تيانشان تورى   ›   جاڭالىقتار   ›   شينجياڭ حابارلارى

وسەك - اياڭ فاكت الدىندا بورداي توزادى

□ ۇلىقشات اۋدانىنداعى ماقتا تەرۋشى بەكمامەت پولوت

  2008 - جىلى 9 - ايدا ايەلىم ەكەۋىمىز العاش رەت مارالباسى اۋدانىنا ماقتا تەرۋگە باردىق. العاشقى كۇنى ماقتاشىنىڭ بىزگە جاتار ورىن ورنالاستىرىپ، ماقتا تەرۋدە كوڭىل بولەتىن ىستەر مەن ەڭبەكاقى ەسەپتەۋ ءادىسىن تانىستىرىپ، قولقاپ جانە ماقتا سالاتىن داعار بەرۋمەن قاتار، مول تاعام ازىرلەگەنى ءالى ەسىمدە. ەكىنشى كۇنى ءبىز باسقا دا ماقتا تەرۋشىلەرمەن بىرگە ماقتا اتىزىنا بارىپ جۇمىس ىستەي باستادىق. تۇڭعىش رەت ماقتا تەرگەندىگىمىزدەن ايەلىم ەكەۋىمىز باستابىندا باسقالارداي كوپ تەرە المادىق. بىرەۋ ماعان جانەش مۇسانىڭ ماقتا تەرۋدىڭ مايتالمانى ەكەندىگىن، جىلدامدىعىنىڭ وتە تەز بولىپ، كۇنىنە 150 كيلوگرام اينالاسىندا ماقتا تەرەتىندىگىن ايتتى. سونىمەن مەن دەمالىس ۋاقىتىندا جانەشتەن كەڭەس سۇراپ، ماقتا تەرۋ ونەرىن تەز ارادا يگەردىم.

  ماقتا تەرگەن كەزدە كوپ نە از تەرۋىڭ بۇكىلدەي ءوز قالاۋىڭ مەن قابىلەتىڭە بايلانىستى، كوبىرەك اقشا تاپقىڭ كەلسە كوبىرەك ىستەيسىڭ، شارشاساڭ ازىراق ىستەيسىڭ، دەنساۋلىعىڭ كەلمەسە ىستەمەۋىڭە دە بولادى، ەشكىم زورلامايدى. سول جولى ايەلىم ەكەۋىمىز بىرگە 20 نەشە مىڭ يۋان كىرىس تاپتىق. سونشاما كوپ اقشانى كورگەندە قاتتى قۋاندىم، سول اقشامەن 12 قوي ساتىپ الىپ، قالعانىن بانكەگە قويدىق. وسىدان كەيىنگى بىرنەشە جىلدا دا مەن ماقتا تەرىپ اقشا تاۋىپ، تاپقان اقشاممەن قوي ساتىپ الدىم، قازىر 100 قويىم بار، تۇرمىسىم باي دا باقىتتى.

  مەن ءبىزدىڭ شينجياڭدى داتتاعاندارعا وسەك - اياڭ شىندىقتى بۇركەمەلەي المايدى، اسىرەسە، ايتىلمىس ”زورلىقپەن ەڭبەككە سالدى“ دەگەن تەكتەس وسەك - اياڭدار فاكت الدىندا بورداي توزىپ جوعالادى دەپ ايتامىن!

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.