تيانشان تورى
تيانشان تورى   ›   جاڭالىقتار   ›   ەل ءىشى حابارى

مىزعىماس بەرىك رۋحاني كۇش

— جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى تۋرالى تولعانىس ”جىگەر - قايرات ءبولىمى“

□ شينحۋا اگەنتتىگىنىڭ تىلشىلەرى

  قانداي كۇش قاراڭعى تۇندە ۇشقىن شاشىپ، بوران - شاشىندا الاۋدى بيىك كوتەرىپ تۇردى؟

  قانداي رۋح جۇڭحۋا ۇلتىن جاپا - ماشاقاتتان ءوتىپ، شۇعىلالى ناتيجە جاراتۋعا باستادى؟

  ايبىنى اسقاق كۇرەستەر، تاريح بەتىندە ايشىقتالعان كەرەمەتتەر ءبىر ساياسي پارتيانىڭ رۋحىنىڭ بيىكتىگىن كورسەتۋدە.

  باس شۋجي شي جينپيڭ بىلاي دەپ تەرەڭ اتاپ كورسەتتى: ”ءبىز قۇراتىن سوتسياليستىك وسىزاماندانعان قۇدىرەتتى مەملەكەت زاتتىق جاقتان قۇدىرەتتى بولىپ قانا قويماي، اسىرەسە، رۋحاني جاقتان قۇدىرەتتى بولۋ كەرەك. رۋحاني جاقتان قۇدىرەتتى بولعاندا عانا، اناعۇرلىم باياندى، اناعۇرلىم بايسالدى، اناعۇرلىم قۋاتتى بولادى“.

  100 جىلدىق بوران - شاشىن جۇڭگو كوممۋنيستەرىنىڭ دارا قىزىل جىگەر - قايراتىن سومدادى.

(1) تاريحتىڭ تۇمانىندا شۇعىلا شاشىپ، ءبىزدى جويىلۋ حاۋپىنەن جاڭا ومىرگە بەت الۋعا باستادى

  ”كۇنى بويى اش بولسا دا تاماققا قولى جەتپەيتىندەر بار، اۋزىنا نەشە كۇندە عانا اس تيەتىندەر دە بار، اشتىققا شىداي الماعاسىن، كوشە تۇكپىرلەرىندەگى قوقىر - قوقسىق ۇيىندىلەرىنە بۇقپانتايلاپ بارىپ، باسقالار تاستاي سالعان شىرىگەن بالىق پەن ساسىعان ەتتى تەرەدى...“

  100 جىلدىڭ الدىندا جۇڭگو كوممۋنيستىك پارتياسى 1 - قۇرىلتايىنىڭ ۋاكىلى چىن تانچيۋدىڭ قالامىنداعى جۇڭگودا مەملەكەت تاعدىرى زاۋالعا بەت الىپ، بەينەت اۋىرلاسقانى ايتىلعان.

  جول، زايىرى، قايدا؟

  سان - ساناقسىز ارداگەرلەر، ەگەي ەرلەر وتاندى قۇتقارۋ مۇراتىن ارقالادى، الايدا بارلىق جولدا تۇمسىعى تاسقا ءتيىپ قانعا بويالىپ، ”بارار جەر، باسار تاۋ قالماي، بارلىعى تۇيىققا تىرەلدى“.

  تاس تۇنەك تۇندە العا ىلگەرىلەۋ جولىندا قايىسپاعان ادامدار ماركسيزمدى تاڭدادى.

  100 جىلدان كەيىن چىن تانچيۋدىڭ ۇلكەن ۇلى چىن گۋ توقسانعا قاراعان جاسىندا ”اكەمە حاتتى“ جازىپ بىلاي دەدى: ”قازىر تاۋ مەن دالا ورنىندا، ەل امان، جۇرت تىنىش، حالىق تىنىش ءومىر، شات - شادىمان تىرشىلىك كەشىرۋدە، بارلىق جەر گۇلدەنگەن. بۇل شالقىعان شاق، گۇلدەنگەن زامان ءدال ءسىزدىڭ ارمانداعانىڭىزداي بولدى“.

  سەنىم ۇشقىنىنان قالاي جالىن قاۋلادى؟

  «شياڭجياڭ شولۋىنىڭ» شىعۋ جارناماسىندا 20 جاستارداعى ماۋ زىدۇڭ ساڭىراۋدىڭ سارايىن اشاتىنداي ۇنمەن بىلاي دەپ جار سالدى: ”دۇنيەدە ەڭ ۇلكەن ماسەلە نە؟ تاماق ماسەلەسى ەڭ ۇلكەن. قانداي كۇش ەڭ قۋاتتى؟ بۇقارانىڭ بىرىككەن كۇشى ەڭ قۋاتتى“.

  اداسقانعا ايقىن جول نۇسقايتىن ”بارلاۋ شىراعى“، ارىلماس دەرتتى بورشالايتىن ”وپەراتسيا پىشاعى“ ىسپەتتى كوممۋنيزمگە دەگەن سەنىم شەكسىز قۇدىرەتتى رۋحاني كۇش شىعارا باستادى.

  ۇلتتىڭ ارقا تىرەگى قالاي تۇلعالاندى؟

  ”اقيقاتتى تاڭداۋ ءۇشىن، ءبىز قايتىپ بارۋىمىز كەرەك؛ مەملەكەت، ۇلت ءۇشىن، ءبىز قايتىپ بارۋىمىز كەرەك؛ حالىققا قىزمەت ەتۋ ءۇشىن، ءبىز قايتىپ بارۋىمىز كەرەك... ۇلى وتانىمىزدىڭ قۇرىلىسى مەن دامۋى ءۇشىن، كۇرەس جۇرگىزۋىمىز كەرەك!“

  1950 - جىلى 2 - ايدا حۋا لوگىڭ وتانعا ورالعان جولىندا امەريكادا وقىپ جاتقان بارلىق جۇڭگولىق وقۋشىلارعا اشىق حات جازدى. امەريكادا وقىپ جاتقان 1000نان استام وقۋشى جاپا - ماشاقاتتى، حاۋىپ - قاتەردى ەلەڭ قۇرلى كورمەي جاڭا جۇڭگونى بەتكە الدى.

  ولار جۇڭگو كوممۋنيستىك پارتياسىنىڭ قۇدىرەتتى رۋحاني قاسيەتىنە سۇيەنسە بولعانى، ءبىزدىڭ مەملەكەتىمىزدىڭ بوران - شاشىندى جارىپ ءوتىپ، قاسقايا العا ىلگەرىلەيتىندىگىنە سەندى.

  ۇلى رۋح نەلىكتەن جاندى دا جالىندى؟

  100 جىلدىق ساپاردا ءبىز ءدوپ كەلگەن سىناقتار ەشقاشان تىنعان ەمەس، ال جۇڭگو كوممۋنيستىك پارتياسى باستان - اياق ومىرشەڭدىگىن ساقتادى.

  وسىنداي رۋحاني جىگەر - قايرات جۇڭگونىڭ بايتاق دالاسىنا تەرەڭ تامىر تارتىپ، سان ۇرپاق كوممۋنيستەردىڭ ۇزدىكسىز كۇرەس جۇرگىزۋى بارىسىندا تىنباي جالىندادى −

  اناۋ فاڭ جىمين تۇرمەدە وتىرىپ «سۇيىكتى جۇڭگونى» جازدى: ”سول كەزگە بارعاندا بارلىق جەردىڭ جاندى جاسامپازدىققا تولاتىندىعىنا، بارلىق جەردە كۇن سايىن جاڭارىپ، اي سايىن تۇلەجىگەن ىلگەرىلەۋشىلىك بولاتىندىعىنا سەنەمىن“؛

  اناۋ جياۋ يۇيلۋ توقىما ورىندىق تەسىلسە دە، ءومىرىن ”ءتىرى بولسام دا قۇم توبەدە، ولسەم دە قۇم توبەدە بولامىن“ دەگەن سەرتىمەن توعىستىردى؛

  اناۋ ۋاڭ شۇنيوۋ جالعىز ءوزى ءبىر اتپەن 32 جىل بويى پوچتا جولىن باسىپ، سەنىمنەن اينىماي، ماڭگى تاباندى بولدى، ات تەۋىپ ىشەگى ۇزىلسە دە، شىداپ پوچتا جولدامالارىن اۋىلداستاردىڭ قولىنا جەتكىزدى...

  مۇراتتان اينىماعان اۋەلگى ماقسات سان ميلليونداعان جالىندى جۇرەكتەردى توعىستىردى.

  2600دەن استام سۋرەت، 3500دەن استام مادەني ەسكەرتكىش، ناقتى زات، جاقىندا عانا سالىنىپ بولعان جۇڭگو كوممۋنيستىك پارتياسى تاريحى كورمە سارايى جۇڭگو كوممۋنيستىك پارتياسىنىڭ قاجىماي - تالماي كۇرەس جۇرگىزگەن ۇلى بارىسىن كورسەتۋدە.

  جياشيڭنىڭ نانحۋىنان جياڭشيدىڭ رۇيجينىنە دەيىن، گۇيجوۋدىڭ زۇن - يىنەن شانبەيدىڭ يان - انىنا دەيىن، شىكۋمىننان تيان - انمىنعا دەيىن... ەسكەرتكىشتەر، ەسكەرتكىش سارايلار، قۇرباندار قابىرلارى ءبىر ساياسي پارتيانىڭ ۇلت ءۇشىن، حالىق ءۇشىن ءوزىن ارناعان مويىماس كۇشىن ەستەلىككە الۋدا.

  ”شاقپاق تاس بولسا، ۇشقىن تاۋسىلىپ قالمايدى“.

  رۋح ۇشقىنى 100 جىلدان بەرگى كوممۋنيستەردىڭ سەنىمىنىڭ جالعاسۋى، ءبىزدىڭ ەرلىكپەن العا ىلگەرىلەۋ كۇش قاينارىمىز.

(2) ۇلى جاسامپازدىق بارىسىندا ەكپىندەي ىلگەرىلەپ، ءبىزدى ازاپ - تاۋقىمەتتەن نۇر - شۇعىلاعا بەت الۋعا باستادى

  2019 - جىلى 3 - ايدىڭ 26 - كۇنى قىستاقتا تۇرعانىنا ءبىر جىل تولدى، اۆتوكولىكپەن 25 مىڭ كيلومەتردەي جول باستى... بۇل ”مەنىڭ كوڭىلىمدەگى ۇزاق جورىق“.

  بەيجيڭنەن اسپيرانتتىقتى تاۋىسقاننان كەيىن اتا مەكەنى بايسىگە قايتىپ كەلىپ، قىستاقتا تۇرىپ كەدەيلەردى سۇيەمەلدەگەن حۋاڭ ۋىنشيۋ دوستار شەڭبەرىندە ءوزىنىڭ كەدەيلەردى سۇيەمەلدەۋ ويىن اڭگىمەلەدى.

  ”كەدەيلەردى سۇيەمەلدەۋ جولىندا تەك قانا العا ىلگەرىلەۋ كەرەك، ارتقا شەگىنۋگە بولمايدى، بەكىگەن ەكەنسىڭ، ادىلەت جولىندا ەشتەڭەدەن تايىنباۋىڭ كەرەك“.

  تاۋ تاسقىنى ونىڭ جاس ءومىرىن جالماسا دا، ونىڭ اۋىلداستار ءۇشىن قاربالاستاعان بەينەسىن وشىرە المادى. ورمانعا كىرىپ، لاي - باتپاقتى بەتكەيلەرگە ورمەلەپ، سەل كەشتى؛ قونىسقا جول تۇتاستىرىپ، سۋ ساقتاۋ كولشىگىن سالىپ، كوشە شامىن جوندەدى... كەدەيلەردى سۇيەمەلدەۋ ەستەلىگىندەگى ”حالىق جاعدايى كارتاسى“ ونىڭ جاستىق كوكتەمىنىڭ ەڭ كوركەم ەستەلىك البومى.

  8 جىلدا 100 ميلليونعا جۋىق ادام كەدەيلىكتەن ارىلدى، دۇنيە جۇزىندە قايسى مەملەكەت وسىنداي قىسقا ۋاقىتتا مۇنى ىسكە اسىرا الدى؛ مىڭداعان جىلداردان بەرگى مۇلدەم كەدەيلىك ءبىزدىڭ وسى ۇرپاقتىڭ قولىندا تاريحي شەشىم تاپتى.

  ادام كوڭىلىن تەبىرەنتەتىن ۇلى باستاما شىت جاڭا رۋحاني ەسكەرتكىش ورناتتى.

  كەلگەن جولعا قايىرىلا قاراساق، جۇڭگو كوممۋنيستىك پارتياسى دۇنيەگە كەلگەن كۇننەن باستاپ، ادىلەت جولىندا ەشتەڭەدەن تايىنباي حالىقتى تۋىنا جازىپ، قانىنا ءسىڭىرىپ، جىگەر - قايراتىنا توعىستىردى.

  ”كوممۋنيستىك پارتيا ەشقانداي ءبىر سيقىرلىق ونەر ىستەتكەن جوق، ولار تەك قانا حالىق كوكسەگەن وزگەرىستى تۇسىنە ءبىلدى“. 70 نەشە جىلدىڭ الدىندا امەريكالىق ءتىلشى باي شيۋدى مەن جيا اننا «جۇڭگوداعى نايزاعاي كۇركىرى» اتتى كىتاپتارىندا اسەرىن وسىلاي جازدى.

  تاريح ەشقاشان دا جەكە - دارا ەمەس. جۇرەككە بەدەرلەنگەن قىزىل ىزدەردى ەسكە الساق، ءبىز جۇڭگو كوممۋنيستىك پارتياسىنىڭ تامىرلاستىقپەن جالعاسقان جىگەر - قايراتىنىڭ قۇپياسىن ونان ارى سەزىنە الامىز.

   − ۇزاق تۇندە قانشاما جاپا - ماشاقات پەن حاۋىپ - قاتەردى جەڭگەندە عانا لاۋلاعان وت جارىعىن كورۋگە بولادى؟ اقيقات ءۇشىن ومىرلەرىن ارناۋ بەينەت پەن شۇعىلاعا بىردەي تولى.

  ۇزاق جورىق ءبىر رەتكى ”تەڭدەسسىز تاريحي داستان ىسپەتتى الىس ساپار“.

  قات - قابات شايقاس شەبىنەن ءوتىپ، بۋىرقانعان وزەن - داريالاردى ەندەي كەسىپ، تەڭىز دەڭگەيىنەن بيىكتىگى 4000 مەتردەن استام 20 قارلى تاۋدان اسىپ، كىسى نانعىسىز ەرلىكپەن ”اجال ساحاراسىن“ كەسىپ ءوتتى...

  شەتەلدىك وقىمىستىلار جۇڭگونىڭ تاياۋ زامان تاريحىن زەرتتەگەندە ۇنەمى مىناداي سۇراۋلار قويادى: قانداي عاجايىپ كۇش ولاردى ءولىم مەن ءومىردى ەلەڭ قۇرلى كورمەي، سول قىزىل تۋعا ىلەسىپ تىنباي العا ىلگەرىلەۋگە جەتەلەدى؟

  كەمەنىڭ كۇشى جەلكەندە، ادامنىڭ كۇشى جۇرەكتە.

  بۇل ءبىر رەتكى بۇقارانى وياتقان ۇلى الىس ساپار، جۇڭگو كوممۋنيستەرىنىڭ مۇراتىنىڭ جەڭىسى، سەنىمىنىڭ جەڭىسى، حالىقپەن جاپادا بىرگە بولۋدىڭ، حالىق ءۇشىن سوعىسۋدىڭ جەڭىسى.

  1934 - جىلى 11 - ايدا حۋنان ولكەسى رۋچىڭ اۋدانى شاجوۋ قىستاعىنان وتكەن قىزىل ارميانىڭ 3 ايەل جاۋىنگەرى شۇي جيەشيۋدىڭ ۇيىنە تۇنەيدى. اتتاناردا شۇي جيەشيۋ شەشەلى - بالالىلاردىڭ قاقاعان قىستىڭ سۋىعىنا توزە الماۋىنان الاڭداعان ولار وزدەرىنىڭ جالعىز كورپەسىن ورتاسىنان ءبولىپ، جارتىسىن قىستاققا قالدىرىپ كەتەدى.

  كوممۋنيستىك پارتيا دەگەن كىمدەر؟ كوممۋنيستىك پارتيا دەگەنىمىز وزىندەگى ءبىر كورپەنىڭ جارتىسىن كەسىپ بۇقاراعا بەرەتىن ادامدار.

   − ماشاقاتتى دا قاتەرلى ساپاردا ارقا تىرەكتى قالاي تۇلعالاعاندا عانا شىت جاڭا زامان تۋدىرۋعا بولادى؟ مۇرات ءۇشىن كۇرەسۋ بۇرالاڭدىق پەن جەڭىسكە بىردەي تولى.

  قوس قول، بولات بۇرعى، تەمىر بالعا، قوپارعىش ءدارى، 10 جىل قىسى - جازى جاساعان ادامدى تاڭ قالدىرارلىق ”جاساندى اسپان وزەنى“ جالاما قۇزداردان ەندەي ءوتتى.

  قاھارمان قىزىلتۋ توعانى − 1250جوتانى تەگىستەپ، 211 تۋنەل قازىپ، 1500 كيلومەتر ارالىققا تۇتاسقان تىرشىلىك ۇزىن توعانى...

  ۇزىننان - ۇزاققا جالعاسقان رۋحاني دانەكەر جۇڭگونىڭ كەشەگىسى مەن بۇگىنىن جالعادى.

  اعاش سايحانباداعى ەڭ جاي نارسە ءارى كەزىندەگى ەڭ سيرەك كەزدەسەتىن نارسە.

  3 ۇرپاق ادام 55 جىلدا ”سارى قۇم كۇندى توسىپ، ۇشقان قۇسقا پانالار اعاش تابىلمايتىن“ ءشول دالادا سايحانبالىقتار پارتيانىڭ ۇندەۋىنە قۇلاق اسىپ، ءشول دالانى شۇراتقا اينالدىرۋعا سەرت ەتتى.

  ”تۇقىمنان“ شىققان ”ءبىر ءتۇپ اعاش“ ءوسىپ، ”جاسىل القاپقا“ اينالدى.

   − قيىن - قىستاۋ كەزدە قانداي ادالدىق بولعاندا عانا ءومىر مەن ولىمدە بىرگە بولۋعا بولادى؟ حالىق ءۇشىن كۇرەسۋ بوداۋ مەن تابىسقا بىردەي تولى.

  ”كىم الدىمەن شىعادى؟“ ”مەن الدىمەن شىعامىن!“

  1998 - جىلى جاز، ەرەكشە جويقىن تاسقىن جۇڭگونىڭ جارتىسىن شارپىدى. قىل ۇستىندەگى قىسىلتاياڭ شاقتا چاڭجياڭ توسپاسىنىڭ بارلىق جەرىنەن جارقىن جاۋاپتار كوتەرىلدى!

  360 مىڭنان استام جاۋىنگەر، 8 ميلليوننان استام كادر - بۇقارا، 30 مەتر جەردە ءبىر كادر، 10 مەتر جەردە ءبىر پارتيا مۇشەسى تۇرىپ، جەر - الەمدى تەبىرەنتكەن ”تاسقىنمەن شايقاسۋ كورىنىسىن“ بىرگە قالىپتاستىردى.

  100 جىلدىق جالىندى كۇندەردە اۋەلگى ماقساتتان اۋەلگىسىندەي اينىمادى.

  جيڭگاڭشان رۋحى، ”ەكى بومبى، ءبىر جاساندى سەرىك“ رۋحى، جەر سىلكىنىسىنە قارسى اتتانىپ، اپاتتان قۇتقارۋ رۋحى، ىندەتكە قارسى اتتانۋ رۋحى... جاڭبىر سىبەرلەپ، جەل تەربەتكەن نانحۋ كولىنەن شىعىپ، 100 جىلدىق كۇرەس بەلەسىن باستان كەشىرىپ، جۇڭگو كوممۋنيستىك پارتياسىنىڭ قۇس جولىنداي جايناعان رۋحاني ەسكەرتكىشىن قالىپتاستىردى.

(3) گۇلدەنۋ جولىندا ارىنداپ، ءبىزدى جەڭىستەن جاڭا جەڭىستەرگە جەتۋگە باستادى

  سىنشىل كوزبەن قاراساڭ دا، جۇڭگونىڭ جاڭا تيپتى ايدارشا ۆيرۋس وكپە قابىنۋ ۆاكسيناسىن ەكتىرۋ سانى ادامدى قايران قالدىرادى: ءبىر ميلليارد رەت ەگىلدى − بۇل كولەمى مەن قارقىنى جاعىنان بۇكىل دۇنيە جۇزىندەگى باسقا ءارقانداي ەلدەن ارتىق.

  توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتى الدىندا، پارتيا ورتالىق كوميتەتى جالپى جاعدايدى تۇتاس مەڭگەرىپ، باتىل شەشىم جاساپ، توتەنشە شارامەن توتەنشە ىسكە توتەپ بەردى، بۇكىل ەل حالقى بوران - شاشىندى بىرگە وتكەرىپ، ەل بىرلىگىنەن بەرىك قامال تۇرعىزىپ، ىندەتتەن ساقتانۋ - تىزگىندەۋدىڭ بەرىك قورعانىس شەبىن قۇردى، قالىڭ ەمدەۋ قىزمەتكەرلەرى اق حالاتتى ساۋىت قىپ، قاسقايا قارسى اتتانىپ، ءولىمدى ەلەڭ قۇرلى كورمەي ءومىردى قۇتقارىپ، اقىرىندا جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىنىڭ كەلەلى ستراتەگيالىق جەتىستىگىنە قول جەتكىزدى.

  ”ءومىر بارىنەن جوعارى، بۇكىل ەل ءبىر نيەتتە بولىپ، ءومىر مەن ءولىمدى ەلەڭ قۇرلى كورمەي، عىلىمعا قۇرمەت ەتىپ، تاعدىرلاس بولۋ كەرەك“، اسا جاپالى ىندەتكە قارسى اتتانۋ كۇرەسىندە ىندەتكە قارسى اتتانۋ ۇلى رۋحى سومدالدى.

  سەنىمدى بولعاندىقتان، ەر جۇرەك بولدى − بۇل 100 جىلدىق ءىرى پارتيانىڭ جاپا - ماشاقات، حاۋىپ - قاتەر، كەدەرگىلەردى جەڭىپ، حاۋىپ - قاتەردەن، سىن - سايىستان تايسالماعان رۋحاني كۇشى!

  1921 - جىلى جاڭا جىل، حۋنان چاڭشاعا قالىڭ قار جاۋدى. تاريحي زور وزگەرىس الدىندا، ماۋ زىدۇڭ شينمين ءىلمي قوعامىنىڭ مۇشەلەرىن باستاپ، ”جۇڭگو مەن دۇنيە ءجۇزىن وزگەرتۋدى“ ءىلمي قوعامنىڭ ورتاق نىساناسى ەتىپ تۇراقتاندىردى.

  2021 - جىلى جازعى كۇن توقىراۋى، ۋيميڭحۋ كولىنىڭ جاعاسىندا تىرشىلىك لەبى ەسىپ تۇر. 100 جىلدا بولماعان زور وزگەرىس الدىندا باس شۋجي شي جينپيڭ بەيجيڭ داشۋەسىندەگى شەتەلدىك وقۋشىلارعا جاۋاپ حات جازدى: ”سىزدەر جۇڭگو كوممۋنيستىك پارتياسىنىڭ ەكونوميكانى دامىتۋعا، كەدەيلىكتى جويۋعا كۇش سالىپ، باسقا مەملەكەتتەردىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا بەلسەنە كومەك بەرگەندىگىن ايتىپسىزدار. جۇڭگو كوممۋنيستىك پارتياسىنىڭ بۇل ىستەردى ىستەۋىنىڭ سەبەبى جۇڭگو كوممۋنيستىك پارتياسى جۇڭگو حالقىن باقىتقا كەنەلتۋدى كوزدەيتىن ساياسي پارتيا، سونداي - اق ادامزاتتىڭ العا باسۋ ىستەرىن جەبەۋ ءۇشىن كۇرەس جۇرگىزەتىن ساياسي پارتيا بولعاندىعىنان“.

  ەرجۇرەك بولعاندىقتان، قايىسپاي سايىستى − بۇل 100 جىلدىق ءىرى پارتيانىڭ حالىقتى شىت جاڭا وسىزاماندانۋ جولىمەن جۇرۋگە باستاعان رۋحاني كۇشى!

  ”جاڭا قۇرىش ادام“ دەپ اتالعان ۋاڭ چيمين كەزىندە داچيڭ مۇناي الابىنىڭ ءونىمىن ورنىقتىرۋ، جوعارى ءونىم الۋ ءۇشىن ”جۇرەك قانىن سارقۋعا پەيىل بولدى“.

  80 نەشە جاستاعى ونىڭ ىنتاسى الىگە دەيىن تاسقىنداپ تۇر: ”قۇرىش ادامنىڭ’قايسارلىعى‘، ’قىلىشتى ون جىل قايرايتىن‘’ءبىر مويىندىق‘، جاڭالىق اشۋدان ۇيرەنەتىن ’پاراسات‘ بولۋ كەرەك“.

  ءبىر ميلليارد 400 ميلليوننان استام جان سانى بار ەرەكشە ۇلكەن كولەمدى بازار، ىشكى ءوندىرىس جالپى ءونىم قۇنى 100 تريلليون يۋان... شىعىستاعى ءىرى ەلدىڭ مەملەكەتتى قۇدىرەتتەندىرۋ ارمانى تاريحي شارىقتاۋدى جۇزەگە اسىرىپ، كۇرەس رۋحى داۋىرمەن بىرگە ىلگەرىلەۋدە.

  قايىسپاي سايىسقاندىقتان، ءوزىن قۇدىرەتتەندىرە الدى − بۇل ءبىر بايىرعى ۇلتتىڭ تاريحتىڭ شالقار دارياسىنان ءوتىپ كەلسە دە تىنباي جالعاسقان رۋحاني كۇشى!

  2021 - جىلى 6 - ايدىڭ 17 - كۇنى جيۋچۋان جاساندى سەرىك ۇشىرۋ ورتالىعى، چاڭجىڭ راكەتاسى جويقىن جالىن ىشىندە اۋەگە كوتەرىلدى، شىنجوۋ الەم كەمەسى تاعى دا اسپانعا ۇشتى، جۇڭگولىقتار تۇڭعىش رەت ءوزىنىڭ كەڭىستىك بەكەتىنە كىردى!

  ” taikonaut (جۇڭگو عارىشكەرى)“ دەگەن اعىلشىنشا ءسوز الەمگە تارالىپ، جۇڭگولىقتار اسپان كەڭىستىگىندە وزىنە تاۋەلدى ەسىمگە يە بولدى.

  ”ەكى بومبى، ءبىر جاساندى سەرىكتەن“ ”عارىشقا ادام الىپ ۇشۋعا دەيىن“، ”بەيدوۋدىڭ تور قۇراۋىنان“ ”ايدى بارلاپ، مارسقا بارۋعا“ دەيىن 1000 جىلدىق عارىشقا ۇشۋ ارمانى جاڭا داۋىردە جالعاپ جازىلدى.

  بۇگىنگى جۇڭگو ”قوس 100 جىلدىق“ كۇرەس نىساناسىنىڭ تاريحي توعىسۋ تۇيىنىندە تۇر. كەمە وزەننىڭ ورتاسىنا بارعاندا اعىن ءتىپتى كۇشەيەدى، ادام تاۋدىڭ ورتاسىنا بارعاندا جول ءتىپتى قىيىندايدى.

  كۇرەس جاپالى، قاتەرلى بولعان سايىن، رۋح سونشالىق ۇلى بولا تۇسەدى.

  ءبىر قىزىل قايىقتان شىنجوۋ الەم كەمەسىنە دەيىن، قارلى تاۋ، سازدى دالادان جۇلدىزدى شالقار تەڭىزگە دەيىن ۇلى رۋح الاۋى ۇرپاقتان - ۇرپاققا جالعاستى.

  (تىلشىلەر چىن فاڭ، يۋان رۋتيڭ، دۇڭ رۇيفىڭ، ليۋ مين، ليڭ جۇنحۇي، حۋ جى)

  (شينحۋا اگەنتتىگىنىڭ 6 - ايدىڭ 25 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.