اۆتونوميالى رايون جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ بايلانىسىمەن «شۇعىلالى بەلەس» نەگىزگى تاقىرىبىنداعى ادەبيەت - كوركەمونەر ساۋىق كەشىن وتكىزدى
چىن چۋانگو، فۋ جىفاڭ، شوكىرات زاكىر، شاۋكەت يمىن، نۇرلان ءابىلماجىن، ۋاڭ جۇنجىڭ، جاڭ چۇنلين ءار ۇلت، ءار سالا ۋاكىلدەرىمەن بىرگە كونسەرتتى كوردى
تاياۋدا اۆتونوميالى رايوننىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ بايلانىسىمەن دايىنداعان «شۇعىلالى بەلەس» نەگىزگى تاقىرىبىنداعى ادەبيەت - كوركەمونەر ساۋىق كەشى شينجياڭ حالىق سارايىندا ءوتتى. سۋرەتتە: ارتيستەر توپتىق حور «العا باسا بەر، جۇڭگو كوممۋنيستىك پارتياسى» ءانىن شىرقاۋدا. □ سۋرەتتى انار بۇلت/شينجياڭ گازەتىنىڭ ءتىلشىسى حان لياڭ تۇسىرگەن
انار بۇلت/شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي، لي لي 6 - ايدىڭ 29 - كۇنى ۇرىمجىدەن حابارلايدى. تاياۋدا اۆتونوميالى رايوننىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ بايلانىسىمەن دايىنداعان «شۇعىلالى بەلەس» نەگىزگى تاقىرىبىنداعى ادەبيەت - كوركەمونەر ساۋىق كەشى شينجياڭ حالىق سارايىندا ءوتتى، ءار ۇلت پەرزەنتتەرى ءان ايتىپ، ءبي بيلەپ، پارتياعا دەگەن شىنايى سۇيىسپەنشىلىگى مەن شي جينپيڭ جولداستى ۇيتقى ەتكەن پارتيا ورتالىق كوميتەتىنە دەگەن شەكسىز قۇرمەتىن تەرەڭ بەينەلەدى. اۆتونوميالى رايوندىق پارتكومنىڭ شۋجيى چىن چۋانگو، بۇكىل ەلدەگى ساياسي - زاڭ قوسىندارىن تاربيەلەۋ - رەتتەۋ بويىنشا ورتالىقتىڭ 16 - قۋزاۋ - جەتەكشىلىك ەتۋ گرۋپپاسىنىڭ باستىعى فۋ جىفاڭ، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى ۋاڭ جۇنجىڭ، اۆتونوميالى رايوندىق پارتكومنىڭ ورىنباسار شۋجيى جاڭ چۇنلين قاتارلىلار ءار ۇلت، ءار سالا ۋاكىلدەرىمەن كونسەرتتى بىرگە كورىپ، پارتيانىڭ شۇعىلالى بەلەسىنە بىرگە قايىرىلا قاراپ، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن بىرگە قۇتتىقتادى.
”كوممۋنيستىك پارتيا بولماسا، جاڭا جۇڭگو بولماق ەمەس...“ تەرەڭ سۇيىسپەنشىلىكپەن ايتىلعان ءان اۋەنى ىشىندە ساۋىق كەش شىمىلدىعىن اشتى. ساۋىق كەش ”تىڭنان تۇرەن سالۋ“، ”تۇبەگەيلى بۇرىلىس تۋدىرۋ“، ”جويقىن وزگەرىس اكەلۋ“، ”عالامات ىستەر تىندىرۋ“ سىندى 4 تاراۋعا ءبولىندى. ءار ۇلت ادەبيەت - كوركەمونەر قىزمەتكەرلەرى ءان، ءبي، مانەرلەپ وقۋ، كورىنىستىك ورىنداۋ سياقتى كوپ ءتۇرلى فورمامەن پارتيامىزدىڭ 100 جىلدىق شۇعىلالى بەلەسىن جاندى تۇردە قايتالاي ەلەستەتتى. جان تەبىرەنتەتىن اۋەندەر، رۋحتى جەلپىندىرەتىن مانەرلەپ وقۋلار، ماڭگى ەستەن كوتەرىلمەس تاريحي ساتتەر جۇڭگو كوممۋنيستىك پارتياسىنىڭ پارمەندى باسشىلىعىندا، پارتيانىڭ ۇلت ساياساتىنىڭ نۇر - شۇعىلاسىندا، شينجياڭداعى ءار ۇلت حالقىنىڭ بىرگە ىنتىماقتاسا كۇرەسىپ، بىرگە گۇلدەنىپ دامىعان جاندى كورىنىسى شينجياڭداعى ءار ۇلت پەرزەنتتەرىنىڭ جۇڭگو كوممۋنيستىك پارتياسىن شىن نيەتىمەن قولدايتىندىعىن تولىق ايگىلەدى، شي جينپيڭ جولداستى ۇيتقى ەتكەن پارتيا ورتالىق كوميتەتىنە شەكسىز العىس ايتاتىندىعىن جانە ماڭگى پارتياعا العىس ايتۋ، پارتيانىڭ سوزىنە قۇلاق اسۋ، پارتياعا ىلەسۋ بەرىك سەنىمىن تەرەڭ بەينەلەدى.
«قىزىل قايىقتىڭ ساپارعا اتتانۋى»، «كۇزگى جيىن - تەرىن كوتەرىلىسى جىرى»، «شيجياڭيۋە . جيڭگاڭشان»، «زۇن - ي ءماجىلىسى شۇعىلا شاشتى»، «جەتى بۋىندى ولەڭ . ۇزاق جورىق»، «حۋاڭحى ۇلكەن حورى»، «بۇكىل جۇڭگونى ازات ەتۋ» سياقتى ءان - ءبي نومىرلەرى پارتيامىزدىڭ نانحۋداعى قىزىل قايىقتا ساپارعا اتتانىپ، اۋەلگى ماقساتتى، بورىشتى ارقالاپ، قان مەن وتتى كەشىپ جۇڭحۋا حالىق رەسپۋبليكاسىن قۇرعان قۇلاشىن كەڭ جايعان ساپارىن باياندادى. مەملەكەت ءانى «ەرىكتىلەر مارشىنىڭ» باستاماسى كىشى كەرنايدىڭ اسقاق اۋەنى جاڭعىرعاندا بۇكىل الاڭداعى كورەرمەندەر توپتىق ءۇن قوسىپ، تۇگەل ورىندارىنان تۇرىپ، جوعارى داۋىسپەن بىرگە شىرقادى. «سوتسياليزم جاقسى»، «داڭعىل جولمەن كەلەمىز»، «قاھارماندار ماداق جىرى»، «وتاندى جىرلايمىز» سياقتى ءان - ءبي جيناعى ءار ۇلت حالقىنىڭ ارشىندى قاداممەن سوتسياليزمنىڭ داڭعىل جولىمەن ءجۇرىپ، وتانمەن تىنىستاس، تاعدىرلاس، جۇرەكتەس بولعان ماقتانىشى مەن قۋانىشىن ايگىلەدى. «كوكتەم حيكاياسى»، «ءۇمىت دالاسىندا»، «شىعىس مەرۋەرتى»، «قيىندىقتاردى بىلەك بىرىكتىرە جەڭۋ»، «پارتيا، سۇيىكتى انا» سياقتى نومىرلەر كورەرمەندەردى كوكتەم سامالى ەسكەن، ومىرشەڭدىككە تولى رەفورما جاساعان، ەسىك اشقان جىلدارعا ورالتتى. «اۋەلگى ماقساتتى ۇمىتپاۋ»، «ءار ۇلت حالقىنىڭ جاڭا تۇرمىسى»، «مەن جۇڭگونىڭ بالاسىمىن»، «ءسوزىڭىزدى ەڭ ۇناتىپ تىڭدايمىز»، «بيلىك دەگەنىمىز حالىق، حالىق دەگەنىمىز بيلىك» سياقتى نومىرلەر پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شينجياڭنىڭ قوعامى ورنىقتى بولعان، حالقى تىنىش ءومىر، شات - شادىمان تىرشىلىك كەشىرگەن تاماشا جاعدايىن جاندى ايگىلەپ، تيانشان پەرزەنتتەرىنىڭ پارتياعا ىستىق ىقىلاستى، ماداق سەزىمىن تەرەڭ بەينەلەپ، شينجياڭداعى ءار ۇلت حالقىنىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تاباندىلىقپەن دايەكتىلەندىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋ بەكىمىن، سەنىمىن شىنايى ايگىلەدى.
”تۋ باستاماشىلىق ەتتى، جول داڭقتى، ءداۋىر ۇندەۋدە، گۇلدەنۋ ارمانى...“ سوڭىنان بۇكىل الاڭداعىلار «العا باسا بەر، جۇڭگو كوممۋنيستىك پارتياسى» ءانىن بىرگە شىرقادى. پارتيا تۋى، مەملەكەت تۋى جەلبىرەپ، ءان اۋەنى اسقاقتاپ، ساۋىق كەش جوعارى ورلەۋگە كوتەرىلدى. بۇكىل ساۋىق كەش ەرەكشە تارتىمدى بولىپ، ءار ۇلت كورەرمەندەرىنىڭ شاپالاق ءۇنى تولاستامادى.
ورتالىق قۋزاۋ - جەتەكشىلىك ەتۋ گرۋپپاسىنىڭ ورىنباسار باستىعى شۇي حايبين جانە ورتالىق قۋزاۋ - جەتەكشىلىك ەتۋ گرۋپپاسىنداعى باسقا جولداستار، اۆتونوميالى رايوندىق پارتكومنىڭ تۇراقتى مۇشەلەرى ياڭ چىڭ، ەركىن تۇنياز، تيان ۋىن، لي يفي، سارقىت اقان، چىن ۋيجۇن، ۋاڭ ميڭشان جانە اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، شينجياڭ اسكەري رايونىنىڭ، شينجياڭ ءوندىرىس - قۇرىلىس بيڭتۋانىنىڭ باسشىلىق القاسى قۇرامىنداعىلار، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى، قارۋلى ساقشى شينجياڭ باس اترەتىندەگى نەگىزگى جاۋاپتى جولداستار، پەنسياعا، دەمالىسقا شىققان ساقا جولداستار، ءار ۇلت، ءار سالا، ءار كاسىپ ۋاكىلدەرى قاتارلىلار كونسەرتتى كوردى.
