تيانشان تورى   ›   جاڭالىقتار   ›   ماڭىزدى حابارلار

شي جينپيڭ مەملەكەتتىك تاڭداۋلى اۋداندىق پارتكوم شۋجيلەرىمەن كەزدەستى

  

  6 - ايدىڭ 29 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەيجيڭدە بۇكىل مەملەكەتتىك تاڭداۋلى اۋداندىق پارتكوم شۋجيلەرىمەن كەزدەستى. □ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

  شينحۋا اگەنتتىگىنىڭ 6 - ايدىڭ 29 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى بايلانىسىمەن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 6 - ايدىڭ 29 - كۇنى تۇستەن بۇرىن بەيجيڭدە بۇكىل مەملەكەتتىك تاڭداۋلى اۋداندىق پارتكوم شۋجيلەرىمەن ىقىلاستى تۇردە كەزدەسىپ، ولارمەن ىقىلاسپەن سالەمدەستى جانە قىزۋ قۇتتىقتادى.

  تۇستەن بۇرىن ساعات 11دەن 30 مينۋت وتكەندە، شي جينپيڭ قاتارلىلار حالىق سارايىنىڭ شىعىس زالىنا كەلدى، تۇتاس زالدان قىزۋ قول شاپالاق ءۇنى كوتەرىلدى. شي جينپيڭ قاتارلىلار ماداقتاپ سيلاناتىن تاڭداۋلى اۋداندىق پارتكوم شۋجيلەرىنىڭ اراسىنا بارىپ، كوپشىلىكپەن ىقىلاسپەن اڭگىمەلەستى ءارى بىرگە ەستەلىك سۋرەتكە ءتۇستى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت كەڭسەسىنىڭ مەڭگەرۋشىسى ديڭ شۋەشياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇيىمداستىرۋ ءبولىمىنىڭ باستىعى چىن شي كەزدەسۋگە قاتىناستى.

  مەملەكەتتىك تاڭداۋلى اۋداندىق پارتكوم شۋجيلەرىن ماداقتاۋ سيلاۋ ءماجىلىسى 6 - ايدىڭ 29 - كۇنى تۇستەن كەيىن بەيجيڭدە وتكىزىلدى. چىن شي ماجىلىستە بىلاي دەدى: باس شۋجي شي جينپيڭنىڭ ماجىلىسكە قاتىناسقان جولداستارمەن ىقىلاسپەن كەزدەسۋى پارتيا ورتالىق كوميتەتىنىڭ اۋداندىق پارتكوم شۋجيلەرىنە ايرىقشا ءمان بەرگەندىگىن جانە قاباعات قامقورلىق كورسەتكەندىگىن تولىق ايگىلەدى. قالىڭ پارتيالى كادرلار ماداقتالىپ سيلانعان تاڭداۋلى اۋداندىق پارتكوم شۋجيلەرىن ۇلگى ەتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ادال قاسيەت سومداپ، حالىققا دەگەن سۇيىسپەنشىلىكتەن اينىماي، ناقتى ىستەۋ ستيلىن اسقاقتاتىپ، جاۋاپكەرشىلىك ارقالاۋ رۋحىن شىڭداپ، ىسىلعان شەبەرلىك جەتىلدىرىپ، پاك، كىرشىكسىز قۇلىقتى ساقتاپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا تىڭ دا اناعۇرلىم زور ۇلەس قوسۋ كەرەك.

  حىبەي ولكەسى فۋپيڭ اۋداندىق پارتكومنىڭ شۋجيى ليۋ جيڭ، جىجياڭ ولكەسى انجي اۋداندىق پارتكومنىڭ شۋجيى شىن ميڭچۋان، حۋبەي ولكەسى ۋحان قالاسى حۋاڭپي رايوندىق پارتكومنىڭ شۋجيى زىڭ شىڭ، سىچۋان ولكەسى نۋوىرگاي اۋداندىق پارتكومنىڭ شۋجيى زى ىردىڭ، گانسۋ ولكەسى دۇڭشياڭزۋ اۆتونوميالى اۋداندىق پارتكومنىڭ شۋجيى ما شيۋلان جەكە - جەكە ماجىلىستە سوزگە شىقتى.

  شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي دايەكتىلەندىرۋ، وزات تيپتەردى زور كۇشپەن سارالاپ، تۇلعالاپ، قالىڭ پارتيالى كادرلاردى جاڭا داۋىردە اناعۇرلىم ويداعىداي كۇرەس جاساۋعا، جاڭا ساپاردا اناعۇرلىم ويداعىداي ەكپىندەي ىلگەرىلەۋگە جىگەرلەندىرۋ ءۇشىن، ورتالىق كوميتەتتىڭ قوسىلۋىمەن ورتالىق كوميتەت ۇيىمداستىرۋ ءبولىمى اۋداندىق (قالا، رايون، حوشۇن) پارتكوم شۋجيى قىزمەت ورنىندا ۇزدىك ناتيجەگە قول جەتكىزگەن 103 جولداسقا مەملەكەتتىك تاڭداۋلى اۋداندىق پارتكوم شۋجيى اتاعىن بەرۋدى ۇيعاردى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.