تيانشان تورى   ›   جاڭالىقتار   ›   شينجياڭ حابارلارى

باقىتتى تۇرمىسىمىزدى بۇلدىرۋگە، استە، جول بەرمەيمىز

  □ بۇگۇر اۋدانى قاراباق اۋىلىنداعى ماقتاشى ءيۇسۇپ وشۇر

  وتباسىمدا 40 مۋ ماقتا اتىزى بار، قازىر جىلىنا 70 مىڭ يۋان اينالاسىندا كىرىس كىرگىزەمىن. 2002 - جىلدان باستاپ ماقتا ەككەمىن، باستابىندا جەر جاڭادان اشىلعان تىڭ جەر بولعاندىقتان، ونىڭ ۇستىنە ماقتا ەگۋ تەحنيكاسىن ونشا تۇسىنبەگەندىكتەن، ماقتا ءونىم مولشەرى ونشا جوعارى بولمادى. كەيىن قىستاق تۇرعىندار كوميتەتى مەن اق كوڭىل كورشىلەردىڭ كومەگىندە، دەن قويا باپتاپ، عىلمي ەككەندىگىمنەن ماقتانىڭ ءونىم مولشەرى بارعان سايىن جوعارىلادى، كىرىسىم دە جىل سايىن ارتىپ، وتباسى تۇرمىسىم دا بارعان سايىن جاقساردى.

  ماقتا ەگۋدىڭ پايداسىن كورگەن سوڭ، مەن ەگىس اۋماعىن كەڭەيتە باستادىم. ءداستۇرلى ەگىنشىلىك باسقارۋ ۇلگىسىنە وزگەرىس ەنگىزىپ، بۇرىنعى توعان سۋىمەن سۋارۋدى، ماقتانى قولمەن تەرۋدى جوعارى ءونىمدى، سۋ ۇنەمدەيتىن تامشىلاتىپ سۋارۋ، ماقتانى ماشينامەن تەرۋ سياقتى وسى زامانعى ءوندىرىس تاسىلىنە وزگەرتتىم. ماقتانى ماشينامەن تەرۋ وزىندىك قۇندى تومەندەتىپ، كىرىستى جوعارىلاتتى، سونداي - اق اكە - شەشەمە جانە بالاما كوبىرەك سەرىك بولۋىما مۇمكىندىك جاسادى.

  كىشكەنە كەزىمدە ءوز اۆتوكولىگىم بولسا دەپ ارمانداۋشى ەدىم، ماقتا ەگۋ وسى ارمانىمدى جۇزەگە اسىردى، 2011 - جىلى ماقتانى ساتىپ بولعان سوڭ اۆتوكولىك ساتىپ الدىم، ءۇيىمدى دە قايتادان اشەكەيلەدىم. قازىر قىستاعىمىزداعى باسىم كوپ وتباسىندا جەڭىل اۆتوكولىك بار، وسىنىڭ بارلىعىن ەڭبەك ىستەپ تاپقان اقشاسىنا ساتىپ العان.

  كەيبىر شەتەل كاسىپورىندارى شينجياڭدا ايتىلمىس ”زورلىقپەن ەڭبەككە سالۋ“ ءومىر ءسۇرىپ وتىر دەدى، بۇل بارىپ تۇرعان اۋزىنا كەلگەنىن كوكىگەندىك! سوندا مەنىڭ اۆتوكولىگىم ”زورلىقپەن ەڭبەككە سالۋ“ ارقىلى كەلدى مە؟ ءبىزدىڭ باقىتتى تۇرمىسىمىز تۇگەلدەي قۇلشىنا ەڭبەك ەتۋدەن كەلگەن، ەشكىمنىڭ بۇلدىرۋىنە، استە، جول بەرمەيمىز!

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.