ماقتا ەگۋ تۇرمىسىمىزدى شالقىتتى

□ قورعاس قالاسىنىڭ تۇرعىنى گۇلزيرا روزى

　　مەنىڭ ءۇيىم قورعاس قالاسىندا. ماقتا ەكسە اقشا تابۋعا بولاتىندىقتان، كۇيەۋىم ەكەۋىمىز وڭتۇستىك شينجياڭدا 200 مۋدان استام جەردى كوتەرمەگە الىپ ماقتا ەكتىك. ءار جىلى ماقتا تەرەتىن ماۋسىمدا بىرەۋلەر ىرىقتىلىقپەن كۇيەۋىمە تەلەفون بەرىپ، ماقتا تەرەتىن تۇراقتى نەمەسە قىسقا مەرزىمدىك جۇمىسشى قاجەت ەتەتىن - ەتپەيتىندىگىن سۇراپ جاتادى، ەڭبەكاقىسى جانە جاتىن ورىن، تاماق شارت - جاعدايى جاقسى بولسا بولعانى، ولار كەلە بەرەدى. ماقتا تەرۋگە ادەتتە تەك ءبىر ايدان استام ۋاقىت كەتەدى، تەرىپ بولعاننان كەيىن قالتالارى قامپايىپ، ماقتا تەرۋشىلەر وتە قۋانادى؛ ماقتامىز جاقسى ساتىلسا، ءبىز دە ايرىقشا قۋانامىز. اپپاق ماقتاعا قاراسام، مەن بولاشاقتاعى تاماشا تۇرمىسىمدى ەلەستەتىپ، جۇرەگىم جادىراپ سالا بەرەدى.

　　ءبىزدىڭ تۇرمىسىمىز شالقي تۇسكەن كەزدە باتىستاعى كەيبىر كاسىپورىندار ءبىزدى كورە الماي، باسىمىزعا ايتىلمىس ”زورلىقپەن ەڭبەككە سالدى“ دەگەن ءجونسىز قالپاق كيگىزدى. ولار، ءبىر جاعىنان، جۇڭگودا اقشا تابۋدى ويلاپ، ەندى ءبىر جاعىنان، ارسىز وسەك - اياڭدارىمەن شينجياڭعا كۇيە جاقتى. شينجياڭدىق رەتىندە، مەن ولاردىڭ شينجياڭ ماقتاسىن داتتاپ، جالا جابۋىنا، شينجياڭنىڭ ەڭبەكشىلەرىنە كۇيە جاعۋىنا استە جول بەرمەيمىن!