باتىلدىقپەن كۇرەس جۇرگىزەتىن ايقىن قاسيەت
− جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى تۋرالى تولعانىس ”قامال الۋ ءبولىمى“
□ شينحۋا اگەنتتىگىنىڭ تىلشىلەرى
”قوس 100 جىلدىق“ اۋىسقان، ”ەكى كەلەلى جاعداي“ كىرىككەن تاريحي كەزەڭگە جەتكەندە ەل ءىشى - سىرتىنىڭ دامۋ ورتاسىنداعى تەرەڭ وزگەرىستەر الدىندا، ءبىز قانداي رۋحتى ۇستانىپ، قانداي بەينەمەن ۇزدىكسىز العا ىلگەرىلەۋىمىز كەرەك؟
100 جىلدىق جولعا قايىرىلا قاراساق − حالىقتىڭ باقىتى، ۇلتتىڭ گۇلدەنۋى ءۇشىن جۇڭگو كوممۋنيستىك پارتياسى سان - ساناقسىز قيىنشىلىقتاردى، حاۋىپ - قاتەرلەردى باستان كەشىرىپ، قان مەن وتتىڭ سىناعىندا كۇرەس جۇرگىزۋگە باتىل ايقىن قاسيەتتى شىڭداپ، ۇزدىكسىز تىڭ ءورىس اشىپ، تاريح بەتىنە ايشىقتالعان ءومىر كەرەمەتتەرىن جاراتتى.
جاڭا ساپارعا اتتانعاندا − ءداۋىر وزگەرۋدە، ورتا وزگەرۋدە، دەسەدە كۇرەس رۋحى مەن رۋحاني وزەك باستان - اياق بىردەي بولدى. كۇرەس جۇرگىزۋ بارىسى مەن تاڭداۋلى داستۇردەن تىڭ دا قۇدىرەتتى كۇش - قۋات قابىلداۋ ءبىزدىڭ جول بويى قامال الىپ، كەدەرگىلەردى الاستاپ، ۇلتتىڭ گۇلدەنۋىنىڭ شۇعىلالى قارسى جاعاسىن بەتكە الۋىمىزعا دەم بەرەدى.
باتىلدىقپەن كۇرەس جۇرگىزۋ − پارتيانىڭ ايقىن قاسيەتى
جاقىندا عانا وتكەن دۋان - ۋ دەمالىسىندا 30 مىڭنان استام بۇقارا گۋاڭشي چۋانجوۋ اۋدانىنداعى قىزىل ارميا ۇزاق جورىعىنداعى شياڭجياڭ شايقاسى ەسكەرتكىش باقشاسىنا كەلىپ، توڭكەرىستىك ءداستۇر تاربيەسىن قابىلدادى.
1934 - جىلدىڭ اياعىندا شياڭجياڭ شايقاسى باستالدى. نەشە 10 مىڭداعان قىزىل ارميا قۇرباندارى شياڭجياڭدى قىزىل قاندارىمەن بوياپ، جاۋدىڭ قىزىل ارميانى شياڭجياڭنىڭ شىعىسىندا قورشاپ جويۋ قاسكۇنەمدىگىن تاس - تالقان ەتتى.
2021 - جىلى 4 - ايدا باس شۋجي شي جينپيڭ وسى اراعا كەلىپ، شياڭجياڭ شايقاسىنداعى قىزىل ارميا قۇرباندارىنا قۇرمەتپەن گۇل شارباق قويدى ءارى 3 رەت ءيىلىپ قۇرمەت ءبىلدىردى، ”قىزىل ارميا رۋحى“ مۇسىنىنە ىززەت - قۇرمەتپەن قاراپ، ەسكەرتكىش سارايدى ەكسكۋرسيالادى.
باس شۋجي شي جينپيڭ كەسەتىپ بىلاي دەدى: ”ءبىز كەلەسى 100 جىلدىق كۇرەس نىساناسىن جۇزەگە اسىرۋدا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا وسىنداي، ءسوز جوق، جەڭىسكە جەتۋ سەنىمىنەن تايماۋىمىز كەرەك. قيىنشىلىق قانشا زور بولسا دا، قىزىل ارميانىڭ ۇزاق جورىعىن ويلاۋىمىز، شياڭجياڭداعى قاندى شايقاستى ويلاۋىمىز كەرەك“.
ىشكى لاڭ مەن سىرتقى سۇعاناقتىق ىشىندە دۇنيەگە كەلىپ، جاپا - ماشاقاتتىڭ شىنىقتىرۋى بارىسىندا ەسەيىپ، قامال الىپ، قيىنشىلىقتى جەڭۋ بارىسىندا زورايدى − 100 جىل بارىسىندا جول بويى قايسارلىقپەن كۇرەس جۇرگىزدى.
”كوممۋنيستەر كۇرەس بارىسىندا جاڭا جاعداي اشادى“ − ماۋ زىدۇڭ جولداس «كىتاپپازدىققا قارسى تۇرايىقتا» كوممۋنيستەردىڭ كۇرەسىن وسىلاي باياندادى.
نانچاڭ مۇناراسىنداعى مىلتىق ءۇنى تۇنگى اسپاندى نايزاعايشا جاردى، جيڭگاڭشان، حۋبەي - حىنان - انحۇي سياقتى توڭكەرىستىك بازالار قۇرىلىپ، ۇشقىننان جالىن قاۋلادى.
قانقۇيلى جاپون شاپقىنشىلارى الدىندا جۇڭگو كوممۋنيستەرى وتانشىلدىق تۋىن بيىك ۇستاپ، شاپقىنشىلارعا قارسى سوققى بەرۋدىڭ ەڭ الدىڭعى شەبىندە باتىلدىقپەن تۇرىپ، تۇتاس ۇلت بولىپ جاپون شاپقىنشىلارىنا قارسى تۇرۋ سوعىسىنىڭ قالىپتاسۋىن ىلگەرىلەتىپ، تاياۋ زاماننان بەرگى سىرتقى جاۋدىڭ شاپقىنشىلىعىنا قارسى تۇرۋدىڭ تۇڭعىش تولىق جەڭىسىنە قول جەتكىزدى.
ازاتتىق سوعىسىندا جۇڭگو كوممۋنيستەرى ”توزعان جاۋدى كەزىندە جويۋ كەرەك وكشەلەپ“ دەيتىن بەكىممەن 3 ۇلكەن شايقاسپەن جياڭ اۋلەتى ورداسىنىڭ ءاپ - ساتتە توز - توزىن شىعارىپ، ۇلتتىڭ تاۋەلسىزدىگى مەن حالىقتىڭ ازاتتىعىن تۇبەگەيلى جۇزەگە اسىردى.
چاۋشيان سوعىسى مايدانىندا ەرىكتىلەر ارمياسى ”از قارۋ، كوپ جىگەرمەن“ ”كوپ قارۋ، از جىگەردى“ ويسىراتا جەڭدى. ياڭ گىنسى قوپارعىش قاپشىقتى قۇشاقتاپ جاۋدى وزىمەن بىرگە الا كەتتى، چيۋ شاۋيۇن دەنەسىن جالاڭداعان جالىن كۇيدىرسە دە قوزعالمادى، حۋاڭ جيگۋاڭ كوكىرەگىمەن جاۋ پۋلەمەتىنىڭ اۋزىن توستى... قاھارماندىق رۋح جاۋدىڭ زارەسىن الىپ، جەر - الەمدى تەبىرەنتىپ، جاڭا جۇڭگونىڭ دامۋى ءۇشىن قىمباتتى بەيبىت ورتا جاراتتى.
بولاتتاي بەرىك مۇرات - سەنىمدى تىرەك ەتكەن، شىندىقتى ءىس جۇزىنەن ىزدەۋ سىندى عىلمي ادىسكە بويسۇنعان كوممۋنيستەر قان مەن وتتىڭ سىناعىندا، ءداۋىر تولقىنىمەن ارپالىستا كۇرەس جۇرگىزۋگە باتىل، ءورىس اشۋعا شەبەر ايقىن قاسيەتتى شىڭدادى.
”مۇناي بىرىككەن شايقاسىنان“ ”ەكى بومبى، ءبىر جاساندى سەرىككە“ دەيىن، بەسجىلدىق جوبانى جاساۋدان ”ءتورتتى وسىزامانداندىرۋ“ ايبىندى نىساناسىن ورتاعا قويۋعا دەيىن سوتسياليستىك قۇرىلىس مەزگىلىندە پارتيا حالىققا باسشىلىق ەتىپ قاجىماي - تالماي كۇرەس جۇرگىزىپ، جىگەرلەنە العا ىلگەرىلەپ، دەربەس، كەمەلدى ونەركاسىپ جۇيەسى مەن حالىق شارۋاشىلىعى جۇيەسىن بىرتىندەپ ورناتتى.
كوك اسپاننىڭ استىندا، قۇرىلىس سورەسىنىڭ ۇستىندە ءبىر قۇرىلىسشى قوس بىلەگىن بيىك كوتەرىپ، جوعارىعا قاراپ مۇنارا كراننىڭ جۇمىس ىستەۋىنە قولباسشىلىق ەتۋدە؛ ەكى جاعىندا سالىنىپ جاتقان بيىك عيماراتتار الشىنداپ بيىكتەپ، بۇلتقا باسىن تىرەپ، كۇننىڭ نۇرى ءۇمىت دالاسىنا توگىلۋدە...
1984 - جىلى شىنجىن حۇڭليڭ عيماراتىنىڭ جۇمىس باسىنان تۇسىرىلگەن «ورلەۋ» اتتى وسى سۋرەت سول ءبىر ”اسقاق الاۋلاعان جىلداردىڭ“ كلاسسيكالىق كورىنىسىنە اينالدى.
”«ورلەۋ» رەفورما جاساۋدىڭ، ەسىك اشۋدىڭ ەرەكشە رايونعا اكەلگەن بيىككە ورلەۋ ءۇمىتىنىڭ سيمۆولى، وعان بەلسەندىلىكپەن العا ۇمتىلعان كۇرەس رۋحى سىڭىرىلگەن“. سۋرەتتى تۇسىرگەن جوۋ شۇنبين ەرەكشە رايون العاش قۇرىلعان كەزدەگى قاجىرلى كۇرەس پەن وسىدان تۋىلعان جاڭا بيىكتەرگە كۋا بولدى.
رەفورما جاساۋ، ەسىك اشۋ مەشەۋ كوزقاراستىڭ قاپاسى مەن قاساڭ مەحانيزمنىڭ بۇعاۋىن بۇزىپ، اشىق بەينەمەن شار تاراپقا قۇشاق اشىپ، وندىرگىش كۇشتى بارىنشا ازات ەتتى.
قايسپاي سايىسىپ قامال الىپ، كۇرەسپەن دامۋدى كوزدەدى. قازىرگى جۇڭگو دۇنيە جۇزىندەگى 2 - ءىرى ەكونوميكالىق تۇلعاعا، دۇنيە ءجۇزى ەكونوميكالىق ارتۋىنىڭ ءبىرىنشى ”قوزعالتقىشىنا“ اينالدى.
100 جىل ءور اسۋدان اسىپ، 90 مىڭ شاقىرىمدىق اسپاندا سامۇرىق سامعاپ بارادى.
”پارتيامىز كۇرەسكە سۇيەنىپ بۇگىنگە جەتتى ءارى تابيعي تۇردە كۇرەسكە سۇيەنىپ بولاشاققا قول جەتكىزەدى“. باس شۋجي شي جينپيڭ وسىلاي دەپ باسا دارىپتەدى.
ۇلى كۇرەسكە سۇيەنىپ ساپارداعى جاپا - ماشاقات پەن كەدەرگىلەردى جەڭدى
تاريحتىڭ دوڭعالاعى ارىنداي العا تارتىپ بارادى، كۇرەس جۇرگىزۋ قادامى ەشقاشان دامىل تاپقان جوق.
”جۇڭگوشا سوتسياليزمدى دامىتۋ ۇزاق ۋاقىتتىق جاپالى تاريحي مىندەت، ءسوز جوق، كوپتەگەن جاڭا تاريحي ەرەكشەلىكتەرگە يە ۇلى كۇرەستەردى جۇرگىزۋگە دايىندالۋ كەرەك“؛
”جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ استە قۇر ايعاي - سۇرەنمەن وڭاي - وسپاق بىتە سالاتىن شارۋا ەمەس“، ”ءسوز جوق، كوپتەگەن جاڭا تاريحي ەرەكشەلىكتەرگە يە ۇلى كۇرەستەردى جۇرگىزۋ كەرەك“.
18 - قۇرىلتايدىڭ بايانداماسىنداعى ”ءسوز جوق، جۇرگىزۋگە دايىندالۋ كەرەكتەن“ 19 - قۇرىلتايدىڭ بايانداماسىنداعى ”ءسوز جوق، جۇرگىزۋ كەرەككە“ دەيىن كۇرەس جۇرگىزۋ بەكىمى باستان - اياق بىردەي بولدى.
جاڭا داۋىرگە وتكەندە شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭگو كوممۋنيستىك پارتياسى ۇزدىكسىز وزىنە توڭكەرىس جاساۋ ارقىلى قوعامدىق توڭكەرىستى ىلگەرىلەتىپ، تاريحي جەتىستىكتەرگە قول جەتكىزىپ، تاريحي وزگەرىستەردى تۋدىردى:
سۇيەكتى قىرىپ جاراقاتتى ەمدەيتىن بەكىممەن وزىنە توڭكەرىس جاساۋدى ۇزدىكسىز ىلگەرىلەتتى. پارتيا 18 - قۇرىلتايىنان بەرى ورتالىق 8 ءتۇرلى بەلگىلەمەنى شىعارۋدان باستاپ ىسكە كىرىسىپ، ستيل قۇرىلىسىن مىقتاپ يگەرىپ، ”جولبارىس“ پەن ”شىبىندى“ بىردەي سوعۋعا تاباندى بولىپ، پارتيا ستيلىن، ۇكىمەت ستيلىن، قوعامدىق سالتتى شىت جاڭا بەينەگە ەنگىزدى.
ادامزات تاريحىنداعى كولەمى بۇرىن بولىپ كورمەگەن، تەبىنى ەڭ زور كەدەيلىكتەن ارىلتۋدان قامال الۋ شايقاسى جالپى بەتتىك جەڭىسكە قول جەتكىزدى. 23 جاستاعى فان جىنزى، 30 جاستاعى حۋاڭ ۋىنشيۋ، 46 جاستاعى جياڭ شىكۇن، 56 جاستاعى حۋاڭ شىيان... 1800دەن استام پارتيا مۇشەسى، كادر كەدەيلىككە قارسى كۇرەستىڭ ءبىرىنشى شەبىندە قۇربان بولدى، 100 ميلليونعا تاياۋ ادام كەدەيلىكتەن ارىلىپ قالپاعى الىنىپ، جۇڭحۋا ۇلتى مۇلدەم كەدەيلىكپەن تۇبەگەيلى قوشتاستى.
جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋدىڭ ”ۇستەمە سىناۋىندا“ ءبىز بۇكىل الەمدە ىندەتتى الدىمەن تىزگىندەپ، ەكونوميكانى الدىمەن قالپىنا كەلتىردىك. قاتەرلى ساتتە بارلىق جەردەن قاھارماندار شىعىپ، 40 مىڭنان استام ەمدەۋ - كۇتىمدەۋ قىزمەتكەرلەرى قارسى اتتانىپ حۋبەيعا باردى، 4 ميلليوننان استام الەۋمەتتىك اۋماق قىزمەتكەرى كۇنى - ءتۇنى كەزەكشىلىك ىستەدى، ىندەتكە قارسى اتتانۋ ۇلى رۋحى ءبىزدى بارلىق جاپا - ماشاقات، قيىنشىلىق، حاۋىپ - قاتەر، كەدەرگى اتاۋلىنى جەڭىپ شىعۋعا جىگەرلەندىردى.
...
كەمە وزەننىڭ ورتاسىنا بارعاندا اعىن ءتىپتى كۇشەيەدى، ادام تاۋدىڭ ورتاسىنا بارعاندا جول ءتىپتى قيىندايدى.
100 جىلدا بولماعان زور وزگەرىس جاعدايىندا ءبىزدىڭ دامۋىمىزدىڭ سىرتقى ورتاسىندا تەرەڭ وزگەرىستەر تۋىلۋدا؛ ەل ءىشى ەكونوميكاسىنىڭ قالپىنا كەلۋ نەگىزى بەكەمدەۋدى كۇتۋدە، كەيبىر سالالاردا ”القىمداپ وتىرعان“ ماسەلەلەر كورنەكتىلەندى، دامۋدىڭ بىركەلكى، تولىق بولماۋى ماسەلەسى ءالى دە شەشۋدى كۇتۋدە...
”العا باسۋ جولىندا ءبىز ءدوپ كەلەتىن حاۋىپ - قاتەرلەر، سىناقتار تەك بارعان سايىن كۇردەلىلەسە تۇسەدى. ءتىپتى، ويعا دا كەلمەگەن اساۋ تولقىندارعا جولىعامىز. ءبىز ءدوپ كەلەتىن ءار ءتۇرلى كۇرەس قىسقا ۋاقىتتىق ەمەس، قايتا ۇزاق ۋاقىتقا جالعاسادى، بۇل كەم دەگەندە ءبىزدىڭ ەكىنشى 100 جىلدىق كۇرەس نىسانانى جۇزەگە اسىرۋىمىزدىڭ جالپى بارىسىمەن بايلانىسىپ جاتادى“، - دەپ باس شۋجي شي جينپيڭ قاداعالاي ەسكەرتتى.
ەلەۋلى سىن - سايىسقا توتەپ بەرىپ، ەلەۋلى حاۋىپ - قاتەرگە قارسى تۇرىپ، ەلەۋلى كەدەرگىلەردى جەڭىپ، ەلەۋلى قايشىلىقتاردى شەشىپ، جۇڭحۋا ۇلتىنىڭ ۇلى گۇلدەنۋ ءۇردىسىنىڭ كەشەۋىلدەمەۋىنە، ءتىپتى، ۇزىلمەۋىنە شىنايى كەپىلدىك ەتۋ جاڭا داۋىردەگى كۇرەستىڭ جاڭا تاريحي بورىشى.
بەينە ماركس ايتقانداي، ەگەر كۇرەس تەك قانا اسا ءساتتى تۇردە تابىسقا جەتەتىن ورايلى شارت - جاعدايدا باستالىپ جۇرگىزىلسە، وندا دۇنيە ءجۇزىنىڭ تاريحىن جاساۋ وتە وڭايعا تۇسەدى.
تاريح ەڭ جاقسى وقۋلىق، رەالدىق ەڭ جاقسى ايىقتىرعىش. تەك اۋقىمدى ءدال يگەرىپ، پارىقتى ايقىن تانىعاندا عانا، بورىشتى جەتە تۇسىنۋگە بولادى؛ تەك كۇرەس جۇرگىزۋ قاسيەتىن جالعاستىرىپ، تىنباي كۇرەس جۇرگىزگەندە عانا، ۇزدىكسىز قامال الىپ، قيىندىقتاردى جەڭۋگە بولادى.
الەمدىك كاسىپ تىزبەگى، قامداۋ تىزبەگى تەرەڭدەي رەتتەلدى، ءبىز ەل ءىشى ۇلكەن اينالىمىن نەگىزگى تۇلعا ەتكەن، ەل ءىشى، حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن جەدەل قالىپتاستىرۋىمىز كەرەك؛
جاسىل، تومەن كومىرتەكتى بولۋ دۇنيە ءجۇزىنىڭ اۋقىمىنا اينالدى، ءبىز ءوندىرىس، تۇرمىس تاسىلىندەگى جاسىل تيپكە بۇرىلىس جاساۋدى جەدەل ىلگەرىلەتىپ، ”2030 - جىلدان بۇرىن كومىر قىشقىلى گازىنىڭ شىعارىلۋىن ەڭ جوعارى ماننەن اسىرماۋ“ ۋادەسىن ىسكە اسىرۋىمىز كەرەك؛
...
ءبىز ءالى تالاي جاڭا ”قارلى تاۋدان“، ”سازدى دالادان“ وتەمىز، ءالى تالاي جاڭا ”لوۋشان اسۋلارى“، ”لازىكوۋلار“ باعىندىرۋىمىزدى قاجەت ەتۋدە.
جۇڭگوعا كوپ رەت ساپارلاي كەلگەن فينلانديا كوممۋنيستىك پارتياسىنىڭ ءتوراعاسى يۇحا - پەككا ۋايسانين جۇڭگو كوممۋنيستىك پارتياسى مەن جۇڭگو حالقىنىڭ بويىندا وزگەرىس الدىندا قيىندىققا قاسقايا قارسى جۇرەتىن ىنتا مەن قوزعاۋشى كۇش مول ەكەن دەپ تاڭداي قاقتى. وسىنداي ”بىلەك سىبانىپ قۇلشىنا ىستەيتىن“ قايسارلىق پەن كۇرەس رۋحى بولعاندىقتان، 100 جىل بولعان جۇڭگو كوممۋنيستىك پارتياسى ءالى دە شىت جاڭا رۋحاني بەت - بەينەگە يە بولىپ تۇر.
كۇرەس رۋحىن اسقاقتاتىپ، ءتىپتى دە زور كەرەمەتتەر جاراتتى
وسىزاماندانۋ جاڭا ساپارىنا قادام باسقاندا، ءبىز دۇنيە ءجۇزى دارەجەلى ءبىر سىناققا ءدوپ كەلدىك.
الەمدە وسىزاماندانۋدى جۇزەگە اسىرعان مەملەكەتتەر مەن رايونداردىڭ جان سانى جيىنى شامامەن ءبىر ميلليارد ادام. جۇڭگو سىندى ءبىر ميلليارد 400 ميلليون جان سانى بار ءىرى ەلدىڭ وسىزاماندانۋىنا دايىن تاجىريبە جوق، سىن - سايىس بۇرىن بولىپ كورمەگەن دارەجەدە.
2035 - جىلعا بارعاندا سوتسياليستىك وسىزامانداندىرۋدى نەگىزىنەن جۇزەگە اسىرىپ، وسى عاسىردىڭ ورتا شەنىنە بارعاندا باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى مەملەكەت قۇرۋ. ءبىز كەيبىر ەلدەر نەشە 100 جىل جۇرگەن بارىستى جەدەل ورىنداۋىمىز كەرەك، مىندەت اسا اۋىر.
كەلەلى مىندەت ارقالاعاندا، ءسوز جوق، كۇرەس رۋحىن شىڭداپ، شەبەرلىكتى كۇشەيتۋ كەرەك −
”قىزمەت دەگەن نە، قىزمەت دەگەن كۇرەس“. ماۋ زىدۇڭ جولداس كەزىندە بىلاي دەپ اتاپ كورسەتكەن بولاتىن: ”نەعۇرلىم قيىنشىلىعى بار جەرلەرگە سولعۇرلىم بارۋ كەرەك“، ”ءبىز قيىنشىلىقتاردى شەشۋ ءۇشىن بارىپ قىزمەت ىستەيمىز، كۇرەس جۇرگىزەمىز“.
بۇگىن جاڭا ءداۋىر تاقىرىبى الدىندا، بىزگە بۇل ءتىپتى دە قاجەت.
اسىلىندە جىجياڭ ولكەسى نيڭبو قالاسى بەيلۇن رايونى الەۋمەتتىك قۇرىلىس ورتالىعىندا قىزمەت ىستەيتىن تۇڭجي داشۋەسىنەن وقۋ تاۋىسقان تان گۋاڭباۋ، بىلتىر چايچياۋ ءمالىسى قالا قۇرىلىسى بولىمىنە اۋىس - كۇيىس جاساۋ بويىنشا قىزمەتكە تۇردى.
ءتۇيىندى جەرلەردى شاعىپ كوشىرۋ، كونە شاعىن اۋماقتاردى وزگەرتىپ سالۋ، قوقىر - قوقسىقتى تۇرگە ءبولۋدى جالپىلاستىرۋ... بۇل جاس كادر بۇقارانىڭ ءتول مۇددەسىنە ساياتىن زور مولشەردەگى كۇردەلى ىستەردى ءبىر جاقتى ەتۋى كەرەك.
”بوران مەن تولقىننىڭ سىنىنان“ كوبىرەك ءوتىپ، ”ماشاقاتتى ىستەردى تىندىرۋدى“ كوبىرەك ارقالاپ، ”مايسا تۇپتەۋ“ ۇلگىسىندەگى شىنىعۋ ءبىرىنشى شەپتەگى تاجىريبەسى كەمشىل كادرلاردىڭ تاجىريبە جيناۋىنا، قابىلەت جيناۋىنا، كوڭىل كۇي قورلاندىرۋىنا، قوعامداعى باستى قايشىلىقتىڭ وزگەرۋىنەن كەيىنگى ءىس جۇزىندىك قىزمەتتىڭ قاجەتىنە اناعۇرلىم جاقسى ۇيلەسۋىنە مۇمكىندىك جاسايدى.
”قالىڭ كادرلار، اسىرەسە، جاس كادرلار قاتاڭ يدەيالىق شىڭدالۋدان، ساياسي توسەلۋدەن، امالياتتىق شىنىعۋدان ءوتىپ، كۇرەس رۋحىن ساۋلەلەندىرىپ، كۇرەس قابىلەتىن كۇشەيتىپ، ’قوس 100 جىلدىق‘ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قايسارلىقپەن كۇرەس جۇرگىزۋ كەرەك“. باس شۋجي شي جينپيڭ وسىلاي دەپ باسا دارىپتەدى.
مۇرات - سەنىم كالتسيىن كۇشەيتىپ، دامۋ سەنىمىن بەكەمدەدى −
جان سانى مول جانە اسا ۇلكەن بازار كولەمىنە يە سوتسياليستىك مەملەكەت رەتىندە، وسىزاماندانۋدى بەتكە العان تاريحي ۇردىستە، تابيعي تۇردە باسقا مەملەكەتتەر ۇشىراپ كورمەگەن ءتۇرلى قىسىمدار مەن قاتاڭ سىن - سايىستارعا ءتوزۋ كەرەك.
قازىر بۇكىل پارتيا، بۇكىل قوعام پارتيا تاريحىن ۇيرەنۋ تاربيەسىن ىشكەرىلەي ورىستەتىپ، نانىمدى، ۇستانىمدى، سەنىمدى كۇشەيتۋدە. بۇل ءبىزدىڭ بارلىق قيىنشىلىقتى جەڭۋىمىزدەگى، ۇلى جەڭىستى قولعا كەلتىرۋىمىزدەگى مۇرات - سەنىم كالتسيى.
كەيبىر مەملەكەتتەر سىڭار جاقتىلىقتى، زورەكەرلىكتى، شاعىن شەڭبەردى بارىنشا جۇرگىزدى، ءبىز زورەكەرلىككە، وزبىرلىققا، تىزە باتىرۋعا باتىل قارسى تۇرىپ، مەملەكەتتىڭ يەلىك ۇقىعى مەن ساياسي حاۋىپسىزدىگىن باتىل قورعاپ، ادامزاتتىڭ تاعدىرلاس ورتاق تۇلعاسىن قول ۇستاسا قۇرامىز.
اۋىر مىندەتتى ءبىلىپ، اۋىر مىندەت ارقالاپ، ءتۇيىندى تۇردە ناتيجە شىعارىپ، جالپى بەتتىك قامال الدى −
”ءىرى ەلدەن“ ”قۇدىرەتتى ەلگە“ قادام تاستاۋدى، اعىندى قۋالاۋدان اعىنعا جەتەكشىلىك ەتۋدى جۇزەگە اسىرۋ ءۇشىن، ءبىز، ءسوز جوق، جاڭالىق اشۋ سىندى قايناردى مىقتاپ ۇستاپ، عىلىم - تەحنيكادا ءوز كۇشىنە سۇيەنىپ، ءوزىن الۋەتتەندىرۋدىڭ ”شاڭگانليڭ شايقاسىن“ باستاۋىمىز كەرەك؛
حالىقتىڭ تاماشا تۇرمىسقا دەگەن تالپىنىسىن اناعۇرلىم جاقسى قاناعاتتاندىرۋ ءۇشىن، ءبىز ءالى دە اناعۇرلىم زور كۇشپەن اۋىل - قىستاقتى گۇلدەندىرۋ ستراتەگياسىن اتقارۋىمىز، بىرگە بايۋدى كۇش سالا ىلگەرىلەتۋىمىز كەرەك؛
مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ ءۇشىن، ءبىز ءالى دە اناعۇرلىم زور ەرلىكپەن جانە بەكىممەن، رەفورمانى جاپپاي ىشكەرىلەي تەرەڭدەتۋىمىز، ەسىك اشۋدى ۇزدىكسىز كەڭەيتۋىمىز كەرەك؛
...
100 جىل كەمەلىنە ءدال كەلگەن شاق، كەلەشەك تىنباي كۇرەس جۇرگىزۋدى ءتىپتى دە قاجەت ەتەدى.
ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ساپارىنا قادام تاستاعاندا، ءبىز باتىلدىقپەن كۇرەس جۇرگىزەتىن ايقىن قاسيەتتى جالعاستىرىپ، قامال الىپ، قيىندىقتاردى جەڭىپ، وتكەلدەردەن ءوتىپ، اسۋلاردان اسىپ، تىڭ دا اناعۇرلىم زور كەرەمەتتەردى ۇزدىكسىز جاراتۋىمىز كەرەك!
(تىلشىلەر ليۋ جىڭ، حى زۇڭيۇي، تان موشياۋ، ياۋ جۇنفاڭ، جاڭ چيانچيان، حى ۋي)
(شينحۋا اگەنتتىگىنىڭ 6 - ايدىڭ 26 - كۇنى بەيجيڭنەن بەرگەن حابارى)
