تيانشان تورى   ›   جاڭالىقتار   ›   ماڭىزدى حابارلار

”1 - شىلدە وردەنىن“ بەرۋ سالتى سالتاناتپەن وتكىزىلەدى

  جۇڭگو كوممۋنيستىك پارتياسى ورتالىق كوميتەتىنىڭ بەكىتۋىمەن

  ”1 - شىلدە وردەنىن“ بەرۋ سالتى سالتاناتپەن وتكىزىلەدى

  شي جينپيڭ تۇڭعىش رەتكى ”1 - شىلدە وردەنىن“ بەرەدى ءارى ماڭىزدى ءسوز سويلەيدى

  جۇڭگو كوممۋنيستىك پارتياسى ورتالىق كوميتەتىنىڭ بەكىتۋىمەن، ”1 - شىلدە وردەنىن“ بەرۋ سالتى 6 - ايدىڭ 29 - كۇنى تۇستەن بۇرىن ساعات 10دا بەيجيڭ حالىق سارايىندا سالتاناتپەن وتكىزىلەدى. بۇل ”1 - شىلدە وردەنى“. سۋرەتتى شينحۋا اگەنتتىگى تاراتقان

  شينحۋا اگەنتتىگىنىڭ 6 - ايدىڭ 27 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ بەكىتۋىمەن، ”1 - شىلدە وردەنىن“ بەرۋ سالتى 6 - ايدىڭ 29 - كۇنى تۇستەن بۇرىن ساعات 10دا حالىق سارايىندا سالتاناتپەن وتكىزىلەدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تۇڭعىش رەتكى ”1 - شىلدە وردەنىن“ بەرەدى ءارى ماڭىزدى ءسوز سويلەيدى.

  ”1 - شىلدە وردەنى“ پارتيا ىشىندەگى ەڭ جوعارى داڭق، قاراپايىمدىلىقتى، ايبىندى بولۋدى باستى جوبالاۋ ۇستانىمى ەتكەن، قىزىل، التىن سارى، اق تۇستەردى باستى ءتۇس ەتىپ، سۋىق قىسىممەن پىشىندەۋ، گۇلدى زەر سالۋ، ءتۇستى زەرمەن ادىپتەۋ سياقتى تەحنولوگيالارمەن جاسالعان. وردەننىڭ تۇلعاسىنا پارتيا گەربى، بەس جۇلدىز، تۋ، ەسكەرتكىش جانە ساۋلە، كۇنباعىس، تاۋ - وزەن، جاقسىلىقتىڭ نىشانى بولعان ىرىستى بۇلت سياقتى فاكتورلار قولدانىلعان. مەملەكەت وردەنى مەن مەملەكەت داڭق اتاعى مەدالىنىڭ مەتال شىنجىرىنان پارىقتاۋ ءۇشىن، ”1 - شىلدە وردەنىنە“ توقىما زەر باۋ قولدانىلىپ، كۇنباعىس، ساۋلە، جۇلدىز ساۋلەسى سياقتى فاكتورلار قولدانىلعان. پارتيانىڭ نۇر - شۇعىلاسىندا وردەن يەگەرلەرىنىڭ بار ىنتا - ىقىلاسىن پارتياعا ارناپ، بۇكىل ىنتا - پەيىلىمەن حالىق ءۇشىن قىزمەت ىستەپ، اۋەلگى ماقساتتى ۇمىتپاعاندىعىن، بورىشتى ەستە بەرىك ساقتاعاندىعىن، قايراتتانا العا ىلگەرىلەگەندىگىن بەينەلەيدى.

  ورتالىق راديو - تەلەۆيزيا باس ستانسياسى، شينحۋا سايتى وردەن بەرۋ سالتىن ۇستىنەن تىكە تاراتادى، حالىق سايتى، ورتالىق تەلەۆيزياسى سايتى، جۇڭگو سايتى سياقتى ورتالىقتىڭ ءتۇيىندى اقپارات سايتتارى مەن حالىق گازەتى كليەنتى، شينحۋا اگەنتتىگى كليەنتى، ورتالىق تەلەۆيزياسى اقپارات كليەنتى سياقتى جاڭا مەديا تۇعىرلارى تەڭ قادامدا جالعاپ تاراتادى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.