تيانشان تورى   ›   جاڭالىقتار   ›   ەل ءىشى حابارى

«100 جىلدىق شۇعىلالى بارىس، اۋەلگى ماقساتتى شىڭداپ، گۇلدەنۋگە ۇمتىلۋ −جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى بايلانىسىمەن»

  حالىق گازەتى رىن جۇڭپيڭنىڭ ماقالاسىن جاريالادى

  «100 جىلدىق شۇعىلالى بارىس، اۋەلگى ماقساتتى شىڭداپ، گۇلدەنۋگە ۇمتىلۋ −جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى بايلانىسىمەن»

  شينحۋا اگەنتتىگىنىڭ 6 - ايدىڭ 27 - كۇنى بەيجيڭنەن بەرگەن حابارى. 6 - ايدىڭ 28 - كۇنى حالىق گازەتى رىن جۇڭپيڭنىڭ ماقالاسىن جاريالادى، تاقىرىبى «100 جىلدىق شۇعىلالى بارىس، اۋەلگى ماقساتتى شىڭداپ، گۇلدەنۋگە ۇمتىلۋ − جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى بايلانىسىمەن».

  ماقالادا بىلاي دەلىندى: ۇلان - بايتاق جۇڭگو دالاسىندا ءاربىر قىزىل كوورديناتا جۇڭگو كوممۋنيستىك پارتياسىنىڭ ايبىندى عاسىرلىق ساپارىنىڭ كۋاسى −

  شاڭحايدىڭ شيڭيە جولى، جىجياڭنىڭ جياشيڭىندەگى نانحۋ كولى، وسى ارالىقتا ۇشقىننان جالىن قاۋلاپ، بارلىق جەردەن كۇركىرەگەن ناجاعاي داۋىسى ەستىلدى. ”پارتيامىزدىڭ تۇتاس تاريحى جۇڭگو كوممۋنيستىك پارتياسىنىڭ 1 - قۇرىلتايىنان باستالعان، ءبىز قانشا الىستارعا بارساق تا، كەلگەن جولىمىزدى ۇمىتپاۋىمىز كەرەك“.

  حىبەي پيڭشانىنىڭ شيبايپوسىندا، بەيجيڭنىڭ شياڭشانىندا شەرۋ تارتۋدىڭ دابىلى قاعىلىپ، جاڭا جۇڭگوعا نەگىز قالاندى. ”تاريح جۇڭگو كوممۋنيستىك پارتياسى مەن جۇڭگو حالقىنىڭ كونە دۇنيەنى تالقانداۋعا شەبەر بولىپ قانا قالماستان، جاڭا دۇنيە ورناتۋعا دا شەبەر ەكەندىگىن تولىق دالەلدەدى“.

  گۋاڭدۇڭنىڭ شىنجىنى، تاۋ قوپارعان زور داۋىس قۇلاقتان كەتپەيدى، تۇرەنشى وگىز قايراتتانا العا ىلگەرىلەيدى. ”رەفورما جاساۋ، ەسىك اشۋ − پارتيامىزدىڭ تاريحىنداعى ءبىر رەتكى ۇلى ويانۋ، ءدال وسى ۇلى ويانۋ جاڭا داۋىردەگى نازاريادان امالياتقا دەيىنگى ۇلى جاسامپازدىقتى تۋىنداتتى“.

  100 جىلدىق داۋىلدى تولقىندارعا كوز جىبەرىپ، باس شۋجي شي جينپيڭ مىنانى تەرەڭدەي اتاپ كورسەتتى: ”100 جىل ۇزدىكسىز كۇرەس جۇرگىزۋ بارىسىندا پارتيا حالىقتى ىنتىماقتاستىرىپ جانە باستاپ ۇلى جول اشتى، ۇلى ەڭبەك ءسىڭىردى، ۇلى رۋح سومدادى، قۇندى تاجىريبەلەر توپتادى، جۇڭحۋا ۇلتىنىڭ دامۋ تاريحىندا، ادامزات قوعامىنىڭ العا باسۋ تاريحىندا ادامدى تاڭ قالدىراتىن كەرەمەتتەر جاراتتى“.

  ماقالادا مىنالار اتاپ كورسەتىلدى: تاريح ءار ۇرپاق ادامداردىڭ ۇزدىكسىز كۇرەس جاساۋى بارىسىندا العا ىلگەرىلەيدى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى تاريحتىڭ ۇتىلامالى تاياقشاسىن قولعا الىپ، 100 ميلليونداعان حالىقتى باستاپ، بىلەك تۇرە قۇلشىنا ىستەدى، تەر توگىپ قايراتتانا قۇلشىندى. ەكونوميكا دامۋىنىڭ جاڭا قالىبىنا ۇيلەسۋدەن، يگەرۋدەن، جەتەكتەۋدەن جوعارى ساپالى دامۋدى ىلگەرىلەتۋگە دەيىن، جاڭا دامۋ ۇستانىمىن العا قويۋدان جاڭا دامۋ ارناسىن قالىپتاستىرۋعا دەيىن ەكونوميكالىق دامۋدىڭ قارقىنى تەز، قادامى ورنىقتى بولدى؛ ”8 ءتۇرلى بەلگىلەمە“ ارقىلى ستيل دۇرىستاۋدان ”جولبارىس سوعىپ“، ”شىبىن قاعىپ“ شىرىكتەسۋگە قارسى تۇرۋعا دەيىن پارتيانى جاپپاي قاتاڭ جونگە سالۋدىڭ نەگىزى بەكەمدەلىپ، تاعانى كۇشەيتىلدى؛ كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋدەن لاستانۋدان ساقتانۋ جانە ونى جونگە سالۋدان قامال الۋ شايقاسىن ويداعىداي جۇرگىزۋگە دەيىن حالىق تۇرمىسىنىڭ ىرىس - قۇتى ۇزدىكسىز جاقساردى؛ ”ءبىر بەلدەۋ، ءبىر جولدى“ بىرگە قۇرۋدان ادامزاتتىڭ تاعدىرلاس ورتاق تۇلعاسىن قۇرۋعا دەيىن دۇنيە ءجۇزى ساحناسىنىڭ ورتالىعىنا كۇن سايىن جاقىندادى؛ ىندەتپەن شايقاسۋدان، تاسقىنمەن كۇرەسۋدەن داعدارىستى جويۋعا، وزگەرىسكە توتەپ بەرۋگە دەيىن حاۋىپ - قاتەر، سىن - سايىستارعا ۇستامدىلىقپەن توتەپ بەردى ... پارتيا مەن مەملەكەت ىستەرىندە تاريحي تابىستارعا قول جەتكىزىپ، تاريحي وزگەرىس تۋدىرىپ، جۇڭگوشا سوتسياليزمنىڭ جاڭا داۋىرگە ءوتۋىن ىلگەرىلەتتى. ”بوران - شاشىندا بوگەلمەي العا ىلگەرىلەدى“، جۇڭحۋا ۇلتىنىڭ ۇلى گۇلدەنۋى نىساناسىنا تاريحتاعى ءارقانداي كەزدەگىدەن دە جاقىنداي تۇستىك، بۇل نىسانانى جۇزەگە اسىرۋعا تاريحتاعى ءارقانداي كەزدەگىدەن دە سەنىمىمىز كامىل جانە قابىلەتىمىز قاپتال جەتەدى!

  ماقالادا بىلاي دەلىندى: ”ۇشقىننان جالىن قاۋلادى، سانسىز بۇلاق قوسىلا كەلە شالقار تەڭىزگە اينالدى“. جۇڭگو كوممۋنيستىك پارتياسى دۇنيەگە كەلگەننەن باستاپ، جۇڭگو توڭكەرىسى شىت جاڭا بەينەگە ەندى. جۇڭگو كوممۋنيستىك پارتياسىن قۇرۋ، جۇڭحۋا حالىق رەسپۋبليكاسىن قۇرۋ، رەفورما جاساۋدى، ەسىك اشۋدى جانە جۇڭگوشا سوتسياليزم ىستەرىن ىلگەرىلەتۋ − تاياۋ زاماننان بەرى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋداعى 3 ۇلكەن بەلەسكە اينالدى. تاۋى ايبىندى، وزەنى ايدىندى كورىكتى وتانىمىزدىڭ داڭقتى جىلدارىندا جۇڭگو كوممۋنيستىك پارتياسى حالىقتى بەرىك سۇيەنىش ەتىپ، تار جول، تايعاق كەشۋدەن ءوتىپ، جەڭىستەن − جەڭىسكە جەتىپ، حالىق ءۇشىن، ۇلت ءۇشىن، دۇنيە ءجۇزى ءۇشىن تاريح بەتىنەن وشپەيتىن ۇلى ۇلەستەر قوستى.

  ماقالادا مىنالار اتاپ كورسەتىلدى: جۇلدىزدار ساپارعا اتتانعاندارعا نۇرىن توگە بەرەدى، تاريح كۇرەسكەرلەرگە ءتان. 100 جىلدان بەرى توڭكەرىستىڭ، قۇرىلىستىڭ، رەفورمانىڭ تاريحي تولقىنىندا جۇڭگو كوممۋنيستەرى كۇرەس قادامدارىن ەشقاشان توقتاتقان ەمەس. پارتيانى قۇرىپ تىڭعا تۇرەن سالۋدان جاڭا جۇڭگو قۇرىلعان تۇبەگەيلى وزگەرىس تۋدىرۋعا دەيىن، رەفورما جاساعان، ەسىك اشقان جويقىن وزگەرىس اكەلۋگە دەيىن، تاعى دا جاڭا داۋىردە تاريحي تابىسقا قول جەتكىزۋگە، تاريحي وزگەرىس تۋدىرۋعا دەيىن جۇڭگو كوممۋنيستىك پارتياسىنىڭ پارمەندى باسشىلىعىندا، جۇڭحۋا وركەنيەتى وسىزاماندانۋ ۇردىسىندە شىت جاڭا تاسقىنداعان ومىرشەڭدىگىن قاۋلاتتى، عىلمي سوتسياليزم 21 - عاسىردا شىت جاڭا تاسقىنداعان ومىرشەڭدىگىن قاۋلاتتى، جۇڭحۋا ۇلتى شىت جاڭا تاسقىنداعان ومىرشەڭدىگىن قاۋلاتتى.

  ماقالادا مىنالار اتاپ كورسەتىلدى: جول ەرەكشە وبرازدى وي، ءارى بەتالىستى اڭعارتادى، ءارى ءادىستى اڭعارتادى. 100 جىلدان بەرى جۇڭگو كوممۋنيستىك پارتياسى 100 ميلليونداعان حالىقتى باستاپ، جول جوق جەردەن ءبىر - ءبىر قادامداپ ءوزىنىڭ جولىن اشتى. وسى جولدا جۇڭگو كوممۋنيستىك پارتياسى جۇڭگونىڭ بايتاق دالاسىن تياناق ەتىپ، سوتسياليزم تۋىن بيىك ۇستاپ، ۇلتتىڭ گۇلدەنۋىنە قاراي ىلگەرىلەپ، جاڭا قوعامدىق اماليات، جاڭا ساياسي ءتۇزىم، جاڭا دامۋ ءتاسىلى ارقىلى 100 جىلدىق تاريحقا وشپەس كەرەمەتتەر جازدى.

  ماقالادا مىنالار اتاپ كورسەتىلدى: ايداي تولىپ، كۇندەي كوتەرىلدى. 100 جىلدان بەرى جۇڭگو كوممۋنيستىك پارتياسى نەلىكتەن باستان - اياق ماگنيت ىسپەتتى ادامداردى باۋراي الدى، ۇيىستىرا الدى، باستان - اياق جۇڭگو جۇمىسشى تابىنىڭ اۆانگارد قوسىنى بولا الدى، جۇڭگو حالقى مەن جۇڭحۋا ۇلتىنىڭ اۆانگارد قوسىنى بولا الدى؟ جۇڭگو كوممۋنيستىك پارتياسى نەلىكتەن باستان - اياق العاباسارلىعىن، كىرشىكسىزدىگىن ساقتاپ، ەڭ ۇلكەن سوتسياليستىك مەملەكەتتە 70 نەشە جىل بيلىك جۇرگىزگەن، 91 ميلليوننان استام پارتيا مۇشەسى بار، دۇنيە جۇزىندەگى ەڭ ۇلكەن ماركسيزمدىك بيلىك باسىنداعى پارتياعا اينالا الدى؟ 100 جىلعا قايىرىلا قاراساق، جاۋابى الدەقاشان ءبىزدىڭ نازاريامىز بەن سەنىمىمىزگە، اۋەلگى ماقساتىمىز بەن بورىشىمىزعا جازىلعان.

  ”داريادان وتۋدەگى ءبىرىنشى دارەجەلى ارداگەر“ ما ماۋجيە، ەرىكتىلەر ارمياسىنىڭ ”1 - دارەجەلى سوعىس قاھارمانى“ چاي يۇنجىن، ”رەفورما اتويشىسى“ ۋاڭ شۋماۋ، ”كەدەيلىكتەن ارىلتۋدان قامال الۋدىڭ مەملەكەتتىك ۇلگىسى“ جاڭ گۇيمەي، ”وتان قورعاپ، شەكارا كۇزەتكەن قاھارمان“ چىن حۇڭجۇن ... پارتيا قۇرىلعاندىعىنىڭ 100 جىلدىعى قارساڭىندا پارتيا ورتالىق كوميتەتى تۇڭعىش رەت ”1 - شىلدە وردەنىن“ بەرىپ، وسى جارقىن ەسىمدەر جۇڭگو كوممۋنيستەرىنىڭ رۋحاني كوكجيەگىن ورنەكتەدى.

  باس شۋجي شي جينپيڭ بىلاي دەپ باسا دارىپتەدى: ”توڭكەرىستىك جىگەر مەن جان قيارلىق كورسەتكەن قۋاتتى رۋحقا سۇيەنگەندىكتەن عانا، پارتيامىز 100 جىلدى وتكەرىپ، كەمەل شاعىنا كەلدى، ميحىناتتى كوپ شەكسە دە، ۇزدىكسىز تولىسا ءتۇستى“. دۇنيە جۇزىندە ءبىزدىڭ پارتيامىز سياقتى وسىنشاما كوپ ماشاقاتقا، قيىندىقتارعا جولىققان، وسىنشاما كوپ ءومىر، ءولىم سىناعىن باستان كەشىرگەن، وسىنشاما كوپ ايانىشتى قۇرباندىق بەرگەن ەشقانداي ءبىر پارتيا جوق. 100 جىلدان بەرى ماركسيزم ”اقيقات ءۇشىن كۇرەسۋ“ سىندى توڭكەرىستىك اسقاق سەزىمدى وياتىپ، ءار ۇرپاق جۇڭگو كوممۋنيستەرى كوممۋنيزم ۇلى مۇراتىنان اينىماي، ازۋلى جاۋدان جاسقانبايتىن، حاۋىپ - قاتەردەن تايسالمايتىن، ەرلىكپەن كۇرەس جۇرگىزەتىن، باتىلدىقپەن جەڭىسكە جەتەتىن ەرىك - جىگەر مەن قاسيەتتى شىڭدادى. ءبىر سۇيەم جەر ءبىر تامشى قاننىڭ، ءبىر ۋىس توپىراق ولمەس رۋحتىڭ بوداۋىنا كەلگەن. پارتيامىز وزگەشە ساپار بارىسىندا ۇلى رۋح سومداپ، جۇڭحۋا ۇلتى ۇلى رۋحىنىڭ 100 جىلدىق ۇزاق كارتيناسىن كەسكىندەدىك.

  ماقالادا مىنالار اتاپ كورسەتىلدى: ”ءبىر ۇلت تەك رۋحاني جاقتا تابان تىرەپ، تياناقتى تۇرا العاندا عانا تاريح اعىنىندا قاسقايىپ، ەكپىنمەن الدىڭعى لەكتە جۇرەدى“. جيڭگاڭشان رۋحى، ۇزاق جورىق رۋحى، زۇن - ي ءماجىلىسى رۋحى، يان - ان رۋحى، شيبايپو رۋحى، قىزىل جارتاس رۋحى، امەريكا جيھانگەرلەرىنە قارسى تۇرىپ، چاۋشيانعا كومەكتەسۋ رۋحى، ”ەكى بومبى، ءبىر جاساندى سەرىك“ رۋحى، ەرەكشە رايون رۋحى، تاسقىنعا قارسى اتتانۋ رۋحى، جەر سىلكىنىسىنە قارسى اتتانىپ، اپاتتان قۇتقارۋ رۋحى، ىندەتكە قارسى اتتانۋ رۋحى، كەدەيلىكتەن ارىلتۋدان قامال الۋ رۋحى... وسى قىمباتتى رۋحاني بايلىقتاردىڭ ۋاقىت پەن كەڭىستىكتەن ەندەي ءوتۋى، ۋاقىت وتكەن سايىن جاڭارۋى پارتيانىڭ بەرىك سەنىمىن، ءتۇبىرلى باس ماقساتىن، تاڭداۋلى ستيلىن شوعىرلى ايگىلەپ، جۇڭگو كوممۋنيستەرىنىڭ قاجىرلىلىقپەن كۇرەس جۇرگىزەتىن، قۇرباندىق بەرىپ، ۇلەس قوساتىن، ءورىس اشا العا ىلگەرىلەيتىن ۇلى قاسيەتىن ۇيىستىرىپ، اقيقات كۇشىن، سەنىم كۇشىن، ەرىك - جىگەر كۇشىن، ادامگەرشىلىك كۇشىن تاسقىنداتىپ، ءبىزدىڭ پارتيا قۇرۋىمىزعا، پارتيانى گۇلدەندىرۋىمىزگە، پارتيانى قۇدىرەتتەندىرۋىمىزگە اسا مول ءنار بەردى.

  100 جىلدىق تولقىن، جۇڭگو ارمانى. باس شۋجي شي جينپيڭ بىلاي دەپ باسا دارىپتەدى: ”پارتيامىز باسشىلىق ەتكەن توڭكەرىس، قۇرىلىس، رەفورما ۇلى امالياتى ۇزدىكسىز كۇرەس جاساعان ءبىر تاريحي بارىس، مەملەكەتتى قۇتقارۋ، مەملەكەتتى گۇلدەندىرۋ، مەملەكەتتى قۇدىرەتتەندىرۋ، ونان سوڭ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سىندى كەمەلدى ءىس“. مۇنداي ”ۇلى تاريحي كوزقاراس“ جۇڭگو كوممۋنيستىك پارتياسىنىڭ ۋاقىت سىزىعىن كەسكىندەيدى.

  ماقالادا مىنالار اتاپ كورسەتىلدى: تاريح، رەالدىق، بولاشاق ءوزارا ساباقتاسىپ جاتادى. 100 جىلدىق كۇرەس جولىندا جاڭا ساپارعا اتتاندىق، ءبىز تەك تاريحتىڭ العا ىلگەرىلەۋ لوگيكاسىمەن العا ىلگەرىلەسەك، ءداۋىردىڭ دامۋ اعىنىمەن دامىساق، ۋاقىت ۇتاتىن، شاپشاڭ قيمىلدايتىن رۋحتى ساقتاساق، جۇدىرىقتاي جۇمىلىپ قايراتتانا ىستەسەك، نەعۇرلىم ماشاقاتتى، قاتەرلى بولعان سايىن، سولعۇرلىم ۇدەرە العا تارتساق قانا ادامزاتتىڭ ۇلى ۋاقىت تاريحى بارىسىندا جۇڭحۋا ۇلتىنىڭ ۇلى تاريحي ۋاقىتىن ۇزدىكسىز جاراتا الامىز.

  ماقالادا بىلاي دەلىندى: جاڭادان اشىلعان جۇڭگو كوممۋنيستىك پارتياسى 1 - قۇرىلتايىنىڭ ەسكەرتكىش سارايىن ىززەت - قۇرمەتپەن كوردى، جياشيڭدەگى ءمولدىر سۋى تولقىن اتقان نانحۋ كولىنە كوز تاستادى، جياڭشيدىڭ وزەندەرى مەن فۋجياننىڭ تاۋلارىنداعى يرەلەڭدەگەن سوقپاق جولدارمەن قايتا ءجۇردى، سان سالالى جىلعاسى بار سارى توپىراقتى ۇستىرتكە شىقتى، كوكتەم لەبى ەسكەن ەكونوميكالىق ەرەكشە رايوننان اسەر الدى، كۇننەن - كۇنگە كوركەيىپ كەلە جاتقان شيۇڭ - ان جاڭا رايونىنا كەلدى... پارتيا قۇرىلعاندىعىنىڭ 100 جىلدىعى قارساڭىندا پارتيا تاريحىن ۇيرەنۋ تاربيەسى بۇكىل پارتيادا تىڭعىلىقتى ورىستەتىلۋدە. جاپالى دا شۇعىلالى وتكەندى باستان وتكەرگەن، كۇن سايىن جاڭارىپ، اي سايىن تۇلەجىگەن قازىرگىنى قارسى العان، جارقىن دا ايبىندى كەلەشەككە كوز تاستاعان جۇڭگو كوممۋنيستىك پارتياسىنىڭ 91 ميلليوننان استام مۇشەسى رۋحتارىن سەرپىلتىپ، كۇش - قايراتتارىن تاسقىنداتىپ، ءبىز وسى ۇرپاقتارعا ءتان تاريحي ۇلى ىستەر اشۋعا بەل بايلادى.

  7 - ايدىڭ 1 - كۇنى جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسى سالتاناتپەن وتكىزىلىپ، دۇنيە جۇزىنە پارتيامىزدىڭ جاڭا باستامادان الدىڭعىلاردىڭ ءىزىن باسىپ، بولاشاققا جول اشىپ، ۇزدىكسىز العا ىلگەرىلەيتىن بەرىك بەكىمىن اشىق جاريالايدى.

  بۇراڭ جولدى باستان كەشىردى، سان - ساناقسىز سىننان ءوتىپ، قۇرىشتاي شىنىقتى، 100 جىلدا كەمەلدى شاعىنا كەلدى؛ تار جول، تايعاق كەشۋلەردە سانسىز ازاپ - سوققىلاردا ماڭگىلىك ۇلى ءىس مۇراتىن كوكەيدە ساقتادى. دابىل قاعىلىپ ساپارعا شاقىرۋدا، ەسكەكتى قۇلاشتاپ ەسىپ جەلكەن جايايىق، باس شۋجي شي جينپيڭنىڭ سوزدەرى قۇلاعىمىزدا اسقاق جاڭعىرۋدا:

  ”مەن وزىممەن ساناسپاي، حالىقتىڭ ءۇمىتىن اقتايمىن“ − ءجۇز ميلليونداعان حالىققا باسشىلىق ەتىپ، جاڭا داۋىردە جاڭا تاريحي شۇعىلالى تابىس جاراتۋ ءۇشىن اۋەلگى ماقساتىمىزدى وزگەرتپەيمىز، بورىشمىزدى ارقالاي بەرەمىز.

  ”ماڭگىلىك ۇلى ءىس مۇراتى ءدال 100 جىلدىق كەمەل شاققا تۋرا كەلدى“ − جاپپاي سوتسياليستىك وسىزاماندانعان مەملەكەت قۇرۋ جاڭا ساپارىندا ەكپىندەي ىلگەرىلەيمىز، جىگەر - قايراتىمىز تاسقىنداۋدا، ارىنىمىز اسقاقتاۋدا.

  ”ۇزاق ساپاردا تەك كۇرەس جۇرگىزۋگە عانا تۋرا كەلەدى“ − جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سىندى ۇلى ارمانعا قاراي ارشىندى قاداممەن، العان بەتىمىزدەن قايتپاي العا تارتا بەرەمىز.

  ماقالادا مىنالار اتاپ كورسەتىلدى: 100 جىلدىق كۇرەستى جاڭا باستاما ەتىپ، كۇنى كەشەگى جاپا - ماشاقاتتى، شۇعىلالى تابىستى ۇمىتپاي، بۇگىنگى بورىشتى، جاۋاپكەرشىلىكتى ارقالاپ، ەرتەڭگى ۇلى ارماننىڭ ۇددەسىنەن شىعىپ، ۇلى وزىندىك توڭكەرىستە دەنە قۋاتتى كۇشەيتىپ، جىگەردى قاۋلاتىپ، ۇلى قوعامدىق توڭكەرىستە جاڭا جاعداي اشساق، ءبىز اشقان ءارى ىلگەرىلەتۋگە بەل بۋعان ۇلى ءىس، ءسوز جوق، جەر - الەممەن بىرگە جاساپ، ۋاقىتپەن بىرگە شۇعىلا شاشادى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.