پارتيا تاريحىن ۇيرەنۋ تاربيەسىن تەرەڭدەتىپ، جاڭا دامۋ ۇستانىمىن دايەكتىلەندىرىپ، ورنىقتىلىقتىڭ، دامۋدىڭ جاڭا جاعدايىن اشىپ، پارتيا قۇرىلعاندىعىنىڭ 100 جىلدىعىن قۇتتىقتاۋ كەرەك
6 - ايدىڭ 27 - كۇنىنەن 28 - كۇنىنە دەيىن اۆتونوميالى رايوندىق پارتكومنىڭ شۋجيى چىن چۋانگو التاي ايماعىندا تەكسەرۋ - زەرتتەۋ جۇرگىزدى. سۋرەتتە: 6 - ايدىڭ 27 - كۇنى چىن چۋانگو بۋىرشىن اۋدانى جينحى الەۋمەتتىك اۋماعىنداعى 77 جاستاعى ساقا پارتيا مۇشەسى مامىرقان جولدىباي وتباسىندا ءبىر ءۇيلى جانمەن بىرگە قوناق بولمەدە قورالاي وتىرىپ كەڭەس قۇرىپ، بالالاردىڭ جۇمىستانۋى، وقۋى، وتباسى كىرىسى سياقتى جاعدايلارعا كوڭىل ءبولدى، ۇعىستى. □ سۋرەتتى انار بۇلت/ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت/ شينجياڭ گازەتىنىڭ ءتىلشىسى ياۋ تۇڭ 6 - ايدىڭ 28 - كۇنى التايدان حابارلايدى. 6 - ايدىڭ 27 - كۇنىنەن 28 - كۇنىنە دەيىن اۆتونوميالى رايوندىق پارتكومنىڭ شۋجيى چىن چۋانگو التاي ايماعىندا تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن بۇلجىماي دايەكتىلەندىرىپ، پارتيا تاريحىن ۇيرەنۋ تاربيەسىن ىشكەرىلەي ورىستەتۋدى قوزعاۋشى كۇش ەتىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قۇتتىقتاۋ كەرەك.
چىن چۋانگو بۋىرشىن اۋدانى قاناس قىستاعى، اق قايىڭ ءوز اۆتوكولىگىمەن ساياحاتتاۋ بازاسى سياقتى جەرلەرگە بارىپ، ەكولوگيالىق ورتانى قورعاۋ، ساياحات كاسىپ سالاسىن دامىتۋ، جۇمىستانۋعا جەتەكشىلىك ەتىپ كىرىستى ارتتىرۋ قاتارلى جاعدايلاردى ۇعىستى. ول بىلاي دەدى: دۇرىس ەكولوگيا كوزقاراسىنا، دامۋ كوزقاراسىنا تاباندى بولىپ، ەكولوگيانى قورعاۋ مەن ساياحات دامۋىنىڭ ءبىر - بىرىنە ساي كەلۋىن ىلگەرىلەتىپ، اناعۇرلىم كوپ بۇقارانىڭ ورنىقتى جۇمىستانۋىنا، كىرىستەرىن ۇزدىكسىز ارتتىرۋىنا مۇمكىندىك جاساۋ كەرەك. تەرەكتى − جيادىڭيۇي ورمان ءوڭىرى جولى قۇرىلىسى باسىندا، چىن چۋانگو قاناس تۇتاس وڭىرلىك ساياحات تاس جولى قۇرىلىسى ينجەنەريا نىسانى قاتارلى جاعدايلاردان جاسالعان مالىمەتتى تىڭداپ، بىلاي دەپ اتاپ كورسەتتى: قاتىناس جانە ساياحات نەگىزدىك قۇرىلعىلار قۇرىلىسىنىڭ تەبىنىن ارتتىرىپ، الەۋمەتتىك قىزمەت وتەۋدى اناعۇرلىم جاقسارتىپ، ساياحات كاسىپ سالاسىنىڭ دامۋىنا بەرىك نەگىز قالاۋ كەرەك.
التاي قالاسى جياڭجۇن تاۋى قار شاڭعى الاڭىندا، چىن چۋانگو قار - مۇز ساياحاتى كاسىپ سالاسىنىڭ جانە قار - مۇز سپورتىنىڭ دامۋىنا قاتىستى جاعدايلاردى ۇعىسىپ، بىلاي دەپ باسا دارىپتەدى: بەيجيڭ قىسقى وليمپياداسىن وتكىزۋ سىندى تاريحي ورايدى مىقتاپ يگەرىپ، جوعارى دەڭگەيلى جوبالاۋدى كۇشەيتىپ، بازار مەحانيزمىنەن جاقسى پايدالانىپ، نىسان قۇرىلىسىن ساپالىلاندىرىپ، سايكەستى قىزمەت وتەۋدى جاقسى ىستەپ، باسىمدىققا يە ماركانى تۇلعالاپ، قار - مۇز بايلىعى باسىمدىعىنىڭ شىن مانىندە كاسىپ سالاسى باسىمدىعىنا، ەكونوميكالىق باسىمدىققا اينالۋىنا مۇمكىندىك جاساۋ كەرەك.
چىن چۋانگو التاي تاۋى جۇڭگوشا ءدارى شوپتەر مۇراجايىنا بارىپ، جۇڭگوشا شيپاگەرلىك - دارىگەرلىككە، ۇلتتىق شيپاگەرلىك - دارىگەرلىككە مۇراگەرلىك ەتۋ − قورعاۋ جانە كاسىپ سالاسىنىڭ دامۋ جاعدايىن ۇعىستى. ول بىلاي دەپ اتاپ كورسەتتى: تۋراشىلدىقتى ساقتاپ، جاڭالىق اشۋعا، مۇراگەرلىك ەتىپ، دامىتۋعا تاباندى بولىپ، ءداستۇرلى شيپاگەرلىك - دارىگەرلىكتى قۇلشىنا ساۋلەلەندىرىپ، وسىزامانداندىرۋدى، كاسىپ سالالاندىرۋدى جەدەل ىلگەرىلەتىپ، ءار ۇلت بۇقاراسىنا اناعۇرلىم ساپالى سالاماتتىق بويىنشا قىزمەت وتەۋ كەرەك.
التاي قالاسى وڭتۇستىك اۋماق جىلۋ كوزى تۇيىندەرىن كەڭەيتىپ سالىپ، جىلۋمەن قامداۋ نىسانى قۇرىلىسىنىڭ جۇمىس باسىندا، چىن چۋانگو جىلۋمەن قامداۋ پۋنكتى قۇرىلىسىنىڭ جاعدايىن ناقتى ورىندا تەكسەرىپ، بىلاي دەپ اتاپ كورسەتتى: جاسىل، تومەن كومىرتەكتى دامۋعا تاباندى بولىپ، جاڭا تەحنيكالاردىڭ قولدانىلۋىن كۇشەيتىپ، ەنەرگيا قۇرىلىمىن ساپالىلاندىرىپ، قالا، اۋىلداردىڭ تازا ەنەرگيا پايدالانىلعان جىلۋمەن قامدالۋىن ورنىقتى ىلگەرىلەتىپ، حالىق بۇقاراسىن رەفورمانىڭ، دامۋدىڭ اناعۇرلىم كوپ جەتىستىكتەرىنەن يگىلىكتەندىرۋ كەرەك.
چىن چۋانگو بۋىرشىن اۋدانى جينحى الەۋمەتتىك اۋماعىنا بارىپ، الەۋمەتتىك اۋماق قىزمەتكەرلەرىمەن جانە سول جەردە جۇمىس ءبىتىرىپ جۇرگەن بۇقارامەن ىقىلاسپەن اڭگىمەلەسىپ، پارتيا تاريحىن ۇيرەنۋ تاربيەسى، نەگىزگى ساتى پارتيا قۇرىلىسىن كۇشەيتۋ، حالىققا قولايلى قىزمەت وتەۋدى ىلگەرىلەتۋ سياقتى قىزمەت جاعدايلارىن ۇعىستى. ول بىلاي دەدى: الەۋمەتتىك اۋماق پارتيا مۇشەلەرىنىڭ، كادرلارىنىڭ اۆانگارد ۇلگىلىك رولىن ساۋلەلەندىرىپ، نەگىزگى ساتى پارتيا ۇيىمىن اناعۇرلىم قۋاتتى ەتىپ قۇرىپ، الەۋمەتتىك اۋماق قىزمەتىن تىندىرىمدى ىستەپ، وتباسىلارىنا دەيىن جەتكىزىپ، بۇقارانى مازالاعان ىستەردى، ۋايىمداتقان ىستەردى جاقسى ىستەۋ بارىسىندا بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتۋ كەرەك. 77 جاستاعى ساقا پارتيا مۇشەسى مامىرقان جولدىباي شاڭىراعىندا ءۇش ۇرپاق 21 جان قۋانىشتى دا باقىتتى تۇرمىس كەشىرۋدە. چىن چۋانگو وشارلى جانمەن بىرگە قوناق بولمەدە قورالاي وتىرىپ كەڭەس قۇردى. مامىرقان جولدىباي تەبىرەنە بىلاي دەدى: قازىر تۇرمىس بارعان سايىن جاقساردى، ءبىز شىن جۇرەكتەن كوممۋنيستىك پارتياعا العىس ايتامىز، باس شۋجي شي جينپيڭگە العىس ايتامىز. چىن چۋانگو مامىرقان وتباسىنداعىلاردىڭ تۇرمىسىنىڭ اناعۇرلىم باقىتتى دا ءماندى، امان - ەسەن بولۋىن تىلەدى.
چىن چۋانگو تەكسەرۋ - زەرتتەۋ بارىسىندا التاي ايماعىنىڭ ءتۇرلى قىزمەتتە قول جەتكىزگەن ناتيجەلەرىن تولىق تۇراقتاندىردى. ول بىلاي دەپ باسا دارىپتەدى: ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جالپى بەتتىك دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، التايدىڭ ورنىقتىلىعىنىڭ، دامۋىنىڭ جاڭا جاعدايىن اشۋ كەرەك. جاڭا دامۋ ۇستانىمىن جالپى بەتتىك دايەكتىلەندىرىپ، جاڭا دامۋ ارناسىنا قىزمەت وتەۋ جانە وعان توعىسۋ بارىسىنداعى سالىستىرمالى باسىمدىقتى ءدال يگەرىپ، 1 - ، 2 - ، 3 - كاسىپتەرىنىڭ توعىسا دامۋىن ىلگەرىلەتىپ، قاتىناس سياقتى نەگىزدىك قۇرىلعى قۇرىلىستارىن كۇشەيتىپ، شەكارا وتكەلى ەكونوميكالىق بەلدەۋىن جەدەل قالىپتاستىرىپ، قالا - قالاشىقتانۋ ساپاسىن جالپى بەتتىك جوعارىلاتىپ، التايدىڭ ءىس جۇزىندىك جاعدايىنا ۇيلەسەتىن جوعارى ساپالى دامۋ جولىمەن ءجۇرۋ كەرەك. ەكولوگيالىق ورتانى قورعاۋ قۇرىلىسىن كۇشەيتىپ، تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ، تاۋ، سۋ، ورمان، ەگىنجاي، كول، جايلىم، قۇمدى ءشول، مۇزدىقتى جۇيەلى جونگە سالۋدى ءبىر تۇتاس جوسپارلاپ، كورىكتى شينجياڭنىڭ اسپانىنىڭ اناعۇرلىم اشىق، تاۋىنىڭ اناعۇرلىم جاسىل، سۋىنىڭ اناعۇرلىم تۇنىق بولۋىنا مۇمكىندىك جاساۋ كەرەك. ساياحات كاسىپ سالاسىنىڭ جوعارى ساپالى دامۋىن ىلگەرىلەتىپ، باسىمدىققا يە بايلىق ەرەكشەلىگىنە سۇيەنىپ وسى زامانعى ساياحات كاسىبىنىڭ دامۋىن ىلگەرىلەتىپ، جاڭا كاسىپ كۇيلەرىن تۋىنداتىپ، كاسىپ سالاسى تىزبەگىن ۇزارتىپ، جاڭا قۇن جاراتىپ، ساياحات كاسىبىنىڭ حالىققا تيىمدىلىك جەتكىزەتىن، حالىقتى بايىتاتىن كاسىپ سالاسىنا اينالۋىنا مۇمكىندىك جاساۋ كەرەك. اۋىل - قىستاقتى جاپپاي گۇلدەندىرۋدى كۇش سالا ىلگەرىلەتىپ، ”ءتورتتى توقتاتپاۋدى“ تياناقتاندىرىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋ؛ ەرەكشە بايلىقتى تياناق ەتىپ، وسى زامانعى ەگىن، مال شارۋاشىلىعىن كۇش سالا دامىتىپ، جەرگىلىكتى جاعدايعا قاراي ىستەپ اۋىل - قىستاق ساياحاتىن، سەيىل - سەرۋەندىك اۋىل شارۋاشىلىعىن دامىتىپ، ءوندىرۋدى، وڭدەۋدى، ساتۋدى ۇلاستىرىپ، اۋىل شارۋاشىلىعىن، مادەنيەتتى، ساياحاتتى توعىستىرىپ، اۋىل - قىستاق كاسىپ سالالارىنىڭ دامۋىن، گۇلدەنۋىن، ەگىنشى - مالشىلاردىڭ كىرىستى ورنىقتى ارتتىرىپ، بايۋىن ىلگەرىلەتۋ كەرەك. ۇلتتار ىنتىماعىن بەكەمدەپ، كۇشەيتىپ، ۇلتتار ىنتىماعى، العاباسارلىعى ۇگىت تاربيەسىن تەرەڭدەتىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ىشكەرىلەي ورىستەتىپ، جۇڭحۋا ۇلتى ورتاق تۇلعا تانىمىن بەرىك ورناتۋ كەرەك. پارتيا تاريحىن ۇيرەنۋ تاربيەسىن تەرەڭدەتىپ، پارتيا تاريحىنان ۇزدىكسىز العا باسۋدىڭ اقىل - پاراساتى مەن كۇش - قۋاتىن قابىلداپ، پارتيا تاريحىن ۇيرەنىپ، يدەيانى ءتۇسىنىپ، ناقتى ءىس ىستەپ، جاڭا جاعداي اشىپ، باسشىلىق القا، كادرلار قوسىنى جانە نەگىزگى ساتى ۇيىمى قۇرىلىسىن كۇشەيتىپ، ورنىقتىلىققا، دامۋعا پارمەندى كەپىلدىك ازىرلەۋ كەرەك. تاماشا دامۋ ورتاسىن كۇش سالا قالىپتاستىرىپ، دامۋ مەن حاۋىپسىزدىكتى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، قوعام ورنىقتىلىعى، ىندەتتەن ساقتانۋ - تىزگىندەۋدى ۇدايىلاندىرۋ، ءوندىرىس حاۋىپسىزدىگى قىزمەتتەرىن تىڭعىلىقتى جاقسى ىستەپ، ەكونوميكانىڭ، قوعامنىڭ دامۋىنا تاماشا ورتا قالىپتاستىرۋ كەرەك.
اۆتونوميالى رايوننىڭ ورىنباسار ءتوراعاسى جاروللا يسامدين قاتارلىلار بىرگە تەكسەرۋ - زەرتتەۋ جۇرگىزدى.
