تيانشان تورى   ›   جاڭالىقتار   ›   ەل ءىشى حابارى

جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ قيمىلى اقپارات ورتالىعى 2 - رەتكى اقپار جاريالاۋ ءماجىلىسىن وتكىزدى

  جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ قيمىلى اقپارات ورتالىعى 2 - رەتكى اقپار جاريالاۋ ءماجىلىسىن وتكىزدى

  4 تاراۋداعى جاۋاپتى جولداستار تاراۋلاردىڭ قىزمەت فۋنكتسياسىنا ۇشتاستىرىپ قاتىستى جاعدايلاردى تانىستىردى

  شينحۋا اگەنتتىگىنىڭ 6 - ايدىڭ 28 - كۇنى بەيجيڭنەن بەرگەن حابارى (تىلشىلەر سۇن شاۋلۇڭ، گاۋ جيڭ). جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ قيمىلى اقپارات ورتالىعى 6 - ايدىڭ 28 - كۇنى 2 - رەتكى اقپار جاريالاۋ ءماجىلىسىن وتكىزدى، ورتالىق ءتارتىپ تەكسەرۋ كوميتەتىنىڭ ورىنباسار شۋجيى، مەملەكەتتىك باقىلاۋ - تەكسەرۋ كوميەتىنىڭ ورىنباسار مەڭگەرۋشىسى شياۋ پەي، ورتالىق كوميتەت بىرلىكساپ ءبولىمىنىڭ ورىنباسار باستىعى شۇي يوۋشىڭ، ورتالىق كوميتەت شەتەلدەرمەن بايلانىس جاساۋ ءبولىمىنىڭ ورىنباسار باستىعى گو يەجوۋ، ورتالىق قازىنا - ەكونوميكا كوميتەتى كەڭسەسىنىڭ كۇندەلىكتى قىزمەتكە جاۋاپتى ورىنباسار مەڭگەرۋشىسى حان ۋىنشيۋ تاراۋلاردىڭ قىزمەت فۋنكتسياسىنا ۇشتاستىرىپ قاتىستى جاعدايلاردى تانىستىردى ءارى تىلشىلەردىڭ سۇراۋلارىنا جاۋاپ بەردى.

  شياۋ پەي مىنالاردى تانىستىردى: 2012 - جىلى 12 - ايدان بيىل 5 - ايعا دەيىن پارتيا ورتالىق كوميتەتىنىڭ پارمەندى باسشىلىعىندا، ءتارتىپ تەكسەرۋ، باقىلاۋ - تەكسەرۋ ورگاندارى جالپى دەلو تۇرعىزىپ تەكسەرگەن ولكە، مينيسترلىك دارەجەلىدەن جوعارى باسشى كادرلار 392 ادام، مەڭگەرمە، مەكەمە دارەجەلى كادرلار 22 مىڭ ادام؛ ورتالىقتىڭ 8 ءتۇرلى بەلگىلەمەسىنىڭ رۋحىن تياناقتاندىرۋدا دارمەنسىزدىك كورسەتۋ ماسەلەلەرىنەن، ”ءتورت بۇرىس ستيل“ ماسەلەلەرىنەن 626 مىڭ 500ىن تەكسەرىپ ءبىر جاقتى ەتتى. ”جاڭا داۋىردە پارتيانى جاپپاي قاتاڭ جونگە سالۋدىڭ تاريحي تابىسى ءبىرىنشى 100 جىلدىق كۇرەس نىساناسىن جۇزەگە اسىرۋعا قۋاتتى ساياسي جەتەكشىلىك جانە پارمەندى ساياسي قامتاماسىزدىق ازىرلەدى“، - دەدى شياۋ پەي.

  شۇي يوۋشىڭ بىلاي دەدى: 100 جىلدان بەرى جۇڭگو كوممۋنيستىك پارتياسى باستان - اياق ەڭ كەڭ بىرلىكساپقا تاباندى بولىپ جانە ونى دامىتىپ، ىنتىماقتاسۋعا بولاتىن بارلىق كۇشتەرمەن ىنتىماقتاسىپ، جۇمىلدىرۋعا بولاتىن بارلىق بەلسەندى فاكتورلاردى جۇمىلدىرىپ، حالىقتىڭ باقىتىن كوزدەۋ، ۇلتتى گۇلدەندىرۋ ۇلى ىسىنە بىرگە كۇش سالدى. پارتيا ورتالىق كوميتەتىنىڭ پارمەندى باسشىلىعىندا، ەلىمىزدىڭ ساياسي پارتيالار قاتىناسى، ۇلتتار قاتىناسى، ءدىن قاتىناسى، جىكتەر قاتىناسى جانە ەل ءىشى - سىرتىنداعى باۋىرلاستار قاتىناسى اناعۇرلىم جاراسىمدى بولدى، بىرلىكساپتا ىنتىماقتى، ەكپىندەي ىلگەرىلەگەن، ءورىس اشقان، جالىندى تاماشا جاعداي جارىققا شىقتى.

  گو يەجوۋ مىنالاردى تانىستىردى: 100 جىلدان بەرى پارتيانىڭ شەتەلدەرگە باعىتتالعان قىزمەتى باستان - اياق پارتيامەن جانە حالىقپەن بىرگە تۇرىپ، باستان - اياق ماركسيزمنىڭ جۇڭگوشالانۋىنىڭ نازاريالىق جەتىستىگىن جەتەكشى ەتۋگە تاباندى بولىپ، جۇڭگو توڭكەرىسى، قۇرىلىسى، رەفورماسى سياقتى ءاربىر تاريحي كەزەڭدەرىنىڭ تۇتاس بارىسىنا ءسىڭىردى. ” قازىر ءبىزدىڭ پارتيامىز دۇنيە جۇزىندەگى 160تان استام ەلدىڭ 560تان استام ساياسي پارتياسىمەن جانە ساياسي ۇيىمىمەن ۇنەمىلىك بايلانىستى ساقتاپ وتىر، ءبىزدىڭ دوستارىمىز دۇنيەنىڭ بارلىق جەرىندە بار“، - دەدى گو يەجوۋ.

  حان ۋىنشيۋ بىلاي دەدى: جاڭا جۇڭگو قۇرىلعان 70 نەشە جىلدان بەرى جۇڭگو ەكونوميكاسى جالپى ناقتى 189 ەسەدەي ارتتى، قازىر جۇڭگو ەكونوميكاسىنىڭ جالپى مولشەرى 100 تريلليون يۋاننان اسىپ، دۇنيە جۇزىندەگى ەكىنشى ءىرى ەكونوميكالىق تۇلعاعا اينالىپ، الەم ەكونوميكاسىنداعى ۇلەس سالماعى %17تەن استامعا جوعارىلادى. جۇڭگو كوممۋنيستىك پارتياسىنىڭ باسشىلىعىندا، جۇڭگو ەكونوميكاسىنىڭ ناقتى قۋاتى زور مولشەردە كوتەرىلىپ، جۇڭگو حالقىنىڭ تۇرمىسىندا جويقىن وزگەرىس تۋىلدى، جۇڭگو حالقى ورتاق بايۋ نىساناسىنا تىڭعىلىقتى قادام تاستاۋدا.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.