شينحۋا اگەنتتىگىنىڭ 6 - ايدىڭ 28 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى «جۇڭگو كوممۋنيستىك پارتياسىنىڭ پارتيا بەلگىسى، پارتيا تۋى ەرەجەسىن» (تومەندە قىسقارتىلىپ «ەرەجە» دەلىنەدى) باسىپ تاراتتى ءارى حابارلاندىرۋ تاراتىپ، جەر - جەردەن، تاراۋلاردان دەن قويا وسى بويىنشا اتقارۋدى تالاپ ەتتى.
حابارلاندىرۋدا مىنالار اتاپ كورسەتىلدى: جۇڭگو كوممۋنيستىك پارتياسىنىڭ پارتيا بەلگىسى، پارتيا تۋى جۇڭگو كوممۋنيستىك پارتياسىنىڭ سيمۆولى جانە بەلگىسى. پارتيا بەلگىسىنىڭ، پارتيا تۋىنىڭ بەدەلىن قورعاۋ پارتيانىڭ بەدەلىن قورعاعاندىق، ءار دارەجەلى پارتيا ۇيىمدارى جانە ءاربىر پارتيا مۇشەسى، ءسوز جوق، اتقارۋعا ءتيىستى ساياسي جاۋاپكەرشىلىك. «ەرەجە» پارتيامىز تاريحىنداعى پارتيا بەلگىسى، پارتيا تۋى جونىندەگى تۇڭعىش نەگىزگى تۇلعالىق زاڭ ەرەجە، پارتيا بەلگىسىن، پارتيا تۋىن جاساۋداعى، پايدالانۋداعى، باسقارۋداعى نەگىزگى بويسۇنۋ ولشەمى. «ەرەجە» پارتيا ۋستاۆىن ءتۇبىرلى بويسۇنۋ ولشەمى ەتىپ، بۇرىن بار تاماشا ادىستەرگە مۇراگەرلىك ەتىپ، امالياتتىق جاڭا تاجىريبەلەردى قابىلداپ، پارتيا بەلگىسى، پارتيا تۋى قىزمەتىن جاپپاي ارناعا ءتۇسىردى. «ەرەجەنىڭ» جاسالۋى جانە اتقارىلۋى پارتيا بەلگىسىنىڭ، پارتيا تۋىنىڭ ساياسي رولىن تولىق ساۋلەلەندىرىپ، پارتيانىڭ ۇيىستىرۋ قۋاتىن، جاۋىنگەرلىك قۋاتىن كۇشەيتىپ، پارتيا مۇشەلەرىنىڭ پارتيا تانىمىن تاسقىنداتىپ، بۇكىل پارتيانى اۋەلگى ماقساتتى ۇمىتپاي، بورىشتى ەستە بەرىك ساقتاپ، مۇرات، سەنىمدى بەكەمدەپ، بۇكىل ەلدەگى ءار ۇلت حالقىن ىنتىماقتاستىرىپ، باستاپ، پارتيا تۋى استىندا ەرلىكپەن ىلگەرىلەۋگە جىگەرلەندىرۋدە توتەنشە كەلەلى ماڭىز الادى.
حابارلاندىرۋدا مىنالار تالاپ ەتىلدى: ءار دارەجەلى پارتيا ۇيىمدارى «ەرەجەنى» دەن قويا ۇيرەنىپ، دايەكتىلەندىرىپ، ۇگىت سەرپىنىن ارتتىرىپ، پارتيا بەلگىسى، پارتيا تۋى بىلىمدەرىن پارتيا تاريحىن ۇيرەنۋ تاربيەسىنىڭ، پارتيا مۇشەلەرىن تاربيەلەۋدىڭ، باۋلۋدىڭ، پارتياعا كىرەتىن بەلسەندىلەردى باۋلۋدىڭ ماڭىزدى مازمۇنى ەتىپ، قالىڭ پارتيا مۇشەلەرى مەن حالىق بۇقاراسىن پارتيا بەلگىسىنىڭ، پارتيا تۋىنىڭ تەرەڭ ءمانىن جانە قىزمەت تالابىن دۇرىس تانۋعا، پارتيا بەلگىسىن، پارتيا تۋىن جانە ونىڭ ورنەگىن سانالى تۇردە ارناعا ءتۇسىرىپ پايدالانۋعا تاربيەلەۋ، جەتەكتەۋ كەرەك. ورتالىق كوميتەتتىڭ ۇيىمداستىرۋ ءبولىمى قاتىستى تاراۋلارمەن بىرگە قۋزاۋ، جەتەكشىلىك ەتۋدى كۇشەيتىپ، «ەرەجەدەگى» ءتۇرلى بەلگىلەمەنىڭ ءونىمدى تياناقتانۋىنا شىنايى كەپىلدىك ەتۋ قاجەت. وڭىرلەر، تاراۋلار «ەرەجەنى» اتقارۋ بارىسىنداعى ماڭىزدى احۋالدار مەن ۇسىنىستاردى پارتيا ورتالىق كوميتەتىنە دەر كەزىندە مالىمدەۋ كەرەك.
«ەرەجە» جيىنى 24 تارماق، جاريالانعان كۇننەن باستاپ اتقارىلادى. وسىدان بۇرىن جاريالانعان پارتيا بەلگىسىنە، پارتيا تۋىنا قاتىستى بەلگىلەمەلەر وسى ەرەجەمەن بىردەي بولماسا، وسى ەرەجە بويىنشا اتقارىلادى.
