تيانشان تورى
تيانشان تورى   ›   جاڭالىقتار   ›   شينجياڭ حابارلارى

شينجياڭنان 19 ادام، 11 كوللەكتيۆ وسى ەرەكشە اتاققا يە بولدى

  بۇكىل مەملەكەتتىك ”ەكى تاڭداۋلىنى، ءبىر وزاتتى“ ماداقتاپ سيلاۋدا

  شينجياڭنان 19 ادام، 11 كوللەكتيۆ وسى ەرەكشە اتاققا يە بولدى

  انار بۇلت / شينجياڭ گازەتىنىڭ ءتىلشىسى ۋاڭ نا 6 - ايدىڭ 29 - كۇنى ۇرىمجىدەن حابارلايدى. 6 - ايدىڭ 28 - كۇنى تۇستەن كەيىن بۇكىل مەملەكەتتىك ”ەكى تاڭداۋلىنى، ءبىر وزاتتى“ ماداقتاپ سيلاۋ جينالىسى بەيجيڭ حالىق سارايىندا وتكىزىلىپ، ماداقتالىپ سيلانعان جەكەلەر مەن كوللەكتيۆتەردىڭ ۋاكىلدەرىنە سيلىق بەرىلدى. شينجياڭنان 19 جەكە جانە 11 نەگىزگى ساتى پارتيا ۇيىمى قۋانىشپەن ەرەكشە اتاققا يە بولدى.

  وسى رەتكى ماداقتاپ سيلاۋدا تاشقورعان تاجىك اۆتونوميالى اۋدانى تىزناپ اۋىلى تىزناپ قىستاعىنىڭ بۇرىنعى شەكارا قورعاۋشىسى لاچين بايەكە قاتارلى 12 ادام ”مەملەكەتتىك تاڭداۋلى كوممۋنيستىك پارتيا مۇشەسى“ اتاعىنا، حوتان قالاسى تۇساللا قالاشىعى پارتكومىنىڭ شۋجيى، پارتيا مەكتەبىنىڭ باستىعى، 4 - دارەجەلى تەكسەرۋ - زەرتتەۋشى حوۋ جينفىڭ قاتارلى 7 ادام ”مەملەكەتتىك تاڭداۋلى پارتيا ىستەرى قىزمەتكەرى“ اتاعىنا، قاشقار ايماقتىق قوعام حاۋىپسىزدىگى مەكەمەسى سايلاۋىت ساقشى تارماق اترەتى ەرەكشە شايقاس ۇلكەن اترەتى پارتيا ياچەيكاسى قاتارلى 11 نەگىزگى ساتى پارتيا ۇيىمى ”مەملەكەتتىك وزات نەگىزگى ساتى پارتيا ۇيىمى“ اتاعىنا يە بولدى.

  بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى. پارتيا ورتالىق كوميتەتى ءبىر توپ مەملەكەتتىك تاڭداۋلى كوممۋنيستىك پارتيا مۇشەلەرىن، مەملەكەتتىك تاڭداۋلى پارتيا ىستەرى قىزمەتكەرلەرىن جانە مەملەكەتتىك وزات نەگىزگى ساتى پارتيا ۇيىمىن ماداقتاپ سيلاۋدى ۇيعاردى. باعالاۋ، ماداقتاپ سيلاۋ قىزمەتى ورنالاستىرۋى بويىنشا ءارقايسى ولكە (اۆتونوميالى رايون، توتە قاراستى قالا) پارتكومى مەن ورتالىقتىڭ قاتىستى تاراۋلارى (جۇيە) پارتكومى (پارتيا باسشىلىق گرۋپپاسى) وبيەكتىلەردى العا قويۋ، كورسەتۋ نەگىزىندە مۇقيات تەكسەرۋ، ىرىكتەپ قاراۋ ارقىلى 400 مەملەكەتتىك تاڭداۋلى كوممۋنيستىك پارتيا مۇشەسىن (تولىقتاپ بەرگەن 16 ادامدى قامتيدى)، 300 مەملەكەتتىك تاڭداۋلى پارتيا ىستەرى قىزمەتكەرىن (تولىقتاپ بەرگەن 2 ادامدى قامتيدى)، 499 مەملەكەتتىك وزات نەگىزگى ساتى پارتيا ۇيىمىن ماداقتاپ سيلاۋ وبيەكتىسى ەتىپ تۇراقتاندىردى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.