□ بۇگۇر اۋدانى قالا - قالاشىق الەۋمەتتىك اۋماعىن باسقارۋ كوميتەتىنىڭ تۇرعىنى مامەت يبىرايىم
تاياۋدا مەن توراپتان H&M سياقتى شەتەل كاسىپورىندارىنىڭ ءبىزدىڭ شينجياڭدا ايتىلمىس ”زورلىقپەن ەڭبەككە سالۋ“ ءومىر ءسۇرىپ وتىر دەپ جالا جاپقاندىعىن ءارى وسىنى سىلتاۋراتىپ شينجياڭ ماقتاسىن پايدالانۋدان باس تارتقاندىعىن كوردىم. بۇعان مەن باتىل قارسى تۇرامىن جانە مۇنى قاتاڭ جازعىرامىن!
20 جىلدىڭ الدىندا وتباسىمدا نەبارى 15 مۋ ماقتا اتىزى بار بولاتىن، ءبىر ءۇيلى 5 جان ماقتا ەگىپ كۇنەلتەتىنبىز. كەيىن وتباسىمىزدىڭ شارت - جاعدايى بىرتىندەپ جاقسارىپ، ەگىنشىلىك اۋماعىن كەڭەيتە باستادىم، 2010 - جىلعا كەلگەندە وتباسىمنىڭ ماقتا اتىزى 300 مۋعا جەتتى. وسىنداي اۋماقتاعى ماقتا اتىزىن جۇيەلى باپتاۋدا تەحنيكتەردىڭ جەتەكشىلىگى مەن وسى زامانعى اۋىل شارۋاشىلىعى جابدىقتارىن ىستەتۋگە سۇيەندىم. وتباسىمىز ەككەن ماقتانىڭ مۋ باسىندىق ءتۇسىمى وتكەن عاسىردىڭ 80 - جىلدارىنداعى 30 دا 40 كيلوگرامنان جوعارىلاپ قازىرگى 400 دە 500 كيلوگرامعا جەتتى. وسى بىرنەشە جىلدا ماقتانىڭ باعاسى ورنىقتى، ساتىلۋ جولى كەڭ بولدى، جىلىنا 300 مىڭ يۋان اينالاسىندا كىرىس كىرگىزىپ وتىرمىن. قولىمىزدا ىركۋلى اقشا بولعاندىقتان، ايەلىمنىڭ كيىم - كەشەك دۇكەنىن اشۋ ارمانىن ورىنداپ، اۋداننان كيىم - كەشەك دۇكەنىن اشىپ بەردىم، كيىم - كەشەك دۇكەنىمىزدە ساتىلاتىن كيىم - كەشەكتەردىڭ باسىم كوبى جەرگىلىكتى ورىندا وندىرىلگەن كيىم - كەشەكتەر، ىستەتىلگەن ماتەريالدار دا جەرگىلىكتى ورىندا وندىرىلگەن ماقتا، قاريدارلار دۇكەنىمىزدەن العان كيىم - كەشەكتەرگە وتە جاقسى باعا بەرەدى. كيىم - كەشەك دۇكەنىمىزدىڭ كولەمى ۇزدىكسىز كەڭەيىپ، قازىر 5 قىزمەتكەر ىستەتىپ وتىرمىز. مەن جۇمىسقا قابىلداعان قىزمەتكەرلەر تۇگەلدەي ءوز ەرىكتەرىمەن جۇمىسقا شىققاندار، اي سايىن مەن ولارعا ۋاعىندا ەڭبەكاقى بەرەمىن، مەن قىزمەتكەرلەرمەن جاقىن دوستارداي ەتەنە وتەمىن.
شىندىق بۇلتارتپايدى، جالا جاۋىپ، قاستىق سايلاعان ايلا - شارعىلار ىسكە اسپايدى! ويتكەنى كۇن سايىن شالقىعان تۇرمىسىمىز ءارقانداي وسەك - اياڭ بۇركەمەلەي المايتىن فاكت!
