انار بۇلت / شينجياڭ گازەتىنىڭ ءتىلشىسى جاڭ يانفاڭ 6 - ايدىڭ 29 - كۇنى ۇرىمجىدەن حابارلايدى. 6 - ايدىڭ 29 - كۇنى جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ ”1 - شىلدە وردەنىن“ بەرۋ سالتى بەيجيڭدە سالتاناتپەن وتكىزىلدى، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ”1 - شىلدە وردەنى“ يەگەرلەرىنە وردەن بەردى. ۇلتتار ىنتىماعىن، العاباسارلىعىن ىلگەرىلەتۋدىڭ ۇلگىلى ۋاكىلى، قۇلجا اۋدانى ونيار اۋىلى بولەكەي قىستاعى پارتيا ياچەيكاسىنىڭ بۇرىنعى شۋجيى، قىستاق تۇرعىندار كوميتەتىنىڭ بۇرىنعى مەڭگەرۋشىسى مامەتجان ءومارعا، 50 نەشە جىل اۋەلگى ماقساتتان اينىماي، وتان ءۇشىن شەكارا قورعانىسىن كۇزەتكەن شينجياڭ ءوندىرىس - قۇرىلىس بيڭتۋانى 9 - شىسى 161 - تۋانىنىڭ پەنسياعا شىققان جۇمىسشىسى ۋي دىيوۋعا ”1 - شىلدە وردەنى“ بەرىلدى.
1952 - جىلى دۇنيەگە كەلگەن مامەتجان ءومار 48 جىلدىق پارتيا ستاجىنا يە، ول قوعام ورنىقتىلىعى كەلەلى جاعدايىن باتىل قورعاپ، ءدىني ۇشقارى كۇشتەردەن تونگەن ءولىم حاۋپى الدىندا تيتتەي دە جاسقانباي، كەۋدە كەرىپ العا شىقتى، تۋى ايقىن تۇردە”ءۇش ءتۇرلى كۇشپەن“ باتىل كۇرەسۋدىڭ وزات ۇلگىسى. ول نەگىزدى نىعايتىپ، تاعاندى بەكەمدەۋگە تاباندى بولىپ، ياچەيكا قۇرىلىسى مەن پارتيا مۇشەلەرى قوسىنى قۇرىلىسىن بارىنشا يگەردى، قىستاق ياچەيكا شۋجيى مىندەتىن اتقارعان 30 نەشە جىلدا قىستاقتا بىردە - ءبىر زورلىقتى كۇش لاڭكەستىك وقيعاسى تۋىلمادى، ءبىر نەگىزگى ساتى ۇيىمى قۇرىلىسىنداعى ”كەنجە“ قىستاقتى الدىڭعى لەكتە جۇرەتىن ۇلگىلى قىستاق ەتىپ قۇرىپ شىقتى. ول ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ىشكەرىلەي ورىستەتىپ، بالاباقشا اشىپ مەملەكەتتە ءبىر تۇتاس قولدانىلاتىن ءتىل - جازۋدى جالپىلاستىرىپ، ۇلتتار ىنتىماعىن، العاباسارلىعىن ىلگەرىلەتۋگە كورنەكتى ۇلەس قوستى. ول ەگىمشىلىك، باعىمشىلىق كاسىبىن بەلسەندىلىكپەن دامىتىپ، ءتۇرلى شەبەرلىككە باۋلۋ كۋرستارىن اشىپ، ”بىردە - ءبىر ادامدى كەدەيلەستىرمەدى، بىردە - ءبىر ادامدى قاتاردان قالدىرمادى!“. ونىڭ جەتەكشىلىگىندە كەزىندەگى كەدەي قىستاق تۇرلەنىپ، دوڭگەلەك داۋلەتتى قىستاققا اينالدى. ول ”مەملەكەتتىك تاڭداۋلى كوممۋنيستىك پارتيا مۇشەسى“، ”مەملەكەتتىك ەڭبەك ەرى“ سياقتى اتاقتارعا داڭقپەن يە بولعان.
1940 - جىلى دۇنيەگە كەلگەن ۋي دىيوۋ، 1983 - جىلى جۇڭگو كوممۋنيستىك پارتياسىنا مۇشە بولعان، ول باستان - اياق ”مەن وتان ءۇشىن شەكارا قورعانىسىن كۇزەتەمىن“ دەگەن بەرىك سەنىمدى ۇستانىپ، 57 جىلدى ءبىر كۇنگىدەي وتكىزىپ، شەكارا قورعانىسىنىڭ ءبىرىنشى شەبىنە تامىر تارتتى، جاڭا داۋىردە توراڭعى رۋحىن، بيڭتۋان رۋحىن امالياتتا ايگىلەۋدىڭ تيپتىك ۋاكىلى. ول ءۇيىن شەكارا جەلىسىنە ورنالاستىرىپ، ”ءۇيى جولدىڭ ەڭ باسىندا، مال باققانى شارلاۋ جۇرگىزگەنى بولىپ“، نەشە ونداعان جىلداردان بەرى شەكاراعا جاقىنداعان 1000نان استام ادامدى (رەت) ءناسيحاتتاپ كەرى قايتاردى جانە بوگەدى، باسقارۋ - تىزگىندەۋ اۋماعىندا بىردە - ءبىر رەت سىرتقا ساياتىن وقيعا تۋىلمادى، ونىڭ وتباسى ”قورعانىستىق اۋىسۋ بولمايتىن ەرلى - زايىپتىلار قاراۋىلى“ اتالدى. ونىڭ شەكارا شارلاپ باسقان جولىنىڭ جالپى ۇزىندىعى 200 مىڭ كيلومەتردەن استى، بۇل ەكۆاتوردى 5 رەت اينالعانمەن بىردەي، شەكارا جەلىسىندەگى ”ءتىرى شەكارا بەلگىسى“ اتالىپ، مەملەكەت حاۋىپسىزدىگىن، شەكارانىڭ ورنىقتىلىعىن قورعاۋعا ماڭىزدى ۇلەس قوستى. ول ”مەملەكەتتىك ءمورال ۇلگىسى“، ”ءداۋىر ونەگەسى“ سياقتى اتاقتارعا داڭقپەن يە بولعان.
”1 - شىلدە وردەنى“ پارتيا ىشىندەگى ەڭ جوعارى داڭق، بۇكىل ەلدە جيىنى ەلەۋلى ەڭبەك سىڭىرگەن 29 پارتيا مۇشەسى وسى ەرەكشە داڭققا يە بولدى. ولاردىڭ ءون بويىنان جۇڭگو كوممۋنيستەرىنىڭ سەنىمدى بەكەمدەۋ، باس ماقساتتى امالياتتا ايگىلەۋ، جان قيارلىقپەن شايقاسىپ ۇلەس قوسۋ، پاك ءارى كوپشىل بولۋداي اسىل قاسيەتى مەن وسكەلەڭ رۋحى جاندى ايگىلەندى، ولارعا وسكەلەڭ قۇرمەت بىلدىرەمىز!
