تيانشان تورى   ›   جاڭالىقتار   ›   ماڭىزدى حابارلار

جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ ”1 - شىلدە وردەنىن“ بەرۋ سالتى بەيجيڭدە سالتاناتپەن وتكىزىلدى

  جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ ”1 - شىلدە وردەنىن“ بەرۋ سالتى بەيجيڭدە سالتاناتپەن وتكىزىلدى

  شي جينپيڭ ”1 - شىلدە وردەنى“ يەگەرلەرىنە وردەن بەردى جانە ماڭىزدى ءسوز سويلەدى بۇكىل مەملەكەتتىك ”ەكى تاڭداۋلىنى، ءبىر وزاتتى“ ماداقتاپ سيلاۋ وبيەكتىلەرىمەن كەزدەستى

  لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قيمىلعا قاتىناستى

  6 - ايدىڭ 29 - كۇنى جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ ”1 - شىلدە وردەنىن“ بەرۋ سالتى بەيجيڭ حالىق سارايىنىڭ جينسى زالىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ”1 - شىلدە وردەنى“ يەگەرلەرىنە وردەن بەردى جانە ماڭىزدى ءسوز سويلەدى. □ سۋرەتتى شينحۋا اگەنتتىگىنىڭ ءتىلشىسى ديڭ لين تۇسىرگەن

   6 - ايدىڭ 29 - كۇنى جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ ”1 - شىلدە وردەنىن“ بەرۋ سالتى بەيجيڭ حالىق سارايىنىڭ جينسى زالىندا سالتاناتپەن وتكىزىلدى. شي جينپيڭ قاتارلى باسشى جولداستار ”1 - شىلدە وردەنى“ يەگەرلەرىمەن بىرگە سۋرەتكە ءتۇستى. □ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

   6 - ايدىڭ 29 - كۇنى جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ ”1 - شىلدە وردەنىن“ بەرۋ سالتى بەيجيڭ حالىق سارايىنىڭ جينسى زالىندا سالتاناتپەن وتكىزىلدى. شي جينپيڭ قاتارلى باسشى جولداستار وردەن بەرۋ سالتىنان ىلگەرى بۇكىل مەملەكەتتىك ”ەكى تاڭداۋلىنى، ءبىر وزاتتى“ ماداقتاپ سيلاۋ وبيەكتىلەرىمەن كەزدەستى. □ سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن

  شينحۋا اگەنتتىگىنىڭ 6 - ايدىڭ 29 - كۇنى بەيجيڭنەن بەرگەن حابارى. ەڭبەك سىڭىرگەن ۇلگىلەر رۋحىن اسقاقتاتىپ، ۇلى گۇلدەنۋ ساپارىندا ەرلىكپەن العا باستى. جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ ”1 - شىلدە وردەنىن“ بەرۋ سالتى 6 - ايدىڭ 29 - كۇنى تۇستەن بۇرىن بەيجيڭ حالىق سارايىنىڭ جينسى زالىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ”1 - شىلدە وردەنى“ يەگەرلەرىنە وردەن بەردى جانە ماڭىزدى ءسوز سويلەدى. شي جينپيڭ بىلاي دەپ باسا دارىپتەدى: 100 جىلدان بەرى ءار ۇرپاق جۇڭگو كوممۋنيستەرى ۇلتتىڭ تاۋەلسىزدىگى مەن حالىقتىڭ ازاتتىعىنا قول جەتكىزۋ، مەملەكەتتىڭ بايۋىن، قۇدىرەتتەنۋىن جانە حالىقتىڭ باقىتىن جۇزەگە اسىرۋ ءۇشىن، الدىڭعىلارىنىڭ ءىزىن سوڭعىلار باسىپ، قان كەشە ەرلىكپەن شايقاس جۇرگىزىپ، قاجىرلىلىقپەن كۇرەس جۇرگىزىپ، قالتقىسىز ۇلەس قوسىپ، اسقاق تا ايبىندى قاھارماندىق ەرلىك جىر جازدى. جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ بايلانىسىمەن ءبىز وسى ارادا سالتاناتتى سالت وتكىزىپ، پارتيا ىشىندەگى ەڭ جوعارى داڭقتى پارتيا مەن حالىق ءۇشىن ۇزدىك ۇلەس قوسقان كوممۋنيستىك پارتيا مۇشەلەرىنە بەرىپ وتىرمىز.

  شي جينپيڭ بىلاي دەپ اتاپ كورسەتتى: ”1 - شىلدە وردەنىنىڭ“ يەگەرلەرىنىڭ بارلىعى حالىقتان كەلگەن، حالىققا تامىر تارتقان، ءوز قىزمەتىن تياناق ەتىپ، ءۇن - ءتۇنسىز ۇلەس قوسقان قاراپايىم قاھارماندار. ولاردىڭ ىزگى ىستەرى ۇيرەنۋگە، ىستەۋگە تاتيدى، ولاردىڭ رۋحى تالپىنۋعا، قول جەتكىزۋگە تاتيدى. ولار ءوز ارەكەتتەرىمەن تەك مۇرات - سەنىمدى بەكەمدەپ، كۇرەسكەرلىك جىگەردى بەكەمدەپ، اينىماس قايسارلىقتى بەكەمدەپ، جايشىلىقتا كوزگە ءتۇسىپ، شەشۋشى ساتتە كەۋدە كەرە العا شىعىپ، قاتەرلى، قيىن وتكەلدە باسىن ءباي تىگە بىلسە، ءاربىر پارتيا مۇشەسىنىڭ ۇلتتى گۇلدەندىرۋ ۇلى ىسىندە پارتيا مەن حالىق ءۇشىن ەڭبەك ءسىڭىرىپ، ەسە قوسا الاتىندىعىن دالەلدەدى. 

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، لي جانشۋ، ۋاڭ ياڭ، جاۋ لىجي، حان جىڭ، مەملەكەتتىڭ ورىنباسار ءتوراعاسى ۋاڭ چيشان وردەن بەرۋ سالتىنا قاتىناستى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى ۋاڭ حۋنيڭ باسقاردى.

  ساعات 8دەن 45 مينۋت وتكەندە، ”1 - شىلدە وردەنىنىڭ“ يەگەرلەرى سيلى قوناقتارعا ارنالعان اۆتوموبيلگە توپتىق وتىرىپ قونالقى جەرلەرىنەن اتتانىپ، مەملەكەتتىك قوناقتاردى قورعاۋشىلار قوسىنىنىڭ قورعاۋىندا حالىق سارايىنا تارتتى. حالىق سارايىنىڭ شىعىس قاقپاسىنىڭ سىرتىندا قىزىل تۋدى بيىك ۇستاعان قۇرمەت قاراۋىلدارى جولدىڭ ەكى جاعىندا قاتار تۇزەپ، 18 قۇرمەت قاراۋىلى مىنبەردە مىلتىقتارىن سەرت ۇستاپ تىك تۇرىپ، جاستار مەن ورەندەر ىستىق ىقىلاسپەن الاقايلاپ قۇرمەت ءبىلدىردى. ”1 - شىلدە وردەنىنىڭ“ يەگەرلەرى قىزىل كىلەم ۇستىمەن باسپالداقپەن جوعارى كوتەرىلىپ، حالىق سارايىنىڭ شىعىس قاقپاسىنا كىردى. پارتيا مەن مەملەكەتتىڭ ەڭبەك سىڭىرگەندەردى قۇرمەتتەۋ، ماداقتاپ سيلاۋ قىزمەت كوميتەتىندەگى قاتىستى باسشى جولداستار قاتارلىلار وسى جەردە ولاردى توپتىق قارسى الدى.

  حالىق سارايىنىڭ 3 - قاباتىنداعى جينىسى زالى قىزۋ مەرەيلى، سالتاناتتى مەرەيگە شومدى. قىزىل ءتۇستى الىپ ارتقى كورىنىس تاقتاسىندا ”1 - شىلدە وردەنى“ ورنەگى جارقىراپ شۇعىلا شاشىپ تۇر. ارتقى كورىنىس تاقتاسىنىڭ الدىندا 18 نارت قىزىل تۋ ەكى جاققا ءتىزىلىپ، ازاتتىق ارميانىڭ قۇرمەت قاراۋىل اترەتىنىڭ بويلارىن تىك ۇستاعان ەر ءمۇسىندى 18 قۇرمەت قاراۋىلى وردەن بەرۋ مىنبەرىنىڭ ەكى جاعىندا مىلتىقتارىن سەرت ۇستاپ تۇر.

  9دان 58 مينۋت وتكەندە، شات مەرەيلى مۋزيكا ءۇنى ىشىندە شي جينپيڭ ”1 - شىلدە وردەنى“ يەگەرلەرىمەن بىرگە جينالىس زالىنا كىردى، زالداعىلار تۇگەل ورىندارىنان تۇرىپ، قىزۋ شاپالاق سوقتى.

  ءدال ساعات 10دا، ازاتتىق ارميانىڭ اسكەري وركەسترىنىڭ كەرنايشىلارى سالت كەرنايىن ۇرلەپ، وردەن بەرۋ سالتى باستالدى. وسىدان سوڭ، «ەرىكتىلەر مارشى» ورىندالىپ، بۇكىل زالداعىلار جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى.

  ۋاڭ حۋنيڭ «جۇڭگو كوممۋنيستىك پارتياسى ورتالىق كوميتەتىنىڭ ”1 - شىلدە وردەنىن“ بەرۋ جونىندەگى قارارىن» وقىدى. قاراردا مىنالار اتاپ كورسەتىلدى: جۇڭگونىڭ توڭكەرىس، قۇرىلىس، رەفورما سىندى ءار تاريحي مەزگىلىندە پارتيا مەن حالىق ىستەرى ءۇشىن ءومىر بويى قاجىماي - تالماي ىزدەنىس جاساپ، ءۇن - ءتۇنسىز ۇلەس قوسىپ، كورنەكتى ۇلەس قوسقان، ءمورال - قۇلقى اسقاق، ەڭبەك سىڭىرگەن ۇلگىلى پارتيا مۇشەلەرىن سالتاناتتى تۇردە ماداقتاپ سيلاپ، بۇكىل پارتيانى اۋەلگى ماقسات پەن بورىشتان اينىماۋعا، ادال، كىرشىكسىز بولىپ، جاۋاپكەرشىلىك ارقالاۋعا ىنتالاندىرۋ ءۇشىن، پارتيا ورتالىق كوميتەتى ما ماۋجيە قاتارلى 29 جولداسقا ”1 - شىلدە وردەنىن“ بەرۋدى ۇيعاردى. 

  ەكى تۋ قورعاۋشى پارتيا تۋىن بيىك ۇستاپ، ءبىر قۇرمەت قاراۋىلى قولىنا ”1 - شىلدە وردەنىن“ كوتەرىپ، ايبىندى قادام باسىپ، سالت وتەتىن زالعا كەلدى.

  ايباتتى «ادالدىققا ماداق جىرى» مۋزيكا ءۇنى ىشىندە شي جينپيڭ ”1 - شىلدە وردەنىنىڭ“ يەگەرلەرىنە وردەن بەردى، سونداي - اق ولارمەن ىقىلاستى تۇردە قول الىسىپ، قۇتتىقتاۋ ءبىلدىردى، بۇكىل زالدان ءالسىن - ءالى قىزۋ شاپالاق ءۇنى كوتەرىلدى. پيونەرلەر وردەن يەگەرلەرىنە اسەم گۇل شوقتارىن سيلاپ، پيونەرلىك سالەم بەرىپ، قۇرمەت ءبىلدىردى.

  بۇكىل زالدان كوتەرىلگەن قىزۋ مەرەيلى شاپالاق ءۇنى ىشىندە شي جينپيڭ ماڭىزدى ءسوز سويلەدى، ول الدىمەن پارتيا ورتالىق كوميتەتى اتىنان ”1 - شىلدە وردەنىنىڭ“ يەگەرلەرىنە قىزۋ قۇتتىقتاۋ ايتىپ، وسكەلەڭ قۇرمەت ءبىلدىردى. شي جينپيڭ بىلاي دەپ اتاپ كورسەتتى: بۇگىن ماداقتالىپ سيلانعان ”1 - شىلدە وردەنىنىڭ“ يەگەرلەرى − ءارقايسى شەپتەگى پارتيا مۇشەلەرىنىڭ ۇزدىك ۋاكىلدەرى. ولاردان جۇڭگو كوممۋنيستەرىنىڭ سەنىمدى بەكەمدەپ، باس ماقساتتى امالياتتا ايگىلەپ، ايانباي ۇلەس قوسىپ، پاك، كوپشىل بولعان اسقاق قاسيەت جانە ارداقتى رۋح جاندى ايگىلەندى.

  شي جينپيڭ بىلاي دەپ باسا دارىپتەدى: سەنىمدى بەكەمدەۋدە، اۋەلگى ماقساتتى ۇمىتپاۋعا، ءوز مۇراتىنان اينىماۋعا تاباندى بولىپ، بەرىك تە تاباندى مۇرات - سەنىممەن، پارتيا مەن حالىققا دەگەن شىنايى ادال پەيىلمەن، پارتيا مەن حالىققا دەگەن ادالدىقتى جانە ىستىق سۇيىسپەنشىلىكتى كوكەيدە بەرىك ساقتاپ، ارەكەتتە تياناقتاندىرىپ، پارتيا مەن حالىق ىستەرى ءۇشىن وزىندەگى باردىڭ بارلىعىن، ءتىپتى، قىمباتتى ءومىرىن ارناپ، پارتيانىڭ مۇرات - سەنىمى ءۇشىن قايسارلىقپەن كۇرەس جۇرگىزدى، قاجىماي - تالماي كۇرەس جۇرگىزدى. بۇكىل پارتياداعى جولداستار ماركسيزمگە سەنىمدى، جۇڭگوشا سوتسياليزمگە سەنىمدى ومىرلىك تالپىنىسى ەتىپ، ماڭگى پارتياعا سەنىپ، پارتيانى ءسۇيىپ، پارتيا ءۇشىن ىستەپ، ءوز قىزمەت ورىندارىندا قايسارلىقپەن ايانباي ىستەپ، اسقاق مۇرات ءۇشىن كۇرەسۋدىڭ امالياتىن ۇزدىكسىز العا ىلگەرىلەتۋ كەرەك.

  شي جينپيڭ بىلاي دەپ اتاپ كورسەتتى: باس ماقساتتى امالياتتا ايگىلەۋدە، حالىققا شەكسىز تەرەڭ سۇيىسپەنشىلىكتە بولىپ، حالىقتى كوكەيدە ساقتاپ، قىزمەتتى حالىق ءۇشىن ىستەپ، بۇقارا ويلاعاندى ويلاپ، بۇقارا اسىققانعا اسىعىپ، بۇقارانىڭ قيىنشىلىعىن شەشىپ، بۇقارامەن تىعىز بايلانىس ورناتىپ، بۇقاراعا بەرىك سۇيەنىپ، بۇكىل ىنتا - پەيىلمەن بۇقارانى باقىتقا بولەپ، حالىقتى باقىتقا كەنەلتەتىن ءىس جۇزىندىك ارەكەتپەن كوممۋنيستەردىڭ ”وزىمەن ساناسپاي، حالىقتىڭ ءۇمىتىن اقتايتىن“ اسقاق سۇيىسپەنشىلىگىن ءتۇسىندىردى. بۇكىل پارتياداعى جولداستار حالىقتىق تۇرعىعا، حالىقتى بارىنەن جوعارى قويۋعا تاباندى بولىپ، قاجىماس تاباندىلىقپەن بۇقارا ءۇشىن ناقتى ءىس ىستەپ، جاقسى ءىس ىستەپ، حالىق بۇقاراسىمەن ەتەنە بايلانىستى باستان - اياق ساقتاۋ كەرەك.

  شي جينپيڭ بىلاي دەپ باسا دارىپتەدى: جان قيارلىقپەن ۇلەس قوسۋدا، پارتياعا ءوزىن ارناپ، وتاننىڭ ءۇمىتىن اقتاۋدى، مىندەت اتقارىپ، جاۋاپكەرشىلىگىن ادا ەتۋدى ومىرلىك نىسانا ەتىپ، قيىندىقتان، قاتەردەن تايسالماي، قۇربان بەرۋدەن تايىنباي، قاجىرلىلىقپەن ىستەپ، ناقتى ىستەپ، مويىماس قاجىرلىلىق كورسەتىپ، كوممۋنيستەردىڭ قالتقىسىز، قايىسپاس ۇلەس قوسۋ رۋحىن جانە بەرىك تە مىزعىماس كۇرەسكەرلىك رۋحىن تولىق ايگىلەدى. بۇكىل پارتياداعى جولداستار ”نەعۇرلىم ماشاقاتتى، قاتەرلى بولعان سايىن سولعۇرلىم العا ۇمتىلاتىن“ قاھارماندىق ارىندى، ”اي - كۇنگە ءامىر شاشا الامىز جاڭارتۋعا كوك ءجۇزىن“ دەيتىن اسقاق كۇرەس جىگەردى ساقتاپ، دەن قويا شوگەلدىكپەن ىستەپ، قامال الىپ، قيىندىقتاردى جەڭىپ، پارتيانىڭ قالاۋىنان شىعاتىن، حالىقتىڭ قالاۋىنان شىعاتىن، ءداۋىردىڭ قالاۋىنان شىعاتىن ناتيجە جاراتۋعا قۇلشىنۋ كەرەك.

  شي جينپيڭ بىلاي دەپ اتاپ كورسەتتى: پاك، كوپشىل بولۋدا، كوممۋنيستەردىڭ قاجىرلى، قاراپايىم بولىپ، كوپتىڭ عانا قامىن ويلاپ، ءوز قامىمەن ساناسپايتىن داڭقتى ءداستۇرىن ساقتاپ، ەشقاشان دا ەڭبەگىم بار دەپ بۇلدانباي، جەكە باسىنىڭ مۇددەسىمەن ەسەپتەسپەي، راقاتقۇمارلىققا بوي ۇرماي، تارتىپكە بويسۇنىپ، قاعيدانى دارىپتەپ، كوممۋنيستەردە بولۋعا ءتيىستى ءمورالدىق قاسيەتتى جاندى بەينەلەدى. بۇكىل پارتياداعى جولداستار اسقاق ءمورالدى ايگىلەپ، جالپىلىق ءمورالدى ساقتاپ، جەكە ءمورالدى قاتايتىپ، كىرشىكسىز ادام بولىپ، پاكتىكپەن جۇمىس ىستەپ، ءوزىنىڭ ەمەس، كوپتىڭ قامىن ويلاپ، ۇقىپتىلىقپەن ءوزىن باۋلىپ، پاك، كىرشىكسىز ساياسي قاسيەتىن ماڭگى ساقتاۋ كەرەك.

  شي جينپيڭ بىلاي دەپ باسا دارىپتەدى: جاڭا ءداۋىر قاھارماندارعا مۇقتاج، سونداي - اق، ءسوز جوق، قاھارماندار شىعارا الاتىن ءداۋىر. جۇڭگو كوممۋنيستىك پارتياسى قاشاندا ءداۋىر اۆانگاردى، ۇلتتىڭ تىرەگى بولۋ ءۇشىن، پارتيا مۇشەلەرى قوسىنى، ءسوز جوق، شىڭدالۋ كەرەك. ماداقتالىپ سيلانعان جولداستاردىڭ داڭقتى قاستەرلەپ، ناتيجەنى ساۋلەلەندىرىپ، اناعۇرلىم ۇلكەن داڭققا قول جەتكىزۋگە تالپىنۋىن ءۇمىت ەتەمىن. ءار دارەجەلى پارتيا ۇيىمدارى قىزمەت جانە تۇرمىس جاعىندا ەڭبەك سىڭىرگەن پارتيا مۇشەلەرىنە كوڭىل ءبولىپ، قامقورلىق جاساپ، ”1 - شىلدە وردەنى“ يەگەرلەرىنىڭ اسەرلى ىزگى ىستەرى مەن اسقاق ءمورالىن زور كۇشپەن ۇگىتتەپ، بۇكىل پارتيادا، بۇكىل قوعامدا وزاتتاردى ارداقتايتىن، جاقسىدان ونەگە الۋعا تالپىناتىن جالىندى راي قالىپتاستىرىپ، قالىڭ پارتيا مۇشەلەرىن، كادرلاردى پارتيانىڭ سيپاتىن، باس ماقساتىن ەستە بەرىك ساقتاپ، پارتيانىڭ اۋەلگى ماقساتىن، بورىشىن ەستە بەرىك ساقتاپ، قاجىماي - تالماي كۇرەس جۇرگىزىپ، ماڭگى كۇرەس جۇرگىزىپ، جاپپاي سوتسياليستىك وسىزاماندانعان مەملەكەت قۇرۋ جاڭا ساپارىندا، ەكىنشى 100 جىلدىق كۇرەس نىساناسىنا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنا قاراي ەرلىكپەن العا تارتۋعا ىنتالاندىرۋ كەرەك.

  سالتتا، يۇننان ولكەسى ليجياڭ حۋاپيڭ قىزدار جوعارى دارەجەلى ورتا مەكتەبى پارتيا ياچەيكاسىنىڭ شۋجيى، مەكتەپ باستىعى جاڭ گۇيمەي ”1 - شىلدە وردەنى“ يەگەرلەرى اتىنان ءسوز سويلەدى.

  وردەن بەرۋ سالتىنان كەيىن شي جينپيڭ قاتارلى باسشى جولداستار ”1 - شىلدە وردەنى“ يەگەرلەرىمەن بىرگە سۋرەتكە ءتۇسىپ، ەستەلىك قالدىردى.

  وردەن بەرۋ سالتىنىڭ الدىندا شي جينپيڭ قاتارلى باسشى جولداستار بۇكىل مەملەكەتتىك ”ەكى تاڭداۋلىنى، ءبىر وزاتتى“ ماداقتاپ سيلاۋ وبيەكتىلەرىمەن كەزدەستى، سونداي - اق كوپشىلىكپەن بىرگە سۋرەتكە ءتۇسىپ ەستەلىك قالدىردى.

  بەيجيڭدەگى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، ءبىر ءبولىم مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى، مەملەكەتتىك كەڭەس مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، ءبىر ءبولىم مەملەكەتتىك ساياسي كەڭەستىڭ ورىنباسار ءتوراعالارى، ورتالىق اسكەري ىستەر كوميتەتىنىڭ مۇشەلەرى وردەن بەرۋ سالتىنا قاتىناستى.

  ورتالىقتاعى پارتيا، ۇكىمەت، ارميا، بۇقارالىق ورىنداردىڭ قاتىستى تاراۋلارىنداعى جانە بەيجيڭ قالاسىنداعى جاۋاپتى جولداستار، ”1 - شىلدە وردەنى“ يەگەرلەرى جانە ولاردىڭ تۋىس - تۋعاندارىنىڭ ۋاكىلدەرى، ولار تۇرعان مەكەمە - ورىنداردىڭ ۋاكىلدەرى، سونداي - اق بۇرىن ەڭبەك ءسىڭىرىپ داڭقپەن ماداقتالىپ سيلانعانداردىڭ ۋاكىلدەرى، ”پارتيا قۇشاعىنداعى داڭقتى 50 جىل“ ەستەلىك زناگىنىڭ يەگەرلەرىنىڭ ۋاكىلدەرى جانە ساقا پارتيا مۇشەلەرىنىڭ، ساقا كادرلاردىڭ ۋاكىلدەرى، ءار سالاداعى كادرلار مەن بۇقارانىڭ ۋاكىلدەرى جەكە - جەكە سالتقا قاتىناستى. بۇكىل مەملەكەتتىك ”ەكى تاڭداۋلىنى، ءبىر وزاتتى“ ماداقتاپ سيلاۋ وبيەكتىلەرى وردەن بەرۋ سالتىنا قاتىناستى نەمەسە حالىق سارايىنىڭ سولتۇستىك ۇلكەن زالىندا سالتتىڭ تىكە تاراتىلۋىن كوردى.

  بۇكىل مەملەكەتتىك ”ەكى تاڭداۋلىنى، ءبىر وزاتتى“ ماداقتاپ سيلاۋ جينالىسى 6 - ايدىڭ 28 - كۇنى تۇستەن كەيىن بەيجيڭ حالىق سارايىندا وتكىزىلدى، ماداقتالىپ سيلانعان جەكەلەر مەن كوللەكتيۆتەردىڭ ۋاكىلدەرىنە سيلىق بەرىلدى. ۋاڭ حۋنيڭ جينالىسقا قاتىناستى ءارى ءسوز سويلەدى. ول مىنالاردى ءبىلدىردى: پارتيا 18 - قۇرىلتايىنان بەرى باس شۋجي شي جينپيڭ ”ەكى تاڭداۋلىنى، ءبىر وزاتتى“ باعالاۋ، ماداقتاپ سيلاۋ قىزمەتىنە ايرىقشا ءمان بەرىپ، پارتيا مۇشەلەرىنىڭ رولىن ساۋلەلەندىرۋ جانە نەگىزگى ساتى پارتيا ۇيىمى قۇرىلىسىن كۇشەيتۋ جونىندە ءبىرسىپىرا ماڭىزدى نۇسقاۋ بەرىپ، ءبىزدىڭ قۇلشىنىس بەتالىسىمىزدى ايقىندادى. قالىڭ پارتيا مۇشەلەرى مەن نەگىزگى ساتى پارتيا ۇيىمدارى وزات تيپتەردى ونەگە ەتىپ، بەرىك پارتيالىلىقتى شىڭداپ، اۋەلگى ماقسات پەن بورىشتى ەستە بەرىك ساقتاپ، ادالدىقپەن مىندەت اتقارىپ، جاۋاپكەرشىلىكتى ادا ەتىپ، ءوز - وزىنە جۇرەكتىلىكپەن توڭكەرىس جاساپ، اۆانگارد ۇلگىلەردىڭ رولىن جانە جاۋىنگەر قورعاندىق رولدارىن اناعۇرلىم ويداعىداي ساۋلەلەندىرۋ كەرەك.

  جاۋ لىجي جينالىسقا قاتىناستى. چىن شي «جۇڭگو كوممۋنيستىك پارتياسى ورتالىق كوميتەتىنىڭ بۇكىل مەملەكەتتىك تاڭداۋلى پارتيا مۇشەلەرىن، بۇكىل مەملەكەتتىك تاڭداۋلى پارتيا ىستەرى قىزمەتكەرلەرىن جانە بۇكىل مەملەكەتتىك وزات نەگىزگى ساتى پارتيا ۇيىمدارىن ماداقتاپ سيلاۋ جونىندەگى قاراردى» وقىدى. ماداقتالىپ سيلانعانداردىڭ ۋاكىلى لەبىز ءبىلدىردى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.