□ انار بۇلت / شينجياڭ گازەتىنىڭ تىلشىلەرى حان چين - يان، جاڭ رۇيلين
بىرنەشە كۇننەن بەرى قۇلاققا قانىق ريتىممەن «پارتياعا ارناپ تاۋ ءانىن شىرقايمىن» ءان اۋەنى تيانشان الابىندا قالىقتادى، رايونىمىزداعى ءار ۇلت كادر - بۇقاراسى جۇڭگو كوممۋنيستىك پارتياسىنىڭ 100 جىلدىق شۇعىلالى بارىسىن تەرەڭ سۇيىسپەنشىلىكپەن جىرعا قوسىپ، پارتيا قۇرىلعاندىعىنىڭ 100 جىلدىعىنا دەگەن ىزگى تىلەكتەرىن ءبىلدىردى.
6 - ايدىڭ 24 - كۇنى قاشقار بايىرعى قالاسىنداعى 100 جىلدىق ەجەلگى شايحانانىڭ الدىندا جۇرتشىلىق «پارتياعا ارناپ تاۋ ءانىن شىرقايمىن» ءانىن تەرەڭ سۇيىسپەنشىلىكپەن شىرقادى. ”توتەنشە تەبىرەنىپ تۇرمىن، شىرقاعان سايىن شىرقاعىم كەلەدى“، - دەدى كۋايشان قيمىلىنا قاتىناسقان قاشقار قالاسىنىڭ تۇرعىنى اسقار امەت. ”ءبىز ءىس جۇزىندىك ارەكەتىمىز ارقىلى پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، وتانىمىزدىڭ شەكارا ءوڭىرىن اناعۇرلىم تاماشا ەتىپ قۇرۋىمىز كەرەك“، - دەدى ول.
100 جىلدىق قاشقار سارايى، قاشقار قالاسىنداعى دۇڭحۋ باقشاسى سياقتى جەرلەردە دۇركىن - دۇركىن جۇرگىزىلگەن كۋايشان قيمىلى قاشقارداعى ءار ۇلت بۇقاراسىنىڭ پارتيانى ءسۇيۋ، وتاندى ءسۇيۋ سۇيىسپەنشىلىگىن ءبىلدىردى.
6 - ايدىڭ باسىندا يوپۇرعا اۋدانى داۋا كول قۇمدى ءشولى ساياحات كورىنىس وڭىرىندە قىزىل تاريحپەن قايتا قاۋىشۋ، پارتيا قۇرىلعاندىعىنىڭ 100 جىلدىعىن قۇتتىقتاۋدى نەگىزگى تاقىرىپ ەتكەن كۋايشان قيمىلى قوعامداعى ءار سالانىڭ قىزۋ ءۇن قوسۋىنا يە بولىپ، ءار ۇلت بۇقاراسى تەرەڭ سۇيىسپەنشىلىكپەن «پارتياعا ارناپ تاۋ ءانىن شىرقايمىن» ءانىن بىرگە شىرقادى. ”ءبىز كىشكەنتايىمىزدان وسى ءاندى ەستىپ كەلەمىز، بۇل انگە دەگەن سۇيىسپەنشىلىگىمىز وزگەشە“، - دەدى يوپۇرعا اۋدانى اقۇنلۇقۇم اۋىلى حۋياڭ قىستاعىنىڭ تۇرعىنى ارزىگۇل تۇرسۇن.
ياركەن اۋدانىنىڭ قونىس جاڭالاپ كەدەيلەردى سۇيەمەلدەۋ بويىنشا كوشىرىپ ورنالاستىرۋ تۇيىنىندە ءار ۇلت كادر - بۇقاراسى «پارتياعا ارناپ تاۋ ءانىن شىرقايمىن» كۋايشان قيمىلى ارقىلى پارتياعا دەگەن العىستى سۇيىسپەنشىلىكتەرىن ءبىلدىردى. ”بيىل مەن ەككەن قوس جارعاقتى قاربىزدان 30 مىڭ يۋاننان استامىن ساتىپ بولدىم، پارتيانىڭ ابزال ساياساتى ءبىزدىڭ باقىتتى تۇرمىس كەشىرۋىمىزگە مۇمكىندىك جاسادى“، - دەدى ياركەن اۋدانىنىڭ قونىس جاڭالاپ كەدەيلەردى سۇيەمەلدەۋ بويىنشا كوشىرىپ ورنالاستىرۋ ءتۇيىنى انكاڭ قىستاعىنىڭ تۇرعىنى ابدۇسالام ابدۇكەرىم وسى بىرنەشە جىلداعى وزگەرىستەردى تىلگە تيەك ەتكەندە جۇزىنەن شاتتىق كۇلكىسى ەسىپ.
6 - ايدىڭ 18 - كۇنى توقسۇن اۋدانى پارتيا تاريحىن ۇيرەنۋ تاربيەسى باسشىلىق گرۋپپاسى كەڭسەسىنىڭ پارتيالى كادرلارى جەرگىلىكتى بۇقارامەن بىرگە «پارتياعا ارناپ تاۋ ءانىن شىرقايمىن» كۋايشان قيمىلىن ءتۇسىردى. ”ءار رەت شىرقاعان سايىن ىشتەي ءتىپتى دە تەبىرەنەمىن ءارى ماقتانىش ەتەمىن“. توقسۇن اۋدانى پارتيا تاريحىن ۇيرەنۋ تاربيەسى باسشىلىق گرۋپپاسى كەڭسەسىنىڭ كادرى ليۋ يانمين تەبىرەنە بىلاي دەدى: ”جۇڭگو كوممۋنيستىك پارتياسىنىڭ باسشىلىعىندا وتانىمىزدا كۇن سايىن جاڭارعان وزگەرىستەر تۋىلدى، حالىق تۇرمىسى كۇننەن - كۇنگە جاقساردى. مەن ۇلى پارتيامەن ماقتانامىن، شاتتانامىن!“.
