ۇلگى رۋحىن اسقاقتاتىپ، قۇلشىنا ەڭبەك كورسەتىپ، ۇلەس قوسامىز
− باس شۋجي شي جينپيڭنىڭ ”1 - شىلدە وردەنىن“ بەرۋ سالتىندا سويلەگەن ماڭىزدى ءسوزى رايونىمىزدا قىزۋ اڭىس قوزعادى
□ انار بۇلت / شينجياڭ گازەتىنىڭ تىلشىلەرى
6 - ايدىڭ 29 - كۇنى جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ ”1 - شىلدە وردەنىن“ بەرۋ سالتى سالتاناتپەن وتكىزىلدى. باس شۋجي شي جينپيڭ ”1 - شىلدە وردەنى“ يەگەرلەرىنە وردەن بەردى ءارى ماڭىزدى ءسوز سويلەدى، بۇل رايونىمىزدا قىزۋ اڭىس قوزعادى. كوپشىلىك جابال مىنالاردى ءبىلدىردى: باس شۋجيدىڭ ماڭىزدى ءسوزىنىڭ رۋحىن تەرەڭدەي ءتۇسىنىپ، ماداقتالىپ سيلانعان قاھارمان ۇلگىلەردەن ۇيرەنىپ، پارتيانىڭ اۋەلگى ماقساتىن، بورىشىن ەستە بەرىك ساقتاپ، اناعۇرلىم تاسقىنداعان ىنتامەن، اناعۇرلىم اسقاق جىگەرمەن جاڭا ساپاردا قاجىماي - تالماي كۇرەس جۇرگىزۋىمىز كەرەك.
مۇرات - سەنىمدى بەكەمدەپ، وسكەلەڭ رۋحتى ساۋلەلەندىرەمىز
باس شۋجي شي جينپيڭ مىنالاردى اتاپ كورسەتتى: ”بۇگىن ماداقتالىپ سيلانعان ’1 - شىلدە وردەنىنىڭ‘ يەگەرلەرى − ءار شەپتەگى پارتيا مۇشەلەرىنىڭ كورنەكتى ۋاكىلدەرى. ولاردىڭ ءون بويىندا جۇڭگو كوممۋنيستەرىنىڭ سەنىمدى بەكەمدەپ، باس ماقساتتى امالياتتا ايگىلەپ، ايانباي ۇلەس قوسىپ، پاك، كوپشىل بولعان اسقاق قاسيەتى جانە اسىل رۋحى جاندى ايگىلەندى“.
”1 - شىلدە وردەنىنىڭ“ يەگەرى مامەتجان ءوماردىڭ اۋىلى قۇلجا اۋدانى ونيار اۋىلى بولەكەي قىستاعىنداعى پارتيالى كادر - بۇقارا قىستاقتىڭ شاعىن الاڭىندا ”1 - شىلدە وردەنىن“ بەرۋ سالتىن بىرگە كوردى. باس شۋجي شي جينپيڭ مامەتجان ءومارعا ”1 - شىلدە وردەنىن“ بەرگەن كەزدە بۇكىل الاڭدى قىزۋ قول شاپالاق ءۇنى كەرنەدى.
”قارت ياچەيكا شۋجيى مامەتجان پارتياعا كىرگەن 48 جىلدان بەرى پارتياعا شەكسىز ادال، قالتقىسىز بولىپ، تۇتاس قىستاق حالقىن كوكەيىندە ساقتادى“. بولەكەي قىستاعى پارتيا ياچەيكاسىنىڭ شۋجيى ءساييبام مىرزاحىمەت بىلاي دەدى: ”مەن قارت ياچەيكا شۋجيىن ۇلگى ەتىپ، ماڭگى پارتيانى ءسۇيىپ، پارتياعا سەنىپ، پارتياعا ىلەسىپ، بۇقارا ءۇشىن ناقتى ءىس ىستەۋگە، جاقسى ءىس ىستەۋگە تاباندى بولىپ، جاڭاشا اۋىل - قىستاقتى اناعۇرلىم ويداعىداي قۇرامىن“.
ۋي دىيوۋدىڭ ”1 - شىلدە وردەنىنە“ داڭقپەن يە بولۋى شينجياڭ ءوندىرىس - قۇرىلىس بيڭتۋانىنداعى قالىڭ جۇمىسشى - قىزمەتشىلەرگە تەرەڭ شابىت بەردى.”’1 - شىلدە وردەنى‘ پارتيا ىشىندە ەڭ جوعارى داڭق سانالادى، ارامىزداعى تاڭداۋلى پارتيا مۇشەسى ۋي دىيوۋ وسى داڭققا يە بولدى، ءبىز توتەنشە تەبىرەندىك“. بيڭتۋان 9 - شى شيپاحاناسى پارتكومىنىڭ شۋجيى، شيپاحانا باستىعى ۋ ۋيدۇڭ بىلاي دەدى: وسى تاڭداۋلى كوممۋنيستەردىڭ ءون بويىنان ايگىلەنگەن سەنىمدى بەكەمدەپ، باس ماقساتتى امالياتتا ايگىلەپ، ايانباي ۇلەس قوسىپ، پاك، كوپشىل بولعان اسقاق قاسيەت جانە اسىل رۋح بۇكىل ەمدەۋ قىزمەتكەرلەرىن ۇستانىمدى، نانىمدى، سەنىمدى بەكەمدەۋگە، ءوز قىزمەتىن ويداعىداي ىستەۋگە، پارتيا مەن مەملەكەتتىڭ ۇندەۋىنە ءاردايىم قۇلاق اسۋعا شابىتتاندىردى.
”اسا باعالى وردەن − شەكسىز داڭق“. اۆتونوميالى رايوندىق حالىق ىستەرى مەڭگەرمەسىندەگى جاس پارتيا مۇشەسى شۇيشياڭ باييۋە وردەن بەرۋ سالتىن كورگەننەن كەيىن تەبىرەنە بىلاي دەدى: ”وردەن يەگەرلەرىنىڭ ءون بويىندا ايگىلەنگەن وسكەلەڭ رۋح ادامدى ەكپىندەي ىلگەرىلەۋگە جىگەرلەندىرەتىن ءداۋىر كۇش - قۋاتى بولىپ تابىلادى. ءبىز جاس پارتيا مۇشەلەرى ولاردىڭ قاسيەتىنەن ۇيرەنىپ، ولاردىڭ رۋحىن اسقاقتاتىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ماڭگى بويكۇيەزدىككە سالىنباي، العان بەتىمىزدەن قايتپاي، اسىل مۇرات ءۇشىن كۇرەس جاساۋ امالياتىن ۇزدىكسىز العا ىلگەرىلەتۋىمىز كەرەك“.
قاھارماندىق ىزگى ىستەردەن ۇيرەنىپ، ەكپىندەي ىلگەرىلەۋ كۇش - قۋاتىن قابىلدايمىز
”1 - شىلدە وردەنى“ يەگەرلەرىنىڭ بارلىعى حالىقتان شىقتى، حالىققا تامىر تارتتى، ولار ءوز قىزمەتىن تياناق ەتىپ، ءۇن - ءتۇنسىز ۇلەس قوسقان قاراپايىم قاھارماندار. ولاردىڭ ىزگى ىستەرى ۇيرەنۋگە تۇرارلىق، ىستەۋگە تۇرارلىق، ولاردىڭ رۋحى تالپىنۋعا، قول جەتكىزۋگە تۇرارلىق.
قۇلجا قالالىق 23 - ورتا مەكتەپ پارتيا باس ياچەيكاسىنىڭ شۋجيى گاۋ چياڭ ”1 - شىلدە وردەنىنىڭ“ يەگەرى جاڭ گۇيمەيدىڭ ىزگى ىستەرىنەن تەرەڭ اسەرلەندى. ”جاڭ گۇيمەي اۋرۋىنا قاراماي قىزمەتتى بار ىنتاسىمەن ىستەپ، كەدەي تاۋلى وڭىردەگى 1800دەن استام قىز بالانىڭ داشۋە وقۋ ارمانىنا كومەكتەستى“. گاۋ چياڭ: ءبىز باس شۋجيدىڭ ماڭىزدى ءسوزىن ەستە بەرىك ساقتاپ، ۇلگىلەردەن ۇيرەنىپ، ۇلگى بولۋعا ۇمتىلىپ، ءىس جۇزىندىك ارەكەتىمىز ارقىلى پارتيا ءۇشىن ادام تاربيەلەۋىمىز، مەملەكەت ءۇشىن دارىندى تاربيەلەۋىمىز كەرەك، - دەدى.
”وردەن يەگەرلەرىنىڭ بارلىعى ءبىزدىڭ جانىمىزداعى جاقىن تارتۋعا تاتيتىن، قۇرمەتتەۋگە تاتيتىن، ۇيرەنۋگە تاتيتىن ۇلگىلەرىمىز“. تاشقورعان تاجىك اۆتونوميالى اۋدانى تىزناپ اۋىلى تىزناپ قىستاعىندا شەكارا قورعاۋشى مافتۇل كەنجە وردەن بەرۋ سالتىن كورگەننەن كەيىن تەبىرەنە بىلاي دەدى: ”مەن ۋي دىيوۋ سياقتى وتان مەن حالىقتىڭ ادال قورعاۋشىسى بولىپ، وتان شەكاراسىن ويداعىداي قورعايمىن“.
اۆتونوميالى رايوندىق پارتكوم ۇگىت ءبولىمىنىڭ كادر - قىزمەتكەرلەرى وردەن بەرۋ سالتىن شوعىرلى كوردى. ۇگىت ءبولىمىنىڭ كادرى ءشاھيدا ءانۋار مىنانى ءبىلدىردى: ءبىز قاراپايىم قاھارمانداردىڭ ءون بويىنان كۇش - قۋات قابىلداپ، دەن قويا شوگەلدىلىكپەن ىستەپ، قامال الىپ، قيىندىقتاردى جەڭىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قاجىماي - تالماي كۇرەس جاساۋىمىز كەرەك.
”’1 - شىلدە وردەنىن‘ بەرۋ سالتى بىزگە اسەرلى يدەيا - ساياسي تاربيە ساباعى بولدى“. ءپىشان اۋداندىق حالىق سوتى مەكەمەسى لوكچۇن حالىق سوتىنىڭ ورىنباسار باستىعى ۇرايىم سىمايىل بىلاي دەدى: ”مەن باس شۋجيدىڭ ماڭىزدى ءسوزىن ەستە بەرىك ساقتاپ، كوپتىڭ قامىن ويلاپ، ۇقىپتىلىقپەن ءوزىمدى تاربيەلەپ، پاك، كىرشىكسىز بولاتىن ساياسي قاسيەتتى ماڭگى ساقتايمىن “.
اۋەلگى ماقساتتى، بورىشتى ەستە بەرىك ساقتاپ، پارتيا مەن حالىق ءۇشىن ەڭبەك كورسەتىپ، ۇلەس قوسامىز
”باس شۋجي بىلاي دەپ اتاپ كورسەتتى: جۇڭگو كوممۋنيستىك پارتياسى باستان - اياق ءداۋىر اۆانگاردى، ۇلتتىڭ تىرەگى بولۋ ءۇشىن، پارتيا مۇشەلەرى قوسىنى، ءسوز جوق، بەرىك، بەكەم بولۋى كەرەك“. اۆتونوميالى رايوندىق پارتكوم پارتيا مەكتەبى (اكىمشىلىك شۋەيۋانى) وقىتۋ باسقارماسىنىڭ ورىنباسار باستىعى راحىمان كىبىر بىلاي دەدى: ”پارتيا مەكتەبىنىڭ كادرى رەتىندە، مەن پارتيالى كادرلاردى تاربيەلەۋ - باۋلۋ قىزمەتىن تىڭعىلىقتى، ويداعىداي ىستەپ، تۇتاس مەكتەپتىڭ (تۇتاس شۋەيۋاننىڭ) پارتيا مۇشەلەرىن پارتيانىڭ سيپاتىن، باس ماقساتىن ەستە بەرىك ساقتاپ، پارتيانىڭ اۋەلگى ماقساتىن، بورىشىن ەستە بەرىك ساقتاپ، پارتيانىڭ قالاۋىنان شىعاتىن، حالىقتىڭ قالاۋىنان شىعاتىن، ءداۋىردىڭ قالاۋىنان شىعاتىن ناتيجە جاراتۋعا قۇلشىنۋعا تاربيەلەيمىن، جەتەكتەيمىن“.
باي اۋداندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى يپارگۇل ءادىل وردەن بەرۋ سالتىن كورگەننەن كەيىن مىنالاردى ءبىلدىردى: ”1 - شىلدە وردەنى“ يەگەرلەرىنىڭ اسەرلى ىزگى ىستەرى مەن وسكەلەڭ رۋحىن زور كۇشپەن ۇگىتتەپ، تۇتاس اۋداندا وزاتتاردى ارداقتايتىن، جاقسىدان ونەگە الاتىن كۇشتى راي قالىپتاستىرىپ، پارتيالى كادرلاردى ءوز قىزمەت ورىندارىندا ەڭبەك كورسەتىپ، ۇلەس قوسۋعا شابىتتاندىرۋ كەرەك.
نەعۇرلىم ۇلى ءىس بولعان سايىن، نەعۇرلىم سىن - سايىستارعا تولى بولعان سايىن، سولعۇرلىم ماڭىزدىلىعىن ءبىلۋ، اۋىر جۇك ارقالاۋ قاجەت. اۆتونوميالى رايوندىق دامۋ جانە رەفورما كوميتەتىنىڭ ياركەن اۋدانىنىڭ حۋاڭدي قالاشىعى جوعارعى دوڭوستەڭ قىستاعىنداعى ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى يان دۇڭ بىلاي دەدى: ءبىز ”نەعۇرلىم قيىن، قاتەرلى بولعان سايىن، سولعۇرلىم العا ۇمتىلاتىن“ قاھارماندىق ارىندى، ”اي - كۇنگە ءامىر شاشا الامىز جاڭارتۋعا كوك ءجۇزىن“ دەيتىن اسقاق جىگەردى ساقتاپ، بۇقارانىڭ ”شۇعىل، قيىن، ۋايىمداعان، ءزارۋ“ ماسەلەلەرىن شىن مانىندە شەشىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋىمىز كەرەك.
اۆتونوميالى رايوندىق پارتكوم قارت كادرلار مەكەمەسىنىڭ ورىنباسار باستىعى جي گۇيلين بىلاي دەدى:”’1 - شىلدە وردەنى‘ يەگەرلەرىنىڭ كوپ ساندىسى قارت جولداستار ەكەن. بۇدان كەيىن ءبىز قارت جولداستارعا قىزمەت وتەۋ بارىسىندا قارت جولداستاردان ۇيرەنۋگە تاباندى بولىپ، پارتيالى كادرلاردىڭ قالىڭ قارت جولداستاردىڭ تاريحي ۇلەسىن ءتۇسىنۋ جانە ۇعىنۋ بارىسىندا قىزمەتتى جاقسى ىستەۋدىڭ جاۋاپكەرشىلىك سەزىمىن، بورىشتىلىق سەزىمىن اناعۇرلىم كۇشەيتۋىنە مۇمكىندىك جاساۋىمىز كەرەك“.
”باس شۋجيدىڭ سويلەگەن ءسوزى ءبىزدىڭ الەۋمەتتىك اۋماق قىزمەتىن ويداعىداي ىستەۋ سەنىمىمىز بەن بەكىمىمىزدى بەكەمدەدى“. ءۇرىمجى قالاسى تيانشان رايونى ۇلكەن بازار اۋماعىن باسقارۋ كوميتەتى شۋاڭچيڭشياڭ الەۋمەتتىك اۋماعى پارتيا ياچەيكاسىنىڭ شۋجيى لي يمين بىلاي دەدى: ”مەن الەۋمەتتىك اۋماق كادرلارىن باستاپ، بۇقارانىڭ ويلاعانىن ويلاپ، بۇقارانىڭ اسىققانىنا اسىعىپ، بۇقارانىڭ قيىنشىلىعىن شەشىپ، حالىققا باقىت جاراتۋ ءىس جۇزىندىك ارەكەتىم ارقىلى كوممۋنيستەردىڭ ’مەن وزىممەن ساناسپاي، حالىقتىڭ ءۇمىتىن اقتايمىن‘ دەگەن سۇيىسپەنشىلىگىن تۇسىندىرەمىن“.
(ءتىلشى جاڭ يانفاڭ، قاتىناسقان تىلشىلەر: ءجازيرا نەسىپبەك، ۋاڭ نا، ميھىرگۇل عوپۇر، حان چينيان، شى شين، جاۋ شييا، فان چيۇڭيان، لي لين، يۇي شي)
