تيانشان تورى   ›   جاڭالىقتار   ›   ماڭىزدى حابارلار

قىزىل بايلىقتان ويداعىداي پايدالانىپ، قىزىل قان تامىردى ۇزدىكسىز جالعاستىرىپ، تاريح پەن حالىقتىڭ قالاۋىنان شىعاتىن جاڭا ناتيجەلەر جاراتۋعا قۇلشىنۋ كەرەك

شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 31 - رەتكى توپتىق ۇيرەنۋىندە بىلاي دەپ باسا دارىپتەدى

قىزىل بايلىقتان ويداعىداي پايدالانىپ، قىزىل قان تامىردى ۇزدىكسىز جالعاستىرىپ، تاريح پەن حالىقتىڭ قالاۋىنان شىعاتىن جاڭا ناتيجەلەر جاراتۋعا قۇلشىنۋ كەرەك

  6 - ايدىڭ 25 - كۇنى جۇڭگو كوممۋنيستىك پارتياسى ورتالىق كوميتەتى ساياسي بيۋروسى قىزىل بايلىقتان ويداعىداي پايدالانىپ، قىزىل قان تامىردى ۇزدىكسىز جالعاستىرۋ جونىندە 31 - رەتكى توپتىق ۇيرەنۋىن وتكىزدى. وسى رەتكى توپتىق ۇيرەنۋدە ەكسكۋرسيالاۋ مەن تالقىلاۋدى ءوزارا ۇشتاستىرۋ فورماسى قولدانىلدى. سۋرەتتە: شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ قاتارلىلار بەيجيڭ داشۋەسىنىڭ قىزىل عيماراتىندا ”شۇعىلالى ۇلى ءىس، قىزىل باستاما −بەيجيڭ داشۋەسىنىڭ قىزىل عيماراتى جانە جۇڭگو كوممۋنيستىك پارتياسىنىڭ العاشقى كەزدەگى بەيجيڭدەگى توڭكەرىستىك قيمىلدار نەگىزگى تاقىرىپتىق كورمەسىن“ ەكسكۋرسيالادى.

□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

  6 - ايدىڭ 25 - كۇنى جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى قىزىل بايلىقتان ويداعىداي پايدالانىپ، قىزىل قان تامىردى ۇزدىكسىز جالعاستىرۋ جونىندە 31 - رەتكى توپتىق ۇيرەنۋىن وتكىزدى. وسى رەتكى توپتىق ۇيرەنۋدە ەكسكۋرسيالاۋ مەن تالقىلاۋدى ءوزارا ۇشتاستىرۋ فورماسى قولدانىلدى. سۋرەتتە: شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ قاتارلىلار جۇڭنانحايدىڭ فىڭزىيۋانىندا ماۋ زىدۇڭ جولداستىڭ بايىرعى تۇراعىن ەكسكۋرسيالادى.

□ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

  شينحۋا اگەنتتىگىنىڭ 6 - ايدىڭ 26 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ قارساڭىندا جۇڭگو كوممۋنيستىك پارتياسى ورتالىق كوميتەتى ساياسي بيۋروسى 6 - ايدىڭ 25 - كۇنى تۇستەن كەيىن قىزىل بايلىقتان ويداعىداي پايدالانىپ، قىزىل قان تامىردى ۇزدىكسىز جالعاستىرۋ جونىندە 31 - رەتكى توپتىق ۇيرەنۋىن وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: قىزىل بايلىق −پارتيامىزدىڭ ماشاقاتتى دا شۇعىلالى كۇرەس بارىسىنىڭ كۋاسى، ەڭ قىمباتتى رۋحاني بايلىق. قىزىل قان تامىر −جۇڭگو كوممۋنيستىك پارتياسىنىڭ ساياسي قاسيەتىنىڭ شوعىرلى بەينەسى، جاڭا داۋىردەگى جۇڭگو كوممۋنيستەرىنىڭ رۋحاني كۇش - قۋات قاينارى. باسىپ وتكەن جولعا قايىرىلا قاراپ، الداعى ساپارعا كوز جىبەرگەندە، ءبىز، ءسوز جوق، باستان - اياق قىزىل قان تامىردى ۇزدىكسىز جالعاستىرىپ، پارتيانىڭ كۇرەس تاريحى جانە ۇلى تابىستارى ارقىلى كۇرەس جىگەرىن تاسقىنداتىپ، بەتالىستى نۇسقاپ، پارتيانىڭ داڭقتى ءداستۇرى مەن تاڭداۋلى ستيلى ارقىلى سەنىمدى بەكەمدەپ، كۇش - قۋات ۇيىستىرىپ، پارتيانىڭ تاريحي تاجىريبەلەرى مەن امالياتتىق جاسامپازدىعى ارقىلى اقىل - پاراساتتى وياتىپ، مىنەز - قۇلىقتى شىڭداپ، الدىڭعىلاردىڭ ءىزىن باسىپ، بولاشاققا جول اشىپ، ءورىس اشا العا ىلگەرىلەپ، توڭكەرىستىك ارداگەر قۇرباندار قان توگىپ، قۇرباندىق بەرىپ ورناتقان قىزىل بيلىكتى ويداعىداي قورعاپ، ويداعىداي قۇرىپ، توڭكەرىستىك اعا بۋىنداردىڭ ءۇمىتىن اقتايتىن، تاريح پەن حالىقتىڭ قالاۋىنان شىعاتىن جاڭا ناتيجەلەر جاراتۋعا قۇلشىنۋىمىز كەرەك.

  وسى رەتكى توپتىق ۇيرەنۋ ورتالىق كوميتەت ساياسي بيۋروسىنىڭ باستاماشىلدىقپەن پارتيا تاريحىن ۇيرەنۋ تاربيەسىن ورىستەتۋدەگى ماڭىزدى ورنالاستىرۋى، ەكسكۋرسيالاۋ مەن تالقىلاۋدى ءوزارا ۇشتاستىرۋ فورماسىن قولدانىپ جۇرگىزىلدى.

  6 - ايدىڭ 25 - كۇنى تۇستەن كەيىن شي جينپيڭ ورتالىق كوميتەت ساياسي بيۋروسىنداعى جولداستاردى باستاپ، بەيجيڭ داشۋەسىنىڭ قىزىل عيماراتىنا كەلىپ، ”شۇعىلالى ۇلى ءىس، قىزىل باستاما − بەيجيڭ داشۋەسىنىڭ قىزىل عيماراتى جانە جۇڭگو كوممۋنيستىك پارتياسىنىڭ العاشقى كەزدەگى بەيجيڭدەگى توڭكەرىستىك قيمىلدار نەگىزگى تاقىرىپتىق كورمەسىن“ ەكسكۋرسيالاپ، لي داجاۋ، چىن دۋشيۋ قاتارلىلاردىڭ توڭكەرىستىك قيمىل ورىستەتۋ، ماركسيزمنىڭ جۇڭگوداعى العاشقى كەزدەگى تارالۋىن ىلگەرىلەتۋ، جۇڭگو كوممۋنيستىك پارتياسىن قۇرۋعا دايىندالۋ جانە جوسپارلاۋ سياقتى توڭكەرىس تاريحىن ەسكە الدى. كورمە زالىنىڭ ىشىندە سۋرەتتەر، مادەني ەسكەرتكىشتەر سول داۋىردەگى شۇعىلالى تاريحتى جان - جاقتىلى ايگىلەپ تۇر. شي جينپيڭ ءالسىن - ءالى ايالداپ، قاتىستى جاي - جاپسارىن سۇراستىردى. ول بىلاي دەپ اتاپ كورسەتتى: بەيجيڭ داشۋەسى جاڭا مادەنيەت قوزعالىسىنىڭ ورتالىعى جانە 4 - مامىر قوزعالىسىنىڭ وشاعى، ەڭ ەرتەدە ەلىمىزدە ماركسيزم يدەياسىن تاراتتى، سونداي - اق پارتيامىزدىڭ بەيجيڭدەگى العاشقى كەزدەگى توڭكەرىستىك قيمىلدارىنىڭ تاريحي كۋاسى بولعان جەر، پارتيانى قۇرۋ بارىسىندا ماڭىزدى ورىنعا يە. قىزىل بايلىقتى قورعاۋدى جانە پايدالانۋدى كۇشەيتىپ، تاريحي شىندىققا قۇرمەت ەتىپ، تاريحقا دۇرىس باعا بەرىپ، تاريحتى دۇرىس ۇيرەنۋ، دۇرىس پايدالانۋ كەرەك.

  فىڭزىيۋان ماۋ زىدۇڭ جولداستىڭ بايىرعى تۇراعى − ماۋ زىدۇڭ جولداس 1949 - جىلى 9 - ايدىڭ 21 - كۇنىنەن باستاپ 17 جىل قىزمەت ىستەگەن جانە تۇرمىس كەشىرگەن جەر. ماۋ زىدۇڭ جولداس وسى جەردە جاڭا جۇڭگونى قۇرۋدىڭ جانە گۇلدەندىرۋدىڭ ءبىرسىپىرا كەلەلى ساياساتىن، جالپى جوبالارىن جاسادى. شي جينپيڭ ورتالىق كوميتەتتىڭ ساياسي بيۋروسىنداعى جولداستاردى باستاپ وسىندا كەلىپ ەكسكۋرسيالاپ، ىززەت - قۇرمەتپەن كورىپ، گۋنيانتاڭ زالىنىڭ ناقتى كورمەسىن كورىپ، ماۋ زىدۇڭ جولداستىڭ فىڭزىيۋاندا قىزمەت ىستەگەن، تۇرمىس كەشىرگەن كەسكىن ۇزىندىلەرىن كورىپ، ماۋ زىدۇڭ جولداس وسى جەردە باسقارىپ اشقان ماڭىزدى ماجىلىستەردى، جاساعان كەلەلى شەشىمدەردى، كەزدەسكەن ماڭىزدى شەتەلدىك قوناقتاردى ەسكە ءتۇسىرىپ، ماۋ زىدۇڭ جولداس جۇمىس ىستەگەن اۋماقتى، ءماجىلىس بولمەسىن جانە كىتاپ ساقتاۋ بولمەسىن ەكسكۋرسيالاپ، ماۋ زىدۇڭ جولداس تەكسەرىپ تۇزەتكەن ماڭىزدى حۇجاتتاردى، وقىعان كىتاپتاردى، كيگەن كيىمدەردى، پايدالانعان تۇرمىستىق بۇيىمداردى جانە حات، قولجازبا، سۋرەت سياقتىلاردى مۇقيات كورىپ، ماۋ زىدۇڭ جولداستىڭ ەرەن ەڭبەگى مەن وسكەلەڭ قاسيەتىن ەسكە ءتۇسىردى. شي جينپيڭ بىلاي دەپ باسا دارىپتەدى: بەيجيڭ داشۋەسىنىڭ قىزىل عيماراتى مەن فىڭزىيۋان پارتيانىڭ تاريحىندا تۇگەلدەي بەلگى سيپاتتى مانگە يە، جۇڭگو كوممۋنيستىك پارتياسىنىڭ قالاي كەلگەندىگىن، جۇڭحۋا حالىق رەسپۋبليكاسىنىڭ قالاي كەلگەندىگىن جاندى ءتۇسىندىرىپ، بىزگە جاندى دا جالىندى پارتيا تاريحى ساباعىن ءوتتى.

  ەكسكۋرسيا اياقتاعاننان كەيىن شي جينپيڭ قاتارلىلار جۇڭنانحايدىڭ حۋايرىنتاڭىنا قايتىپ كەلىپ، نەگىزگى تاقىرىپتى ارقاۋ ەتىپ، ىشكەرىلەي ۇيرەنۋ ورىستەتتى. شي جينپيڭ ۇيرەنۋدى باسقارعاندا ماڭىزدى ءسوز سويلەدى. ول بىلاي دەپ اتاپ كورسەتتى: قىزىل ءتۇس − جۇڭگو كوممۋنيستىك پارتياسىنىڭ، جۇڭحۋا حالىق رەسپۋبليكاسىنىڭ ەڭ ايقىن قاسيەتى، ەلىمىزدىڭ 9 ميلليون 600 مىڭ شارشى كيلومەتر كەلەتىن بايتاق دالاسىندا قىزىل بايلىقتار جۇلدىزشا جامىراپ، پارتيامىزدىڭ جۇڭگو حالقىن ىنتىماقتاستىرىپ جانە باستاپ 100 جىلدىق كۇرەس جۇرگىزۋى سىندى ۇلى بارىستا قىزىل قان تامىر ۇرپاقتان - ۇرپاققا جالعاستى. ءاربىر تاريحي وقيعا، ءاربىر توڭكەرىستىك قاھارمان، ءار توڭكەرىستىك رۋح، ءاربىر توڭكەرىستىك مادەني مۇرا تۇگەلدەي پارتيامىز باسىپ وتكەن شۇعىلالى بارىسقا، قول جەتكىزگەن ەلەۋلى تابىسقا ۋاكىلدىك ەتىپ، پارتيامىزدىڭ ارمانى مەن تالپىنىسىن، سۇيىسپەنشىلىگى مەن جاۋاپكەرشىلىگىن، قۇرباندىق بەرۋى مەن ۇلەستەرىن ايگىلەپ، پارتيامىزدىڭ قىزىل قان تامىرىن قالىپتاستىردى.

  شي جينپيڭ مىنانى ءبىلدىردى: پارتيا 18 - قۇرىلتايىنان بەرى جەرگىلىكتى ورىندارعا بارىپ قىزمەت تەكسەرگەندە، تۇگەلدەي پارتيامىز جونىنەن كەلەلى تاريحي ءمانى بار توڭكەرىستىك قاسيەتتى جەرلەرىن، قىزىل بايىرعى تۇراقتاردى، توڭكەرىستىك تاريح ەسكەرتكىش ورىندارىن ىززەت - قۇرمەتپەن كوردىم، باستى ورىنداردىڭ بارىنە نەگىزىنەن باردىم. ءاربىر جەرگە بارعاندا، سول ءبىر داڭقتى جىلداردى ەسكە الىپ، پارتيامىز باسىپ وتكەن ماشاقاتتى بارىستى ەسكە ءتۇسىرىپ، كوڭىل كۇيىم تەبىرەنىسكە بولەنىپ، رۋحاني سىننان ءوتتىم. ءار رەت تۇگەلدەي ىززەت - قۇرمەتپەن بارىپ، كوپتەگەن سەزىم - تۇسىنىككە يە بولىپ قايتتىم.

  شي جينپيڭ بىلاي دەپ باسا دارىپتەدى: بۇكىل پارتيانى باستان - اياق عىلمي نازاريانى جەتەكشى ەتۋگە تاربيەلەۋ، جەتەكتەۋ كەرەك. ماركسيزمنىڭ جۇڭگودا كەڭ تارالۋى جۇڭگو كوممۋنيستىك پارتياسىن دۇنيەگە اكەلدى، ماركسيزم پارتيامىزدى عىلمي دۇنيەگە كوزقاراسقا جانە ءادىس نازارياسىنا يە ەتتى، دۇنيەنى تانيتىن، دۇنيەنى وزگەرتەتىن قۇدىرەتتى يدەيالىق قارۋعا يە ەتتى. 100 جىلدان بەرى پارتيامىز ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن ۇشتاستىرۋعا تاباندى بولىپ، ماۋ زىدۇڭ يدەياسىن، دىڭ شياۋپيڭ نازارياسىن جاراتىپ، ”ۇشكە ۋاكىلدىك ەتۋ“ ماڭىزدى يدەياسىن، عىلمي دامۋ كوزقاراسىن قالىپتاستىرىپ، جاڭا ءداۋىر جۇڭگوشا سوتسياليزم يدەياسىن جاراتىپ، پارتيا مەن حالىق ىستەرىندە ۇزدىكسىز جاڭا جاعداي اشۋعا جەتەكشىلىك ەتتى. جۇڭگو كوممۋنيستىك پارتياسى نەلىكتەن ىسكەر، جۇڭگوشا سوتسياليزم نە ءۇشىن جاقسى، تۇپتەپ كەلگەندە، ماركسيزمنىڭ جارامدى بولۋىنان. ءبىز پارتيانىڭ 100 جىلدىق كۇرەس تاريحىنان اقيقاتتىڭ كۇش - قۋاتىن ۇعىنىپ، كوممۋنيستىك پارتيانىڭ بيلىك جۇرگىزۋ زاڭدىلىعىنا، سوتسياليستىك قۇرىلىس زاڭدىلىعىنا، ادامزات قوعامىنىڭ دامۋ زاڭدىلىعىنا بولعان تانىمدى ۇزدىكسىز تەرەڭدەتىپ، ماركسيزم اقيقاتىنىڭ شۇعىلاسى ارقىلى العا باسۋ جولىمىزدى نۇرلاندىرۋىمىز كەرەك.

  شي جينپيڭ بىلاي دەپ اتاپ كورسەتتى: بۇكىل پارتيانى باستان - اياق مۇرات - سەنىمگە تاباندى بولۋعا تاربيەلەۋ، جەتەكتەۋ كەرەك. توڭكەرىستىك مۇرات بارىنەن جوعارى تۇرادى، 100 جىلدىق پارتيا تاريحىنا قايىرىلا قاراساق، سان مىڭداعان كوممۋنيستەر مۇرات - سەنىم ءۇشىن باسىن ءباي تىگۋدەن، ىستىق قانىن توگۋدەن ايانبادى. كوممۋنيزم − پارتيامىزدىڭ ۇلى مۇراتى، وسى ۇلى مۇراتتى جۇزەگە اسىرۋ ءۇشىن، ءسوز جوق، جۇڭگوشا سوتسياليزم سەنىمىن بەكەمدەۋ كەرەك. بۇكىل پارتياداعى جولداستار ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، جاپپاي سوتسياليستىك وسىزاماندانعان مەملەكەت قۇرۋ جاڭا ساپارىندا توسقاۋىلداردى تالقانداپ، ەكپىندەي العا ىلگەرىلەپ، جاڭا ءداۋىر جۇڭگوشا سوتسياليزمنىڭ جاڭا جەڭىسىنە ۇزدىكسىز قول جەتكىزۋ كەرەك.

  شي جينپيڭ بىلاي دەپ باسا دارىپتەدى: بۇكىل پارتيانى باستان - اياق اۋەلگى ماقساتقا، بورىشقا تاباندى بولۋعا تاربيەلەۋ، جەتەكتەۋ كەرەك. جۇڭگو حالقىن باقىتقا كەنەلتۋدى كوزدەگەن، جۇڭحۋا ۇلتىن گۇلدەندىرۋدى كوزدەگەن اۋەلگى ماقساتتى، بورىشتى ەستە بەرىك ساقتاۋ جانە امالياتتا ايگىلەۋ − پارتيامىزدىڭ 100 جىلدىق كۇرەس تاريحىمەن ساباقتاسقان قىزىل ارقاۋ. بيلىك − حالىق، حالىق − بيلىك، بيلىكتى قولعا كەلتىرۋدە، بيلىكتى ساقتاۋدا ساقتايتىنىمىز حالىقتىڭ تىلەگى، ءبىز سياقتى ۇزاق ۋاقىت بيلىك جۇرگىزگەن پارتيا جونىنەن العاندا، اۋەلگى ماقساتتى، بورىشتى ۇمىتۋدان، بۇقارادان قول ۇزۋدەن ۇلكەن حاۋىپ جوق. بۇكىل پارتياداعى جولداستار پارتيانىڭ 100 جىلدىق كۇرەس تاريحىنان اۋەلگى ماقساتتى، بورىشتى ۇزدىكسىز ۇعىنىپ، حالىقتى وزەك ەتكەن دامۋ يدەياسىن ويداعىداي دايەكتىلەندىرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن اينىماس ماقسات، بەرىك مۇراتپەن كۇرەس جاساۋى كەرەك.

  شي جينپيڭ بىلاي دەپ اتاپ كورسەتتى: بۇكىل پارتيانى باستان - اياق داڭقتى توڭكەرىستىك داستۇرگە تاباندى بولۋعا تاربيەلەۋ، جەتەكتەۋ كەرەك. پارتيانىڭ ۇلى رۋحى مەن داڭقتى ءداستۇرى − ءبىزدىڭ قىمباتتى رۋحاني بايلىعىمىز، ءبىزدى ەرلىكپەن العا ىلگەرىلەۋگە جىگەرلەندىرەتىن قۇدىرەتتى رۋحاني قوزعاۋشى كۇش. قازىرگى جۇڭگو جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى مەزگىلىندە تۇر، مەملەكەتتىڭ قۇدىرەتتەنىپ كوركەيۋى، ۇلتتىڭ گۇلدەنۋى ماتەريالدىق وركەنيەتتىڭ توپتالۋىن قاجەت ەتەدى، ونان دا ماڭىزدىسى، رۋحاني وركەنيەت دەڭگەيىنىڭ كوتەرىلۋىن قاجەت ەتەدى، توڭكەرىستىك جان قيارلىق رۋحتى جوعالتۋىمىزعا استە بولمايدى، كىشى پەيىل دە بايسالدى بولاتىن، داندايسۋدان، ۇشقالاقتىقتان ساقتاناتىن، قاجىرلىلىقپەن كۇرەس جاسايتىن، ۇقىپتى دا ۇنەمشىل بولاتىن ءداستۇردى جوعالتۋىمىزعا استە بولمايدى، ازۋلى جاۋدان تايسالمايتىن، حاۋىپ - قاتەردەن قورىقپايتىن، ەرلىكپەن كۇرەس جۇرگىزەتىن، باتىلدىقپەن جەڭىسكە جەتەتىن ەرلىكتى جوعالتۋىمىزعا استە بولمايدى. بۇكىل پارتياداعى جولداستار پارتيانىڭ 100 جىلدىق كۇرەس بارىسىندا قالىپتاستىرعان ۇلى رۋحىمەن ءوزىن نارلەندىرىپ، ءوزىن جىگەرلەندىرىپ، اسقاق رۋحاني كۇيمەن پارتيا مەن مەملەكەتتىڭ قىزمەتتەرىن ويداعىداي ىستەۋى كەرەك.

  شي جينپيڭ بىلاي دەپ باسا دارىپتەدى: بۇكىل پارتيانى باستان - اياق وزىنە توڭكەرىس جاساۋدى ىلگەرىلەتۋگە تاباندى بولۋعا تاربيەلەۋ، جەتەكتەۋ كەرەك. پارتيامىز 100 جىلدىق سان وزگەرىستى باستان كەشىرسە دە باياعىداي ارىنى اسقاق بولدى، مۇنىڭ سىرى ءوزىن - ءوزى كىرشىكسىزدەندىرىپ، ءوزىن - ءوزى كەمەلدەندىرەتىن، ءوزىن - ءوزى جاڭارتاتىن، ءوزىن - ءوزى جوعارىلاتاتىن قۋاتتى قابىلەتىنىڭ بولۋىندا. وزىنە توڭكەرىس جۇرگىزۋ رۋحى − پارتيانىڭ بيلىك جۇرگىزۋ قابىلەتىنىڭ پارمەندى تىرەگى. بۇكىل پارتياداعى جولداستار تاۋقىمەت تانىمىن كۇشەيتىپ، ماڭگى جالعاستىراتىن قاجىماس قايسارلىقپەن پارتيانى جاپپاي قاتاڭ جونگە سالۋدى ىشكەرىلەي ىلگەرىلەتىپ، ءوزىن قاتاڭ تارتىپكە سالىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، باستان - اياق ءبىر تولىمدى كوممۋنيستىك پارتيا مۇشەسى بولىپ، پارتيانى اناعۇرلىم قۋاتتى دا پارمەندى ەتىپ قۇرۋ ءۇشىن ءتيىستى قۇلشىنىس جاساۋى كەرەك.

  شي جينپيڭ بىلاي دەپ اتاپ كورسەتتى: قىزىل بايلىقتى دەن قويا، سۇيىسپەنشىلىكپەن، كۇش سالا ويداعىداي قورعاۋ، ويداعىداي باسقارۋ، ويداعىداي پايدالانۋ كەرەك. قىزىل بايلىقتى ارناۋلى تەكسەرۋدى ىشكەرىلەي ورىستەتىپ، عىلمي قورعاۋدى كۇشەيتۋ كەرەك. جۇيەلى زەرتتەۋ ورىستەتىپ، پارتيانىڭ تاريحي دامۋىنىڭ نەگىزگى تاقىرىبىن، نەگىزگى جەلىسىن، نەگىزگى اعىمىن، ءمانىن دالمە - ءدال يگەرىپ، تاريحتى تەرىستەۋشىلىككە تۋى ايقىن تۇردە قارسى تۇرۋ جانە ونى تەجەۋ كەرەك. سارا كورمە تۇلعالاپ، ساياسي سيپاتتىڭ، يدەيالىق سيپاتتىڭ، كوركەمدىك سيپاتتىڭ ءوزارا بىرلىگىنە تاباندى بولىپ، تاريحي شىندىق ارقىلى سويلەپ، بەينەلەۋ قۋاتىن، تاراتۋ قۋاتىن، ىقپال قۋاتىن ارتتىرىپ، قىزىل مادەنيەتتى جاندى تاراتۋ كەرەك. تاربيەلەۋ فۋنكتسياسىن كۇشەيتىپ، توڭكەرىستىڭ، قۇرىلىستىڭ، رەفورمانىڭ ءارقايسى تاريحي مەزگىلىندەگى ەلەۋلى وقيعالاردى، ەلەۋلى تۇيىندەردى ارقاۋ ەتىپ، زەرتتەپ، ءبىر توپ ماڭىزدى بەلگى جەرلەردى تۇراقتاندىرىپ، پارتيانىڭ حيكايالارىن، توڭكەرىستىڭ حيكايالارىن، قاھارمانداردىڭ حيكايالارىن ويداعىداي بايانداپ، جاس وسپىرىمدەردىڭ تانىم ەرەكشەلىگىنە ۇيلەسەتىن تاربيە قيمىلدارىن جوبالاپ، ەرەكشەلىككە باي توڭكەرىستىك ءداستۇر تاربيە، وتانشىلدىق تاربيە، جاس وسپىرىمدەر يدەيا - ءمورال تاربيە بازاسىن قۇرىپ، ولاردى كىشكەنتايىنان باستاپ جۇرەكتەرىنە قىزىل مۇرات ورناتۋعا جەتەكتەۋ كەرەك.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.