلگەرىلەتىپ، يدەيا - ساياسي نازاريا ساباعىنىڭ وقىتۋ رەفورماسىن ىلگەرىلەتتى. ۋحان داشۋەسى يدەيا - ساياسي نازاريا ساباعىن وتەتىن 60 نەشە وقىتۋشىنى ۇيىمداستىرىپ، ينتەرنەت جەلىسىندە 4 ءتۇرلى ساباقتى جالپىلىق اشىپ، وقىتۋشى - وقۋشىلاردىڭ جاقسى باعاسىنا يە بولدى.
− يدەيا - ساياسي قىزمەتى قوسىنى قۇرىلىسىن ونان ارى كۇشەيتتى. جەر - جەردەگى جوعارى مەكتەپتەر تالاپقا ساي ۇيىمداستىرۋشىلار، جەتەكشىلەر، يدەيا - ساياسي ساباعى وقىتۋشىلارى سياقتى قوسىندارىنا شتات ۇلەستىرۋ جانە مامىلەمەن قامتاماسىز ەتۋ جۇمىسىن تياناقتاندىردى. 2020 - جىلدىڭ سوڭىندا بۇكىل ەلدەگى جوعارى مەكتەپتەردىڭ ارناۋلى، قوسىمشا مىندەتتەگى جەتەكشىلەر جالپى سانى 200 مىڭنان اسىپ، جالپى سانى ورتالىق بەلگىلەگەن 1: 200 بويىنشا ۇلەستىرۋ تالابىنا جەتتى. جياڭشي ولكەسى بۇكىل ولكەنىڭ ۇكىمەت باسقارۋىنداعى جوعارى مەكتەپتەرىندەگى ارناۋلى، قوسىمشا مىندەتتەگى جەتەكشىلەر شتاتىن سايكەستىرىپ، تياناقتاندىرىپ، بۇكىل ولكەدەگى جوعارى مەكتەپ جەتەكشىلەرىن جەتكىلىكتى دايىنداۋدى جۇزەگە اسىردى. ەلەكتروندى عىلىم - تەحنيكا داشۋەسى ارناۋلى، قوسىمشا مىندەتتەگى جەتەكشىلەر جالپى سانىنىڭ ％20تىك سالىستىرماسى بويىنشا ”مايتالمان جەتەكشى“ قىزمەت ورنىن قۇردى.
− ينتەرنەتتەگى يدەيا - ساياسي تاربيەگە جاڭالىق ەنگىزۋدى ىلگەرىلەتتى. جەر - جەردەگى جوعارى مەكتەپتەر ينتەرنەتتىڭ يدەيا - ساياسي قىزمەتىندەگى رولىنا جاپپاي ءمان بەردى. بەيجيڭ اۆياتسيا، عارىش داشۋەسى جاڭا اقپارات قۇرالدارى تۇعىرى قۇرىلىسىن كۇشەيتىپ، يدەيالىق مالىمەت جونىندە ينتەرنەتتە زور تالقىلاۋدىڭ جاڭا كۇيىن قالىپتاستىردى. چۇڭچيڭ داشۋەسى، فۋجيان سىفان داشۋەسى سياقتى جوعارى مەكتەپتەر ينتەرنەتتە ادام تاربيەلەۋ تۇعىرى قۇرىلىسىنا جاڭالىق ەنگىزىپ، ينتەرنەتتە جەتىستىكتى باعالاۋ مەحانيزمىن قاراستىرىپ، بەلسەندى ونىمدىلىككە قول جەتكىزدى.
تاراۋلار، جەر - جەر، جوعارى مەكتەپتەر وقىتۋشى - وقۋشىلاردىڭ ءىس جۇزىندىك جاعدايىنا قاراي يدەيا - ساياسي قىزمەتىن ورىستەتۋگە ءمان بەرىپ، تاسىلگە جاڭالىق اشىپ، جاستار شوعىرلانعان جاڭا اقپارات قۇرالدارى تۇعىرىنا سۇيەنىپ، كوپشىلىك ۇناتاتىن تاسىلدەر ارقىلى يدەيا - ساياسي تاربيەسىنىڭ وي - ساناعا، كوكەيگە ۇيالاۋىن ىلگەرىلەتتى.
بىرگە يگەرىپ، تەڭ باسقاردى، اتقارۋى پارمەندى پارتيا قۇرىلىسى قىزمەتىن ىلگەرىلەتۋ مەحانيزمىن ۇزدىكسىز كەمەلدەندىردى
پارتيا 18 - قۇرىلتايىنان بەرى قاراستى ورىن باسقارۋ پرينسيبىنە ساي، القانى باسقارۋدى، كاسىپتى باسقارۋدى پارتيا قۇرىلىسىن باسقارۋمەن، يدەيا - ساياسي قىزمەتىن باسقارۋمەن ۇشتاستىرۋ تالابىنان جازباي، پارتكوم ءبىر تۇتاس باسشىلىق ەتكەن، وقۋ - اعارتۋ قىزمەتى باسشىلىق گرۋپپاسى باستاماشىلدىقپەن سايكەستىرگەن، ءتارتىپ تەكسەرۋ ورگانى مەن ۇيىمداستىرۋ، ۇگىت، بىرلىكساپ، وقۋ - اعارتۋ قىزمەتى سياقتى تاراۋلار تىعىز سەلبەسكەن، بىرگە يگەرىپ، تەڭ باسقارعان قىزمەت ارناسى بىرتىندەپ قالىپتاستى.
ورتالىق وقۋ - اعارتۋ قىزمەتى باسشىلىق گرۋپپاسى باستاماشىلدىقپەن جالپى جاقتان يگەرۋ، جوبالاپ سايكەستىرۋ، جوعارى دەڭگەيدە ىلگەرىلەتۋ سىندى شەشۋشى رولدى ساۋلەلەندىرىپ، ءار جىلى جوعارى مەكتەپتەردىڭ پارتيا قۇرىلىسى قىزمەتىن كۇشەيتۋ جونىندە ءتۇيىندى مىندەتتەردى العا قويىپ، ارناۋلى تاقىرىپتا اقىلداسىپ، قاراپ، ورنالاستىرۋ جاسادى. ورتالىق كوميتەت ۇيىمداستىرۋ ءبولىمى، وقۋ - اعارتۋ مينيسترلىگى جوعارى مەكتەپتەردىڭ مەكتەپ، شۋەيۋان، فاكۋلتەت، ياچەيكا 3 دارەجەلى پارتيا ۇيىمى شۋجيلەرىنىڭ پارتيا قۇرىلىسىن يگەرۋ جونىندە قىزمەتىنەن ەسەپ بەرۋ، باعالاۋ، تەكسەرۋ قىزمەتىن ورىستەتۋىنە جەتەكشىلىك ەتتى. وقۋ - اعارتۋ مينيسترلىگى جوعارى مەكتەپ باسشى كادرلارىنىڭ نەگىزگى ساتىعا ىشكەرىلەي بارىپ، وقۋشىلارىمەن بايلانىس ورناتۋ قىزمەت مەحانيزمىن ورناتۋدى ىلگەرىلەتىپ، توتە قاراستى جوعارى مەكتەپتەردىڭ، سونداي - اق مينيسترلىك، ولكە بىرلەسىپ قۇرعان جوعارى مەكتەپتەردىڭ پارتيا قۇرىلىسى قىزمەتى بويىنشا بايلانىس جاساۋشىلار قوسىنىن قۇردى.
شاندۇڭ ولكەسى قالالىق، اۋداندىق پارتكوم وقۋ - اعارتۋ قىزمەت كوميتەتىن قۇرىپ، «بۇكىل ولكەدەگى وقۋ - اعارتۋ جۇيەسىنىڭ پارتيا قۇرىلىسى جانە يدەيا - ساياسي قىزمەتى جاۋاپكەرشىلىگىن ونان ارى ايقىنداۋ جونىندەگى حابارلاندىرۋدى» باسىپ تاراتىپ، ولكەلىك، قالالىق وقۋ - اعارتۋ قىزمەت كوميتەتتەرىنىڭ جانە جوعارى مەكتەپ پارتكومىنىڭ قىزمەت جاۋاپكەرشىلىگىن اشالادى؛
جياڭسۋ ولكەسى مينيسترلىككە قاراستى جوعارى مەكتەپتەردىڭ جانە ولكەگە قاراستى جوعارى مەكتەپتەردىڭ پارتيا قۇرىلىسى قىزمەتىن بىرگە ورنالاستىرىپ، بىرگە تەكسەرىپ، بىرگە باعالاپ، جوعارى مەكتەپتەردىڭ ءبىلىم بەرۋ، مەكتەپتى جونگە سالۋ ونىمدىلىگىن باعالاۋدا پارتيا قۇرىلىسى قىزمەتىنىڭ سالماعىن كورنەكتىلەندىردى؛
لياۋنيڭ ولكەسى حالىق باسقارۋىنداعى جوعارى مەكتەپتەردىڭ پارتيا ۇيىمدارىن ورنالاستىرۋ تاسىلىنە جاڭالىق ەنگىزىپ، ۇكىمەت باسقارۋىنداعى جوعارى مەكتەپ پارتيا ۇيىمى مۇشەلەرىنەن پارتيا قۇرىلىسى قىزمەتى جەتەكشىلەرىن تاڭداپ جىبەرۋ جونىندە ىزدەنىس جاساپ، بۇكىل ولكەدەگى حالىق باسقارۋىنداعى جوعارى مەكتەپتەردە پارتيا ۇيىمىن قۇرۋعا تيىستىلەرىن مۇمكىندىگىنشە قۇرۋدى نەگىزىنەن جۇزەگە اسىرۋدى ىلگەرىلەتىپ، پارتيا قىزمەتىمەن نەگىزىنەن بۇكىلدەي قامتۋدى جۇزەگە اسىردى؛
تۇڭجي داشۋەسى پارتيا قۇرىلىسى قىزمەتىنىڭ ساپا جۇيەسىن ورناتىپ، پارتيا قۇرىلىسى مىندەتىنىڭ 20 ۇلكەن ءتۇرىن، 72 شاعىن ءتۇرىن مەكتەپ باسشىلىق القاسى قۇرامىنداعىلاردا جانە 14 فۋنكتسيالىق تاراۋدا، بارلىق 2 - دارەجەلى پارتيا ۇيىمدارىندا ناقتى تياناقتاندىردى؛
...
تاراۋلاردىڭ، جەر - جەردىڭ، جوعارى مەكتەپتەردىڭ پارتيا ۇيىمدارى مەن پارتيالى كادرلارى ”مەملەكەتتىڭ زور ءىسىن“ كوكەيدە ساقتاپ، پارتيانىڭ بيلىك جۇرگىزۋىندە مۇراگەرى بولۋىنا، قىزىل بيلىكتىڭ ۇرپاقتان - ۇرپاققا جالعاسۋىنا شىنايى كەپىلدىك ەتۋ سىندى ساياسي بيىك تۇرعىدا تۇرىپ، جوعارى مەكتەپتەردىڭ پارتيا قۇرىلىسى قىزمەتىنە كوڭىل بولەتىن، قولدايتىن، ىلگەرىلەتەتىن مىعىم بىرىككەن كۇشىن قالىپتاستىردى.
تاڭداۋلى داستۇرگە مۇراگەرلىك ەتۋ نەگىزىندە ۇزدىكسىز رەفورما جاسادى، جاڭالىق اشتى، پارتيا 18 - قۇرىلتايىنان بەرى جوعارى مەكتەپتەردىڭ پارتيا قۇرىلىسى قۇندى تاجىريبەلەر توپتادى. پارتكوم باسشىلىعىنداعى مەكتەپ باستىعى جاۋاپكەرشىلىك تۇزىمىنە تاباندى بولىپ، پارتيانىڭ وقۋ - اعارتۋ باعىتىن جاپپاي دايەكتىلەندىرىپ، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، باسشىلىق القاسىنا ۇزدىكتەرىن تاڭداپ، مىقتىلارىن سەپتەپ، يدەيا - ساياسي قىزمەتىن باستان - اياق ءسىڭىرىپ، نەگىزگى ساتىنى يگەرۋگە، نەگىزدى بەكەمدەۋگە تاباندى بولىپ، پارتيا قۇرىلىسىن جوعارى دارەجەلى وقۋ - اعارتۋ ىستەرىنىڭ دامۋىمەن ىشكەرىلەي توعستىرۋعا تاباندى بولدى... امالياتتىق نەگىزدە قالىپتاسقان وسىنداي جاقسى ادىستەردى، جاقسى تاجىريبەلەردى ونان ارى ساۋلەلەندىرىپ، جوعارى مەكتەپتەردىڭ پارتيا ۇيىمى جۇيەسىن، ءتۇزىم جۇيەسىن جانە قىزمەت مەحانيزمىن ۇزدىكسىز اقاۋسىزداندىرىپ، كەمەلدەندىرىپ، جوعارى مەكتەپتەردىڭ پارتيا قۇرىلىسىن جوعارى دارەجەلى وقۋ - اعارتۋ ىستەرىنىڭ دامۋىمەن ىشكەرىلەي توعىستىرۋدى ىلگەرىلەتىپ، جوعارى ساپالى پارتيا قۇرىلىسى ارقىلى جوعارى مەكتەپتەردىڭ پارتيا ءۇشىن ادام تاربيەلەۋىن، مەملەكەت ءۇشىن دارىندى تاربيەلەۋىن، جوعارى ساپالى دامۋدى جۇزەگە اسىرۋىن ىلگەرىلەتۋىنە جەتەكشىلىك ەتۋ كەرەك.
(شينحۋا اگەنتتىگىنىڭ 6 - ايدىڭ 25 - كۇنى بەيجيڭنەن بەرگەن حابارى)
