حۋاڭ ۋىنشيۋ:
كەدەيلەردى سۇيەمەلدەۋ جولىندا جاڭا ءداۋىردىڭ جاستىق جىرىن جازدى
□ شينحۋا اگەنتتىگىنىڭ ءتىلشىسى شۇي حايتاۋ
حۋاڭ ۋىنشيۋدىڭ كوزى ءتىرى كەزىندەگى قىزمەتتەگى سۋرەتى (ماتەريال سۋرەت) . □ سۋرەتتى شينحۋا اگەنتتىگى تاراتقان
جاز ورتاسى بايني قىستاعى، سايلارداعى جۇيزى اعاشتارىندا كوك جەمىس سامالاداي سامسىپ، كۇننىڭ شۇلەن شۇعىلاسىندا جاڭا ءبىر ماۋسىمدىق مول ءونىمدى بايقاتۋدا. تاس جولعا جاقىن جاتقان بايبۋ قونىسىندا جاڭادان سالىنعان قىستاق قىزمەت عيماراتى پايدالانۋعا بەرىلگەن، عيماراتتىڭ ءبىر جاعى حۋاڭ ۋىنشيۋدىڭ وزات ىزگى ىستەرى كورمە سارايى بولسا، ەندى ءبىر جاعىنا بالاباقشا سالىنۋدا.
قىستاقتان بالاباقشا اشۋ − جۋاڭزۋ بويجەتكەن حۋاڭ ۋىنشيۋدىڭ ورىندالماعان ارماندارىنىڭ ءبىرى ەدى. حۋاڭ ۋىنشيۋ كوزى تىرىسىندە گۋاڭشي جۋاڭزۋ اۆتونوميالى رايونى بايسى قالالىق پارتكوم ۇگىت ءبولىمى نازاريا ءبولىمىنىڭ ورىنباسار باستىعى، بايسى قالاسى لىيە اۋدانى شينحۋا قالاشىعىنىڭ بايني قىستاعىندا تۇرعان ءبىرىنشى شۋجي بولعان. 2019 - جىلى 6 - ايدىڭ 17 - كۇنى تاڭ سارىدە ول بايسىدان لىيەگە قايتقان جولىندا سەل - تاسقىنعا ۇشىراپ باقىتقا قارسى قازا بولىپ، نە بارى 30 جاستىق قىمباتتى ءومىرىن ارنادى.
بايني قىستاعى گۇيشيدىڭ داشىشان تاۋلى وڭىرىندە 11 جاراتىلىستىق قونىس بىتىراي ورنالاسقان، مۇنىڭ ىشىندە بىرنەشە قونىس تۇگەلدەي قىستاقتان 10 كيلومەتردەن استام قاشىقتىقتا، بۇل شەت - شالعاي تاۋلى قىستاق كەزىندە اۋىر كەدەي ءوڭىر بولاتىن. 2018 - جىلى 3 - ايدا حۋاڭ ۋىنشيۋ ۇيىمنىڭ ۇندەۋىنە ءۇن قوسىپ وسى اراعا كەلىپ قىستاقتا تۇرعان ءبىرىنشى شۋجي مىندەتىن ارقالاعان كەزدە تۇتاس قىستاقتاعى 472 وتباسىنىڭ ىشىندە 103 وتباسى ءالى كەدەيلىكتەن ارىلا قويماعان، 5 قونىستا ”سىرتقا شىعۋ قيىن بولۋ“ ماسەلەسى كورنەكتى بولاتىن.
”كەدەيلەردى سۇيەمەلدەۋ جولىندا تەك قانا العا ىلگەرىلەۋ كەرەك، ارتقا شەگىنۋگە بولمايدى، تۇراقتانادى ەكەن، يگى ءىس جولىندا ەشتەڭەدەن تايىنباۋ كەرەك“. قىستاقتا تۇرعاننان باستاپ، حۋاڭ ۋىنشيۋ ”جاپپاي جەڭىسكە جەتپەيىنشە، استە بەل شەشپەيمىن“ دەپ انت ەتەدى. كەدەي وتباسىلارىنىڭ كەدەيلەسۋ سەبەبى مەن قازىرگى جاعدايىن جالپى بەتتىك يەلەۋ ءۇشىن، ول كۇندىز وتباسىلارىن ارالاپ جاعداي ۇعىسسا، كەشتە ”قىستاق ەكى كوميتەتىمەن“ كەدەيلىكتەن ارىلتۋ شارالارىن اقىلداسىپ، قىزمەت جوباسىن جاساپ بار كۇشپەن ىلگەرىلەتتى.
”ۋىنشيۋ شۋجي ەرەكشە ىستىق ىقىلاستى ادام بولاتىن، بىزبەن ۇنەمى اڭگىمەلەسەتىن، بىرگە ەگىس جۇمىسىن ىستەيتىن“. وتباسىلاردا قارتتاردىڭ دەنساۋلىعى جاقسى بولماسا، ول ىرىقتىلىقپەن قارتتاردى اۋرۋىن كورسەتۋگە الىپ باراتىن، ”ول قۇددى جان اشىرىمىز سياقتى، قيىنشىلىققا جولىقساق قاشاندا قيىنشىلىعىمىزدى شەشۋگە بار امالىن سالىپ كومەكتەسەتىن“... حۋاڭ ۋىنشيۋدىڭ قىستاقتا قاربالاستاپ جۇرگەن بەينەسى قىستاق تۇرعىندارىنىڭ كوكەيىنە تەرەڭ ۇيالاپ قالدى. قىستاقتا تۇرعان 2 ايدا حۋاڭ ۋىنشيۋ قىستاقتاعى بارلىق كەدەي وتباسىلارىن تۇگەل ارالادى ءارى كەدەيلەردى سۇيەمەلدەۋ ەستەلىك داپتەرىنە ”حالىق جاعدايى كارتاسىن“ سىزىپ، كەدەي وتباسىلارىنىڭ ادرەسى سياقتى ينفورماتسيالاردى ايقىن بەلگىلەپ كورسەتىپ قويدى.
ۋىنشيۋ شۋجي قىزمەتتى ەرەكشە مۇقياتتىلىقپەن، ارىنداعان تەبىنمەن ىستەيتىن، ول قىستاقتىڭ كەدەيلەردى سۇيەمەلدەۋ قىزمەت توبىنا − بايني قىستاعى اۋىل - قىستاقتى گۇلدەندىرۋدىڭ جەر بەتىندەگى ەڭ قۇدىرەتتى شايقاس اترەتى دەگەن تاماشا ات قويىپ بەردى. بايني قىستاعى پارتيا ياچەيكاسىنىڭ شۋجيى جوۋ چاڭجان 2018 - جىلى 8 - ايدىڭ ءبىر كۇنىندە حۋاڭ ۋىنشيۋدىڭ اترەت باستاپ قونىستارعا بارىپ، وتباسىلاردى ارالاپ، سول كۇنى كەشكە دەيىن قاربالاستاعاندىعىن ەسكە الدى. ”قايتار جولدا نوسەر جاۋىپ، جول ويىلىپ كەتتى، ۋىنشيۋ شۋجي بىزبەن بىرگە ورمانعا تاسالانىپ، لايساڭ بەتكەيلەرگە جارماسىپ، سەل كەشىپ، ەرتەسى تاڭعا جاقىن قىستاققا ارەڭ جەتتىك“.
يرەلەڭدەگەن تاۋ جولدارىندا قىزمەت اياق الىسىن استە توقتاتپادى. قىستاقتا تۇرعان كەزىندە قىزمەت ونىمدىلىگىن جوعارىلاتۋ ءۇشىن، حۋاڭ ۋىنشيۋ ءوزىنىڭ اۋىل - قالاشىقتا مىندەتكە ءىلىپ ىستەۋ كەزىندە نەسيەمەن العان جەكە اۆتوكولىگىن قىستاققا اكەلىپ قىزمەتكە پايدالاندى. 2019 - جىلى 3 - ايدىڭ 26 - كۇنى حۋاڭ ۋىنشيۋدىڭ قىستاقتا تۇرعانىنا ءبىر جىل تولعان كەزدە اۆتوكولىگىنىڭ باسقان جولى شامامەن 25 مىڭ كيلومەترگە جەتتى، سول كۇنى ول ۋيچات دوستار شەڭبەرىنە: ”مەنىڭ جۇرەگىمدەگى ۇزاق جورىق“ دەپ جازدى.
قىستاقتا تۇرعان ءبىر جىلدان استام ۋاقىتتا حۋاڭ ۋىنشيۋ بايني قىستاعىنداعى 88 وتباسىنداعى 418 كەدەيدى كەدەيلىكتەن ارىلۋعا باستادى، بۇكىل قىستاقتاعى كەدەيلىكتىڭ تۋىلۋ مولشەرىن ％20تەن استام تومەندەتتى ءارى قونىستارعا باراتىن جول، سۋ ساقتاۋ كولشىگى، جول شىراعى سياقتى نەگىزدىك قۇرىلعىلاردى كەمەلدەندىرۋدى ىلگەرىلەتتى. وسىدان بۇرىن حۋاڭ ۋىنشيۋدىڭ دە وزدەرى سياقتى كەدەي وتباسىنان شىققاندىعىن قىستاقتا كوپ ادام بىلە بەرمەيتىن. ول مەملەكەتتىڭ وقۋشىلارعا كومەكتەسۋ ساياساتىنا سۇيەنىپ وقۋىن بىتىرگەن، اسپيرانتتىقتى تاۋىسقاننان كەيىن توتە اتا مەكەنى بايسىعا قايتىپ كەلدى. بايني قىستاعىندا بالالاردىڭ ءبىلىم الۋ ماسەلەسى دە حۋاڭ ۋىنشيۋ ەڭ باس قاتىرعان ءىس بولدى.
بايني قىستاعىنىڭ تۇرعىنى حۋاڭ شىجيڭنىڭ وتباسى 2 بالاسىنىڭ داشۋەدە وقۋى سەبەبىنەن كەدەيلەسكەن ەدى، حۋاڭ ۋىنشيۋ ونىڭ بالالارىنىڭ ”مەيىر جوسپارىنا“ ءوتىنىش بەرۋىنە كومەكتەستى. حۋاڭ شىجيڭ حۋاڭ ۋىنشيۋدەن ءوزىنىڭ تاۋلى قىستاققا كەلىپ قىزمەت ىستەۋدەگى سەبەبىن سۇراعاندا، حۋاڭ ۋىنشيۋ: ”بايسى كەدەيلىكتەن ارىلتۋدىڭ نەگىزگى شايقاس مايدانى، مەن نەگە كەلمەيىن پارتيامىز شىن نيەتپەن بۇقارا ءۇشىن دامۋدى كوزدەگەن، باقىتىن كوزدەگەن پارتيا، مەن كوممۋنيستىك پارتيا مۇشەسىمىن، بۇل مەنىڭ بورىشىم“، - دەپ جاۋاپ بەرەدى.
”بيىل ۇلىم وقۋ تاۋىستى، ۋىنشيۋ شۋجيدىڭ كومەگىنىڭ ارقاسىندا ءبىزدىڭ وتباسىمىزدىڭ جاعدايى جاقساردى، ءبىراق ول بۇل ءساتتى كورە الماي كەتتى“. حۋاڭ ۋىنشيۋدى ەسكە العاندا حۋاڭ شىجيڭ قاتتى مۇڭايدى. 2019 - جىلى 6 - ايدىڭ 16 - كۇنى حۋاڭ ۋىنشيۋ اپتا سوڭىندا تيانياڭداعى اۋىلىنا قايتىپ سالماقتى ناۋقاسقا شالدىعىپ جاقىندا عانا وپەراتسيا جاساتقان اكەسىمەن امانداسقاننان كەيىن، قىستاقتاعى قىزمەتىن ويلاعان ول تۇندەلەتىپ اۆتوكولىگىمەن بايني قىستاعىنا قايتقان جولىندا سەل تاسقىنعا ۇشىراپ باقىتقا قارسى قازا بولدى، ونىڭ ءومىرى وسىلايشا كەدەيلەردى سۇيەمەلدەۋ جولىندا ماڭگىلىككە توقتادى.
”ءار كۇنى دەرلىكتەي جاپالى، ءبىراق تا مەن كوڭىلدىمىن“.
”جەرگىلىكتى ديالەكتتە سويلەۋىمدە ىلگەرىلەۋشىلىك بولدى، كەدەي شارۋالارمەن گۇيليۋ ديالەكتىندە اڭگىمەلەسە الاتىن بولدىم“.
”كەدەي وتباسىلارىنىڭ تۇرارجايى مەن اۋىز سۋ ماسەلەسى تۇگەلدەي ولشەمگە تولدى، مەن بۇعان قاتتى قۋاندىم“.
...
حۋاڭ ۋىنشيۋدىڭ كەدەيلەردى سۇيەمەلدەۋ ەستەلىگىنە جازىلعان وسىنداي ىستەردى تالاي ادامدار كوزىنە ىستىق جاس الا ەسكە الاتىن بولدى. حۋاڭ ۋىنشيۋ قۇربان بولعاننان كەيىن، وعان ”مەملەكەتتىك تاڭداۋلى كوممۋنيستىك پارتيا مۇشەسى“، ”ەڭ ارداقتى كۇرەسكەر“، ”ءداۋىر ونەگەسى“، ”كەدەيلىكتەن ارىلتۋدان قامال الۋدىڭ مەملەكەتتىك ۇلگىسى“، ”مەملەكەتتىك 7 - كەزەكتى كاسىپتى ءسۇيىپ، ءوزىن ارناعان ءمورال ۇلگىسى“، ”مەملەكەتتىڭ 8 - ناۋرىز قىزىلتۋشىسى“، ”مەملەكەتتىك 1 - مامىر ەڭبەك مەدالىنىڭ يەگەرى“، ”جۇڭگو جاستار 4 - مامىر مەدالىنىڭ يەگەرى“ سياقتى اتاقتاردى تولىقتاپ بەردى. بيىل 2 - ايدىڭ 25 - كۇنى كەدەيلىكتەن ارىلتۋدان قامال الۋ بويىنشا مەملەكەتتىك قورىتىندىلاۋ، ماداقتاۋ - سيلاۋ جينالىسىندا حۋاڭ ۋىنشيۋگە ”كەدەيلىكتەن ارىلتۋدان قامال الۋدىڭ مەملەكەتتىك ونەگەسى“ داڭق اتاعى تولىقتاپ بەرىلىپ، حۋاڭ ۋىنشيۋدىڭ اكەسى حۋاڭ جۇڭجيەگە قىزىنا ۋاكىل رەتىندە، ۇلكەن قىزىل گۇل تاعىلعاندا بۇكىل زالداعىلاردىڭ كوزىنە جاس تولدى.
”قىزىم اۋىلعا قايتىپ كەلگەننەن كەيىن بار پەيىلىن قىزمەتكە سالدى، پارتيا ونى ماپەلەپ ەرجەتكىزدى، ول پارتيا ىستەرى ءۇشىن ۇلەس قوستى، مەن ونى ماقتانىش ەتەمىن!“، - دەدى حۋاڭ جۇڭجيە.
(شينحۋا اگەنتتىگىنىڭ 6 - ايدىڭ 17 - كۇنى ناننيڭنەن بەرگەن حابارى)
