تيانشان تورى   ›   جاڭالىقتار   ›   ماڭىزدى حابارلار

«بيلىك دەگەنىمىز حالىق، حالىق دەگەنىمىز بيلىك − باس شۋجي شي جينپيڭنىڭ حالىقتى وزەك ەتۋ جونىندەگى ماڭىزدى بايىمداۋلارى تۋرالى جالپى شولۋ»

  حالىق گازەتى اۆتورلى ماقالا جاريالادى

  «بيلىك دەگەنىمىز حالىق، حالىق دەگەنىمىز بيلىك − باس شۋجي شي جينپيڭنىڭ حالىقتى وزەك ەتۋ جونىندەگى ماڭىزدى بايىمداۋلارى تۋرالى جالپى شولۋ»

  شينحۋا اگەنتتىگىنىڭ 6 - ايدىڭ 27 - كۇنى بەيجيڭنەن بەرگەن حابارى. 6 - ايدىڭ 28 - كۇنى باسپادان شىعاتىن حالىق گازەتى اۆتورلى ماقالا جاريالادى، تاقىرىبى «بيلىك دەگەنىمىز حالىق، حالىق دەگەنىمىز بيلىك − باس شۋجي شي جينپيڭنىڭ حالىقتى وزەك ەتۋ جونىندەگى ماڭىزدى بايىمداۋلارى تۋرالى جالپى شولۋ».

  ”بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى، پارتيامىزدىڭ دامۋى، زورايۋى وڭاي بولعان جوق، بيلىكتى قولعا كەلتىرۋى وڭاي بولعان جوق، جاڭا جۇڭگونى قۇرۋ وڭاي بولعان جوق. جۇڭگو كوممۋنيستىك پارتياسى باستان - اياق بۇكىل ىنتا - پەيىلىمەن حالىق ءۇشىن قىزمەت ىستەگەندىكتەن، ءار ۇلتتىڭ باقىتىن كوزدەگەندىكتەن، بۇقارا جۇڭگو كوممۋنيستىك پارتياسىن شىن جۇرەكتەن قولدادى“. بيىل 6 - ايدا باس شۋجي شي جينپيڭ چيڭحايدا قىزمەت تەكسەرگەندە وسىلاي دەپ اتاپ كورسەتتى.

  باس شۋجيدىڭ وسى تارتىمدى بايىمداۋى پارتيانىڭ 100 جىلدىق تاريحىن تەرەڭدەي قورىتىندىلاۋ، پارتيانىڭ سيپاتىن، باستى ماقساتىن جاندى ءتۇسىندىرۋ، پارتيانىڭ اۋەلگى ماقساتىن، بورىشىن جوعارى دەڭگەيدە تۇجىرىمداۋ بولىپ تابىلادى.

  ماقالادا بىلاي دەپ اتاپ كورسەتىلدى: پارتيامىزدىڭ ءتۇبىرلى نەگىزى حالىقتا، قان تامىرى حالىقتا. پارتيانىڭ 100 جىلدىق تاريحى پارتيانىڭ اۋەلگى ماقساتى، بورىشى امالياتتا ايگىلەنگەن تاريح، پارتيا حالىقپەن تىلەكتەس، تىنىستاس، تاعدىرلاس بولعان تاريح.

  جۇڭگو كوممۋنيستەرىنىڭ اۋەلگى ماقساتى مەن بورىشى − جۇڭگو حالقىنىڭ باقىتىن كوزدەۋ، جۇڭحۋا ۇلتىنىڭ گۇلدەنۋىن كوزدەۋ؛ حالىقتىڭ تاماشا تۇرمىسقا دەگەن تالپىنىسى ءبىزدىڭ كۇرەس نىسانامىز، حالىق تۇرمىسىن باقىتتى ەتۋ ”مەملەكەتتىڭ زور ءىسى“؛ حالىقتى وزەك ەتكەن دامۋ يدەياسىنا تاباندى بولىپ، دامۋ حالىق ءۇشىن بولۋعا، دامۋدا حالىققا سۇيەنۋگە، حالىقتى دامۋ جەتىستىكتەرىنەن بىرگە يگىلىكتەندىرۋگە تاباندى بولۋ؛ حالىق − پارتيامىزدىڭ بيلىك جۇرگىزۋدەگى ەڭ ۇلكەن كۇش - قايراتى، رەسپۋبليكامىزدىڭ مىعىم ءتۇبىرلى نەگىزى، پارتيانى قۇدىرەتتەندىرىپ، مەملەكەتتى گۇلدەندىرۋىمىزدىڭ ءتۇبىرلى تياناعى؛ جۇڭگو ارمانى، سايىپ كەلگەندە، حالىقتىڭ ارمانى، ءسوز جوق، حالىققا بەرىك سۇيەنە وتىرىپ عانا ورىنداۋ كەرەك؛ حالىق بۇقاراسىمەن ەتەنە بايلانىستى ماڭگى ساقتاپ، باستان - اياق حالىق بۇقاراسىمەن بىرگە ويلاپ، بىرگە ىستەپ، قيىندىقتى بىلەك بىرىكتىرە جەڭىپ، بەينەت پەن زەينەتتە بىرگە بولۋ كەرەك... پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى حالىقتى وزەك ەتكەن دامۋ يدەياسىن العا قويىپ، ءبارى حالىق ءۇشىن بولۋعا، بارىندە حالىققا سۇيەنۋگە تاباندى بولىپ، باستان - اياق حالىقتى كوكەيدەگى ەڭ جوعارى ورىنعا قويىپ، حالىقتىڭ تاماشا تۇرمىسقا دەگەن تالپىنىسىن كۇرەس نىساناسى ەتىپ، رەفورمانىڭ، دامۋدىڭ تابىستارىنان بارشا حالىققا اناعۇرلىم كوپ، اناعۇرلىم ءادىل تيىمدىلىك جاساۋدى ىلگەرىلەتىپ، بىرگە بايۋدى ىلگەرىلەتۋدە اناعۇرلىم ايقىن، ناقتى ىلگەرىلەۋشىلىكتەرگە قول جەتكىزىپ، ءبىر ميلليارد 400 ميلليوننان استام جۇڭگو حالقىن جۇڭحۋا ۇلتىنىڭ ۇلى گۇلدەنۋىن ىلگەرىلەتەتىن تەلەگەي كۇش ەتىپ ۇيىستىردى.

  ماقالادا بىلاي دەپ اتاپ كورسەتىلدى: باس شۋجي شي جينپيڭ حالىق اراسىنان شىققان، حالىققا تەرەڭ سۇيىسپەنشىلىگى جانە كۇشتى جاۋاپكەرشىلىگى بار حالىق كوسەمى، مەيلى نەگىزگى ساتىدا، جەرگىلىكتى ورىندا، الدە ورتالىقتا قىزمەت ىستەسىن، باستان - اياق بارلىعىندا حالىقتى كوكەيىنە ۇيالاتىپ، شىن جۇرەگىمەن حالىقتىڭ قامىن ويلادى. مەيلى كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋدە بولسىن، الدە ىندەتتەن ساقتانۋ - تىزگىندەۋدىڭ توسقاۋىل شايقاسىنىڭ جەڭىسىنە جەتۋدە بولسىن، الدە سالامات جۇڭگو، تىنىش جۇڭگو، كورىكتى جۇڭگو قۇرىلىسىن ىلگەرىلەتۋدە بولسىن، الدە حالىقتىڭ ەڭ كوڭىل بولگەن، ەڭ تىكە، ەڭ رەال مۇددە ماسەلەسىن شەشۋدە بولسىن، باس شۋجي شي جينپيڭ باستان - اياق بۇقارامەن جۇرەكتەس، حالىقپەن تىلەكتەس بولدى.

  ”مەملەكەتىمىز وسىنشاما ۇلكەن، جاۋاپكەرشىلىك توتەنشە اۋىر، قىزمەت توتەنشە ماشاقاتتى. مەن وزىممەن ساناسپاي، حالىقتىڭ ءۇمىتىن اقتايمىن. مەن ’وزىممەن ساناسپاعان‘ كۇيدە جۇڭگونىڭ دامۋىنا ءوزىمدى ارناۋعا پەيىلمىن“.

  ”حالىق دەگەنىمىز بيلىك، كوممۋنيستىك پارتيا بيلىككە قول جەتكىزۋدە، بيلىكتى قورعاۋدا، حالىقتىڭ تىلەگىن قورعادى، حالىقتى تاماشا تۇرمىسقا كەنەلتۋدى ماقسات ەتتى. پارتيامىزدىڭ 100 جىلدىق كۇرەس تاريحى حالىقتىڭ باقىتىن كوزدەگەن تاريح“.

  باس شۋجيدىڭ تەرەڭ سۇيىسپەنشىلىككە تولى سوزدەرىندە حالىق كوسەمىنىڭ حالىققا دەگەن شىنايى سۇيىسپەنشىلىگى قامتىلعان، 100 جىلدىق ءىرى پارتيانىڭ حالىققا دەگەن قالتقىسىز جۇرەگى بەينەلەنگەن!

  ماقالادا بىلاي دەپ اتاپ كورسەتىلدى: ءبىر كۇندەرى جەلپىنتىپ سامال ەسسە، سامۇرىق سامعار ءزاۋلىم - زەڭگىر كوككە.

  100 جىلدان بەرى جۇڭگو كوممۋنيستىك پارتياسى جۇڭگو حالقىنىڭ باقىتىن كوزدەگەن اۋەلگى ماقساتتى، جۇڭحۋا ۇلتىنىڭ گۇلدەنۋىن كوزدەگەن بورىشتى ۇستانىپ، قيىندىقتان، قاتەردەن، بوگەتتەن تايسالماي، قان توگىپ قۇرباندىق بەرۋدەن قورىقپاي، بۇكىل ەلدەگى ءار ۇلت حالقىن ىنتىماقتاستىرىپ، باستاپ، قاندى كۇرەس جۇرگىزىپ، كۇشەيۋ جولىندا جىگەر كورسەتىپ، رەفورما جاسادى، ەسىك اشتى، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى. بۇگىنگى تاڭدا جۇڭگو كوممۋنيستىك پارتياسى دامىپ 100 جىلدىق شۇعىلالى بارىستى باسىپ وتكەن، ەڭ ۇلكەن سوتسياليستىك مەملەكەتتە 70 نەشە جىل بيلىك جۇرگىزگەن، 91 ميلليوننان استام پارتيا مۇشەسى بار، دۇنيە جۇزىندەگى ەڭ ۇلكەن ماركسيزمدىك بيلىك باسىنداعى پارتياعا اينالدى، ءبىر ميلليارد 400 ميلليون جۇڭگو حالقىنىڭ ەڭ كەڭ كولەمدى قولداۋىنا جانە جاقتاۋىنا يە بولدى.

  100 جىلدىق ساپار ايبىنمەن قۇلاش جايىپ، 100 جىلدىق اۋەلگى ماقسات ۋاقىت ۇزارعان سايىن بەكەمدەلە ءتۇستى. شاڭحايداعى شىكۋمىننان جياشيڭدەگى نانحۋ كولىنە دەيىن كىشكەنتاي قىزىل قايىق حالىقتىڭ ماڭىزدى تاپسىرماسىن، ۇلتتىڭ ءۇمىتىن ارقالاپ، قاتەرلى قايراڭداردان، اساۋ تولقىنداردان ءوتىپ، جۇڭگونى نىق قاداممەن الىستارعا جەتۋگە باستايتىن ايبىندى الىپ كەمەگە اينالدى. جۇڭگو كوممۋنيستىك پارتياسى مۇرات ەتكەن جۇڭحۋا ۇلتىنىڭ بولاشاق ۇلى ءىسى 100 جىلدىق كەمەلىنە كەلگەن شاققا تۋرا كەلدى! پارتيامىز باستان - اياق ءداۋىر اعىمىنىڭ ەڭ الدىڭعى لەگىندە جۇرسە، قامال الۋدىڭ، قيىندىقتى ەڭسەرۋدىڭ ەڭ الدىڭعى شەبىندە تۇرسا، ەڭ كەڭ حالىقتىڭ اراسىندا بولسا بولعانى ماڭگى جەڭىمپاز ورىندا تۇراتىندىعى ءسوزسىز، بارلىق قيىندىقتى، قاتەردى، بوگەتتى جەڭىپ شىعاتىندىعى ءسوزسىز، جۇڭحۋا ۇلتىنىڭ ۇلى گۇلدەنۋىن جۇزەگە اسىراتىندىعى ءسوزسىز!

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.