تيانشان تورى   ›   ۇيرەنۋ   ›   شولۋ

ۇلتتىڭ گۇلدەنۋى ۇلى ءىسى بارىسىندا پارتيا مەن حالىق ءۇشىن ەڭبەك ءسىڭىرىپ، ەسە قوسايىق

  حالىق گازەتى باسماقالاسى 

  ۇلى ءداۋىر ۇلى رۋحقا ۇندەيدى، وسكەلەڭ ءىس ۇلگىنىڭ جەتەكتەۋىن قاجەت ەتەدى. ”1 - شىلدە“ قارساڭىندا، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ ”1 - شىلدە وردەنىن“ بەرۋ سالتى، مەملەكەتتىك ”ەكى تاڭداۋلىنى، ءبىر وزاتتى“ ماداقتاپ سيلاۋ جينالىسى حالىق سارايىندا سالتاناتپەن وتكىزىلدى. جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ قارساڭىندا، جۇڭگو كوممۋنيستىك پارتياسى ورتالىق كوميتەتى اتىنان ”1 - شىلدە وردەنى“ سىندى پارتيا ىشىندەگى ەڭ جوعارى وسى داڭقتى تۇڭعىش رەت بەرىپ، مەملەكەتتىك تاڭداۋلى كوممۋنيستىك پارتيا مۇشەلەرىن، مەملەكەتتىك تاڭداۋلى پارتيا ىستەرى قىزمەتكەرلەرىن جانە مەملەكەتتىك وزات نەگىزگى ساتى پارتيا ۇيىمدارىن ماداقتاپ سيلاۋ بۇكىل پارتيادا، بۇكىل قوعامدا وزاتتاردى ارداقتايتىن، جاقسىدان ونەگە الۋعا تالپىناتىن جالىندى راي قالىپتاستىرىپ، قالىڭ پارتيا مۇشەلەرىن، كادرلاردى پارتيانىڭ سيپاتىن، باس ماقساتىن ەستە بەرىك ساقتاپ، پارتيانىڭ اۋەلگى ماقساتىن، بورىشىن ەستە بەرىك ساقتاپ، قاجىماي - تالماي كۇرەس جۇرگىزۋگە، ماڭگى كۇرەس جۇرگىزۋگە شابىتتاندىرۋ جونىنەن كەلەلى دە تەرەڭ ماڭىز الادى.

  باس شۋجي شي جينپيڭ ”1 - شىلدە وردەنى“ يەگەرلەرىنە وردەن بەردى ءارى وردەن بەرۋ سالتىندا ماڭىزدى ءسوز سويلەدى. باس شۋجي پارتيامىزدىڭ 100 جىلدان بەرى حالىقتى ىنتىماقتاستىرىپ، باستاپ، تاڭ قالارلىق كەرەمەتتەر جاراتقاندىعىن جوعارى باعالاپ، 100 جىلدان بەرى جۇڭگو كوممۋنيستەرىنىڭ سەنىمدى بەكەمدەگەن، باس ماقساتتى امالياتتا ايگىلەگەن، جان قيارلىقپەن ۇلەس قوسقان، پاك، كوپشىل بولعان وسكەلەڭ ءمورالى مەن وسكەلەڭ رۋحىن تەرەڭ جيناقتادى. باس شۋجي شي جينپيڭنىڭ ماڭىزدى ءسوزىنىڭ تۇرعىسى بيىك، مازمۇنى باي، وندا تەرەڭ سۇيىسپەنشىلىك قامتىلعان، ول بۇكىل پارتياداعى جولداستاردى پارتياعا ماڭگى سەنىپ، پارتيانى ءسۇيىپ، پارتيا ءۇشىن قىزمەت ىستەپ، حالىقتىق تۇرعىعا، حالىقتى بارىنەن جوعارى قويۋعا تاباندى بولىپ، دەن قويا قاجىرلىلىقپەن ىستەپ، قامال الىپ، قيىندىقتى جەڭىپ، پاك، كىرشىكسىز ساياسي قاسيەتتى ماڭگى ساقتاپ، جاپپاي سوتسياليستىك وسىزاماندانعان مەملەكەت قۇرۋ جاڭا ساپارىندا، ەكىنشى 100 جىلدىق كۇرەس نىساناسىنا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنا قاراي ەرلىكپەن العا باسۋعا جىگەرلەندىرەدى جانە شابىتتاندىرادى!

  ءۇمىتى بار ءبىر ۇلتتا قاھارمان بولماسا بولمايدى، بولاشاعى بار ءبىر ەلدە اۆانگارد بولماسا بولمايدى. 100 جىلدان بەرى پارتيامىز اۋەلگى ماقسات پەن بورىشتى امالياتتا ايگىلەۋدى مۇرات ەتىپ، حالىقتى ىنتىماقتاستىرىپ، باستاپ، ۇلى جول اشىپ، ۇلى ەڭبەكتەر ءسىڭىرىپ، ۇلى رۋح سومداپ، باعالى تاجىريبە توپتاپ، جۇڭحۋا ۇلتىنىڭ دامۋ تاريحى مەن ادامزات قوعامىنىڭ العا باسۋ تاريحىندا ايبىندى تاراۋ جازدى. 100 جىلدان بەرى ءار ۇرپاق جۇڭگو كوممۋنيستەرى ۇلتتىڭ تاۋەلسىزدىگى مەن حالىقتىڭ ازاتتىعىنا قول جەتكىزۋ، مەملەكەتتىڭ بايۋىن، قۇدىرەتتەنۋىن جانە حالىقتىڭ باقىتىن جۇزەگە اسىرۋ ءۇشىن، الدىڭعىلارىنىڭ ءىزىن سوڭعىلار باسىپ، قان كەشە ەرلىكپەن شايقاس جۇرگىزىپ، قاجىرلىلىقپەن كۇرەس جۇرگىزىپ، قالتقىسىز ۇلەس قوسىپ، اسقاق تا ايبىندى قاھارماندىق ەرلىك جىرىن جازدى. ”1 - شىلدە وردەنى“ يەگەرلەرى اراسىندا تالاي - تالاي سوعىستا ەرەن ەڭبەك كورسەتكەن قارت اسكەرلەر بار، كەدەيلىكتەن ارىلتۋدان قامال الۋ ىستەرىنە ءومىرىن ارناعان نەگىزگى ساتى كادرلارى بار، اسا مول نازاريالىق ساپا مەن مەڭگەرۋ تەحنيكاسىن ءوز بويىنا توعىتقان ءىرى ەل ۇستالارى بار، قىزىل گەن ارقىلى ادام تاربيەلەپ رۋحتى سومداعان وقۋ - اعارتۋ قىزمەتكەرلەرى بار، ۇڭىلە زەرتتەۋ جۇرگىزىپ، ۇلەس قوسۋدى ماقسات تۇتقان عالىمدار بار، وتاندى ءسۇيۋ، شەكارانى كۇزەتۋ رۋحىن جالعاستىرعان ەگىنشى - مالشىلار بار... ولار پارتيا مەن حالىق ءۇشىن كورنەكتى ۇلەس قوستى، قۇندى رۋحاني بايلىق جاراتتى.

  ۇلگى − كورنەكتى فيلوسوفيالىق قاعيدا، ول كوممۋنيستەردىڭ رۋحاني قاسيەتىن تۇسىندىرەدى. باس شۋجي شي جينپيڭ بىلاي دەپ تەرەڭدەي اتاپ كورسەتتى: ”بۇگىن ماداقتالىپ سيلانعان’1 - شىلدە وردەنىنىڭ‘ يەگەرلەرى −ءارقايسى شەپتەگى پارتيا مۇشەلەرىنىڭ ۇزدىك ۋاكىلدەرى. ولاردان جۇڭگو كوممۋنيستەرىنىڭ سەنىمدى بەكەمدەپ، باس ماقساتتى امالياتتا ايگىلەپ، ايانباي ۇلەس قوسىپ، پاك، كوپشىل بولعان اسقاق قاسيەت جانە ارداقتى رۋح جاندى ايگىلەندى“. سەنىمدى بەكەمدەۋدە، اۋەلگى ماقساتتى ۇمىتپاۋعا، ءوز مۇراتىنان اينىماۋعا تاباندى بولىپ، بەرىك تە تاباندى مۇرات - سەنىممەن، پارتيا مەن حالىققا دەگەن شىنايى ادال پەيىلمەن، پارتيا مەن حالىققا دەگەن ادالدىقتى جانە ىستىق سۇيىسپەنشىلىكتى كوكەيدە بەرىك ساقتاپ، ارەكەتتە تياناقتاندىرىپ، پارتيا مەن حالىق ىستەرى ءۇشىن وزىندەگى باردىڭ بارلىعىن، ءتىپتى، قىمباتتى ءومىرىن ارناپ، پارتيانىڭ مۇرات - سەنىمى ءۇشىن قايسارلىقپەن كۇرەس جۇرگىزدى، قاجىماي - تالماي كۇرەس جۇرگىزدى؛ باس ماقساتتى امالياتتا ايگىلەۋدە، حالىققا شەكسىز تەرەڭ سۇيىسپەنشىلىكتە بولىپ، حالىقتى كوكەيدە ساقتاپ، قىزمەتتى حالىق ءۇشىن ىستەپ، بۇقارا ويلاعاندى ويلاپ، بۇقارا اسىققانعا اسىعىپ، بۇقارانىڭ قيىنشىلىعىن شەشىپ، بۇقارامەن تىعىز بايلانىس ورناتىپ، بۇقاراعا بەرىك سۇيەنىپ، بۇكىل ىنتا - پەيىلمەن بۇقارانى باقىتقا بولەپ، حالىقتى باقىتقا كەنەلتەتىن ءىس جۇزىندىك ارەكەتپەن كوممۋنيستەردىڭ ”وزىمەن ساناسپاي، حالىقتىڭ ءۇمىتىن اقتايتىن“ اسقاق سۇيىسپەنشىلىگىن ءتۇسىندىردى؛ جان قيارلىقپەن ۇلەس قوسۋدا، پارتياعا ءوزىن ارناپ، وتاننىڭ ءۇمىتىن اقتاپ، مىندەت اتقارىپ، جاۋاپكەرشىلىكتى ادا ەتۋدى ومىرلىك نىسانا ەتىپ، قيىندىقتان، قاتەردەن تايسالماي، قۇربان بەرۋدەن تايىنباي، قاجىرلىلىقپەن ىستەپ، ناقتى ىستەپ، مويىماس قاجىرلىلىق كورسەتىپ، كوممۋنيستەردىڭ قالتقىسىز، قايىسپاس ۇلەس قوسۋ رۋحىن جانە بەرىك تە مىزعىماس كۇرەسكەرلىك رۋحىن تولىق ايگىلەدى؛ پاك، كوپشىل بولۋدا، كوممۋنيستەردىڭ قاجىرلى، قاراپايىم بولىپ، كوپتىڭ عانا قامىن ويلاپ، ءوز قامىمەن ساناسپايتىن داڭقتى ءداستۇرىن ساقتاپ، ەشقاشان دا ەڭبەگىم بار دەپ بۇلدانباي، جەكە باسىنىڭ مۇددەسىمەن ەسەپتەسپەي، راقاتقۇمارلىققا بوي ۇرماي، تارتىپكە بويسۇنىپ، قاعيدانى دارىپتەپ، كوممۋنيستەردە بولۋعا ءتيىستى ءمورالدىق قاسيەتتى جاندى بەينەلەدى.

  جاڭا ءداۋىر قاھارماندارعا مۇقتاج، سونداي - اق، ءسوز جوق، قاھارماندار شىعارا الاتىن ءداۋىر. جۇڭگو كوممۋنيستىك پارتياسى قاشاندا ءداۋىر اۆانگاردى، ۇلتتىڭ تىرەگى بولۋ ءۇشىن، پارتيا مۇشەلەرى قوسىنى، ءسوز جوق، شىڭدالۋ كەرەك. ۇلىلىق قاراپايىمدىلىقتان كەلەدى، قاراپايىمدىلىق ۇلىلىقتى سومدايدى. ”1 - شىلدە وردەنىنىڭ“ يەگەرلەرىنىڭ بارلىعى حالىقتان كەلگەن، حالىققا تامىر تارتقان، ءوز قىزمەتىن تياناق ەتىپ، ءۇن - ءتۇنسىز ۇلەس قوسقان قاراپايىم قاھارماندار. ولاردىڭ ىزگى ىستەرى ۇيرەنۋگە تاتيدى، ىستەۋگە تاتيدى، ولاردىڭ رۋحى تالپىنۋعا، قول جەتكىزۋگە تاتيدى. ولار ءوز ارەكەتتەرىمەن تەك مۇرات - سەنىمدى بەكەمدەپ، كۇرەسكەرلىك جىگەردى بەكەمدەپ، اينىماس قايسارلىقتى بەكەمدەپ، جايشىلىقتا كوزگە ءتۇسىپ، شەشۋشى ساتتە كەۋدە كەرە العا شىعىپ، قاتەرلى، قيىن وتكەلدە باسىن ءباي تىگە بىلسە، ءاربىر پارتيا مۇشەسى ۇلتتى گۇلدەندىرۋ ۇلى ىسىندە پارتيا مەن حالىق ءۇشىن ەڭبەك ءسىڭىرىپ، ەسە قوسا الاتىندىعىن دالەلدەدى. ”1 - شىلدە وردەنى“ يەگەرلەرىن ۇلگى ەتىپ، سەنىمدى بەكەمدەيتىن، باس ماقساتتى امالياتتا ايگىلەيتىن، جان قيارلىقپەن ۇلەس قوساتىن، پاك، كوپشىل بولاتىن وسكەلەڭ ءمورال مەن وسكەلەڭ رۋحتى بارىنشا اسقاقتاتاتىن بولساق، ءبىز كوممۋنيستەردىڭ ساياسي قاسيەتىن ماڭگى ساقتاپ، حالىقتىڭ قۇپتاۋى مەن قولداۋىنا ماڭگى يە بولا الامىز.

  ءبىزدىڭ ءداۋىرىمىز ادامدى ەكپىندەي ىلگەرىلەۋگە جەلپىندىرەتىن ۇلى ءداۋىر، ءبىزدىڭ جۇرگىزگەن ءىسىمىز بۇرىنعىلار ىستەپ كورمەگەن ۇلى ءىس، ءبىز شۇعىلدانىپ وتىرعان جۇڭگوشا سوتسياليزم ىستەرى بۇكىل حالىقتىڭ ورتاق ءىسى. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، زەيىن - زەردە مەن كۇش - قۋاتتى ۇيىستىرىپ، قايراتتانا العا ىلگەرىلەپ، جاڭا داۋىردە اناعۇرلىم زور داڭقتارعا جەتۋىمىز، جاڭا ساپاردا جاڭا تاريحي ۇلى ىستەر ىستەۋىمىز كەرەك!

  (شينحۋا اگەنتتىگىنىڭ 6 - ايدىڭ 29 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.