تيانشان تورى   ›   جاڭالىقتار   ›   ماڭىزدى حابارلار

جۇڭگو كوممۋنيستىك پارتياسى ورتالىق كوميتەتىنىڭ بۇكىل مەملەكەتتىك تاڭداۋلى كوممۋنيستىك پارتيا مۇشەلەرىن، بۇكىل مەملەكەتتىك تاڭداۋلى پارتيا ىستەرى قىزمەتكەرلەرىن جانە بۇكىل مەملەكەتتىك وزات نەگىزگى ساتى پارتيا ۇيىمدارىن ماداقتاپ سيلاۋ جونىندەگى قارارى

  جۇڭگو كوممۋنيستىك پارتياسى ورتالىق كوميتەتىنىڭ بۇكىل مەملەكەتتىك تاڭداۋلى كوممۋنيستىك پارتيا مۇشەلەرىن، بۇكىل مەملەكەتتىك تاڭداۋلى پارتيا ىستەرى قىزمەتكەرلەرىن جانە بۇكىل مەملەكەتتىك وزات نەگىزگى ساتى پارتيا ۇيىمدارىن ماداقتاپ سيلاۋ جونىندەگى قارارى

  (2021 - جىلى 6 - ايدىڭ 28 - كۇنى)

  جۇڭگو كوممۋنيستىك پارتياسى 100 جىلدىق ايبىنى اسقاق شۇعىلالى بارىستى باسىپ ءوتتى. 100 جىلدان بەرى پارتيامىز باستان - اياق جۇڭگو حالقىنىڭ باقىتىن كوزدەۋ، جۇڭحۋا ۇلتىنىڭ گۇلدەنۋىن كوزدەۋ اۋەلگى ماقساتى مەن بورىشىنان اينىماي، بۇكىل ەلدەگى ءار ۇلت حالقىن ىنتىماقتاستىرىپ، باستاپ، ۇلى جول اشىپ، ۇلى ەڭبەكتەر ءسىڭىرىپ، ۇلى رۋح سومداپ، باعالى تاجىريبەلەر توپتاپ، جۇڭحۋا ۇلتىنىڭ دامۋ تاريحىندا، ادامزات قوعامىنىڭ دامۋ تاريحىندا تاڭ قالارلىق كەرەمەتتەر جاراتتى.

  پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل پارتيا جۇڭگوشا سوتسياليزم ۇلى تۋىن بيىك ۇستاپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ، ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، پارتيا مەن مەملەكەت ىستەرىندە تاريحي تابىستارعا قول جەتكىزدى، تاريحي وزگەرىستەر تۋدىردى. شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، ءارقايسى شەپتەردە زور توپتاعى تاڭداۋلى كوممۋنيستىك پارتيا مۇشەلەرى، تاڭداۋلى پارتيا ىستەرى قىزمەتكەرلەرى جانە وزات نەگىزگى ساتى پارتيا ۇيىمدارى جارىققا شىقتى. جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ بايلانىسىمەن وزاتتاردى ماداقتاپ سيلاپ، دۇرىس سالتتى اسقاقتاتۋعا، قالىڭ پارتيا مۇشەلەرى مەن ءار دارەجەلى پارتيا ۇيىمدارىن ەرلىكپەن وزات بولۋعا تالپىنۋعا، ەڭبەك ءسىڭىرىپ، ەسە قوسۋعا شابىتتاندىرۋ ءۇشىن، پارتيا ورتالىق كوميتەتى ”بۇكىل مەملەكەتتىك تاڭداۋلى كوممۋنيستىك پارتيا مۇشەسى“ اتاعىن ۋ لياڭيۇڭ قاتارلى 384 جولداسقا بەرۋدى، لي شيانجۇڭ قاتارلى 16 جولداسقا تولىقتاپ بەرۋدى، ”بۇكىل مەملەكەتتىك تاڭداۋلى پارتيا ىستەرى قىزمەتكەرى“ اتاعىن چىن يانشۇن قاتارلى 298 جولداسقا بەرۋدى، مىڭ حان قاتارلى 2 جولداسقا تولىقتاپ بەرۋدى، ”بۇكىل مەملەكەتتىك وزات نەگىزگى ساتى پارتيا ۇيىمى“ اتاعىن بەيجيڭ قىسقى وليمپياداسى ۇيىمداستىرۋ كوميسسياسى يانچيڭ جۇمىس جۇرگىزۋ ورتالىعى پارتيا ياچەيكاسى قاتارلى 499 نەگىزگى ساتى پارتيا ۇيىمىنا بەرۋدى ۇيعاردى.

  وسى رەت ماداقتالىپ سيلانعان تاڭداۋلى جەكەلەر مەن وزات كوللەكتيۆتەر ءارقايسى شەپتەگى تاڭداۋلى ۋاكىلدەر. ولاردىڭ وزات ىزگى ىستەرى مەن اسقاق رۋحى پارتيانىڭ مۇرات - سەنىمىن، باس ماقساتىن ايقىن ايگىلەپ، پارتيانىڭ داڭقتى داستۇرىنە مۇراگەرلىك ەتىپ، ساۋلەلەندىرىپ، پارتيانىڭ ىستەرى مەن پارتيانىڭ قۇرىلىسى قول جەتكىزگەن قوماقتى جەتىستىكتەردى تولىق كورسەتىپ، جاڭا داۋىردەگى كوممۋنيستەردىڭ اۆانگارد وبرازىن جاندى ايگىلەدى. پارتيا ورتالىق كوميتەتى مىنالاردى ۇندەيدى: قالىڭ پارتيا مۇشەلەرى مەن پارتيا ىستەرى قىزمەتكەرلەرىن ماداقتالىپ سيلانعان تاڭداۋلى جەكەلەردى ونەگە ەتىپ، مۇرات - سەنىمدى بەكەمدەپ، ساياسي تۇرعىنى بەرىك ساقتاپ، قاجىماي - تالماي شي جينپيڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرۋ، امالياتقا جەتەكشىلىك ەتۋ، قىزمەتتى ىلگەرىلەتۋ؛ ءتۇبىرلى باستى ماقساتتى امالياتتا ايگىلەپ، شىن نيەتپەن بۇقارا ءۇشىن ناقتى ءىس ىستەپ، جاقسى ءىس ىستەپ، قيىن ىستەردى شەشىپ، قاي - قاشان دا حالىقپەن كوڭىل توعىستىرىپ، بەينەت پەن زەينەتتە بىرگە بولىپ، ىنتىماقتاسا كۇرەس جۇرگىزۋ؛ باستاماشىلدىقپەن قامال الىپ، قيىندىقتاردى جەڭىپ، بورىش ارقالاۋدى كۇشەيتىپ، پارتيانىڭ قالاۋىنان شىعاتىن، حالىقتىڭ قالاۋىنان شىعاتىن، ءداۋىردىڭ قالاۋىنان شىعاتىن ناتيجەلەردى قۇلشىنا جاراتۋ؛ تارتىپكە، قاعيداعا قاتاڭ بويسۇنىپ، تاڭداۋلى ستيلدى ساۋلەلەندىرىپ، كىرشىكسىز ادام بولىپ، ءىستى كىرشىكسىزدىكپەن ىستەپ، كىرشىكسىز، پاك ساياسي قاسيەتتى ماڭگى ساقتاۋ كەرەك. ءار دارەجەلى پارتيا ۇيىمدارى ماداقتالىپ سيلانعان وزات كوللەكتيۆتەردەن ۇيرەنىپ، پارتيا ۋستاۆىندا بەلگىلەنگەن قىزمەت جاۋاپكەرشىلىكتەرىن شىنايى اتقارىپ، پارتيانىڭ نازارياسى مەن لۋشيان، باعىت، ساياساتتارىن باستاماشىلدىقپەن دايەكتىلەندىرىپ، اتقارىپ، پارتيانى جاپپاي قاتاڭ جونگە سالۋدىڭ تۇلعالىق جاۋاپكەرشىلىگىن تياناقتاندىرىپ، پارتيانىڭ ىنتىماعىن، بىرلىگىن سانالىلىقپەن قورعاپ، دەموكراتيالىق ورتالىقتاندىرۋ ءتۇزىمىن باتىل اتقارىپ، باسشىلىق القاسى مەن كادرلار قوسىنى قۇرىلىسىن، نەگىزگى ساتى ۇيىمدارى مەن پارتيا مۇشەلەرى قوسىنى قۇرىلىسىن جالپى بەتتىك كۇشەيتىپ، ساياسي يقۋاتى مەن ۇيىمدىق يقۋاتىن ۇزدىكسىز كۇشەيتىپ، رەفورما، دامۋ، ورنىقتىلىق قىزمەتتەرىندە ۇزدىكسىز تىڭ ناتيجەلەرگە قول جەتكىزۋ كەرەك. پارتيا ورتالىق كوميتەتى ماداقتالىپ سيلانعان تاڭداۋلى جەكەلەر مەن وزات كوللەكتيۆتەردىڭ داڭقتى قاستەرلەپ، كۇش ۇستىنە كۇش قوسىپ، پارتيا مەن حالىق ىستەرى ءۇشىن تىڭ دا اناعۇرلىم زور ۇلەستەر قوسۋىن ءۇمىت ەتەدى.

  جاڭا ءداۋىردىڭ كەلەشەگى جارقىن دا ايبىندى، جاڭا ساپارداعى كۇرەس ماڭگى تولاستامايدى. قازىر ەلىمىز جاڭا دامۋ كەزەڭىنە ءوتىپ، ەكىنشى 100 جىلدىق كۇرەس نىساناسىنا قاراي شەرۋ تارتۋدا، بۇكىل پارتياداعى جولداستار شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ءورىس اشا ەكپىندەي ىلگەرىلەپ، قىزمەتتى تىڭعىلىقتى ىستەپ، جاپپاي سوتسياليستىك وسىزاماندانعان مەملەكەت قۇرۋ، جاڭا ءداۋىر جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا ۇزدىكسىز كۇرەس جۇرگىزۋ كەرەك!

  (شينحۋا اگەنتتىگىنىڭ 6 - ايدىڭ 29 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.