انار بۇلت / شينجياڭ گازەتىنىڭ ءتىلشىسى جاۋ مەي 6 - ايدىڭ 30 - كۇنى ۇرىمجىدەن حابارلايدى. 6 - ايدىڭ 30 - كۇنى ”’پارتياعا ماڭگى ىلەسۋ‘− جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ شينجياڭ توڭكەرىستىك مادەني ەسكەرتكىشتەر كورمەسىنىڭ“ اشىلۋ سالتى اۆتونوميالى رايوندىق مۇراجايدا وتكىزىلدى. اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى تيان ۋىن قاتىناستى ءارى ءسوز سويلەدى.
تيان ۋىن بىلاي دەپ اتاپ كورسەتتى: اۆتونوميالى رايوننىڭ ”پارتياعا ماڭگى ىلەسۋ“ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ شينجياڭ توڭكەرىستىك مادەني ەسكەرتكىشتەر كورمەسىن جوبالاپ وتكىزۋى باس شۋجي شي جينپيڭنىڭ ماڭىزدى سوزدەرىنىڭ رۋحىن جانە پارتيا ورتالىق كوميتەتىنىڭ بۇكىل پارتيادا پارتيا تاريحىن ۇيرەنۋ تاربيەسىن ورىستەتۋ جونىندەگى ورنالاستىرۋلارىن، تالاپتارىن دايەكتىلەندىرۋدىڭ، تياناقتاندىرۋدىڭ ماڭىزدى شاراسى، ول اۆتونوميالى رايوندىق پارتكومنىڭ توڭكەرىستىك مادەني ەسكەرتكىشتەردى قورعاۋدى جانە ونان پايدالانۋدى كۇشەيتۋدەگى وسكەلەڭ جاۋاپكەرشىلىگىن، پارتيا تاريحىن ۇيرەنۋ تاربيەسىن ىلگەرىلەتۋگە وسكەلەڭ ءمان بەرگەندىگىن تولىق ايگىلەدى، اۆتونوميالى رايوننىڭ مادەني ەسكەرتكىش قىزمەتكەرلەرىنىڭ قىزىل بايلىقتان ويداعىداي پايدالانىپ، قىزىل قان تامىردى جالعاستىرۋ جاۋاپكەرشىلىك سەزىمى مەن بورىشتىلىق سەزىمىن باتىل ارقالاعاندىعىن تولىق ايگىلەدى. كورمە پارتيانىڭ شينجياڭداعى شۇعىلالى بەلەسىن جاندى دا تىكە ايگىلەپ، وتانشىلدىق تاربيە مەن تاڭداۋلى ءداستۇر تاربيەسىن كۇشەيتۋدى ماڭىزدى بازامەن قامدادى.
بۇل كورمە ”تىڭنان تۇرەن سالۋ“، ”تۇبەگەيلى بۇرىلىس تۋدىرۋ“، ”جويقىن وزگەرىس اكەلۋ“، ”عالامات ىستەر تىندىرۋ“ سىندى 4 بولىكتەن قۇرالعان، كورمە سارايىندا ساقتالعان توڭكەرىستىك مادەني ەسكەرتكىشتەر، سونداي - اق سۋرەتتەر، تاريحي حۇجاتتار جانە اسىلگى قالپىنا كەلتىرىلگەن كورىنىستەر سياقتىلاردان 105 توبى كورمەگە قويىلعان، ورتالىق كوميتەت ۇگىت ءبولىمىنىڭ، مەملەكەتتىك مادەني ەسكەرتكىشتەر مەكەمەسىنىڭ ”جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ سارا تۋىندىلار كورمەسى“ تانىستىرۋ تىزىمدىگىنە ەنگەن.
