تيانشان تورى
تيانشان تورى   ›   جاڭالىقتار   ›   ماڭىزدى حابارلار

جۇڭگو كوممۋنيستىك پارتياسى ورتالىق كوميتەتىنىڭ ”1 - شىلدە وردەنىن“ بەرۋ جونىندەگى قارارى

  جۇڭگو كوممۋنيستىك پارتياسى ورتالىق كوميتەتىنىڭ ”1 - شىلدە وردەنىن“ بەرۋ جونىندەگى قارارى

  (2021 - جىلى 6 - ايدىڭ 29 - كۇنى)

  بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى. 100 جىلدان بەرى پارتيامىز جۇڭگو حالقىن ىنتىماقتاستىرىپ، باستاپ، جاپالى دا ەرەسەن كۇرەس جۇرگىزىپ، ۇلتتىڭ تاۋەلسىزدىگىن، حالىقتىڭ ازاتتىعىن جانە مەملەكەتتىڭ بايۋىن، قۇدىرەتتەنۋىن، حالىقتىڭ باقىتىن جۇزەگە اسىرۋ ءۇشىن ءۇرتىس كۇرەس جۇرگىزدى، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى، جۇڭحۋا ۇلتىنىڭ دامۋ تاريحىنداعى، ادامزات قوعامىنىڭ العا باسۋ تاريحىنداعى ۇلى كەرەمەتتەردى جاراتتى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى حالىقتى وزەك ەتۋگە تاباندى بولىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، كەدەيلىكتەن ارىلتۋدان قامال الۋ شايقاسىندا جالپى بەتتىك جەڭىسكە قول جەتكىزىپ، جاپپاي دوڭگەلەك داۋلەتتى قوعام ورناتۋدا تاريحي ناتيجەگە قول جەتكىزىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستادى.

  100 جىلدىق ايبىنى اسقاق تاريحي بارىستا ءار ۇرپاق جۇڭگو كوممۋنيستەرى قايسارلىقپەن ايانباي شايقاسىپ، قاجىماي - تالماي كۇرەس جۇرگىزدى، ەرلىكپەن قۇربان بولعان زور توپتاعى توڭكەرىستىك قۇرباندار، مۇراتىنا ۇمتىلعان زور توپتاعى قاھارمان قايراتكەرلەر، جان اياماي ۇلەس قوسقان زور توپتاعى وزات ۇلگىلەر جارىققا شىقتى. جۇڭگو توڭكەرىسىنىڭ، قۇرىلىسىنىڭ، رەفورماسىنىڭ ءارقايسى تاريحي مەزگىلدەرىندە پارتيا مەن حالىق ىستەرى جولىندا ءومىر بويى تالىقپاي ىزدەنىس جاساعان، ءۇن - ءتۇنسىز ۇلەس قوسقان، ۇلەسى كورنەكتى، ءمورالى اسقاق ەڭبەك سىڭىرگەن ۇلگىلى پارتيا مۇشەلەرىن سالتاناتتى تۇردە ماداقتاپ سيلاپ، بۇكىل پارتيانى اۋەلگى ماقساتتان، بورىشتان اينىماي، ادال، كىرشىكسىز بولىپ، جاۋاپكەرشىلىك ارقالاۋعا ىنتالاندىرۋ ءۇشىن، پارتيا ورتالىق كوميتەتى ما ماۋجيە، ۋاڭ شۋماۋ، ۋاڭ جانشان، ۋاڭ لانحۋا، اي ايگو، شى گۋاڭيىن، لۇي چيميڭ، تيڭ . باتىر، ليۋ گۇيجين، سۇن جيڭكۇن، مامەتجان ءومار، لي حۇڭتا، ۋ تيان - ي، شين يۇيليڭ، جاڭ گۇيمەي، لۋ يۋانجيۋ، چىن حۇڭجۇن، لين دان، جوگا، جوۋ يۇڭكاي، چاي يۇنجىن، گو رۇيشياڭ، حۋاڭ دافا، حۋاڭ ۋىنشيۋ،  حۋاڭ باۋمەي، سۇي داۋجى، لان تيانيە، ۋي دىيوۋ، چۇي دۋ - ي جولداسقا ”1 - شىلدە وردەنىن“ بەرۋدى ۇيعاردى.

  بۇل رەت ماداقتالىپ سيلانعان ”1 - شىلدە وردەنى“ يەگەرلەرى پارتيامىزدىڭ ءار مەزگىلىندەگى، ءارقايسى شەپتەگى پارتيا مۇشەلەرىنىڭ كورنەكتى ۋاكىلدەرى. ولار سەنىمدە بەرىك، پارتياعا ادال بولىپ، مۇراتىنان اينىماي، پارتيا مەن حالىق ىستەرىنە بارىن ارنادى؛ ولار باستى ماقساتتى امالياتتا ايگىلەپ، حالىقتىڭ ءتۇبىرلى مۇددەسى مەن تاماشا تۇرمىسى ءۇشىن جۇرەك قانىن سارقىپ، جان قيارلىقپەن شايقاستى؛ ولار قۇلشىنا ناقتى ىستەر ىستەدى، مەيلى قانداي قىزمەت ورنى بولسىن، جان قيارلىقپەن قىزمەت ىستەپ، قايراتتانا ىسكەرلىك كورسەتىپ، عالامات ناتيجە جاراتتى؛ ولار قۇرباندىق بەرۋدەن قورىقپاي، توڭكەرىسشىلەردىڭ ەشنارسەدەن تايسالمايتىن جاۋىنگەرلىك رۋحىن ساقتاپ، قاتەرلى، قيىن ساتتەردە كەۋدە كەرە العا شىعىپ، ءومىرى ارقىلى بورىشىن امالياتتا ايگىلەپ، بۇكىل پارتيانىڭ، بۇكىل قوعامنىڭ جاپپاي القاۋىنا بولەندى.

  كەزەكتە ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى مەزگىلىندە تۇر. پارتيا ورتالىق كوميتەتى بۇكىل پارتيانى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ”1 - شىلدە وردەنى“ يەگەرلەرىن ۇلگى ەتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، كوممۋنيستەردىڭ رۋحاني قان تامىرىن ۇلاستىرىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ماڭگى بويكۇيەزدىككە سالىنباي، العان بەتىنەن قايتپاي، جاپپاي سوتسياليستىك وسىزاماندانعان مەملەكەت قۇرۋ، ەكىنشى 100 جىلدىق كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا تىڭ دا اناعۇرلىم زور ۇلەس قوسۋعا ۇندەدى!

  (شينحۋا اگەنتتىگىنىڭ 6 - ايدىڭ 29 - كۇنى بەيجيڭنەن بەرگەن حابارى)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.