شينحۋا اگەنتتىگىنىڭ 6 - ايدىڭ 28 - كۇنى بەيجيڭنەن بەرگەن حابارى. ورتالىق پارتيا قۇرىلىسى قىزمەتى باسشىلىق گرۋپپاسىنىڭ باسشىلىعىندا، جۇڭگو كوممۋنيستىك پارتياسى ورتالىق كوميتەتىنىڭ پارتيا تاريحى مەن حۇجات زەرتتەۋ اكادەمياسى، ورتالىق پارتيا قۇرىلىسى قىزمەتى باسشىلىق گرۋپپاسىنىڭ حاتشىلار گرۋپپاسى سەلبەسىپ قۇراستىرعان «شي جينپيڭنىڭ پارتيانى جاپپاي قاتاڭ جونگە سالۋ جونىندەگى بايىمداۋلارىنان ۇزىندىلەر (2021 - جىلعى نۇسقا)» كىتابى جۋىقتا ورتالىق حۇجاتتار باسپاسىنان باسپادان شىعىپ، بۇكىل مەملەكەتتە تاراتىلدى.
پارتيانى جاپپاي قاتاڭ جونگە سالۋ − جاڭا داۋىردەگى پارتيانىڭ ەل باسقارۋداعى ايقىن ەرەكشەلىگى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانى جاپپاي قاتاڭ جونگە سالۋدى ”ءتورتتى جاپپاي ورىنداۋ“ ستراتەگيالىق ورنالاستىرۋىنا ەنگىزىپ، پارتيا ءدوپ كەلگەن ەلەۋلى حاۋىپ - قاتەرلەرمەن، سىن - سىناقتارمەن جانە پارتيا ىشىندە ورىن تەپكەن كورنەكتى ماسەلەلەرمەن باتىل بەتپە - بەت كەلىپ، قايسار ەرىك - جىگەرمەن، قۇلىقپەن ستيل دۇرىستاپ، ءتارتىپتى قاتايتىپ، شىرىكتەسۋگە قارسى تۇرىپ، سۇرقيالىقتى جازالاپ، پارتيا مەن مەملەكەتتىڭ ىشكى جاعىندا ورىن تەپكەن ەلەۋلى كومەسكى قاتەرلەردى جويىپ، پارتيانىڭ ىشكى ساياسي تۇرمىس رايىن جاڭالاپ، پارتيانىڭ ىشكى ساياسي ەكولوگياسىن كورنەكتى جاقسارتتى، پارتيانىڭ جاسامپازدىق قۋاتى، ۇيىستىرۋ قۋاتى، جاۋىنگەرلىك قۋاتى كورنەكتى كۇشەيىپ، پارتيانىڭ ىنتىماعى مەن بىرلىگى اناعۇرلىم بەكەمدەلىپ، پارتيا مەن بۇقارانىڭ قاتىناسى كورنەكتى جاقسارىپ، پارتيا توڭكەرىستىك شىڭدالۋ بارىسىندا اناعۇرلىم بەكەمدەلىپ، تىڭ، قۋاتتى جالىندى ومىرشەڭدىك قاۋلاتىپ، پارتيا مەن مەملەكەت ىستەرىنىڭ دامۋىنا مىعىم ساياسي كەپىلدىك ازىرلەدى. شي جينپيڭ جولداستىڭ پارتيانى جاپپاي قاتاڭ جونگە سالۋدى ارقاۋ ەتە وتىرىپ جاريالاعان ءبىرسىپىرا ماڭىزدى بايىمداۋلارىنىڭ ءمانى زور، مازمۇنى باي، يدەياسى تەرەڭ، ءبىزدىڭ اۋەلگى ماقساتتى ۇمىتپاي، بورىشتى ەستە بەرىك ساقتاۋىمىز، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداۋىمىز، مىزعىماس تاباندىلىقپەن پارتيانى جاپپاي قاتاڭ جونگە سالۋىمىز، جاڭا داۋىردەگى پارتيانىڭ ءوز - وزىنە توڭكەرىس جاساۋى ارقىلى جاڭا، ۇلى قوعامدىق توڭكەرىسكە جەتەكشىلىك ەتۋىمىز، جاپپاي سوتسياليستىك وسىزاماندانعان مەملەكەت قۇرۋىمىز، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋىمىز جونىنەن ايرىقشا كەلەلى ماڭىز الادى.
«بايىمداۋلاردان ۇزىندىلەر» 12 ارناۋلى تاقىرىپتان، جالپى 788 ابزاتىس بايىمداۋدان قۇرالدى، ولار شي جينپيڭ جولداستىڭ 2012 - جىلى 11 - ايدىڭ 15 - كۇنىنەن 2021 - جىلى 4 - ايدىڭ 27 - كۇنىنە دەيىنگى باياندامالارى، سوزدەرى، ماقالالارى، نۇسقاۋلارى سياقتى 220دان استام ماڭىزدى حۇجاتتان الىندى. مۇنىڭ ىشىندەگى ءبىر ءبولىم بايىمداۋلار تۇڭعىش رەت اشىق جاريالانىپ وتىر.
