شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان كونسەرتتى كوردى
6 - ايدىڭ 28 - كۇنى كەشتە جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ ادەبيەت - كوركەمونەر كونسەرتى «ۇلى ساپار» مەملەكەتتىك دەنە تاربيە الاڭىندا سالتاناتپەن وتكىزىلدى. □سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
6 - ايدىڭ 28 - كۇنى كەشتە جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ ادەبيەت - كوركەمونەر كونسەرتى «ۇلى ساپار» مەملەكەتتىك دەنە تاربيە الاڭىندا سالتاناتپەن وتكىزىلدى. شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلى پارتيا مەن مەملەكەت باسشىلارى شامامەن 20 مىڭ كورەرمەنمەن بىرگە كونسەرتتى كوردى. □ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
شينحۋا اگەنتتىگىنىڭ 6 - ايدىڭ 28 - كۇنى بەيجيڭنەن بەرگەن حابارى. قاجىرلىلىقپەن شارۋاشىلىق قۇرىپ، ۇلى ىستەر جاراتتى، اۋەلگى ماقساتتى ۇمىتپاي تاعى دا ساپارعا اتتاندى. جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ ادەبيەت - كوركەمونەر كونسەرتى «ۇلى ساپار» 6 - ايدىڭ 28 - كۇنى كەشتە مەملەكەتتىك دەنە تاربيە الاڭىندا سالتاناتپەن وتكىزىلدى. شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلى پارتيا مەن مەملەكەت باسشىلارى شامامەن 20 مىڭ كورەرمەنمەن بىرگە كونسەرتتى كورىپ، جۇڭگو كوممۋنيستىك پارتياسى قۇرىلعان 100 جىلدان بەرگى قۇلاشىن كەڭ جايعان شۇعىلالى بارىستى بىرگە ەسكە الىپ، ۇلى پارتيانىڭ جۇڭگو حالقىن باستاپ جاڭا ساپارعا قادام تاستاپ، جاڭا داۋىردە ەكپىندەي ىلگەرىلەۋىن بىرگە تىلەدى.
ءتۇن پەردەسىن جامىلعان وليمپيادا ورتالىعى اۋماعىندا الۋان ءتۇستى شام ساۋلەلەرى كوز تارتىپ، سالتاناتتى ساۋلەت كورسەتىپ، مەرەكە شاتتىعىن اڭعارتاتىن جۇڭگو تۇيىنشەگى تۇرىندەگى شام اشەكەيلەرى، كوزگە وتتاي باسىلاتىن قۇتتىقتاۋ قيمىلىنىڭ بەلگىلەرى، مىڭ بوياۋلى ايداھارشا ورالعان گۇل باعانالارى جۇڭگو كوممۋنيستىك پارتياسىنىڭ 100 جىلدىق مەرەي تويىنا دەگەن شات مەرەيلى تىلەكتەردى بەينەلەدى. التىن ءتۇستى شۇعىلاعا شومعان مەملەكەتتىك دەنە تاربيە الاڭى ”قۇس ۇياسى“ قانىق كوك ءتۇستى مەملەكەتتىك مالتاۋ ورتالىعى ”سۋ تەكشەسىمەن“ الىستان ۇندەسىپ تۇر.
مەملەكەتتىك دەنە تاربيە الاڭىنىڭ ىشىندە شام ساۋلەلەرى شۇعىلاسىن توگىپ تۇر. ورتالىق ساحناداعى الىپ ەكرانداعى التىن ءتۇستى پارتيا بەلگىسى قىزىل پەردەنىڭ ايشىقتاۋىندا نۇر شاشىپ، ەكى جاعىنا جەكە - جەكە ”1921“ جانە ”2021“ دەگەن التىن ءتۇستى جازۋ جازىلعان. ساحنانىڭ ەڭ بيىك جەرىندە 100 سالتانات كەرنايشى بويلارىن تىك ۇستاپ، ەكى جانىنداعى اينالمالى كورىنىستە جاۋىنگەرلەردىڭ توپتىق بەينەسى اسقاق تۇلعامەن ايبىن كورسەتىپ تۇر. ەر تۇلعالارىنان جالىن قاۋلاعان جاستار قولدارىنا قىزىل ءتۇستى گۇل شوقتارىن ۇستاپ، ساحنا ورتالىعىنا جينالىپ تۇردى.
19 ساعات 57 مينۋت مولشەرىندە، شات مەرەيلى مۋزيكا ءۇنى ىشىندە شي جينپيڭ قاتارلى باسشى جولداستار ءتوراعالار مىنبەسىنە شىعىپ، كوپشىلىككە قول بۇلعاپ قۇرمەت ءبىلدىردى، بۇكىل الاڭنان قىزۋ شاپالاق ءۇنى جانە الاقايلاعان ءۇن كوتەرىلدى.
اسقاق تا تەرەڭ سەزىمگە تولى ءان اۋەنىمەن، كوركى كوز تارتارلىق جالىننان ”100“ جىل سانى شىعىپ، مەملەكەتتىك دەنە تاربيە الاڭىنىڭ كەڭىستىگىندە سالتاناتتى كورىنىس بەردى. ساحنادا ۇساق ۇشقىنداردان قۇرالعان پارتيا بەلگىسىنىڭ ورنەگى كونسەرت شىمىلدىعىن اشتى.
كونسەرت كولەمدى كورىنىستىك ەپوس تۇرىندە كورسەتىلىپ، جالپى 4 بولىمنەن قۇرالىپ، كوپ ءتۇرلى كوركەمدىك تاسىلدەردى جالپىلاي قولدانىپ، جۇڭگو كوممۋنيستىك پارتياسىنىڭ 100 جىلدان بەرى جۇڭگو حالقىن باستاپ توڭكەرىس، قۇرىلىس، رەفورما جۇرگىزگەن ايبىندى كوركەم كارتيناسىن جاندى بەينەلەپ، پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭگوشا سوتسياليزمنىڭ جاڭا داۋىرگە ءوتىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىنا اسقاق ايبىنمەن ارشىندى قادام تاستاعاندىعىن ىستىق ىقىلاسپەن جىرلادى.
”بۇل ساياسي پارتيا، ءسوز جوق، جۇڭگونىڭ نۇرلى بولاشاققا قادام تاستاۋىنا جول نۇسقاپ، جۇڭگولىقتاردى جاقسى تۇرمىسقا جەتكىزەدى...“ دراما جانە ءبي «تاڭ ساز بەرۋ» تاياۋ زاماننان بەرى جۇڭحۋا ۇلتىنىڭ نەبىر قيىندىقتار مەن ماشاقاتتاردى باستان وتكىزىپ، سان - ساناقسىز ارداگەرلەر، ەگەي ەرلەر ءبىرىنىڭ ءىزىن ءبىرى باسىپ، وتاندى قۇتقارۋدىڭ، ۇلتتى قۇتقارۋدىڭ اقيقاتىن ىزدەپ، 1921 - جىلى جۇڭگو كوممۋنيستىك پارتياسى دۇنيەگە كەلگەن سوڭ عانا جۇڭگو توڭكەرىسىنىڭ شىت جاڭا بەينەگە ەنگەندىگىن كوز الدىعا اكەلدى. 1 - ءبولىم ”وت كەشىپ العا باسۋ“ كورىنىستىك ءبي «كوتەرىلىس، كوتەرىلىس»، ءان - ءبي «جەر»، دراما جانە ءبي «ۇزاق جورىق»، كورىنىستىك ۇلكەن حور «كۇركىرە حۋاڭحى»، حور جانە ءبي «العا، العا، العا» قاتارلى نومىرلەرمەن ۇلى توڭكەرىستىڭ وت - جالىنىندا، ماشاقاتتى ۇزاق جورىق جولىندا، جاپون شاپقىنشىلارىنا قارسى تۇرۋ سوعىسىنىڭ، ازاتتىق سوعىسىنىڭ قان مايدانىندا جۇڭگو كوممۋنيستىك پارتياسىنىڭ جۇڭگو حالقىن ىنتىماقتاستىرىپ، باستاپ، تولارساقتان قان كەشە ەرلىكپەن شايقاس جۇرگىزىپ، بولاتتاي بولىپ شىڭدالىپ شىققان ۇلى تاريحي بارىسىن جاندى كورسەتىپ بەردى.
ءبىر كونە دۇنيەنى تالقانداعان جۇڭگو كوممۋنيستەرى جاڭا دۇنيە قۇرىپ شىعا الا ما؟ 2 - ءبولىم ”بوران - شاشىنعا بوگەلمەۋ“ «مەملەكەت قۇرۋ سالتاناتى» بيىمەن باستالىپ، ءدۇبىرلى دۋماندى سوتسياليستىك توڭكەرىس جانە قۇرىلىس جىلدارىن ەسكە الدى. قۇلاق تۇندىرارلىق زەڭبىرەك ءۇنى ىشىندە كورىنىستىك حور جانە ءبي «سۇلۋ سۋرەتتەي جايناعان شايقاس جالاۋى» امەريكا جيھانگەرلىگىنە قارسى تۇرىپ، چاۋشيانعا كومەكتەسۋدەگى قيان - كەسكى سوعىس ساتتەرىن كوز الدىعا اكەلىپ، ەرىكتىلەر ارمياسى جاۋىنگەرلەرىنىڭ وتاندى قورعاعان وتتاي ىستىق سۇيىسپەنشىلىكتەرىن جىرلادى. اسقاقتاعان جىگەرلى ءان اۋەنىندە شيچۇي جانە ءبي «الاۋلاعان جىلدار» ۋاڭ جينشي، شى لايحى، لەي فىڭ، چيان شۋەسىن، جياۋ يۇيلۋ قاتارلى ءبىر توپ اۆانگارد ۇلگىلەردىڭ كۇرەسكەرلىك بەينەلەرىن جاندى سۋرەتتەدى.
جۇڭگو حالقىن ەڭسە كوتەرۋگە جەتەكتەگەن جۇڭگو كوممۋنيستىك پارتياسى حالىقتى بايۋعا باستاي الا ما؟ پارتيا 11 - كەزەكتى ورتالىق كوميتەتىنىڭ ءۇشىنشى جالپى ءماجىلىسى جەڭىسپەن اشىلىپ، بۇل سۇراۋعا رەفورما جاساۋ، ەسىك اشۋ سىندى تاريحي جاۋابىن بەردى. 3 - ءبولىم ”اساۋ اعىستا جۇرەكتىلىكپەن العا ۇمتىلۋدا“ «بۋىرقانعان كوكتەمگى تولقىن» ءبيى كوكتەمنىڭ حيكايالارىن ءۇمىتتىڭ اتىزىندا جايىپ سالسا، «ەرەكشە رايون شالقىماسى» ءان - ءبيى ەرەكشە رايوننىڭ ”الدا ءجۇرىپ الدىمەن سىناق ەتكەن“ ءداۋىر جۇرەك ءلۇپىلىن ءداپ باسسا، كورىنىستىك حور جانە ءبي «ورالۋ ءساتى» شياڭگاڭنىڭ، اۋمىننىڭ وتان قۇشاعىنا ورالعاندىعىن قىزۋ مەرەيمەن قۇتتىقتادى، ولەڭ وقۋ جانە حور «سامعاۋ» باتىستىڭ گازىن شىعىسقا جەتكىزۋ، باتىستىڭ ەلەكترىن شىعىسقا جەتكىزۋ، وڭتۇستىكتىڭ سۋىن سولتۇستىككە جەتكىزۋ، سولتۇستىكتىڭ كومىرىن وڭتۇستىككە جەتكىزۋ سىندى ەلەۋلى مەملەكەتتىك ينجەنەريالاردى جىرلادى. «پارتيا تۋى جۇرەگىمدە» اتتى كورىنىستىك ءبي جۇڭگو كوممۋنيستىك پارتياسىنىڭ باسشىلىعىندا، بۇكىل ەل حالقىنىڭ ءبىر جاعادان باس، ءبىر جەڭنەن قول شىعارىپ، ەل بىرلىگىنەن بەرىك قامال تۇرعىزىپ، ”سارسقا“ قارسى اتتانۋدىڭ، جەر سىلكىنىسىنە قارسى اتتانىپ، اپاتتان قۇتقارۋدىڭ ۇلى جەڭىسىنە قول جەتكىزگەندىگىن بەينەلەدى. «جورىقتاعى الاۋ» اتتى حور جانە ءبي بەيجيڭ وليمپياداسى، شاڭحاي الەمدىك كورمەسى، شىنجوۋ 7 - ءنومىرلى الەم كەمەسىنىڭ ۇشىرىلۋى سياقتى جان تەبىرەنتەرلىك تاريحي ساتتەردى جۇرتتىڭ جادىندا قايتا جاڭعىرتتى.
4 - تاراۋ ”نۇرلى بولاشاق“ جاڭا ءداۋىردىڭ ايبىندى كارتيناسىن كەستەلەپ، پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ۇلى كۇرەستى، ۇلى ينجەنەريانى، ۇلى ءىستى، ۇلى ارماندى جاپپاي مەڭگەرىپ، پارتيا مەن مەملەكەت ىستەرىندە تاريحي سيپاتتى ناتيجەگە قول جەتكىزگەندىگىنە، تاريحي سيپاتتى وزگەرىس تۋدىرعاندىعىنا قايىرىلا قارادى. تەاتر جانە ءان - ءبي «شىعىس كەرەمەتى» ميننيڭ قالاشىعىنىڭ، شىبادۇڭ قىستاعىنىڭ كەدەيلىكتەن ارىلتۋدان قامال الۋ حيكاياسىن بايانداپ، جۇڭگو كوممۋنيستەرىنىڭ جۇڭحۋا ۇلتىن جەتەكتەپ جاپپاي دوڭگەلەك داۋلەتتىلىكتى جۇزەگە اسىرعان ۇلى جەڭىسىن جاريا ەتتى. كورىنىستىك سيمفونيا ءان - ءبيى «حالىقتى بارىنەن جوعارى قويۋ» جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن بۇكىل ەل جۇمىلىپ، جوعارى مەن تومەن ءبىر نيەتتە بولعان جالپى حالىقتىق ”ىندەتپەن“ شايقاستى قايتا ايگىلەدى. كورىنىستىك ءان - ءبي «ارميانى قۇدىرەتتەندىرۋ جاۋىنگەرلىك جىرى» كوپ ارميا اسكەر ءتۇرىن ءبىر تۇلعالاندىرعان ناقتى سوعىستىق جاتتىعۋىن شىنايى ورىنداۋ ارقىلى شي جينپيڭ ارميانى قۇدىرەتتەندىرۋ يدەياسىنىڭ جەتەكشىلىگىندە حالىق ارمياسىنىڭ ارشىندى قاداممەن العا باسقان ەكپىندى بەينەسىن كورسەتتى. ولەڭ وقۋ جانە حور «مەملەكەتتى قۇدىرەتتەندىرۋ كۇشى» شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا كۇن سايىن قۇدىرەتتەنگەن جۇڭگو كۇشىن كورسەتتى. دابىل مۋزيكاسى ءان - ءبيى «جاڭا الەم»، ديامەترى 10 مەتر كەلەتىن ءبىر الىپ بارابان جانە 100 بارابان كەڭىستىكتە مەن مۇندالاپ، 100 بارابانشى دابىل قاعىپ، ايبىنى اسقاقتاعان، شىت جاڭا تۇسكەن ەنگەن كورىنىس جاڭا داۋىردەگى ۇلتتىڭ گۇلدەنۋىنىڭ ايبىندى كارتيناسىن كورسەتىپ، بايۋدان قۇدىرەتتەنۋگە دەيىنگى تاريحي زور وزگەرىستى بەينەلەپ، جۇڭحۋا پەرزەنتتەرىن سەنىممەن العا باسۋعا شاقىردى. مۋزيكا، بالالار حورى جانە ءبي «تاعدىرلاس بولۋ» ”ادامزاتتىڭ تاعدىرلاس ورتاق تۇلعاسىن قۇرۋدىڭ“ بۇكىل الەمدە اۋەلەگەن جۇرەك ءۇنىن ايگىلەدى.
”جول باستاۋشى! ۇلى جۇڭگو كوممۋنيستىك پارتياسى!“ نەگىزگى تاقىرىپتى ءان «جول باستاۋشىنىڭ» اۋەنىنە ىلەسە، 16 مەتر بيىكتىكتەگى التىن ءتۇستى پارتيا بەلگىسى سالتاناتپەن كوتەرىلىپ، شار تاراپقا ساۋلە شاشتى. ءان اۋەنىنە، شاپالاق ۇنىنە ىلەسە شىققان 10 الىپ قىزىل تۋ جەلمەن جەلبىرەپ، كەلبەتىن ايگىلەدى. ”مەيلى قانشاما شالعايدا بولساڭ دا، سەن ءبىزدىڭ قاسىمىزداسىڭ، سەنىم ماڭگىلىك، اۋەلگى ماقسات ۇمىتىلمايدى. حالىق دەگەنىمىز بيلىك، وندا سەنىڭ بورىشىڭ مەن جاۋاپكەرشىلىگىڭ جاتىر...“. ساۋلە شاشقان جارقىلداق تاعى ءبىر رەت ءتۇن كەڭىستىگىن جارىقتاندىرىپ، ويىن ءنومىرىن جوعارى ورلەۋگە كوتەردى.
ادەبيەت - كوركەمونەر كونسەرتى اياقتاعاندا تۇتاس الاڭداعىلار ورىندارىنان تۇرىپ، «كوممۋنيستىك پارتيا بولماسا جاڭا جۇڭگو بولماق ەمەس» ءانىن بىرگە اسقاقتاتا شىرقادى، قىزۋ شاپالاق ءۇنى ۇزاققا دەيىن تولاستامادى.
كونسەرتتى كورگەندەردەن تاعى مىنالار بار: ديڭ شۋەشياڭ، ۋاڭ چىن، ليۋ حى، شۇي چيلياڭ، سۇن چۇنلان، ياڭ جيەچى، ياڭ شياۋدۋ، جاڭ يوۋشيا، چىن شي، حۋ چۇنحۋا، گو شىڭكۇن، حۋاڭ كۇنميڭ، ساي چي، لي رۇيحۋان، جيا چيڭلين، جاڭ دىجياڭ، يۇي جىڭشىڭ، زىڭ چيڭحۇڭ، ۋ گۋانجىڭ، لي چاڭچۇن، حى گوچياڭ، ليۋ يۇنشان، جاڭ گاۋلي، يوۋ چۋان، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، چىن جۋ، ۋاڭ دۇڭميڭ، بايما چىلين، ديڭ جۇڭلي، حاۋ ميڭجين، ساي دافىڭ، ۋ ۋيحۋا، ۋي فىڭحى، ۋاڭ يۇڭ، ۋاڭ ي، شياۋ جيە، جاۋ كىجى، جوۋ چياڭ، جاڭ جۇن، جاڭ چيڭلي، ليۋ چيباۋ، پابالا گىلەلاڭجيە، ۋان گاڭ، حى حوۋحۋا، لۋ جانگۇڭ، ما بياۋ، چىن شياۋگۋاڭ، لياڭ جىنيىڭ، شيا باۋلۇڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋي، شاۋ حۇڭ، گاۋ يۇنلۇڭ جانە ۋاڭ لىچۋان، ۋاڭ جاۋگو، حۇي لياڭيۇي، ليۋ چي، ۋ ي، ساۋ گاڭچۋان، ليۋ ياندۇڭ، لي يۋانچاۋ، ما كاي، لي جيانگو، فان چاڭلۇڭ، مىڭ جيانجۋ، گو جينلۇڭ، حى يۇڭ، دۋ چيڭلين، جاۋ حۇڭجۋ، گۋ شيۋليان، رى دي، ۋيۇنچيمۇگى، چىن جىلي، جوۋ تيەنۇڭ، ۋاڭ شىڭجۇن، چىن چاڭجى، جاڭ پيڭ، شياڭبا پيڭسو، چاڭ ۋانچۋان، جيا چۇنۋاڭ، ۋاڭ جۇڭيۇي، جاڭ حۋايشي، لي مىڭ، باي ليچىن، چىن كۇييۋان، ابىلەت ابدىرەشيت، لي جاۋجو، حۋاڭ مىڭفۋ، جاڭ مەييىڭ، جاڭ رۇڭميڭ، چيان يۇنلۋ، سۇن جياجىڭ، لي جينحۋا، جىڭ ۋانتۇڭ، ۋاڭ جىجىن، حان چيدى، لو فۋحى، لي حايفىڭ، چىن يۋان، جوۋ شياۋچۋان، ۋاڭ جيارۇي، چي شۇيچۇن، ليۋ شياۋفىڭ، ۋاڭ چينمين، سونداي - اق لي زوچىڭ، مياۋ حۋا، جاڭ شىڭمين جانە چىن بيڭدى، لي جي - ناي، چياۋ چيڭچىن، جيڭ جىيۋان، جاۋ كىشى، ۋ شىڭلي، ما شياۋتيان، شياڭگاڭ ەرەكشە اكىمشىلىك رايونىنىڭ اكىمى لينجىڭ يۋە - ى، اۋمىن ەرەكشە اكىمشىلىك رايونىنىڭ اكىمى حى يچىڭ.
بەيجيڭدەگى ورتالىقتىڭ پارتيا، ۇكىمەت، ارميا، بۇقارالىق ورىندارىنىڭ ءارقايسى تاراۋلارىنداعى جاۋاپتى جولداستار، ساقا جولداستاردىڭ ۋاكىلدەرى، بەيجيڭدەگى ورتالىق باسقاراتىن فينانس قۇرىلىمدارى، كاسىپورىن، جوعارى مەكتەپ، عىلمي زەرتتەۋ قۇرىلىمدارى سياقتى ورىندارداعى نەگىزگى جاۋاپتى جولداستار، بەيجيڭدەگى ورتالىق كوميتەت مۇشەلەرى، ورتالىق كوميتەت كانديدات مۇشەلەرى، پارتيا 19 - قۇرىلتايىنىڭ ۋاكىلدەرى، ورتالىق ءتارتىپ تەكسەرۋ كوميتەتىنىڭ مۇشەلەرى، مەملەكەتتىك باقىلاۋ - تەكسەرۋ كوميتەتىنىڭ مۇشەلەرى، مەملەكەتتىك حالىق قۇرىلتايىنىڭ ۋاكىلدەرى، مەملەكەتتىك ساياسي كەڭەستىڭ مۇشەلەرى، شياڭگاڭدىق، اۋمىندىق، تايۋاندىق باۋىرلاستاردىڭ، شەتەلدەگى چياۋمين باۋىرلاستاردىڭ ۋاكىلدەرى، ءارقايسى دەموكراتيالىق پارتيا - توپتار ورتالىق كوميتەتتەرىنىڭ بەيجيڭدەگى مۇشەلەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ بەيجيڭدەگى اتقارۋ كوميتەتىنىڭ جانە پارتيادا، توپتا جوق قايراتكەرلەردىڭ ۋاكىلدەرى، بەيجيڭ قالاسىنداعى قاتىستى جاۋاپتى جولداستار، مەملەكەت وردەنىنىڭ جانە مەملەكەت داڭق اتاعىنىڭ يەگەرلەرى، ”ەكى بومبى، ءبىر جاساندى سەرىك ۇلەسكەر مەدالىنىڭ“، ”مەملەكەتتىك كەدەيلىكتەن ارىلتۋدان قامال الۋ ونەگەسى“ داڭق اتاعىنىڭ، ”مەملەكەتتىك ەڭ جوعارى عىلىم - تەحنيكا سيلىعىنىڭ“، ”عارىش قاھارماندارىنىڭ“، ”قاھارمان عارىشكەرلەردىڭ“ يەگەرلەرى، مەملەكەتتىك وزات، ۇلگىلى قايراتكەرلەر ۋاكىلى، 11 - اۋلەت بانچان ەردەني چۋەجيجيەبۋ، بۇكىل مەملەكەتتىك ءدىني توپتاردىڭ نەگىزگى جاۋاپتىلارى، بەيجيڭدەگى جۇڭگو عىلىم اكادەمياسىنىڭ اكادەميكتەرى جانە جۇڭگو ينجەنەريا اكادەمياسىنىڭ اكادەميكتەرى، شەتەلدە وقىپ وتانعا ورالعان تاڭداۋلى دارىندىلاردىڭ ۋاكىلدەرى، قايتىس بولعان ءبىر ءبولىم قارت كادرلاردىڭ تۋىس - تۋعاندارى، قۇربانداردىڭ جانە ۇكىمەت قىزمەتى ءۇشىن قۇربان بولعانداردىڭ بالا - شاعاسى، ”پارتيا قۇشاعىنداعى داڭقتى 50 جىل“ ەستەلىك زناك يەگەرلەرىنىڭ ۋاكىلدەرى، 2021 - جىلى جاڭادان قابىلدانعان پارتيا مۇشەلەرىنىڭ ۋاكىلدەرى، بۇكىل ەلدەگى از ۇلت ۋاكىلدەرى، مەملەكەت بويىنشا ءتۇيىندى تۇردە قامقورلىق جاسالاتىن وبيەكتىلەر، استانانىڭ ءار سالاسىنداعى بۇقارا ۋاكىلدەرى، بەيجيڭدە تۇراتىن اسكەري بولىمدەردەگى كوماندير - جاۋىنگەرلەردىڭ ۋاكىلدەرى قاتارلىلار كونسەرتتى كوردى.
ماڭىزدى حالىقارالىق دوستار، بەيجيڭدەگى ءار ەلدىڭ جۇڭگودا تۇراتىن ەلشىلەرى جانە حالىقارالىق ۇيىمداردىڭ جۇڭگودا تۇراتىن ۋاكىلدەرى، شەتەلدىك ماماندار دا ۇسىنىسپەن كونسەرتتى كوردى.
